ປີ 2020 ກະຊວງສຶກສາທິການ ແລະ ກີລາ ຕັ້ງເປົ້າຜະລິດບຸກຄະລາກອນອອກສູ່ສັງຄົມໃຫ້ນັບມື້ຫຼາຍຂຶ້ນ ໂດຍການສຸມໃສ່ສູ້ຊົນເຮັດໃຫ້ນັກຮຽນທີ່ຈົບການສຶກສາສາຍສາມັນໃຫ້ເຂົ້າຮຽນອາຊີວະສຶກສາ ໃຫ້ໄດ້ຢ່າງໜ້ອຍ 60% ຂອງຈຳນວນນັກຮຽນຈົບ ມ.ປາຍ ໃນທົ່ວປະເທດ ໂດຍຄັດເລືອກເອົາຜູ້ປະສົບຜົນສຳເລັດໃນສາຍອາຊີບໃດໜຶ່ງເປັນຕົວແບບໃນການໂຄສະນາແນະນຳອາຊີບ. ພາບປະກອບຂ່າວເທົົ່ານັ້ນ ອີງຕາມບົດລາຍງານຂອງກົມແຜນການ ກະຊວງສຶກສາທິການ ແລະ ກີລາ ໃຫ້ຮູ້ວ່າ: ປີ 2019 ມີສະຖານອາຊີວະສຶກສາ ທັງພາກລັດ ແລະ ເອກະຊົນທີ່ຂຶ້ນກັບກະຊວງສຶກສາທິການ ແລະ ກີລາ ໂດຍກົງ ຈຳນວນ 90 ແຫ່ງທົ່ວປະເທດ, ມີນັກສຶກສາທັງໝົດ 57.278 ຄົນ ຍິງ 26.255 ຄົນ, ມີຄູ – ອາຈານທັງໝົດ 2.294 ຄົນ ຍິງ 1.615 ຄົນ. ໃນນັ້ນ, ສະຖານອາຊີ ວະສຶກສາພາກລັດ 23 ແຫ່ງ ມີຈຳນວນນັກສຶກສາ 35.611 ຄົນ ຍິງ 14.519 ຄົນ. ພາບປະກອບຂ່າວເທົ່ານັ້ນ ໃນນີ້, ຮຽນຂະແໜງກະສິກຳ 3.047 …

ໃນປັດຈຸບັນສັງເກດເຫັນວ່າມີບຸກຄົນບໍ່ຫວັງດີໄດ້ເຄື່ອນໄຫວໂຄສະນາຜ່ານທາງສື່ຕ່າງໆຊຶ່ງເຮັດໃຫ້ທົ່ວສັງຄົມກໍຄືພໍ່ແມ່ປະຊາຊົນເກີດຄວາມເຂົ້າໃຈຜິດຕໍ່ແນວທາງນະໂຍບາຍຂອງພັກ-ລັດກໍຄືກະຊວງສຶກສາທິການ ແລະ ກີລາ, ກ່ຽວກັບກັບໂຄສະນາລະດົມຊອກເອົາຄົນໄປຮຽນຕໍ່ຕ່າງປະເທດ ເປັນຕົ້ນແມ່ນໄປຮຽນຕໍ່ຢູ່ ສປ ຈີນ, ໂດຍອ້າງວ່າເປັນທຶນຂອງລັດຖະບານ. ທັງນີ້ ເພື່ອເຮັດໃຫ້ທຸກພາກສ່ວນໄດ້ເຂົາໃຈ ແລະ ມີສະຕິຕໍ່ພວກທີ່ບໍ່ຫວັງດີ ກະຊວງສຶກສາທິການ ແລະ ກີລາ ຈຶ່ງຂໍແຈ້ງມາຍັງທ່ານຜູ້ປົກຄອງນັກຮຽນ-ນັກສຶກສາ ແລະ ປະຊາຊົນລາວທົ່ວປະເທດຊາບວ່າ: ສຳລັບທຶນການສຶກສາຂອງລັດຖະບານ ສປ ຈີນ ທີ່ມອບໃຫ້ແກ່ລັດຖະບານ ສປປ ລາວ ໃນສົກຮຽນ 2020-2021 ຝ່າຍຈີນຍັງບໍ່ທັນໄດ້ແຈ້ງເປັນທາງການມາໃຫ້ຝ່າຍລາວ, ແຕ່ມີບາງບໍລິສັດໄດ້ອອກແຈ້ງໂຄສະນາຜ່ານທາງສື່ໄປແລ້ວຊຶ່ງນັ້ນຖືວ່າບໍ່ມີຄວາມໜ້າເຊື່ອຖື. ຜ່ານການຕິດຕາມສະພາບຂອງນັກສຶກສາລາວທີ່ຮຽນຢູ່ ສປ ຈີນ ຂອງກົມກິດຈະການນັກສຶກສາເຫັນວ່າ: ມີນັກສຶກສາຈຳນວນ ຫຼາຍຖືກຕົວະໄປຮຽນຕໍ່ໂດຍຜ່ານທາງບໍລິສັດນາຍໜ້າ ຫຼື ກຸ່ມຄົນບໍ່ດີ, ດັ່ງນັ້ນ ຈຶ່ງສົ່ງຜົນໃຫ້ບັນດານັກສຶກສາຈຳນວນທີ່ໄປຮຽນຕໍ່ໂດຍຜ່ານນາຍໜ້າບໍລິສັດຕ່າງກໍພົບຄວາມຫຍຸ້ງຍາກ ແລະ ມີບັນຫາຫຼາຍ ຊຶ່ງກ່ອນຈະເດີນທາງໄປເຂົ້າຮຽນທາງນາຍໜ້າກໍໃຫ້ສັນຍາວ່າພວກກ່ຽວຈະໄດ້ຮັບທຶນລັດຖະບານແນ່ນອນ, ແຕ່ເມືອໄປຮອດແລ້ວຜັດບໍ່ໄດ້ຮັບຕາມທີ່ໄດ້ຕົກລົງ ຫຼື ຕາມທີ່ໄດ້ໂຄສະ ນາຢ່າງໜ້າເຊື່ອຖື, ເຮັດໃຫ້ນັກສຶກສາຈຳນວນໜຶ່ງຈຳເປັນຕ້ອງໄດ້ກັບຄືນປະເທດຍ້ອນບໍ່ມິເງິນຄ່າຮຽນດ້ວຍຕົນເອງ. ດັ່ງນັ້ນ, ພໍ່ແມ່ຜູ້ປົກຄອງຕ້ອງມີສະຕິລະວັງຕົວ, ຫຼີກເວັ້ນການຖືກຕົວະຈາກກຸ່ມຄົນບໍ່ຫວັງດີ ຫຼື ບໍລິສັດນາຍໜ້າຕ່າງໆທີ່ສ່ຽງຕໍ່ການຖືກຫຼອກລວງ, ກໍລະນີຫາກພົບເຫັນບຸກຄົນທີ່ບໍ່ຫວັງດີ ຫຼື ມີບັນຫາອັນໃດທີ່ບໍ່ເຂົ້າໃຈ ບັນດາທ່ານສາມາດປະສານງານ ແລະ ຕິດຕໍ່ໄປທີ່ກົມກິດຈະການນັກສຶກສາ ກະຊວງສຶກສາທິການ ແລະ ກີລາໂດຍກົງໄດ້ເລີຍ. …

ເມື່ອວັນທີ 30 ກັນຍາ 2019, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກີລາ ໄດ້ໃຫ້ສໍາພາດວ່າ: ໂຮງຮຽນທີ່ໄດ້ຮັບຜົນກະທົບທັງໝົດມີເຖິງ 741 ແຫ່ງ ໃນນັ້ນມີໂຮງຮຽນອະນຸບານ 77 ແຫ່ງ, ໂຮງຮຽນປະຖົມສຶກສາ (ມູນລະປະຖົມ ແລະ ປະຖົມສົມບູນ) 571 ແຫ່ງ, ມັດທະຍົມສຶກສາຕົ້ນ 68 ແຫ່ງ, ແລະ ມັດທະຍົມສົມບູນ 25 ແຫ່ງ, ສູນການສຶກສານອກໂຮງຮຽນຂັ້ນແຂວງ 2 ແຫ່ງ, ໂຮງຮຽນເຕັກນິກ – ວິຊາຊີບແບບປະສົມແຂວງ 02 ແຫ່ງ, ສູນເຕັກໂນໂລຊີຂ່າວສານ ແລະ ການສື່ສານການສຶກສາ ແລະ ກີລາ ແຂວງ 1 ແຫ່ງ, ຫ້ອງການສຶກສາທິການ ແລະ ກີລາເມືອງ 02 ແຫ່ງ. ອຸປະກອນ-ສື່ສານຮຽນການສອນ, ປຶ້ມແບບຮຽນ ຄູ່ມືຄູ ປຶ້ມແຕ່ງບົດສອນ ປຶ້ມອ່ານເສີມຕ່າງໆໄດ້ເສຍຫາຍຢ່າງຫຼວງຫຼາຍ, ປະເພດເຟິນິເຈິ ເຊັ່ນ: ໂຕະຄູ …

A New Vision ຈະໃຫ້ບໍລິການຜ່າຕັດແກ່ນຕາຂຸ້ນຟຣີແກ່ຜູ້ທີ່ທຸກຍາກໃນລາວ ເຊິ່ງໃນການຜ່າຕັດຄັ້ງນີ້ນອກຈາກຈະບໍ່ໄດ້ເສຍຄ່າແລ້ວ ທາງທີມປິ່ນປົວຍັງມີທີ່ພັກອາໄສ, ອາຫານ, ເຄື່ອງດື່ມ ແລະ ການເບິ່ງແຍງຫຼັງຜ່າຕັດນຳອີກ. ໂຄງການດັ່ງກ່າວນີ້ຈະເລີ່ມເປີດໃຫ້ກວດຕາ ແລະ ລົງທະບຽນໃນວັນທີ 4-9 ຕຸລາ 2019 ນີ້ ທີ່ໂຮງໝໍຕາທົ່ງປົ່ງ ແລະ ໂຮງໝໍເມືອງໄຊທານີ ນະຄອນຫຼວງວຽງຈັນ ແລະ ຜູ້ທີ່ຜ່ານການກວດຕາ ແລະ ລົງທະບຽນແລ້ວ ຈະໄດ້ຮັບການຜ່າຕັດໃນລະຫວ່າງວັນທີ 11-13 ຕຸລາ 2019 ໂດຍການຜ່າຕັດຈະໃຊ້ເວລາພຽງແຕ່ 5-10 ນາທີເທົ່ານັ້ນ. ພ້ອມນີ້ ການຜ່າຕັດຍັງມີຄຸນນະພາບ ທັນສະໄໝ ແລະ ມີຄວາມເຈັບປວດໜ້ອຍທີ່ສຸດ ແລະ ປອດໄພ ໂດຍທີມແພດປິ່ນປົວ ແມ່ນຈະມາຈາກປະເທດສິງກະໂປ ແລະ ເນປານ. ຜູ້ທີ່ມີຄວາມສົນໃຈ ສາມາດຕິດຕໍ່ສອບຖາມໄດ້ທີ່ ເບີໂທລະສັບ 0305727168 ແລະ 02055984248. ຂໍຂອບໃຈ/ທີ່ມາ

ນະຄອນຫຼວງວຽງຈັນ ສະເໜີ 3 ມາດຕະການ ແກ້ໄຂບັນຫາຄູອາສາສະໝັກທີ່ຍັງເຫຼືອຢູ່ ຊີ້ຕ້ອງໃຊ້ເວລາອີກດົນຈຶ່ງຈະແກ້ໄຂໄດ້ໝົດ. ອີງຕາມການລາຍງານຂອງວິທະຍຸກະຈາຍສຽງແຫ່ງຊາດລາວ ປັດຈຸບັນ ນະຄອນຫຼວງວຽງຈັນ ມີຄູອາສາສະໝັກທັງໝົດຢູ່ 1,100 ກ່ວາຄົນ, ໃນຂະນະທີ່ພະແນກສຶກສາທິການ ແລະ ກີລາ ນະຄອນຫຼວງວຽງຈັນ ພົບຄວາມຫຍຸ້ງຍາກຫຼາຍໃນການແກ້ໄຂບັນຫານີ້ ແລະ ຄາດວ່າຕ້ອງໃຊ້ເວລາອີກດົນສົມຄວນຈຶ່ງຈະແກ້ໄຂໄດ້. ທ່ານ ຊົມພູ ແກ້ວປັນຍາ, ຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ ກ່າວວ່າ: ເພື່ອແກ້ໄຂບັນຫາຄູອາສາສະໝັກຢູ່ນະຄອນຫຼວງວຽງຈັນ, ພວກເຮົາໄດ້ປະຕິບັດຕາມ 3 ມາດຕະການສໍາຄັນ ຄື ມາດຕະການທຳອິດແມ່ນສັບຊ້ອນຄູອາສາສະໝັກທີ່ຢູ່ມາດົນແລ້ວໃຫ້ເຂົ້າເປັນລັດຖະກອນຄູໃຫ້ຖືກຕ້ອງຕາມວິຊາທີ່ຮຽນມາ ແລະ ຖືກຕ້ອງຕາມລະບຽບການທຸກຢ່າງຕາມໂຄຕາທີ່ໄດ້ຮັບການແບ່ງປັນຈາກກະຊວງສຶກສາທິການ ແລະ ກີລາ. ມາດຕະການທີ 2 ແມ່ນ ສໍາລັບຄູອາສາສະໝັກທີ່ຢູ່ມາດົນແຕ່ບໍ່ໄດ້ຮັບການບັນຈຸເຂົ້າເປັນລັດຖະກອນຄູ ແລະ ບໍ່ມີທາງເລືອກແລ້ວຈະໄດ້ລະດົມໃຫ້ບໍາລຸງວິຊາຊີບໃດໜຶ່ງຕາມທີ່ກະຊວງສຶກສາທິການ ແລະ ກີລາ ຈັດຂຶ້ນ; ຫຼັງຈາກບໍາລຸງສໍາເລັດແມ່ນໃຫ້ອອກໄປປະກອບອາຊີບຕາມທີ່ໄດ້ບໍາລຸງມາ ແລະ ມາດຕະການສຸດທ້າຍຄື ລະດົມຄູອາສາສະໝັກໃຫ້ອອກເລີຍຍ້ອນບໍ່ມີໂຄຕາ ແລະ ວິຊາທີ່ຮຽນມາກໍ່ບໍ່ຢູ່ໃນເປົ້າໝາຍໃນການຮັບເຂົ້າເປັນລັດຖະກອນຄູ. ຫົວໜ້າພະແນກສຶກສາທິການ ແລະ ກີລານະຄອນຫຼວງວຽງຈັນ ກ່າວຕື່ມວ່າ: ການແກ້ໄຂບັນຫາຄູອາສາສະໝັກຢູ່ນະຄອນຫຼວງວຽງຈັນ ໃນໄລຍະຜ່ານມາແມ່ນພົບຄວາມຫຍຸ້ງຍາກຫຼາຍທີ່ສຸດ, ໂດຍສະເພາະ ແມ່ນຂອດການຈັດຕັ້ງປະຕິບັດມາດຕະການທີ …

ອີງຕາມແຈ້ງການຂອງ ກະຊວງສາທາລະນະສຸກ ສະບັບເລກທີ 10 ມິຖຸນາ 2019 ນະຄອນຫຼວງວຽຈັນແຈ້ງວ່າ: ຈະເລີ່ມຂາຍຄໍາຮ້ອງ ແລະ ລົງທະບຽນສອບເສັງໃຫ້ບັນດານັກຮຽນທີ່ຈົບຊັ້ນມັດທະຍົມຕອນປາຍໃນຂອບເຂດທົ່ວປະເທດ ທີ່ມີຄວາມສົນໃຈສອບເສັງເຂົ້າຮຽນ ຢູ່ສະຖາບັນສຶກສາ ສາທາລະນະສຸກຕ່າງແຂວງ ໃນສົກປີ 2019-2020 ຕັ້ງແຕ່ວັນທີ 24 ມິຖຸນາ -19 ກໍລະກົດ 2019 ໃນໂມງລັດຖະການ; ປິດຮັບຄໍາຮ້ອງສອບເສັງ ວັນທີ 19 ກໍລະກົດ 2019 ເວລາ 16:00 ໂມງ. ສໍາລັບຄ່າເອກະສານສະໝັກສອບເສັງ 40,000 ກີບ/ຊຸດ (ເອກະສານສອບເສັງ 35,000 ກີບ ແລະ ຄ່າບໍລິຫານການສອບເສັງ 5,000 ກີບ); ສູນສອບເສັງເຂົ້າຮຽນ ຢູ່ຕ່າງແຂວງມີ 7 ສູນຄື: ແຂວງຫຼວງພະບາງ, ສະຫວັນນະເຂດ, ຈໍາປາສັກ, ອຸດົມໄຊ, ຊຽງຂວາງ, ຄໍາມ່ວນ ແລະ ແຂວງວຽງຈັນ; ໂດຍຈະສອບເສັງ 3 ວິຊາຄື: ຕອນເຊົ້າ ວິຊາ ເຄມີສາດ, ຊີວະສາດ ແລະ …

ວິທະຍາໄລຄູດົງຄຳຊ້າງ ໄດ້ອອກແຈ້ງການເຖິງບັນດາທ່ານຜູ້ທີ່ຕ້ອງການສະໝັກເຂົ້າເປັນລັດຖະກອນຄູ ຂອງວິທະຍາໄລຄູ ດົງຄຳຊ້າງ ວ່າ: ວິທະຍາໄລຄູ ດົງຄຳຊ້າງ ຈະເປີດຂາຍແບບຟອມສະໝັກເພື່ອສອບເສັງເຂົ້າເປັນລັດຖະກອນຄູ ປະຈຳປີ 2019 ໃນວັນທີ 25 ​ເມສາ ຫາ 14 ພຶດສະພາ 2019. ມື້ສອບເສັງ ​ແມ່ນ​ວັນ​ທີ 15 ພຶ​ດສະພາ 2019 ເວລາ 8:00 ​ໂມງ ທີ່ວິທະຍາໄລຄູ ດົງຄຳຊ້າງ ຕາມສາຂາວິຊາດັ່ງນີ້: ຄູອະນຸບານ ຄູປະຖົມ ຄູຊີວະສາດ ຄູປະຫວັດສາດ ຄູສິລະປະສຶກສາ ຄູເຄມີສາດ ຄູ ICT ຄູພາລະສຶກສາ ສຳລັບເງື່ອນໄຂຜູ້ສະໝັກ ​ແມ່ນ​ຕ້ອງ​ເປັນຄົນສັນຊາດລາວ, ອາຍຸບໍ່ເກີນ 34 ປີ, ຮຽນຈົບປະລິນຍາຕີ ຫຼື ປະລິນຍາໂທໃນສາຂາທີ່ກ່າວມາຂ້າງເທິງ, ມີສຸຂະພາບແຂງແຮງດີ ແລະ ປະຫວັດຈະແຈ້ງດີ. ດັ່ງນັ້ນ, ຈຶ່ງແຈ້ງມາຍັງບັນດາທ່ານເພື່ອຮັບຊາບ ແລະ ເຂົ້າຮ່ວມສະໝັກຕາມເນື້ອໃນແຈ້ງການດັ່ງກ່າວດ້ວຍ. ທີ່ມາ  ມ່ວນ