ຜູ້ຈັດງານແລ່ນຊູເປີມິນິມາຣາທອນ RUN FOR HER 2019 ເປີດເຜີຍ ຕອນນີ້ມີນັກແລ່ນສະໝັກເຂົ້າຮ່ວມແລ່ນແລ້ວກວ່າ 1,000 ຄົນ ເຊິ່ງງານດັ່ງກ່າວນີ້ຈະຈັດຂຶ້ນໃນວັນທີ 27 ຕຸລາ 2019 ນີ້ທີ່ນະຄອນຫຼວງວຽງຈັນ. ພິທີຖະແຫຼງຂ່າວງານແລ່ນ Run For Her 2019 ມີຂຶ້ນເມື່ອຕອນເຊົ້າຂອງວັນທີ 2 ຕຸລາ 2019 ນີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍມີຜູ້ຈັດງານ, ຜູ້ສະໜັບສະໜຸນ, ນັກແລ່ນ ແລະ ສື່ມວນຊົນເຂົ້າຮ່ວມຮັບຟັງຂໍ້ມູນຕ່າງໆກ່ຽວກັບງານແລ່ນໃນຄັ້ງນີ້. Run For Her ຈັດຂຶ້ນໂດຍວາລະສານຂວັນໃຈອອນລາຍ ແລະ ສະມາຄົມນັກທຸລະກິດແມ່ຍິງລາວ ຮ່ວມກັບສະຫະພັນແລ່ນ-ລານແຫ່ງຊາດລາວ ໂດຍມີຈຸດປະສົງເພື່ອປູກຈິດສຳນຶກໃຫ້ຄົນໃນສັງຄົມເຫັນຄວາມສຳຄັນ ແລະ ຮ່ວມກັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ທັງນີ້ ງານດັ່ງກ່າວນີ້ເກີດຂຶ້ນຕໍ່ເນື່ອງຈາກງານ Bike For Her ເຊິ່ງເປັນງານປັ່ນລົດຖີບ ແຕ່ເນື່ອງຈາກທາງຜູ້ຈັດຕ້ອງການໃຫ້ຄົນທົ່ວໄປສາມາດເຂົ້າຮ່ວມກິດຈະກຳໄດ້ໂດຍໃຊ້ອຸປະກອນກີລາທີ່ໜ້ອຍທີ່ສຸດ ຈຶ່ງປ່ຽນຮູບແບບກາຍມາເປັນງານແລ່ນໃນປີນີ້, ທ່ານ ນາງ ເກດສະຫວັນ ປັນຍາທິບ ຮອງຜູ້ອຳນວຍການ ວາລະສານຂວັນໃຈ ອອນລາຍ ກ່າວ. ສຳລັບໄລຍະທາງໃນງານດັ່ງກ່າວນີ້ແບ່ງອອກເປັນ …

ສະຫະພັນກິລາດອກປີກໄກ່ແຫ່ງຊາດລາວ ໄດ້ສົ່ງນັກກິລາດອກປີກໄກ່ເຍົາວະຊົນທີມຊາດລາວ ເຂົ້າຮ່ວມການແຂ່ງຂັນລາຍການ Jorakay Junior Badminton Championship 2019 ໃນລະຫວ່າງວັນທີ 25-29 ກັນຍາ 2019 ທີ່ຫ້າງສັບພະສິນຄ້າ Terminal 21 ຈັງຫວັດນະຄອນຣາຊະສີມາ ປະເທດໄທ, ເຊິ່ງທີມລາວສົ່ງນັກກິລາເຂົ້າຮ່ວມ 4 ຄົນ ໂດຍເປັນນັກກິລາມາຈາກ 2 ສະໂມສອນ ຄື: ສະໂມສອນມັນທາຕຸລາດ ແລະ ສະໂມສອນລ້ານຊ້າງ ພາຍໄຕ້ການຄຸມທີມຂອງໂຄ້ຊ ເບຍ ຣັດຕະພົງ ພານຸມາດ ແລະ ໂຄ້ຊ ກ໊ອກ ພັນທະວຸດ ສີສົມເດດ. ຜົນງານຂອງນັກກິລາເຍົາວະຊົນທີມຊາດລາວ ສາມາດຍາດມາໄດ້ເຖິງ 6 ລາງວັນ ຄື: ທ້າວ ມານັດ ເພຍສຸລິນ (ມານັດ) ຍາດໄດ້ ອັນດັບທີ 1 ຊາຍດ່ຽວ 15 ປີ ແລະ ອັນດັບທີ 2 ຊາຍດ່ຽວ 17 ປີ ທ້າວ ໄຊຍະສອນ ແກ້ວໄຊ …

ມີນັກກີລາເກືອບ 300 ຄົນ ກຽມເຂົ້າຮ່ວມເຕະບານເຍົາວະຊົນ ຊີງຂັນປະທານສະຫະພັນບານເຕະ ນວ 2019 ຄະນະ​ນຳ, ຄູ​ຝຶກ ​ແລະ ນັກ​ກີລາ ຮຸ່ນອາຍຸບໍ່ເກີນ 11 ປີ, 13 ປີ ແລະ 16 ປີ ​ຈາກ 10 ສະໂມສອນ ອ້ອມ​ຂ້າງ​ນະຄອນຫຼວງ​ວຽງ​ຈັນ ​ເກືອບ 300 ຄົນ ພ້ອມ​ຈະ​ເຂົ້າ​ຮ່ວມຊີງ​ຄວາມ​ເປັນ​ໜຶ່ງ ​ໃນ​ການ​ແຂ່ງຂັນກີລາເຕະບານຮຸ່ນເຍົາວະຊົນ ຊີງຂັນປະທານສະຫະພັນບານເຕະ ນະຄອນຫຼວງວຽງຈັນ (ນວ) ປະຈຳປີ 2019 ເພື່ອເປັນການສ້າງຂະບວນການຕ້ອນຮັບເປີດສົກຮຽນໃໝ່ 2019-2020 ແລະ ຄັດເລືອກນັກກີລາຮຸ່ນສືບທອດດີເດັ່ນກຽມຕາງໜ້ານະຄອນຫຼວງວຽງຈັນ ເຂົ້າຮ່ວມແຂ່ງຂັນລາຍການ​ຕ່າງໆທັງພາຍໃນ ແລະ ຕ່າງປະ​ເທດ ທີ່ຈະຈັດຂຶ້ນໃນຕໍ່ໜ້ານີ້. ກອງ​ປະຊຸມ​ເຜີຍ​ແຜ່​ກົດ​ລະບຽບ​ການ​ແຂ່ງຂັນ, ຈັບ​ສະຫຼາກ ​ແລະ ຖະ​ແຫຼ​ງຂ່າວ​ການ​ກຽມພ້ອມ​ຈັດການ​ແຂ່ງຂັນ​ກີລາ​ເຕະບານ​ເຍົາວະ​ຊົນ 3 ຮຸ່ນ​ ຊີງ​ຂັນ​ທ່ານ​ປະທານ​ສະຫະພັນ​ບານ​ເຕະ ນະຄອນຫຼວງ​ວຽງ​ຈັນ ປະຈຳ​ປີ 2019 ​ໄດ້​ມີ​ຂຶ້ນ​ເມື່ອ​ວັນ​ທີ 28 ສິງຫາ ຜ່ານ​ມາ ທີ່​ຫ້ອງປະຊຸມຄະນະກຳມະການໂອ​ແລມປິກ​ແຫ່ງ​ຊາດ​ລາວ, ​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ ທ່ານ ວຽງ​ສະຫວັນ ​ແສງ​ຈັນ …

   ສະ­ຫະ­ພັນ​ມວຍ​ລາວ​ແຫ່ງ​ຊາດ​ກຽມ​ສົ່ງ 5 ນັກ​ມວຍ​ລາວ​ລາຍ ຈາກ​ທີມ Lao Action Star ໄປ​ສະ­ແດງ​ສັກ​ກາ​ຍະ​ພາບ​ໃນ​ເວ­ທີ​ສາ­ກົນ​ລາຍ­ການ 2019 Chungju World Martial Arts Park ວັນ​ທີ 30 ສິງ­ຫາ-6 ກັນ­ຍາ 2019 ທີ່ ສ ເກົາ­ຫຼີ. ທ່ານ ສາຍ­ສະ­ໝອນ ໄຊ​ຍະ​ສອນ ປະ­ທານ​ສະ­ຫະ­ພັນ​ມວຍ​ແຫ່ງ​ຊາດ​ລາວ ທັງ​ເປັນ​ປະ­ທານ​ສະ­ຫະ­ພັນ​ມວຍ​ໂລກ ຖະ­ແຫຼງ​ຂ່າວ​ວັນ​ທີ 26 ສິງ­ຫາ 2019 ຢູ່​ສະ­ຫະ­ພັນ​ມວຍ​ລາວ​ແຫ່ງ​ຊາດ​ວ່າ:ສະ­ຫະ­ພັນ​ມວຍ​ລາວ​ແຫ່ງ​ຊາດ​ເຂົ້າ​ຮ່ວມ​ລາຍ­ການ​ດັ່ງ­ກ່າວ​ມີ 60 ກວ່າ​ປະ­ເທດ​ເຂົ້າ​ຮ່ວມ ປີ 2018 ສົ່ງ​ເຂົ້າ​ພຽງ 1 ລາຍ­ການ​ຟ້ອນ​ດ່ຽວ ສາ­ມາດ​ຍາດ​ໄດ້​ອັນ​ດັບ​ທີ 3 ສ່ວນ​ປີ 2019 ສົ່ງ​ເຂົ້າ​ຮ່ວມ 3 ລາຍ­ການ​ຄື ຟ້ອນ​ດ່ຽວ ຟ້ອນ​ຄູ່ ແລະ ຟ້ອນ​ຄູ່​ປະ­ສົມ ຕັ້ງ​ເປົ້າ​ຍາດ​ຜົນ­ງານ​ໃຫ້​ດີ​ກວ່າ​ປີ​ທີ່​ຜ່ານ​ມາ​ຄື​ຕິດ​ອັນ​ດັບ 1 ໃນ 2. ສຳ­ລັບ​ນັກ­ກີ­ລາ 5 ຄົນ​ຊາຍ ນຳ​ໂດຍ ພິ­ລາ​ວັນ …

ນາງ ເພັດມະນີ ແກ້ວເພຍຈັນ ຫຼື “ແອນນາ” ສາວນັກກີລາດອກປີກໄກ່ ຈາກສະໂມສອນເສດຖາ ຕົວແທນຈາກ ສປປ ລາວ ສ້າງຜົນງານໄດ້ຢ່າງໂດດເດັ່ນ ເຖິງຈະເສຍໃຫ້ ນັກກີລາຈາກປະເທດອິນໂດເນເຊຍ 0-2 ເຊັດ ໃນຮອບຊີງຊະນະເລີດ ກໍຕາມ ແຕ່ກໍເປັນຜົນງານຄັ້ງທຳອິດໃນເວທີສາກົນ ໂດຍຄວ້າ 1 ຫຼຽນເງິນ ຫຼື ຮອງແຊ້ມ ພ້ອມເງິນລາງວັນ 900 ໂດລາສະຫະລັດ, ສ້າງກຽດ ແລະ ຊື່ສຽງໃຫ້ແກ່ປະເທດຊາດ ໃນການແຂ່ງຂັນ ດອກປີກໄກ່ ຢຸນນານ ໂຢເນັກ ແບັດມິນຕັນ ໂອເພັນ ແຊມປ້ຽນຊິບ 2019 (Yunnan “YONEX” Badminton Open Championships) ຄຸນໝິງ ສປ ຈີນ. ການແຂ່ງຂັນຄັ້ງນີ້ ໄດ້ມີຂຶ້ນເມື່ອລະຫວ່າງວັນທີ 24-27 ສິງຫາ ຜ່ານມາ ທີ່ຄຸນໝິງ ສປ ຈີນ ຮັບກຽດເປັນເຈົ້າພາບ. ໃນນີ້, ສະເພາະທັບນັກກີລາດອກປີກໄກ່ສະໂມສອນເສດຖາ ຕາງໜ້າສປປ ລາວ ສົ່ງເຂົ້າຮ່ວມແຂ່ງຂັນ 8 …

ສະໜາມກີລາ​ບານ​ເຕະຫຍ້າ​ທຽມ ມະຫາ​ວິທະຍາ​ໄລ​ແຫ່ງ​ຊາດ​ລາວ (ມຊ) ພ້ອມ​ຈະ​ເປີດ​​​ສອນ​ຫຼັກສູດ​ກີລາ​ບານເຕະ​ ​ໂດຍ​ຜ່ານທີມງານຜູ້ຝຶກສອນທີ່ມີປະສົບການ ຈາກສະຫະພັນ​ບານ​ເຕະ​ອາຊີ (AFC) ແລະ ອາຈານ​​ຂອງຄະນະວິທະຍາສາດການກີລາ ແລະ ກາຍຍະກໍາ ​ເພື່ອ​ຖ່າຍ​ທອດ​ໃຫ້​ນັກ​ກີລາ ຮຸ່ນອະ​ນຸຊົນ ​ແລະ ​ເຍົາວະ​ຊົນ ​​ອາຍຸລະຫວ່າງ 6 – 16 ປີ ​ແບບ​ບໍ່​ຈໍາກັດ​ເພື່ອ​ສ້າງໃຫ້ກັບ​ທີ​ມຊາດ​ ໃນ​ອະນາຄົດ. ຕາມ​ການ​ໃຫ້​ສໍາພາດ​ຂອງ ທ່ານ ປອ. ​ໃຈ​ລາສີ ຍໍ​ພັນ​ໄຊ ຜູ້​ຈັດການ​ສະ​ໂມ​ສອນ​ ມຊ ​ເອັບ​ຊີ, ທັງເປັນວ່າການຫົວໜ້າພາກວິຊາວິທະຍາສາດການກີລາ ຄະນະວິທະຍາສາດການກີລາ ແລະ ກາຍຍະກໍາ ແຈ້ງ​ໃຫ້​ຊາບ​ວ່າ: ເພື່ອເປັນການພັດທະນາກີລາບານເຕະໃນ​ຮຸ່ນ​ອະນຸຊົນ ​ແລະ ເຍົາວະຊົນອ້ອມ​ຂ້າງ​ສູນ​ກາງ ຢ່າງເປັນລະບົບ ພ້ອມທັງນໍາໃຊ້ວິທະຍາສາດການກີລາ ເຂົ້າມາຊ່ວຍໃນການຝຶກຊ້ອມ. ດັ່ງ​ນັ້ນ, ສະໂມສອນ ມຊ ຈຶ່ງ​ໄດ້​ຮ່ວມ​ກັບ ສະໜາມກີລາ​ບານເຕະຫຍ້າທຽມ ມຊ ຈະໄດ້ມີການເປີດສອນຫຼັກສູດ​ກີລາ​ບານເຕະ​ໃຫ້ນັກກີລາ​​ຮຸ່ນ​ສືບ​ທອດ​ລະຫວ່າງ ອາຍຸ 6 – 16 ປີ ​ໃນ​ວັນ​ທີ 27 ເມສາ​ນີ້ ເປັນຕົ້ນໄປ. ການ​ຝຶກສອນ​ໃນ​ຄັ້ງ​ນີ້ ນັກ​ກີລາ​ທຸກ​ຄົນ​ຍັງຈະ​ໄດ້​ຮຽນ​ຮູ້ນໍາທີມງານຝຶກສອນທີ່ຜ່ານການຝຶກອົບຮົມຈາກສະຫະພັນ​ບານ​ເຕະ​ອາຊີ (AFC) …

3 ນັກແລ່ນທີມຊາດລາວ ພ້ອມແລ້ວທີ່ຈະລຸຍການແຂ່ງຂັນແລ່ນ-ລານ ຊີງແຊ້ມອາຊີ ທີ່ເມືອງໂດຮາ ປະເທດກາຕ້າ ເປັນເຈົ້າພາບ ລະຫວ່າງວັນທີ 21-24 ເມສາ ຈະເຖິງນີ້. ສຳລັບ ການແຂ່ງຂັນຊິງແຊ້ມອາຊີທີ່ປະເທດກາຕ້າ ໃນຄັ້ງນີ້ ນັກກີລາລາວເຮົາ ແມ່ນລົງແຂ່ງຂັນ 3 ລາຍການ ປະກອບມີ ທ້າວ ອານຸສອນ ໄຊສາ ລົງແຂ່ງຂັນລາຍການ ແລ່ນຂ້າມຮົ້ວ110 ແມັດ, ນາງ ມະນີວັນ ຈັນທະວົງ ລົງແຂ່ງຂັນແລ່ນຂ້າມຮົ້ວ 100 ແມັດ ແລະ ນາງ ສີລິນາ ພະອາໄພ ລົງແຂ່ງຂັນລາຍການແລ່ນ 100 ແມັດ. (​ໄກ່​ແຈ້) ທີ່ມາຂ່າວ ມ່ວນ

2 ​ນັກ​ກີລາ​ຍົກ​ນໍ້າໜັກທີ​ມຊາດ​ລາວ ນາງ ໄມເຍ່ຍ ວື ​ແລະ ທ້າວ ຕອນຊຽນ ແຊ່ຈ໋າວ ​ຮຸ່ນ​ນໍ້າໜັກ 55 ກິ​ໂລກຣາມ ​ແລະ ​ທ່ານ ນາງ ເຄືອຄໍາ ລີເຍ່ຍວື ຫົວໜ້າ​ຄູ​ຝຶກ ອະດີດ​ເຈົ້າ​ຂອງ​ຫຼຽນ​ຄໍາ ຊີ​ເກ​ມ ຄັ້ງ​ທີ 25 ຫຼື ວຽງ​ຈັນ ​ເກ​ມ ​ເມື່ອ​ປີ 2009 ເລັ່ງຝຶກຊ້ອມຢ່າງໜັກ ກຽມຄວາມພ້ອມ​ເຂົ້າ​ຮ່ວມ​ການ​ແຂ່ງຂັນ​ກີລາ​ຍົກ​ນໍ້າໜັກ ຊີງແຊ້ມອາຊີ ປະຈໍາປີ 2019 ຫຼື “2019 Asia Weightlifting Championships Olympic Qualification Event” ​​ເພື່ອ​ສະສົມຄະແນນຄວ້າ​​ໂຄ​ຕ້າ ​ເຂົ້າ​ຮ່ວມ​ງານ​ມະຫາກໍາ​ກີລາ​​ໂອ​ແລມປິກ​ເກມ 2020 ທີ່​ນະຄອນຫຼວງ​ໂຕ​ກຽວ ປະ​ເທດ​ຍີ່ປຸ່ນ ​ເປັນ​ເຈົ້າພາບ. ຕາມ​ການ​ໃຫ້​ສໍາພາດ​ຂອງ ​ທ່ານ ນາງ ເຄືອຄໍາ ລີເຍ່ຍວື ຫົວໜ້າ​ຄູ​ຝຶກ ຊຸດ​ນໍາພາ​ 2 ນັກ​ກີລາ​ໃນ​ຊຸດ​ນີ້ ​ເຂົ້າ​ຮ່ວມ​ແຂ່ງຂັນ​ລາຍການ​ດັ່ງກ່າວ ​​​ເມື່ອ​ບໍ່​ດົນ​ມານີ້ ໃຫ້​ຮູ້​ວ່າ: ​ນັກ​ກີລາ​ຍົກ​ນໍ້າ​ທີ​ມຊາດ​ລາວທັງ 2 …

ກະຊວງປ້ອງກັນຄວາມສະຫງົບ (ປກສ) ສຳເລັດການແຂ່ງຂັນກີລາຍິງປຶນ ຊີງຂັນທ່ານຮອງນາຍົກລັດຖະມົນຕີແຫ່ງ ສປປ ລາວ ເພື່ອສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບຄົບຮອບ 58 ປີ (5 ເມສາ 1961 – 5 ເມສາ 2019) ເມື່ອວັນທີ 6 ເມສາ ຜ່ານມາ ທີ່ສະໜາມຝຶກຊ້ອມກີລາຍິງປືນ 5 ເມສາ ນະຄອນຫຼວງວຽງຈັນ, ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ແລະ ທ່ານ ພົນໂທ ວິໄລ ຫຼ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍບັນດາລັດຖະມົນຕີ-ຮອງລັດຖະມົນຕີ ຈາກ 18 ກະຊວງ, ອົງການປົກຄອງນະຄອນຫຼວງວຽງຈັນ ແລະ ອົງການທຽບເທົ່າ 20 ພາກສ່ວນ, ຫົວໜ້າກົມ-ຮອງກົມ ແລະ ນັກກີລາເຂົ້າຮ່ວມ. ໂອກາດນີ້, ທ່ານ ພົນຕີ ສິນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບທັງເປັນປະທານສະຫະພັນກີລາຍິງປືນແຫ່ງຊາດລາວ ໄດ້ລາຍງານເຖິງປະຫວັດການເຕີບໃຫຍ່ເຂັ້ມແຂງຂອງກໍາລັງປ້ອງກັນຄວາມສະຫງົບໃນພາລະກິດຕໍ່ສູ້ກູ້ຊາດ …

ທ້າວ ເປ້ຍ ເຫຼົາ​ພັກ​ດີ ນັກ​ກີລາ​ຍົກ​ນໍ້າໜັກຄົນ​ພິ​ການ​ທີມ​ຊາດ​ລາວ ເຈົ້າ​ຂອງ​ຫຼຽນ​ຄໍາ ຮຸ່ນນໍ້າໜັກ 49 ກິ​ໂລກ​ຣາມ ງານ​ມະ​ຫາ​ກໍາ​ກິ​ລາ​ອາຊີ​ພາ​ຣາ​ເກມ ຄັ້ງ​ທີ 12 ທີ່​ປະ​ເທດ​ອິນ​ໂດ​ເນ​ເຊຍ ຮັບ​ກຽດ​ເປັນ​ເຈົ້າ​ພາບ ເມື່ອປີ 2018 ສືບ​ຕໍ່​ເກັບ​ຕົວ​ຝຶກ​ຊ້ອມ​ໜັກ​ຂຶ້ນກວ່າ​ເກົ່າ ເພື່ອ​ຝຶກ​ຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄວາມ​​ແຂງແກ່ນ, ສາ​ມາດ​ຮັບ​ປະ​ກັນ​ບັນ​ລຸ​ຄາດ​ໝາຍຕິດ 1 ໃນ 8 ​​ໃນ​ການ​ເຂົ້າ​ຮ່ວມ​ລາຍ​ການ​ຊີງ​ແຊ້ມ​ໂລກ ທີ່​ເມືອງ​ອັດ​ຕາ​ນາ ປະ​ເທດ​ກາ​ຊັກ​ສະ​ຖານ ໃນ​ເດືອນ​ກໍ​ລະ​ກົດ 2019. ຫວັງຄວ້າ​ໂຄ​ຕ້າ​ເຂົ້າ​ຮ່ວມ​ແຂ່ງ​ຂັນ​ງານ​ມະ​ຫາກໍາ​ກີລາ​ພາ​ຣາ​ລິມ​ປິກ​ເກມ ທີ່​ນະ​ຄອນ​ຫຼວງ​ໂຕ​ກຽວ ປະ​ເທດ​ຍີ່​ປຸ່ນ ເປັນ​ເຈົ້າ​ພາບ ໃນປີ 2020. ຕາມ​ການ​ໃຫ້​ສໍາ​ພາດ​ຂອງ ​ທ້າວ ເປ້ຍ ເຫຼົາ​ພັກ​ດີ ນັກ​ກີ​ລາ​ຍົກ​ນໍ້າໜັກຄົນ​ພິ​ການ​ທີມ​ຊາດ​ລາວ ເມື່ອ​ວັນ​ທີ 4 ເມ​ສາ ຜ່ານ​ມາ ໃນ​ງານ​ພິ​ທີ​ສະ​ຫຼຸບ​ຜົນ​ງານ​ຂອງ​ທັບ​ນັກ​ກີ​ລາ​ຄົນ​ພິ​ການ​ທີມ​ຊາດ​ລາວ ໃນ​ງານ​ມະ​ຫາ​ກໍາ​ກີ​ລາ​ອາ​ຊີ​ພາ​ຣາ​ເກມ ຄັ້ງ​ທີ 12 ທີ່​ປະ​ເທດ​ອິນ​ໂດ​ເນ​ເຊຍ ໃຫ້​ຮູ້​ວ່າ: ພາຍ​ຫຼັງ​ທີ່​ສາ​ມາດ​ສ້າງ​ຜົນ​ງານ​ຄັ້ງ​ປະ​ຫວັດ​ສາດ​ໃຫ້​ແກ່​ປະ​ເທດ​ຊາດ ດ້ວຍ​ການ​ຄວ້າ​ຫຼຽນ​ຄໍາ ຮຸ່ນນໍ້າໜັກ 49 ກິ​ໂລກ​ຣາມ ຈາກ​ງານ​ມະ​ຫາກໍາ​ກີ​ລາ​ອາຊີ​ພາ​ຣາ​ເກມ ຄັ້ງ​ທີ 12 ທີ່​ປະ​ເທດ​ອິນ​ໂດ​ເນ​ເຊຍ ເມື່ອກັບ​ມາ​ເຖິງ​ນະ​ຄອນ​ຫຼວງວຽງ​ຈັນ ກໍ​ໄດ້​ສືບ​ຕໍ່​ພາ​ລະ​ກິດ​ຂອງ​ຕົນ​ເອງ​ຢ່າງເປັນ​ປົກ​ກະ​ຕິ​ ແລະ ໄດ້ຕັ້ງ​ໜ້າ​ບຸກ​ບືນ​ເກັບ​ໂຕ​ຝຶກ​ຊ້ອມ​ໜັກ​ຂຶ້ນກວ່າ​ເກົ່າ …