ໜ້າຫຼັກ ຂ່າວເດັ່ນ ເຮົາຄວນສ້າງວິທີທີ່ປອດໄພ​ ໃນການບໍລິຈາກເຄື່ອງໄລຍະໂຄວິດ

ເຮົາຄວນສ້າງວິທີທີ່ປອດໄພ​ ໃນການບໍລິຈາກເຄື່ອງໄລຍະໂຄວິດ

1 ຄົນ ກຳລັງອ່ານຢູ່
0
0
104
Loading...

ການບໍລິຈາກເຄື່ອງຊ່ວຍເຫຼືອຂອງຜູ້ໃຈບຸນຕໍ່ຜູ້ທີ່ບໍ່ມີອັນຈະກິນ ນັ້ນເປັນສິ່ງທີ່ຄວນຍົກຍ້ອງເຊີດຊູໃຫ້ເປັນບຸກຄົນດີເດັ່ນ ເຊິ່ງບໍ່ໄດ້ມີຫຼາຍຄົນ ແຕ່ສັງຄົມເຮົາກໍຍັງມີໃຫ້ເຫັນໃນຍາມຍາກ.

ໃນໄລຍະຜ່ານມາ ຕັ້ງແຕ່ມີການລະບາດຄັ້ງໃຫຍ່ໃນປະເທດລາວ​ ລັດຖະບານສັ່ງໃຫ້ລັອກດາວຢູ່ເຮືອນ​ຈາກ​ 14​ ວັນແລ້ວໄປ ຕໍ່ອີກ​ 15​ ວັນ​ ພ້ອມທັງ ໂຈະຫຼາຍກິດຈະການ,​ ທຸລະກິດໄດ້ຮັບຜົນກະທົບ,​ ແຮງງານຂາດລາຍໄດ້​ ອັເປັນເຫດໃຫ້ບາງຄົນໝົດເງິນຊື້ຢູ່ຊື້ກິນ​ ເງິນ20ພັນກີບສຸດທ້າຍ ຍາມແນມເຫັນໜ້າລູກເມຍແລ້ວ ຫ້າມນໍ້າໃຈໄວ້ບໍ່ຢູ່​ ເຊິ່ງບາງຄົນອາດມອງວ່າເປັນໄປໄດ້ແນວໃດ ແຕ່ສະພາບການລ້ານເມືອງເຮົາມັນມີແນວນັ້ນແທ້.
ເຖິງແມ່ນວ່າສະພາບການຈະຫຍຸ້ງຍາກເຖິງຂັ້ນວິກິດ ແຕ່ກໍຍັງມີຄົນໃຈບຸນທີ່ບໍ່ຖືເອົາວິກິດນີ້ກອບໂກຍ​ແບບເຫັນແກ່ໂຕແຕ່ຢ່າງໃດ​ ໂດຍສະເພາະຫຼາຍໆທ່ານທີ່ມີທຸລະກິດຫ້ອງແຖວກໍຍົກເວັ້ນຄ່າເຊົ່າ ໃຫ້ຜູ້ຢູ່ອາໄສ,​ ບາງຄົນບໍ່ໄດ້ໃຫ້ຢູາຟຣີກໍຫຼຸດ​ເຄິ່ງໜຶ່ງ​ ແຖມຍັງແຈກເຄື່ອງຢູ່ຂອງກິນໃຫ້ເຂົາອີກ.
ນອກຈາກທີ່ປາກົດໃຫ້ເຫັນເລື່ອງນະໂຍບາຍຕໍ່ຜູ້ຢູ່ຫ້ອງແຖວແລ້ວເຮົາຍັງມັກພົບເຫັນຜ່ານມູນນິທິ ແລະສ່ວນບຸກຄົນທີ່ແຈກເຂົ້າປາອາຫານແຫ້ງຊ່ວຍບັນເທົາທຸກຜູ້ຂາດເຂີນ ເປັນຈຳນວນຫຼວງຫຼາຍ.
ແຕ່ເຖິງຢ່າງໃດກໍຕາມ​ ໃນໄລຍະຜ່ານມາການແຈກເຄື່ອງຂ​ອງນັ້ນຍັງມີລັກສະນະທີ່ເອື້ອຍອຳນວຍຕໍ່ການແພ່ລະບາດເຊື້ອໂຄວິດ-19​ ສົມມຸດວ່າຖ້າຫາກຜູ້ມີໃດຜູ້ໜຶ່ງມີເຊື້ອໂຄວິດ ອາດມີຄວາມສ່ຽງສູງໃນການແພ່ເຊື້ອໃສ່ຜູ້ອື່ນໄດ້.
ເຮົາມາຄິດຫາວິທີນຳກັນວ່າຄວນເຮັດແນວໃດເພື່ອໃຜ້ຜູ້ໃຫ້ ແລະ​ຜູ້ຮັບໄດ້ອານິສົງພ້ອມກັນ​ ເຊິ່​ງສຳລັບຂ້າພະເຈົ້າແລ້ວມີວິທີແນະນຳວ່າ:
1.ເປັນໄປໄດ້ບໍ່ທີ່ເຮົາຈະປະກາດລົງເຟສແລ້ວແຈ້ງໃຫ້ຜູ້ມາຮັບດ້ວຍຄວາມຈຳເປັນອີ່ຫຼີ ແລ້ວຈັດສະຖານທີ່ຮອງຮັບໄວ້ບໍ່ໃຫ້ແອອັດ ໂດຍກຳນົດໂມງກວ້າງໆໄວ້ເພື່ອບໍ່ໃຫ້ຟ້າວຟັ່ງ.
2.ເປັນໄປໄດ້ບໍ່ຈະປະສານກັບພາກສ່ວນອື່ນໆ​ເຊັ່ນ​ ມູນນິທິ,​ ໂຮງຮຽນ​ ເພື່ອຂໍຄວາມຊ່ວຍເຫຼືອ​ ແລະອຳນວຍຄວາມສະດວກດ້ານສະຖານທີ່.
3.ເປັນໄປໄດ້ບໍ່ທີ່ເຮົາຈະເອົາເຄື່ອງແຈກໄປໄວ້ຕາມມິນິມາກ​ ຫຼື​ ພື້ນທີ່ສາທາລະນະ,​ ໜ້າ​ຫໍພັກ​ ທີ່ມີນັກຮຽນນັກສຶກສາອາໄສ ແລ້ວແຈກໃຫ້ຄົນທີ່ຈຳເປັນ.​
ຖ້າຫາກເຮົາສາມາດເຮັດໄດ້ກໍຈະເປັນຜົນດີຕໍ່ຜູ້ໃຫ້​ ແລະ​ຜູ້ຮັບ,​ ໃຫ້ຮັບໄດ້ຂອງກິນແລ້ວຂອບໃຈ ຜູ້ໃຫ້ມອບແລ້ວໄດ້ຮອຍຍິ້ມ ແລະຄວາມສຸກ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

ລາວພົບຜູ້ຕິດເຊື້ອສະສົມ​ເກືອບທະລຸ 2​ ພັນຄົນ​ຍັງແຕ່​10​ ຄົນເທົ່ານັ້ນ​ ຍັງມີໂອກາດລະບາດຕື່ມ

ອີງຕາມການຖະແຫຼງຂ່າວຫຼ້າສຸດວັນທີ 12​ ມິຖຸນາ​ 2021​ ໃຫ້ຮູ້ວ່າ: 1​ ວັນຜ່ານມາ​ພົບຜູ້ຕິດເຊື້ອໃໝ…