ອີງຕາມການລາຍງານຂອງໜັງສືພິມວຽງຈັນທາຍໃຫ້ຮູ້ວ່າ: ທ່ານ ພັນໂທ ໄພຈິດ ໄຊຍະເດດ ຮອງຫ້ອງຕຳຫຼວດ ປກສ ແຂວງຈຳປາສັກ ໃຫ້ສຳພາດກັບນັກຂ່າວ ໜັງສືພິມວຽງຈັນທາຍ ໃນຕອນບ່າຍຂອງມື້ນີ້ 17 ກັນຍານີ້ ວ່າພາຍຫຼັງທີ່ເຈົ້າໜ້າໄດ້ມີການສືບສວນ-ສອບສວນ ນາງ ຮວາຍເຮືອງ ໄຊຍະບູລີ (ໝວຍ), ອາຍຸ 30 ປີ ອາຊີບຄ້າຂາຍ ຢູ່ ບ້ານສະເຫຼົ້າ ເມືອງໂພນທອງ ແຂວງຈຳປາສັກ ເຊິ່ງຜູ້ກ່ຽວໄດ້ຖືກກັກຕົວ ໃນວັນທີ 12 ກັນຍາ ທີ່ຜ່ານມານັ້ນ, ນາງໝວຍ ໄດ້ຮັບສາລະພາບຕໍ່ການກະທຳທີ່ຜິດກົດໝາຍ ແລະ ຍັງໄດ້ຂໍ້ມູນທີ່ສຳຄັນຈາກຜູ້ກ່ຽວທີ່ມີການພົວພັນກັບບັນດາກຸ່ມຄົນບໍ່ດີທີ່ຢູ່ທັງພາຍໃນ ແລະ ຕ່າງປະເທດ. ທ່ານ ພັນໂທ ໄພຈິດ ອະທິບາຍວ່າ: ໃນເດືອນມີຖຸນາ ປີ 2018 ນາງ ໝວຍ ໄດ້ມີການຖ່າຍທອດສົດຜ່ານ ເຟສບຸກ ຂອງຜູ້ກ່ຽວ ແລະ ໄດ້ເວົ້້າໃສ່ຮ້າຍປ້າຍສີຕໍ່ຕ້ານລັດຖະບານລາວ, ສະນັ້ນ ທາງເຈົ້າໜ້າທີ່ຂອງພວກເຮົາກໍ່ໄດ້ເຊີນຜູ້ກ່ຽວມາຊີ້ແຈງ ແລະ ກ່າວເຕືອນສຶກສາອົບຮົມ ບໍ່ໃຫ້ມີພຶດຕິກຳ ດັ່ງກ່າວອີກ. ຈາກນັ້ນ, ໃນອາທິດ ທີ່ຜ່ານມາ …

ສືບເນື່ອງຈາກການຈັບກຸມ ທ້າວ ຣັດຊະພູມ ສຸດຫຼ້າ ອາຍຸ 41 ປີ ເຊິ່ງເປັນຜົວຂອງ ເຈ້ນາງ ເຈົ້າຂອງຮ້ານຂາຍຄຳພໍໃຈ ຜູ້ມີຊື່ສຽງໃນສື່ອອນລາຍຂອງລາວ ໃນຂໍ້ຫາຟອກເງິນ ເຄືອຂ່າຍຢາເສບຕິດຟອກເງິນກວ່າ 200 ລ້ານບາດ ເຊິ່ງຜູ້ກ່ຽວໄດ້ປະຕິເສດແລະອ້າງວ່າໂຕເອງມີທຸລະກິດຮ້ານຂາຍຄຳໃນ ສປປ ລາວ. ການຈັບກຸມແມ່ນເກີດຂຶ້ນໃນເວລາ 10 ໂມງເຊົ້າ ຂອງວັນທີ 19 ກັນຍາ 2019 ທີ່ຈັງຫວັດມຸກດາຫານ ພ້ອມຂອງກາງເປັນເງິນສົດ 50 ລ້ານກີບ ແລະເງິນບາດໄທ 1.5 ລ້ານບາດ, ບັນຊີທະນາຄານ 4 ຫົວ, ບັດເອທີເອັມ, ລົດກະບະສີ່ປະຕູ, ສາຍສ້ອຍຄຳໜັກ 5 ບາດ, ແຫວນເພັດ 1.8 ກະລັດ ແລະຊັບສິນອື່ນໆ ລວມທັງໝົດ 24 ລາຍການ. ຕໍ່ເຫດການດັ່ງກ່າວ, ຕົກມາຕອນແລງຂອງວັນດຽວກັນ ເຈ້ນາງພໍໃຈ ໄດ້ໂພສເຟສບຸກ ຊີ້ແຈງວ່າ ຜົວຂອງຕົນນັ້ນບໍ່ແມ່ນຜູ້ຕ້ອງຫາ ແຕ່ເປັນພຽງຜູ້ຖືກກ່າວຫາທໍ່ນັ້ນ ດັ່ງຂໍ້ຄວາມລະອຽດດັ່ງນີ້: ຂໍຊີ້ແຈງປະເດັນສາມີເຈ້າຖືກກັກໂຕຢູ່ໄທ ປັດຈຸບັນສາມີເຈ້ຖືກກ່າວຫາ (ບໍ່ແມ່ນຜູ້ຕ້ອງຫາ)ວ່າມີສ່ວນຮ່ວມຂະບວນການ… ຄືຕ້ອງເຂົ້າໃຈກ່ອນວ່າ ຕອນນີ້ຕຳຫຼວດກຳລັງສືບສວນຢູ່ …

ວັນທີ 13 ກັນຍາ 2019 ເຟສບຸກທ່ານ ສັງຂານ ພະຈັນທະວົງ ຫຼື ທິດສີ ນັກການຕະຫຼາດຊື່ດັງຂອງລາວ ໄດ້ໂພສຮູບນາງ ໝວຍ ແລະໃບລາຍການ ການຈັບກຸມຂອງພະແນກສືບສວນ-ສອບສວນ ຫ້ອງຕຳຫຼວດແຂວງຈຳປາສັກ ວ່າດ້ວຍເລື່ອງ ລາຍງານຄະດີການເຄື່ອນໄຫວໂຄສະນາ ຕ້ານ ສປປ ລາວ. ໃນໂພສດັັ່ງກ່າວ, ໄດ້ມີຜູ້ໃຫ້ຄວາມສົນໃນປະກອບຄຳເຫັນ ແລະແຊຕໍ່ຢ່າງຫຼວງຫຼາຍ ເຊິ່ງຜູ້ຄົນສ່ວນໜຶ່ງຍັງສົງໄສວ່າຂ່າວການຈັບກຸມດັ່ງກ່າວ ເປັນເລື່ອງຈິງຫຼືບໍ່? ໃນຂະນະທີ່ເມື່ອວັນທີ 12 ກັນຍາ 2019 ໜ້າເຟສບຸກຂອງ ນາງ ໝວຍ ໄດ້ໂພສຂໍ້ຄວາມວ່າ: “ຂ້ອຍນັ່ງກິນເຂົ້າຢູ່ມິດຕະພາບ ຕອນນີ້ເຈົ້າໜ້າທີ່ມາເຊີນໄປ ມີຫຍັງກະຄ່ອຍວ່າກັນ” ເປັນຂໍ້ຄວາມສຸດທ້າຍ ກ່ອນຈະງຽບຫາຍໄປແລະໄດ້ຂ່າວວ່າຖືກຈັບ. ນາງ ໝວຍ ເປັນທີ່ຮູ້ຈັກໃນໂຊຊ່ຽວເນັດເວີກ ຫຼື ເຟສບຸກ ຍ້ອນຜູ້ກ່ຽວອອກມາເວົ້າວ່າ ໂຕເອງຖືກພະນັກງານບຳນານທ່ານໜຶ່ງ ຫຼອກໃຫ້ຈ່າຍເງິນເພື່ອຈະໃຫ້ນ້ອງໄດ້ເຂົ້າຮຽນຕຳຫຼວດ. ແລະຫຼັງຈາກນັ້ນເປັນຕົ້ນມາຜູ້ກ່ຽວໄດ້ອອກຄຳເຫັນຕຳໜິວິຈານສັງຄົມໃນສິ່ງທີ່ຜູ້ກ່ຽວເຫັນວ່າບໍ່ຍຸດຕິທຳແລະອື່ນໆ ຢູ່ເລື້ອຍໆ ຈົນມາມິດໄປເມື່ອຕອນບ່າຍຂອງວັນທີ 12 ກັນຍາ 2019 ທີ່ຜ່ານມາ ແລະມີຂ່າວວ່າຖືກຈັບຕາມມາ.