ໜ້າຫຼັກ ຂ່າວພາຍໃນ ການຫຼອກລວງໃນຮູບແບບຕົວະຂາຍເຂົ້າປຸ້ນຍັງມີຢູ່

ການຫຼອກລວງໃນຮູບແບບຕົວະຂາຍເຂົ້າປຸ້ນຍັງມີຢູ່

0 ຄົນ ກຳລັງອ່ານຢູ່
0
0
60
Loading...

ປາກົດການສັງຄົມລາວເຮົາທຸກມື້ນີ້ມີແຕ່ແນວແປກປະຫຼາດຕ່າງອອກໄປ,​ ການຫຼອກລວງກໍມີວິທີການຫຼາກຫຼາຍ ແລະ​ ຊັບຊ້ອນຂຶ້ນເລື້ອຍໆ ທັງຍີ້ກໍອາດເກີດມາຈາກບາງກຸ່ມຄົນການເຫັນຈຸດອ່ອນຄົນລາວໃນການຊື້ຂາຍ,​ ຈ່າຍໃຫ້ກ່ອນ ແລະ​ ເອື້ອອາລີເຫັນອົກເຫັນໃຈຄົນຊື້ຄົນຂາຍ ເພື່ອປາກທ້ອງຍາມເຂົ້າຍາກໝາກແພງເຊັ່ນນີ້.

ລັກສະນະຂອງນັກຕົ້ມຕຸ໋ນ ຫຼື​ ຫຼອກລວງທຸກມື້ນີ້ຫັນມາເກັບຫ້າເກັບສິບບໍ່ເອົາໃຫ້ຄົນອື່ນໝົດໂຕແຕ່ຂະຫຍາຍຕານ່າງອອກໄປຫຼາຍ​ ຕົວຢ່າງ​ ຕົວະຜູ້​ພຽງ​10-20​ ພັນກີບ​ ແຕ່ຕົວະ ຮ້ອຍຄົນພັນຄົນ​ ລາຍໄດ້ກໍມະຫາສານເຊັ່ນກັນ.

ເມື່ອຫຼາຍເດືອນກ່ອນມີສັງຄົມທ້ວງວ່າມີຄົນເອົາປຸ້ນມາຂາຍໃຫ້ ໂດຍບອກວ່າມີຄົນສັ່ງ ທັ້ງທີ່ຜູ້ຮັບບໍ່ຮູ້ເລື່ອງ ບາງຄົນກໍຈ່າຍໆໄປເພາະຄິດວ່າບໍ່ແພງ ແຕ່ບາງຄົນເຂົາກໍບໍ່ກ້າຈ່າຍ.

ຫຼ້າສຸດ​ວັນທີ​ 13​ ພຶດສະພາ​ 2021​ນີ້​ ມີຜູ້ໃຊ້ເຟສບຸກທ່ານໜຶ່ງໂພສເຖິງພຶດຕິກຳຂອງກຸ່ມຄົນເຫຼົ່ານີ້ວ່າ: ພວກເຂົາເອົາເຂົ້າປຸ້ນມາສົ່ງ ໂດຍບອກວ່າຫົວໜ້າເປັນຄົນສັ່ງ ໃຫ້ຈ່າຍເງິນໃຫ້ກ່ອນ ແຕ່ລາວເອງບໍ່ໄດ້ໃຫ້ ຈຶ່ງໄດ້ນຳມາບອກເຕືອນຄົນອື່ນ.


ພຶດຕິກຳເຫຼົ່ານີ້ເອີ້ນວ່າ “ຍັດຂອງຮຽກຄ່າໄຖ່”​ ໂດຍທີ່ຜູ້ຊື້ບໍ່ໄດ້ສັ່ງ​ ສ້າງຄວາມສັບສົນໃຫ້ສັງຄົມ, ສ້າງຄວາມເສຍຫາຍຜູ້ຄ້າຂາຍແບບບໍລິສຸດ,​ ສ້າງຄວາມເສຍກຳລັງໃຈຕໍ່ຜູ້ຊື້ທີ່ເຫັນໃຈຄົນທຳມາຫາກິນ ແລະ​ອື່ນໆ.

ດັ່ງນັ້ນ,​ ຈຶ່ງຂໍຝາກເຖິງເຈົ້າໜ້າທີ່ກ່ຽວຂ້ອງ ໃນການແກ້ໄຂປາກົດການຫຍໍ້ທໍ້ອັນນີ້ໃຫ້ປາກົດຜົນເປັນຈິງ,​ ນຳເອົາບຸກຄົນທີ່ມີພຶດຕິກຳຫຼອກລວງຄົນອື່ນມາສຶກສາອົບຮົມ ໃຫ້ຮູ້ເຖິງຜົນເສຍຫາຍ ເພາະການກະທຳດັ່ງກ່າວເປັນການຫາກິນໄດ້ບໍ່ດົນ ແລະ​ ຢາກຝາກເຖິງບຸກຄົນເຫຼົ່ານັ້ນວ່າ​ ​”ຊື່ກິນບໍ່ໝົດ ຄົດກິນບໍ່ດົນ”​

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

ຂ່າວເດັ່ນທີ່ຢາກໃຫ້ອ່ານ

5 ເດືອນຕົ້ນປີນີ້​ ປະເທດລາວມີລາຍຮັບທາງການເງິນ 920 ລ້ານໂດລາສະຫະລັດ

ອີງຕາມຂ່າວໜັງສືພິມເສດຖະກິດສັງຄົມຂອງລາວລາຍງານເມື່ອບໍ່ດົນມານີ້ໃຫ້ວ່າ: ໃນ 5 ເດືອນຕົ້ນປີນີ້, ລ…