ໜ້າຫຼັກ ຂ່າວພາຍໃນ ຈີນທຸ່ມງົບ​ 1​ ຕື້ຢວນເພື່ອສຶກສາຄວາມເປັນໄປໄດ້ໂຄງການຟື້ນຟູປ່າໄມ້​ ຢູ່ເມືອງສະໜາມໄຊ

ຈີນທຸ່ມງົບ​ 1​ ຕື້ຢວນເພື່ອສຶກສາຄວາມເປັນໄປໄດ້ໂຄງການຟື້ນຟູປ່າໄມ້​ ຢູ່ເມືອງສະໜາມໄຊ

2 ຄົນ ກຳລັງອ່ານຢູ່
0
0
453
Loading...

ໃນວັນທີ 7 ເມສາ 2021 ບໍລິສັດ​ເອກະຊົນ​ຈີນ​ ໄດ້ເຊັນບົດບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ໂຄງການຟື້ນຟູປ່າໄມ້ ແລະ ພັດທະນາລະບົບນິເວດກະສິກຳທັນສະໄໝຄົບວົງຈອນຢູ່ເມືອງສະໜາມໄຊ, ແຂວງອັດຕະປື ໃນເນື້ອທີ່ 5.000 ເຮັກຕາ ຕາມໃບມອບສິດຂອງທ່ານນາຍົກລັດຖະມົນຕີແຫ່ງ ສປປ ລາວ ສະບັບເລກທີ 58/ນຍ ລົງວັນທີ 30 ມີນາ 2021 ມອບສິດໃຫ້ທ່ານ​ ສອນໄຊ​ ສີພັນດອນ​ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ເປັນຜູ້ຕາງໜ້າໃຫ້ແກ່ລັດຖະບານເຊັນສັນຍາໃນຄັ້ງນີ້ ຕາງໜ້າໂດຍ ທ່ານ ນາງ ຄຳຈັນ ວົງແສງບຸນ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ Xie Fei ປະທານບໍລິສັດ ເຈ່ຍລັນ ພັດທະນາກະສິກຳ ຈຳກັດ ແລະ ເຂົ້າຮ່ວມ​ ແລະ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ໄຊນະຄອນ ອິນທະວົງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ເລັດ ໄຊຍະພອນ ເຈົ້າແຂວງໆອັດຕະປື ພ້ອມດ້ວຍຫົວໜ້າຫ້ອງວ່າການ, ຫົວໜ້າພະແນກແຜນການ ແລະ ການລົງທຶນແຂວງອັດຕະປື ພາກສ່ວນທີ່ກ່ຽວທັງຝ່າຍລັດຖະບານລາວ ແລະ ຝ່າຍຜູ້ລົງທຶນ ສປ ຈີນ

ການຮ່ວມມືໃນຄັ້ງນີ້ ຖືເປັນຂໍລິເລີ່ມ ໜຶ່ງແລວ ໜຶ່ງເສັ້ນທາງ ທີ່ຈະເກີດໝາກຜົນທີ່ສຸດໃນ ການຮ່ວມມືລະຫວ່າງລາວ-ຈີນ, ເປັນໂຄງການຮ່ວມມືດ້ານກະສິກຳທີ່ທັນສະໄໝ ຈຳນວນ 5.000 ເຮັກຕາໃນ ສປປ ລາວ ລົງທຶນ ແລະ ກໍ່ສ້າງລວມມີປະມານ 800 ລ້ານຢວນ ເຖິງ 1 ຕື້ຢວນ ແລະ ເປັນການດຶງດູດສາຍຕາຫຼາຍໃນການຮ່ວມມືດ້ານກະສິກໍາ ຈີນ – ລາວ.
ຫຼັງຈາກໂຄງການດັ່ງກ່າວໄດ້ຮັບການຈັດຕັ້ງປະຕິບັດຢ່າງເຕັມສ່ວນທາງບໍລິສັດຈະສາມາດສ້າງວຽກເຮັດງານທຳໃຫ້ປະຊາຊົນ ປະມານ 50.000 ຫາ 60.000 ຄົນ ເຊິ່ງມັນຈະບໍ່ພຽງແຕ່ກະຕຸ້ນການພັດທະນາເສດຖະກິດຂອງທ້ອງຖິ່ນໄດ້ເທົ່ານັ້ນ, ແຕ່ຈະຍັງມີບົດບາດໃນທາງບວກຕໍ່ການປັບປຸງຊີວິດການເປັນຢູ່ຂອງປະຊາຊົນທ້ອງຖິ່ນໃຫ້ດີຂຶ້ນເທື່ອລະກ້າວ.​

ທີ່ມາ: ຂ່າວເສດຖະກິດການຄ້າ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ອຸບັດເຫດ​ເສຍຊີວິດ​ ​30​ ຄົນ​ໄລຍະປີໃໝ່

ອີງຕາມການລາຍງານຂອງເຈົ້າໜ້າທີ່ຈະລາຈອນໃຫ້ຮູ້ວ່າ: ໃນໄລຍະ 3 ວັນ ຂອງການສະຫຼອງບຸນປີໃໝ່ລາວ ພສ 256…