ເນື່ອງໃນໂອກາດ ທ່ານ ໂມເຕງິ ໂທຊິມິດຊຶ (MOTEGI Toshimitsu), ລັດຖະມົນຕີຕ່າງປະເທດຍີ່ປຸ່ນ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ສປປ ລາວ ໃນວັນທີ 23 ສິງຫາ 2020 ຜ່ານມາ ທ່ານ ໂມເຕງິ ໂທຊິມິດຊຶ ໄດ້ພົບປະສອງຝ່າຍລະຫວ່າງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ເຊິ່ງພາຍຫຼັງກອງປະຊຸມພົບປະສອງຝ່າຍ ໄດ້ມີພິທີລົງນາມເອກະສານແລກປ່ຽນ 2 ໂຄງການ ຄື: 1) ໂຄງການປັບປຸງວິທະຍາໄລສ້າງຄູ ໃຫ້ແກ່ ສປປ ລາວ ມູນຄ່າ 1.922 ລ້ານເຢັນ ຫຼື ປະມານ 18 ລ້ານໂດລາສະຫະລັດ. 2) ໂຄງການຊ່ວຍເຫຼືອລົດເມ, ອາໄຫລ່ ແລະ ອຸປະກອນສຳລັບສ້ອມແປງລົດເມ ມູນຄ່າ 500 ລ້ານເຢັນ ຫຼື ປະມານ 4,6 ລ້ານໂດລາ.​ ນອກ​ຈາກນັ້ນ,​ໄດ້ມີພິທີມອບ-ຮັບ ອຸປະກອນການແພດຈຳນວນໜຶ່ງ ຂອງໂຄງການຊ່ວຍເຫຼືອອຸປະກອນການແພດໃຫ້ແກ່ ສປປ …

ຂ່າວຈາກແຂວງບໍລິຄຳໄຊ ໃຫ້ຮູ້ວ່າ: ໃນວັນທີ 21 ສິງຫາ ນີ້, ຢູ່ຫ້ອງວ່າການແຂວງບໍລິຄຳໄຊ, ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ໄດ້ນຳເອົາເຄື່ອງອຸປະໂພກ-ບໍລິໂພກຈຳນວນໜຶ່ງມາມອບໃຫ້ແກ່ ແຂວງບໍລິຄຳໄຊ ເພື່ອນຳໄປແຈກຢາຍຊ່ວຍເຫຼືອບັນເທົາທຸກໃຫ້ແກ່ພໍ່ແມ່ປະຊາຊົນຜູ້ທີ່ປະສົບໄພນໍ້າຖ້ວມຢູແຂວງບໍລິຄຳໄຊ ເຊິ່ງຕາງໜ້າຮັບໂດຍ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ. ເຄື່ອງທີ່ນຳມາມອບໃນຄັ້ງນີ້ ປະກອບມີ: ເຂົ້າສານໜຽວ 1.300 ກິໂລ, ນໍ້າດື່ມຕຸກນ້ອຍ 100 ແພັກ, ໝີ່ສຳເລັດຮູບ 30 ແກັດ, ນໍ້າປາ 7 ແກັດ, ປ໋ອງປາ 10 ແກັດ ແລະ ເກືອ 30 ຖົງ ລວມມູນຄ່າ 46 ລ້ານກວ່າກີບ. ຂ່າວ: ຂປລ

ສະຫະພາບເອີຣົບປະຈຳ ສປປ ລາວ ຮ່ວມກັບ ອົງການ ແພຣນ ປະຈຳລາວ, ສະມາ ຄົມສຸຂະພາບຊຸມຊົນ ແລະ ການມີສ່ວນ (CHIAS) ແລະ ສະມາຄົມພັດທະນາກະສິກຳ ແລະ ສິ່ງແວດ ລ້ອມແບບຢືນຢົງ (SAEDA) ຈັດຕັ້ງປະຕິບັດໂຄງການປ້ອງກັນ ແລະ ຫລຸດຜ່ອນຄວາມສ່ຽງ ພະຍາດໂຄວິດ-19 ໃນ ສປປ ລາວ ເພື່ອໂຕ້ຕອບການລະບາດຂອງພະຍາດດັ່ງກ່າວ, ໂດຍເນັ້ນໃສ່ກຸ່ມເປົ້າໝາຍ ທີ່ໄດ້ຮັບຜົນກະທົບທາງສຸຂະພາບ, ເສດຖະກິດ-ສັງຄົມ ໂດຍສະເພາະຊຸມຊົນທ້ອງຖິ່ນຢູ່ເຂດຊົນນະບົດຫ່າງໄກສອກຫລີກ, ໂດຍການສະໜອງທຶນຂອງສະຫະພາບເອີຣົບມູນຄ່າ 2,5 ລ້ານ ເອີໂຣ. ພິທີເປີດໂຄງການດັ່ງກ່າວ, ໄດ້ຈັດຂຶ້ນ ໃນວັນທີ 18 ສິງຫາ 2020 ທີ່ນະຄອນຫລງວຽງຈັນ, ໂດຍ ທ່ານ ໄບຣອັນ ອຸປະທູດ ອີຢູປະຈຳລາວ ກ່າວວ່າ: ໂຄງການດັ່ງກ່າວ, ເປັນສ່ວນໜຶ່ງໃນການສະໜັບສະໜູນລັດຖະບານລາວ ໃນການຕອບໂຕ້ການລະບາດຂອງພະຍາດໂຄວິດ-19 ແນໃສ່ຫລຸດ ຜ່ອນຄວາມສ່ຽງ, ຜົນກະທົບທາງເສດຖະກິດ-ສັງຄົມ ແລະ ສຸຂະພາບ ຂອງປະຊາຊົນລາວບັນດາເຜົ່າ ຈາກການລະບາດຂອງໂຄວິດ-19. ທ່ານ ນາງ ຈັນສີ …

ກອງ​ທຶນ​ຮ່ວມ​ມື​ສາກົນ ເພື່ອ​ການ​ສຶກສາ (GPE) ມອບ​ເງິນ​ສະໜັບສະໜູນ ຈໍາ​ນວນ 7 ລ້ານ​ໂດ​ລາ​ ໂດຍ​ຜ່ານ​ອົງການ​ອຸຍນີເຊັບ ໃຫ້​ກະຊວງ​ສຶກສາ​ທິ​ການ ແລະ ກິລາ ເພື່ອ​ສະໜັບສະ​ໜູນ​ວຽກ​ງານ​ສຶກສາ ໃນ​ການ​ຕອບ​ໂຕ້ ແລະ ຫຼຸດຜ່ອນ​ຜົນ​ກະທົບຈາກ​ການ​ລະບາດ​ຂອງ ພະຍາດ​ໂຄ​ວິດ-19 ແນໃສ່​ເຮັດ​ໃຫ້​ນັກຮຽນໄດ້​ກັບ​ມາ​ຮຽນ​ຄືນ ຢ່າງ​ປອດ​ໄພ ໃນ​ເດືອນ​ກັນຍາ​ນີ້. ທ່ານນາງ ແສງ​ເດືອນ ຫຼ້າ​ຈັນທະ​ບູນ ​ລັດຖະມົນຕີ ກະຊວງ​ສຶກສາ​ທິ​ການ ແລະ ກິລາ ໄດ້​ກ່າວ​ວ່າ: ການ​ຊ່ວຍ ເຫຼືອ​​ໃນ​ຄັ້ງ​ນີ້, ຈະ​ຊ່ວຍ​ໃຫ້ ລັດ ຖະບານລາວຕອບ​ໂຕ້​ຕໍ່ການ ລະບາດຂອງ​ພະຍາດ​ໂຄວິດ-19 ໂດຍ​ສະເພາະໃນ​ເວລາ​ທີ່​ນັກຮຽນ​ກຽມ​ຕົວເຂົ້າ​ຮຽນ​ໃນ​ສົກຮຽນໃໝ່ ຊຶ່ງການ​ຊ່ວຍເຫຼືອ​ຄັ້ງ​ນີ້ ຈະ​ສະໜັບສະໜູນຫຼາຍ​ກິດຈະກຳ​ທີ່​ແຕກ​ຕ່າງ​ກັນເຊັ່ນ: ຈັດ​ສະ​ໜອງ​ນ້ຳ​ສະອາດ, ສະບູ ແລະ ບ່ອນ​ລ້າງ​ມື​ໃນ​ໂຮງຮຽນ​ໂດຍ​ສະເພາະ​ໃນ​ເຂດ ທີ່​ມີ​ຄວາມ​ສ່ຽງ​ສູງ, ສືບຕໍ່​ເຜີຍແຜ່​ຂໍ້​ມູນ​ຂ່າວສານກ່ຽວ​ກັບ​ມາດ​ຕະການ ການ​ປ້ອງ​ກັນ​ລ່ວງ​ໜ້າ, ພິມ​ປຶ້ມ​ແບບຮຽນ​ຄືນໃໝ່ ແລະ ສະໜອງ​ອຸປະກອນ​ການ​ຮຽນ​ໃຫ້​ນັກຮຽນ​ພ້ອມ​ທັງ​ອຸປະກອນ​ການ​ສິດສອນ, ເພີ່ມ​ທະວີ​ຊ່ອງ​ທາງ​ດ້ານ​ສຶກສາ ທີ່​ເປັນ​ທາງ​ເລືອກ​ອື່ນ ເຊັ່ນ: ຮຽນ​ຜ່ານ​ທາງ​ອອນ​ລາຍ ແລະ ການ​ຜະລິດ​ລາຍການດ້ານ​ການ​ສຶກສາ ໂດຍຜ່ານ​ໂທລະພາບ ແລະ ວິ ທະຍຸ, ສ້າງ​ຂີດ​ຄວາມ​ສາມາດ​ຂອງ​ຄູ​-​ອາຈານ ແລະ ຜູ້​ປົກຄອງ​ນັກຮຽນ ໃຫ້​ມີ​ທັກ​ສະ​ທີ່​ຈໍາ​ເປັນ …

​ແອ​ນ້ອຍ​ນິ​ພົນ ໜຶ່ງ​ສິນ​ລະ​ປິນ​ນັກ​ຮ້ອງ​ທີ່​ມີ​ຜົນ​ງານຫຼາ​ຫຫຼຍ​ເພງ ແລະ ເປັນ​ທີ່​ຮູ້​ຈັກ​ດີ ສຳ​ລັບ​ໃຜ​ທີ່​ຢູ່​ໃນ​ວົງ​ການ​ບັນ​ເທີງ ແລະ ມັກ​ຮ້ອງ​ເພງ ແອນ້ອຍ ນິພົນ ນັກຮ້ອງຄູ່ຂວັນກັບ ຕ໋ອຍ ນິພົນ ເຈົ້າຂອງຜົນງານເພງດັງຫຼາກຫຼາຍລະດັບຕໍານານຫຼາຍ ແລະ ຍັງມີເພງທີ່ໂດງດັງມາຮອດປັດຈຸບັນຄື ເພງ ຕ່າງຄົນຕ່າງຊໍ້າ… ແຕ່ກໍດົນເຕີບແລ້ວທີ່ແຟນເພງບໍ່ໄດ້ເຫັນຜົນງານຂອງ ອາຈານ ແອນ້ອຍ ຄິດວ່າເພິ່ນອາດຈະອໍາລາເບື້ອງໜ້າ ຫັນໄປສູ່ເບື້ອງຫຼັງແລ້ວ!!! ແຕ່ກັບກາຍມາເປັນກະແສຊ໋ອກວົງການ ເມື່ອນັກຮ້ອງສາວຊື່ດັງ ເມກຂະຫລາ ສະບາພອນ ໄດ້ອອກມາໂພສໃນຕອນເຊົ້າຂອງມື້ນີ້ວ່າ ອາຈານ ແອນ້ອຍ ນິພົນ ປ່ວຍເປັນມະເຮັງທໍ່ໍນໍ້າບີ ກໍາລັງປິ່ນປົວຕົນເອງຢູ່ ແຕ່ຂາດກໍາລັງຊັບ ຈຶ່ງໄດ້ຈັດງານຄອນເສີດເພື່ອເປັນການລະດົມທຶນຊ່ວຍເຫຼືອ….

ວັນທີ 15 ກໍລະກົດ, ສຈ. ປອ ຫງວຽນແທງລອງ, ຜູ້ຮັກສາການລັດຖະມົນຕີກະຊວງສາທາລະນະສຸກຫວຽດນາມ ໄດ້ມອບຜ້າອັດປາກ-ອັດດັງ ໃຫ້ແກ່ກະຊວງສາທາລະນະສຸກລາວ ຈຳນວນ 200.000 ອັນ ເພື່ອໜູນຊ່ວຍປະເທດເພື່ອນມິດໃນວຽກງານປ້ອງກັນ, ຕ້ານພະຍາດໂຄວິດ-19. ກ່າວຄໍາເຫັນທີ່ພິທີ, ສຈ. ປອ ຫງວຽນແທງລອງ ເນັ້ນໜັກວ່າ ສອງປະເທດຫວຽດນາມ-ລາວ ມີສາຍພົວພັນແບບພິເສດໃນຫຼາຍປີຜ່ານມາ. ເມື່ອເກີດພະຍາດໂຄວິດ-19, ລັດຖະບານສອງປະເທດໄດ້ມີການສົມທົບກັນຢ່າງແໜ້ນແຟ້ນ. ຫວຽດນາມ ຕີລາຄາສູງຕໍ່ຄວາມມານະພະຍາຍາມຂອງລັດຖະບານ ແລະປະຊາຊົນລາວໃນການປ້ອງກັນ, ຕ້ານພະຍາດໂຄວິດ-19. ຫວຽດນາມ ແລະລາວ ກໍ່ພວມແລກປ່ຽນ, ປຶກສາຫາລືເພື່ອເຊື່ອມຕໍ່ບັນດາການເຄື່ອນໄຫວເປັນປົກກະຕິຄືນໃໝ່. ທີ່ພິທີ, ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດລາວ ປະຈໍາ ຫວຽດນາມ ສະແດງຄວາມເປັນກຽດເມື່ອໄດ້ຕາງໜ້າລັດຖະບານ ແລະລັດລາວ, ກະຊວງສາທາລະນະສຸກລາວ ສະແດງຄວາມຂອບອົກຂອບໃຈ ແລະຮັບຮູ້ອາລົມຈິດຄວາມຮັກແພງຂອງລັດຖະບານ, ປະຊາຊົນຫວຽດນາມ ກໍ່ຄືກະຊວງສາທາລະນະສຸກຫວຽດນາມ ທີ່ໄດ້ສະຫງວນໃຫ້ແກ່ລັດຖະບານ ແລະປະຊາຊົນລາວ. ທ່ານໃຫ້ຮູ້ວ່າ ເຖິງວ່າລາວບໍ່ມີກໍລະນີຕິດເຊື້ອພະຍາດໃໝ່ເປັນເວລາກວ່າ 3 ເດືອນແລ້ວກໍ່ຕາມ, ແຕ່ລັດຖະບານ ແລະປະຊາຊົນລາວ ຍັງຄົງກໍານົດຕ້ອງສືບຕໍ່ປະຕິບັດໜ້າທີ່ປ້ອງກັນ, ຕ້ານພະຍາດໂຄວິດ-19 ຢ່າງເຂັ້ມງວດ, ບໍ່ໄດ້ປະໝາດ. ກປ ອອນລາຍ

ເມື່ອວັນທີ​ 19​ ມິຖຸນາ ຜ່ານມານີ້​ ໜັງສືພິມເສດຖະກິດ-ການຄ້າໄດ້ລາຍງານວ່າ: ລັດຖະບານລາວ ຍັງສືບຕໍ່ໄດ້ຮັບນໍ້າໃຈການຊ່ວຍເຫຼືອເພື່ອຕໍ່ສູ້ກັບພະຍາດໂຄວິດ-19 ຈາກບັນດາປະເທດຕ່າງໆໃນໂລກ, ຫຼ້າສຸດ ສະຫະລັດອາເມກາ ໂດຍຜ່ານໂຄງການ (USAID), ໄດ້ເພີ່ມທຶນການຊ່ວຍເຫຼືອ ຈຳນວນ 2,5 ລ້ານໂດລາສະຫະລັດ ມອບແກ່ລາວອີກຄັ້ງ ໃນການຫຼຸດຜ່ອນ ແລະ ປ້ອງກັນການແຜ່ລະບາດພະຍາດໂຄວິດ19 ໃນ ສປປ ລາວ. ທ່ານ ປອ. ປີເຕີ ເຮມ໋ອນ ເອກອັກຄະລັດຖະທູດສະຫະລັດອາເມລິກາ ປະຈຳ ສປປ ລາວ ໄດ້ກ່າວວ່າ: “ທຶນການຊ່ວຍເຫຼືອ ຈາກສະຫະລັດອາເມລິກາໄດ້ຢໍ້າຄືນເຖິງຄວາມໝາຍໝັ້ນຂອງການຮ່ວມມືແບບກວມລວມລະຫວ່າງ ສະຫະລັດອາເມລິກາ ແລະ ສປປ ລາວ”. ທ່ານໄດ້ກ່າວຕື່ມອີກວ່າ ພວກເຮົາມີຄວາມພາກພູມໃຈ ຕໍ່ກັບຄວາມໝາຍໝັ້ນທີ່ຕິດພັນກັບການຊ່ວຍເຫຼືອທາງດ້ານ ວຽກງານສະກັດກັ້ນພະຍາດ ໂຄວິດ-19, ເຊິ່ງມາຮອດປັດຈຸບັນໄດ້ບັນລຸເຖິງ 7,5 ລ້ານໂດລາ. ສໍາລັບທຶນການຊ່ວຍເຫຼືອຫຼ້າສຸດ, ອົງການ USAID ແມ່ນຈະໄດ້ປະກອບສ່ວນໃນການສົ່ງເສີມເຊັ່ນ: ການມີສ່ວນຮ່ວມຂອງຊຸມຊົນເພື່ອຊ່ວຍໃນການໃຫ້ຄວາມຮູ້ໃຫ້ແກ່ປະຊາຊົນລາວກ່ຽວກັບຂັ້ນຕອນການປ້ອງກັນ ແລະ ການສະກັດກັ້ນການແຜ່ລະບາດຂອງໄວຣັສ, ບັນດາໂຄງການເສີມສ້າງການປ້ອງກັນ ແລະ ຄວບຄຸມການຕິດເຊື້ອ, ສົ່ງເສີມຫ້ອງວິເຄາະໃນ ສປປ ລາວ ເພື່ອໃຊ້ເຂົ້າໃນການບົ່ງມະຕິ …

ວັນທີ 5 ມິຖຸນານີ້ ທີ່ນະຄອນຫຼວງວຽງຈັນ, ໄດ້ມີພິທີລົງນາມເອກະສານແລກປ່ຽນສຳລັບໂຄງການຊ່ວຍເຫຼືອລ້າທີ່ມີຊື່ວ່າ ໂຄງການພັດທະນາເສດຖະກິດ ແລະ ສັງຄົມ ແມ່ນໄດ້ຖືກຈັດຂື້ນທີ່ກະຊວງການຕ່າງປະເທດ, ນະຄອນຫຼວງວຽງຈັນ. ໂຄງການຊ່ວຍເຫຼືອລ້າທີ່ມີມູນຄ່າ 1.​500 ລ້ານເຢັນ (ປະມານ 13.7 ລ້ານໂດລາສະຫະລັດ) ຈະຖືກນຳໃຊ້ເຂົ້າໃນການຈັດຊື້ອຸປະກອນທາງການແພດຈຳພວກລົດໂຮງໝໍ ແລະ ຕຽງສຳລັບຜູ້ປ່ວຍ ເພື່ອມອບໃຫ້ແກ່ລັດຖະບານລາວຈັດມາດຕະການຕອບໂຕ້ COVID-19. ໃນຂະນະທີ່ປັດຈຸບັນ, ປະເທດລາວສາມາດຈຳກັດການແຜ່ກະຈາຍຂອງເຊື້ອໂຄວິດ-19 ໄດ້ຢ່າງມີປະສິດທິພາບນັ້ນ, ການສືບຕໍ່ຍົກລະດັບລະບົບສາທາລະນະສຸກຂອງຊາດເອງກໍມີຄວາມສຳຄັນໃນການກຽມພ້ອມຮັບມືຄວາມເປັນໄປໄດ້ຂອງການລະບາດຮອບໃໝ່. ປະເທດຍີ່ປຸ່ນຍັງຄົງສືບຕໍ່ຄວາມພາຍະຍາມເຮັດໃຫ້ການປະກັນສຸຂະພາບທົ່ວໜ້າເຊິ່ງເປັນໜຶ່ງໃນເປົ້າໝາຍການພັດທະນາແບບຍືນຍົງໃຫ້ປະກົດຜົນເປັນຈິງ. ໂດຍຖືເອົາຫຼັກການ “ບໍ່ຖິ້ມໃຜໄວ້ທາງຫຼັງ”, ອຸປະກອນທາງການແພດທີ່ຖືກມອບພາຍໃຕ້ໂຄງການດັ່ງກ່າວນີ້ຄາດວ່າຈະໄດ້ຮັບການນຳໃຊ້ຢ່າງມີປະສິດທິພາບທົ່ວປະເທດລາວ ໂດຍສະເພາະໃນລະດັບຊຸມຊົນທ້ອງຖິ່ນ ທີ່ເປັນເຂດ ລະບົບສາທາລະນະສຸກທີ່ມີຄວາມສ່ຽງ. ໃນປີນີ້ເອງກໍຍ່າງກ້າວເຂົ້າສູ່ວັນຄົບຮອບສາຍສຳພັນທາງການທູດ 65 ປີ ແລະ ຄູ່ຮ່ວມຍຸດທະສາດລະຫວ່າງສອງປະເທດຄົບຮອບ 5 ປີ ຂອງປະເທດຍີ່ປຸ່ນ ແລະ ປະເທດລາວ. ທ່ານທູດທາເກວາກະ ໄດ້ກ່າວໃນພິທີວ່າ “ປະເທດຍີ່ປຸ່ນເອງໃນຖານະຄູ່ຮ່ວມຍຸດທະສາດຂອງ ສປປ ລາວ ຂໍສະແດງຄວາມເຄົາລົບ ແລະ ໃຫ້ການສະໜັບສະໜຸນຄວາມພາຍະຍາມຂອງລັດຖະບານລາວເພື່ອກ້າວຂ້າມສະຖານະການທີ່ຫຍຸ້ງຍາກໃນຄັ້ງນີ້. ໂດຍຜ່ານການຊ່ວຍເຫຼືອລ້າໃນຄັ້ງນີ້, ພວກເຮົາມີຄວາມຫວັງທີ່ຈະຈັບມືກັນຍ່າງກ້າວຂ້າມອຸປະສັກໃນຄັ້ງນີ້ໃຫ້ໄດ້”. ຂໍ້ມູນຈາກ:ສະຖານທູດຍີ່ປຸ່ນປະຈຳລາວ

ໃນວັນທີ 27 ພຶດສະພານີ້ ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງແຮງງານ ແລະ ສະຫວັດດີການ,ໃນນາມຫົວໜ້າຄະນະສະເພາະກິດເພື່ອປ້ອງກັນເຊື້ອໂຄວິດ-19 ພ້ອມຄະນະ, ໄດ້ລົງມອບອຸປະກອນ ແລະປັດໄຈສຳຄັນເຊັ່ນ: ເງິນສົດຈຳນວນ 65 ລ້ານກີບ, ຊຸດປ້ອງກັນ ແລະ ເຂົ້າສານອາຫານແຫ້ງ ຈຳນວນ 1.​050 ຊຸດ, ໃນນັ້ນໄດ້ມອບໃຫ້ ບັນດາສູນກັກກັນ 7 ແຂວງ ກັບ ນະຄອນຫຼວງ. ສ່ວນເງິນ ແລະ ເຄື່ອງຊ່ວຍເຫຼືອປ້ອງກັນ ແລະ ເຂົ້າສານອາຫານແຫ້ງ ດັ່ງກ່າວແມ່ນໄດ້ຮັບການຊວ່ຍເຫຼືອ ປະກອບສ່ວນ ຈາກບັນດາບໍລິສັດຈັດຫາງານ ແລະ ເຄື່ອງຊ່ວຍເຫຼືອປ້ອງກັນ ແລະ ເຂົ້າສານອາຫານແຫ້ງ ແມ່ນໄດ້ຮັບຈາກອົງການ ILO. ເພື່ອແຈກຢາຍໃຫ້ກັບແຮງງານທີ່ກັບມາຈາກປະເທດເພື່ອນບ້ານ( ປະເທດໄທ) ປ້ອງກັນການລະບາດຂອງໂຄວິດ-19 ຢູ່ສູນຫຼັກ27 ແລະ ບັນດາສູນຕ່າງໆ ກ່າວຮັບໂດຍ ທ່ານນ. ດຣ ໄຊພອນ ນັນທະພອນ ຄະນະສະເພາະກິດນະຄອນຫຼວງ. ປະຈຸບັນແຮງງານລາວທີ່ໄປອອກແຮງງານຢູ່ປະເທດເພື່ອນບ້ານ( ປະເທດໄທ) ທີ່ຖືກກົດໝາຍ ແລະ ຜິດກົດໝາຍ ຢູ່ໃນສູນກັນກັນຫຼັ 27 …

ໂດຍຕອບສະໜອງຕາມການເຊື້ອເຊີນຂອງຝ່າຍລາວ ຄະນະຜູ້ແທນອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ນໍາໂດຍທ່ານ ເຕິ້ງ ໂປຊິງ (Deng Boqing) ຮອງຫົວໜ້າອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ແຂວງຫຼວງພະບາງ ແລະ ນະຄອນຫຼວງວຽງຈັນ ແຕ່ວັນທີ 23-27 ກັນຍາ 2019. ຈຸດປະສົງການມາຢ້ຽມຢາມ ແລະ ເຮັດວຽກໃນຄັ້ງນີ້ ແມ່ນເປັນການຜັນຂະຫຍາຍແຜນແມ່ບົດການສ້າຄູ່ຮ່ວມຊາຕາກໍາ ລະຫວ່າງສອງພັກຂອງລາວ ແລະ ຈີນ ທີ່ທັງສອງເລຂາທິການໃຫຍ່ຂອງສອງພັກ ຫາກໍ່ໄດ້ພ້ອມກັນລົງນາມໃນວັນທີ 30 ເມສາ 2019 ທີ່ຜ່ານມາ ສືບຕໍ່ຊຸກຍູ້ 8 ໂຄງການໃຫຍ່ ທີ່ເລຂາທິການໃຫຍ່ພັກກອມມູນິດຈີນ ສີຈິນຜິງ ໄດ້ປະກາດໃຫ່ການຊ່ວຍເຫຼືອໃຫ້ແກ່ລັດຖະບານລາວ ເປັນການຊຸກຍູ້ບັນດາໂຄງການຊ່ວຍເຫຼືອລ້າຂອງ ສປ ຈີນ ຕໍ່ລາວ ໃຫ້ໄດ້ຮັບການຈັດຕັ້ງປະຕິບັດໄວຂຶ້ນ ພ້ອມທັງລົງສໍາຫຼວດໂຄງການຊ່ວຍເຫຼືອຈໍານວນໜຶ່ງ ຢູ່ແຂວງຫຼວງພະບາງ ແລະ ນະຄອນຫຼວງວຽງຈັນ. ໃນໄລຍະເຄື່ອນໄຫວເຮັດວຽກຢູ່ແຂວງຫຼວງພະບາງ ວັນທີ 23-25 ກັນຍາ 2019 ຄະນະຜູ້ແທນດັ່ງກ່າວ ກໍໄດ້ເຂົ້າຢ້ຽມຄໍານັບທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ເພື່ອປຶກສາຫາລືວຽກງານທີ່ສໍາຄັນໂຄງການຊ່ວຍເຫຼືອລ້າ …