ທາງການອີຣານ ໄດ້ອອກຖະແຫຼງການຍອມຮັບແລ້ວວ່າ ເຮືອບິນໂບອິງ 737-800 ຂອງສາຍການບິນຢູເຄຣນ ທີ່ຕົກໃນອີຣານເມື່ອອາທິດທີ່ຜ່ານມາ ແລະ ເປັນເຫດໃຫ້ມີຜູ້ເສຍຊີວິດ 176 ຄົນ ນັ້ນ ຖືກຍິງຕົກໂດຍກອງທັບອີຣານເອງ. ໂດຍຖະແຫຼງການລະບຸວ່າເປັນເຫດການທີ່ເກີດຂຶ້ນ ຢ່າງບໍ່ໄດ້ຕັ້ງໃຈ ແລະ ເກີດຈາກຄວາມຜິດພາດສ່ວນບຸກຄົນ (Human Error) ຫຼັງຈາກທີ່ເຮືອບິນລຳດັ່ງກ່າວບິນເຂົ້າໃກ້ພື້ນທີ່ສ່ຽງ ເຊິ່ງເປັນພື້ນທີ່ຂອງກອງກຳລັງພິທັກການປະຕິວັດອີຣານ. ເຖິງຢ່າງໃດກໍຕາມ ອີຣານ ຢືນຢັນວ່າຈະສະແດງຄວາມຮັບຜິດຊອບຕໍ່ເຫດການທີ່ເກີດຂຶ້ນ. ພ້ອມກັນນີ້ ລັດຖະບານອີຣານຍັງໄດ້ກ່າວສະແດງຄວາມເສຍໃຈ ແລະ ຂໍໂທດຕໍ່ຄອບຄົວເຫຍື່ອຜູ້ເສຍຊີວິດທີ່ເປັນຊາວອີຣານ ແລະ ຜູ້ເສຍຊີວິດຊາວຕ່າງປະເທດເທິງເຮືອບິນ. ກ່ອນໜ້າທີ່ຖະແຫຼງການສະບັບດັ່ງກ່າວຈະຖືກເຜີຍແຜ່ນັ້ນ, ຫຼັງຈາກເກີດເຫດເຮືອບິນຕົກ ທາງການອີຣານປະຕິເສດມາຕະຫຼອດວ່າບໍ່ໄດ້ເປັນຜູ້ໂຈມຕີເຮືອບິນລຳດັ່ງກ່າວ ເຖິງວ່າໜ່ວຍຂ່າວກອງຂອງສະຫະລັດຈະອອກມາເຜີຍວ່າພົບສັນຍານເຣດາອີຣານເຮັດວຽກໃນຂະນະເກີດເຫດ, ສ່ວນດາວທຽມຂອງສະຫະຫັດກໍກວດພົບຄື້ນອິນຟຣາເຣດວ່າມີການປ່ອຍຈະຫຼວດມິສໄຊລ໌ 2 ລຳ ເຊິ່ງໜ້າຈະເປັນຮຸ່ນ ເອສເອ-15 ແລ້ວຫຼັງຈາກນັ້ນບໍ່ດົນ ກໍມີຄື້ນອິນຟຣາເຣດຂອງການລະເບີດຂຶ້ນ. ຂໍຂອບໃຈ/ທີ່ມາ

ມະຫາເສດຖີຊາວ​ຍີ່​ປຸ່ນ​ແຈກ​ເງິນ​ໃຫ້​ຜູ້​ຕິດ​ຕາມ​ທະວິດເຕີ (Twitter) ​ສ່ວນ​ຕົວ 1,000 ລາຍ ເພື່ອສຳຫຼວດວ່າ​ຄົົນທີ່​ໄດ້ຮັບ​ເງິນ 1 ລ້ານ​ເຢນ ຊີວິດ​ຈະ​ປ່ຽນ​ແປງແນວໃດ. ຢາ​ຊາ​ກຸ ມາ​ເອ​ຊາ​ວາ ມະຫາເສດຖີຊາວ​ຍີ່​ປຸ່ນ ປະ​ກາດ​ຈະ​ແຈກ​ເງິນ 1 ລ້ານ​ເຢນ ຫຼື ​ປະ​ມານ 9,100 ໂດລາສະຫະລັດ ໃຫ້​ແກ່ ຜູ້​ທີ່​ຕິດ​ຕາມ​ທະວິດເຕີ​ສ່ວນ​ຕົວ​ຂອງ​ຕົນເອງ​ຈຳນວນ 1,000 ຄົນ. ໂດຍ​ຜູ້ກ່ຽວໄດ້​ປະ​ກາດ​ຂໍ້ຄວາມ​ດັ່ງກ່າວ​ຜ່ານ​ຊ່ອງ​ຢູ​ທູບ​ຂອງ​ຕົນເອງ​ທີ່​ມີ​ຜູ້​ຕິດ​ຕາມ​ປະ​ມານ 414,000 ຄົນ ໂດຍກ່າວ​ວ່າ ການ​ແຈກ​ເງິນ​ນີ້​ເປັນ​ກາ​ນເ​ເຂ່ງ​ຂັນ​ທົດສອບ​ຄວາມ​ເຄັ່ງຕຶງ​ຂອງ​ສັງຄົມ ເພື່ອສຳຫຼວດ​ເບິ່ງ​ວ່າ ຫາກ​ໄດ້ຮັບ​ເງິນ 1 ລ້ານ​ເຢນ ຊີວິດ​ຂອງ​ຜູ້​ທີ່​ໄດ້ຮັບ​ຈະ​ປ່ຽນ​ແປງ​ໄປ​ແນວໃດ. ສຳລັບ​ຜູ້​ທີ່​ເຂົ້າ​ຮ່ວມ​ແຂ່ງ​ຂັນ​ເພື່ອ​ຊີງ​ເງິນ 1 ລ້ານ​ເຢນ​ນັ້ນ​ຈະ​ຕ້ອງ​ເປັນ​ຜູ້​ຕິດ​ຕາມ​ທະວິດເຕີຂອງ​ມະຫາເສດຖີຄົນນີ້ ​ແລະ ​ຣີ​ທະວີດ​ (retweet) ປະ​ກາດ​ດັ່ງກ່າວ​ກ່ອນ​ທ່ຽງ​ຄືນ​ວັນທີ 7 ມັງກອນ ​ແລະ ​ຈະ​ຕ້ອງ​ຕອບ​ຄຳ​ຖາມວ່າ​ຈະ​ໃຊ້​ເງິນ​ກ້ອນ​ນີ້​ເຮັດ​ຫຍັງ. ຫຼັງ​ຈາກ​ທີ່​ມີ​ການ​ປະ​ກາດ​ອອກ​ໄປ​, ທະວິດ​ເຕີຂ​ອງ ​ມາ​ເອ​ຊາວາ ​ໄດ້ຮັບ​ການ​ຣີ​ທະວີດ​ຫຼາຍກວ່າ 4 ລ້ານ​ເທື່ອ. ຢ່າງໃດ​ກໍ​ຕາມ ກໍ​ຕາມ​ຜູ້​ຊະນະ​ນັ້ນ​ຈະ​ໄດ້ຮັບ​ການ​ຕິດ​ຕໍ່​ກັບ​ຈາກ​ມາ​ເອ​ຊາ​ວາ​ທາງ direct message ຂອງ​ທະວິດເຕີ​ພາຍ​ໃນ 2-3 ມື້. ຢ່າງໃດ​ກໍ​ຕາມ ນີ້​ບໍ່​ແມ່ນ​ເທື່ອທຳອິດ​ທີ່​ມາ​ເອ​ຊາ​ວາ​ແຈກ​ເງິນ​ໃຫ້​ແກ່​ຊາວ​ທະວິດເຕີ ເມື່ອ​ເດືອນ​ມັງກອນ …

ຫຼັງ​ຈາກ​ພົບ​ຜູ້​ຕິດ​ເຊື້ອ​ອາການ​ຄ້າຍ​ປອດ​ອັກ​ເສບ​ດ້ວຍ​ໄວ​ຣັດ​ໃນ​ປະເທດ​ຈີນ​ຫຼາຍ​ສິບ​ຄົນ ໄດ້​ສ້າງ​ຄວາມ​ຕື່ນຕົກໃຈ​ໃຫ້​ຫຼາຍ​ປະເທດ​ທົ່ວ​ໂລກ ໂດຍຫຼາຍປະເທດກໍໄດ້ໃຊ້ມາດຕະການ​​ກັກ​ກັນ​ຕົວ, ກວດ​ສອບ​ນັກ​ເດີນທາງ, ກວດກາ​ທີ່ສະໜາມ​ບິນ ເປັນຕົ້ນ. ຫຼ້າ​ສຸດ ຄະນະ​ກຳມະການ​ສາທາລະນະສຸກ​ແຫ່ງ​ອູ່​ຮັ່ນ ຖະແຫຼງ​ວ່າ ຕອນ​ນີ້​ມີ​ຜູ້​ປ່ວຍ​ພະຍາດ​ປອດ​ອັກ​ເສບ​ຈາກ​ໄວ​ຣັດປິດສະໜາ​ຈຳນວນ 59 ລາຍ ໂດຍ​ຜູ້​ປ່ວຍ​ທຸກ​ຄົນ​ໄດ້ຮັບ​ການ​ຮັກສາ​ໃນ​ເຂດ​ກັກ​ກັນ ແລະ ຍັງ​ບໍ່​ມີ​ລາຍ​ຊື່​ຂອງ​ຜູ້​ເສຍຊີວິດ. ​ຕອນ​ນີ້ ເຈົ້າ​ໜ້າທີ່​ກວ່າ 163 ຄົົນທີ່​ມີ​ການ​ສຳ​ຜັດ​ໃກ້​ຊິດ​ກັບ​ຜູ້​ຕິດ​ເຊື້ອ ກໍ​ໄດ້​ຖືກ​ວາງ​ຕົວ​ເຝົ້າ​ລະ​ວັງ​ພາຍໃຕ້​ການ​ສັງເກດ​ທາງ​ການ​ແພດ​ອີກດ້ວຍ. ໃນ​ຂະນະ​ທີ່​ເຈົ້າ​ໜ້າທີ່​ກໍ​ຢືນຢັນ​ວ່າ ອາການ​ນີ້​ບໍ່​ມີ​ຄວາມ​ເປັນ​ໄປ​ໄດ້​ທີ່​ຈະ​ເປັນ​ພະຍາດ​ຊາ​ສ໌ (SARS), ພະຍາດ​ລະບົບ​ທາງເດີນ​ຫາຍ​ໃຈ​ທີ່​ລະບາດໃນຕາເວັນ​ອອກ​ກາງ (ພະຍາດ​ເມີ​ສ໌) ຫຼື ​ໄຂ້​ຫວັດ​ນົກ. ແລ້ວ​ຖ້າ​ບໍ່​ແມ່ນ​ພະຍາດ​ທີ່​ຕ້ອງ​ສົງ​ໄສ​ເຫຼົ່າ​ນີ້​ແລ້ວ, ​ໄວ​ຣັດ​ນີ້​ຈະ​ເປັນ​ຫຍັງໄດ້ແດ່? ຄະນະ​ກຳມະການ​ດ້ານ​ສາທາລະນະສຸກຂອງ​ອູ່​ຮັ່ນ​ລະບຸວ່າ ການ​ຕິດ​ເຊື້ອ​ເກີດ​ຂຶ້ນ​ລະຫວ່າງ​ວັນທີ 12 – 29 ທັນວາ ປີ​ທີ່​ຜ່ານມາ ໂດຍ​ຜູ້​ປ່ວຍ​ບາງ​ລາຍ​ເຮັດວຽກ​ທີ່ຕະຫຼາດ​ອາຫານ​ທະ​ເລ​ໃນ​ເມືອງ ຊຶ່ງ​ເປັນຕະຫຼາດ​ທີ່​ມີ​ການ​ຈຳ​ໜ່າຍ​ສັດ​ທີ່​ມີ​ຊີວິດ​ອື່ນ​ໆ ເຊັ່ນ: ນົກ, ກະ​ຕ່າຍ ແລະ ​ງູ ເຮັດໃຫ້​ມີ​ຄວາມ​ກັງວົນວ່າ​ໄວ​ຣັດ​ອາດ​ແຜ່ເຊື້ອ​ຈາກ​ສັດ​ສູ່​ມະນຸດ ເຖິງວ່າ​ຈະ​ມີ​ລາຍ​ງານ​ວ່າ ຕະຫຼາດ​ນີ້​ໄດ້​ປິດ​ໃຫ້ບໍລິ​ການຕັ້ງ​ແຕ່ 1 ມັງກອນ​ເພື່ອ​​ຂ້າ​ເຊື້ອ​ພະຍາດ. ສາ​ດສະດາຈາ​ນ​ ເດ​ວິດ ຮຸຍ ຊູ​ສົງ (David Hui Shu-cheong) ຜູ້​ຊ່ຽວ​ຊານ​ດ້ານ​ລະບົບ​ຫາຍ​ໃຈ​ຂອງ ມະຫາ​ວິທະຍາ​ໄລ​ຈີນ​ແຫ່ງ​ຮົງ​ກົງ​ໄດ້​ໃຫ້​ສຳພາດ​ກັບ CNN ວ່າ ມີ​ຄວາມ​ເປັນ​ໄປ​ໄດ້​ສູງ​ທີ່​ການ​ລະບາດຂອງ​ປອດ​ອັກ​ເສບ​ຈະ​ເກີດ​ຈາກ​ໄວ​ຣັດ​ຊະນິດ​ໃໝ່. …

ປະເທດ​ພັນທະມິດ​ຂອງສະຫະລັດອາເມລິກາເລີ່ມ​ອອກ​ມາ​ປະຕິເສດ​ວ່າ ​ບໍ່​ຮູ້​ມາ​ກ່ອນ​ວ່າ ສະຫະລັດ ຈະ​ສັງ​ຫານ​ນາຍ​ພົນ​ໂຊ​ເລ​ມາ​ນີ​ຂອງ​ອີຣານ ເພາະ​ບໍ່​ຢາກ​ຕົກ​ເປັນ​ເປົ້າ​ການ​ໂຈມ​ຕີ​ຈາກ​ອີຣານ​ ແລະ ​ພັນທະມິດ. ປະເທດ​ພັນທະມິດ​ຂອງສະຫະລັດ ຫຼາຍ​ປະເທດ​ທີ່​ເຄີຍ​ສະໜັບ​ສະໜຸນ​ໃຫ້ສະຫະລັດ ໃຊ້​ມາດຕະການ​ທີ່​ຮຸນແຮງ​ຂຶ້ນ​ໃນ​ການ​ຮັບ​ມື​ກັບ​ອີຣານ ຊໍ້າພັດ​ເລີ່ມ​ຕີ​ຕົວ​ອອກ​ຫ່າງ​ຈາກສະຫະລັດ ດ້ວຍ​ການ​ອອກ​ມາ​ປະກາດວ່າ ບໍ່​ມີ​ສ່ວນ​ກ່ຽວ​ຂ້ອງ​ ແລະ​ ບໍ່​ຮູ້​ມາ​ກ່ອນ​ວ່າ ໂດນັລ ທຣຳ ປະທານາທິບໍດີສະຫະລັດ ສັ່ງ​ການ​ໃຫ້​ກອງທັບສະຫະລັດ ສັງ​ຫານ ພົນຕີ ​ກັດ​ຊິມ ໂຊ​ເລ​ມາ​ນີ ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິວັດອີຣານ ດ້ວຍ​ການ​ໂຈມ​ຕີ​ທາງ​ອາ​ກາດ​ຈາກ​ໂດ​ຣນ​ທີ່ນະຄອນຫຼວງ​ແບກ​ແດດ​ຂອງ​ອີຣັກ​ເມື່ອ​ວັນທີ 3 ມັງກອນ ທີ່​ຜ່ານມາ. ປະເທດ​ພັນທະມິດ​ຂອງສະຫະລັດ ຫຼາຍ​ປະເທດ​ພະຍາຍາມ​ຈະ​ບໍ່ຫຍຸ້ງ​ກັບ​ຄວາມ​ຂັດ​ແຍ້ງ​ລະຫວ່າງສະຫະລັດ ແລະ​ ອີຣານ​ໃນ​ເທື່ອ​ນີ້ ເພາະ​ຢ້ານ​ວ່າ​ຈະ​ຕົກ​ເປັນ​ເປົ້າ​ການ​ໂຈມ​ຕີ​ຂອງ​ອີຣານ ​ແລະ ​ພັນທະມິດ​ໄປ​ນຳ ໂດຍ​ສະເພາະ​ຫຼັງ​ຈາກ​ທີ່​ອີຣານ​ຍິງ​ຂີປະ​ນາ​ວຸດ​ຫຼາຍ​ສິບຫົວ​ຖະຫຼົ່ມ​ຖານ​ທັບສະຫະລັດ 2 ແຫ່ງ​ໃນ​ອີຣັກ. ອິດ​ສະຣາ​ເອລ ​ແລະ ​ອົ​ງ​ການ​ສົນ​ທິ​ສັນຍາ​ແອັດ​ແລນ​ຕິກ​ເໜືອ ຫຼື ນາ​ໂຕ (NATO) ຢ້ຳ​ວ່າ ບໍ່​ມີ​ສ່ວນ​ກ່ຽວ​ຂ້ອງ​ກັບ​ການ​ໂຈມ​ຕີ​ຂອງສະຫະລັດແຕ່​ຢ່າງ​ໃດ. ຂະນະ​ທີ່ ອັງ​ກິດ, ຝ​ຣັ່ງ, ເຢຍລະມັນ, ຊາ​ອຸ​ດີ​ອາ​ຣະ​ເບຍ ແລະ ​ອັນ​ໂຕນິ​ອູ ກູ​ແຕ​​ຣີສ ເລ​ຂາ​ທິ​ກາ​ນສະ​ຫະ​ປະ​ຊາ​ຊາດ (UN) ​ຕ່າງ​ກໍ​ຮຽກ​ຮ້ອງ​ໃຫ້ສະຫະລັດອົດ​ກັ້ນ ໂດຍ​ສະເພາະ​ຢ່າງຍິ່ງ ຫຼັງ​ຈາກ​ທີ່​ທ່ານ …

ເຕ​ຫະ​ຣານ, 5 ມັງກອນ (ຊິນ​ຫົວ) — ເມື່ອວັນ​ອາທິດ (5 ມັງກອນ) ສຳ​ນັກ​ຂ່າວ​ທາງ​ການ​ອີຣານ (IRNA) ລາຍ​ງານ​ວ່າ ອີຣານ​ໄດ້​ປະ​ກາດ​ຈະຫຼຸດລະ​ດັບ​ຄວາມ​ຜູກ​ພັນ​ພາຍໃຕ້​ຂໍ້​ຕົກລົງ​ນິວເຄຼຍອີຣານ​ປີ 2015 ຂັ້ນ​ທີ 5 ຊຶ່ງ​ເປັນ​ຂັ້ນ​ສຸດ​ທ້າຍ. ສຳ​ນັກ​ຂ່າວ​ທ້ອງ​ຖິ່ນ ລາຍ​ງານ​ຖະແຫຼງການຂ​ອງ​ລັດຖະບານ​ອີຣານ​ທີ່​ລະບຸ​ວ່າ “ສາທາລະນະລັດ​ອິດສະ​ລາມ​ໄດ້ຫຼຸດ​ຂໍ້​ຈຳ​ກັດ​ສຳຄັນ​ສຸດ​ທ້າຍ​ຕາມ​ຂັ້ນ​ທີ 5 ຂອງ​ການ​ຖອນຕົວ​ຈາກ​ຂໍ້​ຜູກ​ພັນ​ດັ່ງ​ກ່າວ ນັ້ນ​ຄື ‘ຂໍ້​ຈຳ​ກັດ​ກ່ຽວກັບ​ຈຳນວນ​ເຄື່ອງ​ໝຸນ​ຫວ່ຽງ​ວັດ​ສະດຸ​ນິວ​ເຄຼຍ (centrifuge) ທີ່​ອີຣານ​ມີ. ໂຄງ​ການ​ນິວ​ເຄຼຍຂ​ອງ​ອີຣານ​ຈະ​ບໍ່​ປະຕິບັດ​ຕາມ​ຂໍ້​ຈຳ​ກັດ​ໃນທາງ​ປະຕິບັດ​ໃດ​ໆອີກ​ຕໍ່ໄປ ຮວມທັງລະ​ດັບ​ຄວາມ​ບໍລິສຸດ ​ແລະ ​ການ​ເສີມ​ສະ​ມັດຖະ​ນະມວນ​ຂອງ​ວັດສະ​ດຸ​ເສີມ​ສະ​ມັດຖະ​ນະ ຮວມ​ທັງ​ກິດຈະກຳ​ການ​ວິ​ໄຈ ​ແລະ ​ພັດທະນາ​ຕ່າງ​ໆ,” ຖະແຫຼງການຂ​ອງ​ລັດຖະບານ​ອີຣານ​ລະບຸ. “ນັບ​ຈາກ​ນີ້​ໄປ​ໂຄງ​ການ​ນິວເຄຼຍຂອງອີຣານ​ຈະ​ເດີນໜ້າ​ຕາມ​ຂໍ້​ກຳນົດ​ທາງ​ເຕັກ​ນິກ​ຂອງຕົວ​ເອງ”. ອີຣານ​ໄດ້​ດຳ​ເນີນ​ການ​ຕ່າງ​ໆ ຢ່າງ​ເປັນ​ຂັ້ນ​ເປັນ​ຕອນ ເພື່ອ​ຕອບສະໜອງ​ຕໍ່​ການ​ຖອນຕົວ​ຂອງ​ສະຫະລັດ ຈາກ​ຂໍ້​ຕົກລົງ​ນິວເຄຼຍອີຣານ​ປີ 2015 ໃນ​ເດືອນ​ພຶດສະພາ 2018 ແລະ​ການຂວໍ້າບາດຫຼາຍ​ເທື່ອ​ຫຼັງ​ຈາກ​ນັ້ນ. ອີກ​ທັງ​ເພື່ອ​ຕອບສະໜອງ​ຕໍ່​ຄວາມຫຼ້າ​ຊ້າ​ຂອງ​ຢຸ​ໂຣບ​ໃນ​ການ​ອຳ​ນວຍ​ຄວາມສະດວກ​ແກ່​ການເຮັດ​ທຸລະ​ກຳ​ທາງ​ທະ​ນາ​ຄານ ​ແລະ​ ການ​ສົ່ງ​ອອກ​ນ້ຳ​ມັນ​ຂອງ​ອີຣານ ແລະ ​ທ້າຍ​ທີ່ສຸດ​ຄື​ເພື່ອ​ປົດ​ປ່ອຍ​ຕົນເອງ​ຈາກ​ພັນ​ທະ​ສັນຍາ​ນິວ​ເຄຼຍ. ອີຣານ​ເຄີຍ​ຖະແຫຼງໄວ້​ວ່າ​ ການຫຼຸດ​ພາລະ​ຜູກ​ພັນ​ຕາມ​ຂໍ້​ຕົກລົງ​ນິວເຄຼຍປີ 2015 ຖື​ເປັນ “ການ​ປຸກ” ຝ່າຍ​ອື່ນ​ໆ ທີ່​ກ່ຽວ​ຂ້ອງ​ກັບ​ຂໍ້​ຕົກລົງ ເພື່ອ​ປົກ​ປ້ອງ​ຜົນ​ປະໂຫຍດ​ທາງ​ເສດຖະກິດ​ຂອງ​ອີຣານ. “ດັ່ງ​ເຊັ່ນ​ກ່ອນ​ໜ້າ​ນີ້ ອີຣານ​ຈະ​ຍັງ​ຄົງ​ຮ່ວມ​ມື​ກັບ​ອົງການ​ພະລັງ​ງານ​ປະລະ​ມາ​ນູ​ລະຫວ່າງ​ປະເທດ (IAEA) ຕໍ່ໄປ,” ອີຣານ​ປະ​ກາດ​ເມື່ອ​ວັນ​ອາທິດ​ທີ່​ຜ່ານມາ. …

ປະທານາທິບໍດີສະຫະລັດ ຂູ່​ວ່າ​ ຈະ​ຂວໍ້າບາດອີຣັກ ຫາກອີຣັກ​ໄລ່​ກອງທັບສະຫະລັດອອກ​ນອກ​ປະເທດ ນອກ​ຈາກວ່າ ອີຣັກ​ຈະ​ຍອມ​ຈ່າຍ​ຄ່າ​ສ້າງ​ຖານ​ທັບ​ອາ​ກາດ​ຫຼາຍ​ຕື້ໂດລາ​ຄືນ​ໃຫ້. ໂດນັລ ທຣຳ ປະທານາທິບໍດີສະຫະລັດ ກ່າວ​ວ່າ ອີຣັກ​ຄວນ​ຈະ​ກຽມ​ໂຕ​ຮັບ​ມື​ກັບ​ການ​ຂວໍ້າບາດ​ທີ່​ໜັກ​ຢ່າງ​ທີ່​ບໍ່​ເຄີຍ​ເຫັນ​ມາ​ກ່ອນ​ຈາກສະຫະລັດ ຫາກ​ລ​ົງມະ​ຕິ​ໃຫ້​ຂັບ​ໄລ່​ກອງທັບ​ຕ່າງ​ຊາດ​ອອກຈາກອີຣັກ. ທຣຳ ລະ​ບຸ​ວ່າ “ເຮົາ​ມີ​ຖານ​ທັບ​ອາ​ກາດ​ທີ່​ແພງ​ມະຫາ​ສານ​ຢູ່ບ່ອນນັ້ນ ໃຊ້​ງົບ​ສ້າງ​ຫຼາຍຕື້ໂດລາ​ຕັ້ງ​ແຕ່​ຂ້າພະເຈົ້າຍັງ​ບໍ່​ຢູ່ໃນ​ຕຳແໜ່ງ. ເຮົາ​ຈະ​ບໍ່​ອອກ ນອກ​​ຈາກ​ພວກ​ທ່ານ​ຈະ​ຈ່າຍ​ເງິນ​ຄືນ​ໃຫ້​ພວກ​ເຮົາ”. ທ່ານຍັງ​ຂູ່​ຕໍ່ວ່າ ຫາກອີຣັກ​ສະແດງ​ທ່າ​ທີ​ເປັນ​ປໍລະປັກ ແລະ ສະຫະລັດເຫັນ​ວ່າ​ບໍ່​ເໝາະ​ສົມ “ສະຫະລັດຈະ​ຂວໍ້າບາດອີຣັກ​ຢ່າງ​ໜັກ ແບບ​ທີ່​ເຮັດໃຫ້​ການ​ຂວໍ້າບາດ​ອີຣານ​ເບິ່ງ​ເປັນ​ເລື່ອງ​ນ້ອຍໆ​ໄປເລີຍ.” ອ່ານຂ່າວທີ່ກ່ຽວຂ້ອງ = ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ ອີຣານຕັ້ງຄ່າຫົວ “ປະທານາທິບໍດີສະຫະລັດ 80 ລ້ານໂດລາ” ພ້ອມຂູ່ໂຈມຕີທຳນຽບຂາວໄດ້ທຸກເວລາ ທ່າ​ທີ​ດັ່ງ​ກ່າວ​ມີ​ຂຶ້ນ​ຫຼັງ​ຈາກ​ທີ່​ລັດຖະສະພາອີຣັກ​ລ​ົງມ​ະຕິ​ໃຫ້ຢຸດຕິ​ຂໍ້​ຕົກລົງ​ທີ່​ເຄີຍ​ເຮັດ​ໄວ້​ກັບ​ລັດຖະບານສະຫະລັດ ເມື່ອ​ປີ 2014 ຊຶ່ງ​ເປັນ​ຂໍ້​ຕົກລົງ​ວ່າສະຫະລັດ ຈະ​ສົ່ງ​ທະຫານ​ໄປ​ຊ່ວຍອີຣັກ​ຕໍ່ສູ້​ກັບ​ກຸ່ມ​ກໍ່​ການ​ຮ້າຍໄອເອສ ໂດຍ​ໃຫ້​ເຫດ​ຜົນວ່າ ຂໍ້​ຕົກລົງ​ດັ່ງ​ກ່າວ​ເປັນ​ຂໍ້​ຕົກລົງ​ທີ່​ອະນຸຍາດ​ໃຫ້​ກອງທັບ​ຕ່າງ​ຊາດ​ເຂົ້າໄປ​ຕໍ່ສູ້​ກັບ​ກຸ່ມໄອເອສ ຊຶ່ງ​ປັດຈຸບັນ​ໄດ້​ຫຼົ້ມສະຫຼາຍ​ໄປ​ແລ້ວ ແລະ ​ລັດຖະບານອີຣັກ​ຕ້ອງ​ຢຸດຕິ​ບໍ່​ໃຫ້​ກອງທັບ​ຕ່າງ​ຊາດ​ເຂົ້າ​ມາ​ໃຊ້​ຜືນ​ແຜ່ນດິນອີຣັກ, ໃຊ້​ນ່ານ​ຟ້າ ຫຼື ນ່ານນ້ຳ​ຂອງອີຣັກ​ຫາ​ປະໂຫຍດ​ໃດ​ໆ. ຢ່າງໃດ​ກໍ​ຕາມ ມ​ະຕິ​ດັ່ງ​ກ່າວຍັງ​ເປີດ​ທາງ​ໃຫ້​ກອງທັບ​ຕ່າງ​ຊາດ​ປະຈຳ​ການ​ຢູ່ໃນອີຣັກ​ໄດ້ ຫາກ​ເປັນ​ການ​ປະຈຳ​ການ​ເພື່ອ​ຊ່ວຍ​ຝຶກ​ຝົນ​ທະຫານອີຣັກ ແຕ່​ຄູຝຶກ​ຊາວ​ຕ່າງ​ຊາດ​ມີ​ຄວາມ​ຈຳ​ເປັນ​ຕ້ອງລາຍ​ງານ​ຕົວ​ກັບ​ທາງ​ການອີຣັກ​ອີກດ້ວຍ. ຄວາມ​ເຄັ່ງຕຶງ​​ລະຫວ່າງສະຫະລັດ ແລະ ອີຣັກ​ເພີ່ມ​ຂຶ້ນ​ນັບ​ຕັ້ງ​ແຕ່​ທີ່​ກອງທັບສະຫະລັດ ສັງ​ຫານ​ພົນຕີ ກັດ​ຊິມ ໂຊ​ເລ​ມາ​ນີ ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິວັດ​ອີຣານ …

ອີຣານປະ​ກາດ​ຕັ້ງ​ຄ່າຫົວ ໂດນັລ ທຣຳ 80 ລ້ານໂດລາ ຫຼື ປະມານ 708 ຕື້ກີບ ດ້ານ​ສະມາຊິກ​ລັດຖະ​ສະພາ​ຂູ່ ອີຣານສາມາດ​ໂຈມ​ຕີ​ທຳນຽບ​ຂາວ​ໄດ້​ທຸກ​ເມື່ອ. ລະຫວ່າງ​ການ​ຈັດ​ງານ​ພິທີ​ສົບ​ຂອງ ພົນຕີ ກັດ​ຊິມ ໂຊ​ເລ​ມາ​ນີ ຜູ້​ບັນ​ຊາ​ການ​ກອງ​ກຳ​ລັງ​ກຸດ​ສ​໌ ກອງ​ກຳ​ລັງ​ສຳຄັນ​ຂອງ​ກອງທັບ​ພິ​ທັກປະຕິວ​ັ​ດ​ອີຣານເມື່ອ​ວານ​ນີ້ (5 ມັງກອນ) ອີຣານໄດ້​ປະ​ກາດ​ຜ່ານ​ສ​ະຖາ​ນີ​ໂທລະພາບ​ແຫ່ງ​ຊາດ ຮຽກ​ຮ້ອງ​ໃຫ້​ປະຊາຊົນ​ທັງ 80 ກວ່າ​ລ້ານ​ຄົນ​ຊ່ວຍ​ກັນ​ບໍລິຈາກ​ເງີນ​ຄົນ​ລະ 1 ໂດລາ ເພື່ອ​ລະ​ດົມ​ທຶນ​ເປັນ​ເງິນ​ຄ່າຫົວ​ ທ່ານ ​ໂດນັລ ທຣຳ ປະ​ທາ​ນາ​ທິບໍ​ດີສະ​ຫະລັດ ໂດຍ​ຈະ​ມອບ​ໃຫ້​ກັບ​ໃຜ​ກໍ​ຕາມ​ທີ່​ສາມາດ​ຈັບ​ຕົວ​ທ່ານ ​ທຣຳ ​ມາ​ໄດ້. ອ່ານຂ່າວທີ່ກ່ຽວຂ້ອງ = ປະທານາທິບໍດີສະຫະລັດຊີ້ແຈງເຫດສັງຫານ “ນາຍພົນໂຊເລມານີ” ຂອງອີຣານ ແມ່ນເພື່ອຢຸດສົງຄາມ ຄວາມ​ເຄື່ອນ​ໄຫວ​ດັ່ງ​ກ່າວ​ເກີດ​ຂຶ້ນ​ຫຼັງ​ຈາກ​ທີ່​ກອງທັບ​ສະ​ຫະລັດ​ສັງ​ຫານ​ພົນຕີ ກັດ​ຊິມ ໂຊ​ເລ​ມາ​ນີ ດ້ວຍ​ການ​ໂຈມ​ຕີ​ທາງ​ອາ​ກາດ​ຈາກ​ໂດ​ຣນ​ທີ່ນະຄອນຫຼວງແບກ​ແດດ​ຂອງ​ອິີຣັກ​ເມື່ອ​ວັນທີ 3 ມັງກອນ ທີ່​ຜ່ານມາ ຊຶ່ງ​ສຳ​ນັກ​ຂ່າວ Iranian Labour News Agency ຍັງ​ໄດ້​ລາຍ​ງານ​ດ້ວຍ​ວ່າ ໜຶ່ງ​ໃນ​ສະມາຊິກ​ລັດຖະ​ສະພາປະ​ກາດ​ ພ້ອມ​ຖະຫຼົ່ມ​ທຳນຽບ​ຂາວ​ໄດ້​ທຸກ​ເມື່ອ. “ເຮົາ​ສາມາດ​ໂຈມ​ຕີ​ທຳນຽບ​ຂາວ​ໄດ້ ເຮົາ​ສາມາດ​ຕອບ​ໂຕ້​ຊາວ​ອ​າເມ​ລິກາ​ເທິງ​ຜືນ​ດິນ​ຂອງ​ພວກ​ເຂົາ​ໄດ້. ເຮົາ​ມີ​ພະລະ​ກຳ​ລັງ ຕາມ​ພະປະສົງ​ຂອງ​ພະ​ເຈົ້າ. ເຮົາ​ຈະ​ຕອບ​ໂຕ້​ໃນ​ເວລາ​ທີ່​ເໝາະ​ສົມ​ທີ່ສຸດ. ເມື່ອ​ມີ​ໃຜ​ປະ​ກາດ​ສົງຄາມ …

ຜູ້​ບັນ​ຊາ​ການ​ທະຫານ​ສູງ​ສຸດ​ຂອງ​ໄຕ້​ຫວັນ​ຄື 1 ໃນ 8 ຜູ້​ເສຍຊີວິດ ຈາກ​ເຫດການ​ເຮ​ລິ​ຄັອບ​ເຕີ​ຕົ​ກ​ໃນ​ເຂດຮ່ອມພູ​ນອກ​ນະຄອນ​ໄທ​ເປ​ເມື່ອວັນ​ພ​ະ​ຫັດທີ່ຜ່ານມາ. ກະ​ຊວງ​ປ້ອງກັນຊາດໄຕ້​ຫວັນ​ລາຍ​ງານ​ວ່າ ເຮືອບິນ​ແບ​ຼັກ​ຮອກ​ຂອງ​ກອງທັບ​ທີ່​ມີ​ຜູ້​ບັນຊາ​ການ​ທະຫານ​ສູງ​ສຸດ ພົນ​ອາ​ກາດ​ເອກ ເສີນ ຢີ່​-​ໝິງ ໂດຍ​ສານ​ໄປ​ນຳ ພ້ອມ​ດ້ວຍ ນາຍ​ທະຫານລະ​ດັບ​ສູງ ​ແລະ ​ຜູ້​ໂດຍ​ສານ​ຄົນ​ອື່ນ​ລວມ 13 ຄົນ ເດີນທາງ​ອອກຈາກ​ຖານ​ທັບ​ອາ​ກາດ​ໃນ​ນະຄອນ​ໄທ​ເປ​ເມື່ອຕອນ​ເຊົ້າວັນພະຫັດ ເພື່ອ​​ຢ້ຽມຢາມ​ທະຫານ​ທີ່​ຖານ​ທັບ​ແຫ່ງ​ໜຶ່ງ​ໃນ​ເຂດ​ຢີ່​ຫຼານ​ທາງ​ຕາເວັນ​ອອກ​ສ່ຽງ​ເໜືອ ກ່ອນທີ່ຈະ​ຫາຍ​ໄປ​ຈາກ​ຈໍ​ເຣ​ດາ​ໃນ​ອີກ​ບໍ່​ເທົ່າໃດ​ນາ​ທີ​ຕໍ່​ມາ. ລາຍ​ງານລະ​ບຸ​ວ່າ ມີ​ນາຍ​ທະຫານ​ຍົດ​ພົນ​ເອກເສຍຊີວິດ 3 ຄົນໃນ​ເຫດການ​ນີ້ ຂະນະ​ທີ່​ມີ 5 ຄົນ​ລອດ​ຊີວິດ. ທີ່​ຜ່ານມາ, ໄຕ້​ຫວັນ​ຊື້​ເຮ​ລິ​ຄັອບ​ເຕີ​ແບຼ​ັ​ກ​ຮອກ​ຈາກ​ສະ​ຫະລັດ​ມາ​ແລ້ວ​ຫຼາຍ​ຊຸດ ຮວມທັງຍອດ​ສັ່ງ​ຊື້ 60 ລຳ​ເມື່ອ​ປີ ຄ​.ສ​. 2020. ເມື່ອ​ສອງ​ປີກ່ອນ ເກີດ​ເຫດ​ເຮ​ລິ​ຄັອບ​ເຕ​ີ​ແບຼ​ັ​ກ​ຮອກ​ຕົກ​ທາງ​ຊາຍ​ຝັ່ງ​ພາກ​ຕາເວັນ​ອອກ​ຂອງ​ໄຕ້​ຫວັນ ເຮັດໃຫ້​ມີ​ຜູ້​ເສຍຊີວິດ 6 ຄົນ.ເຮລິຄັອບເຕີ ຂໍຂອບໃຈ/ ທີ່ມາຂ່າວ

ໂດນັລ ທຣຳ ປະທານາທິບໍດີສະຫະລັດ ໂພສລົງທະວິດເຕີ ເມື່ອວັນທີ 31 ທັນວາ ວ່າ ຕົນເອງກຳລັງກຽມລົງນາມໃນຂໍ້ຕົກລົງການຄ້າລະຫວ່າງສະຫະລັດ ແລະ ຈີນ ສະບັບໃໝ່ສ່ວນທຳອິດ ໃນວັນທີ 15 ມັງກອນ ທີ່ນະຄອນຫຼວງວໍຊິງຕັນ ດີຊີ ແລະ ຫຼັງຈາກນັ້ນຈະເດີນທາງໄປປະເທດຈີນ ເພື່ອເຈລະຈາການຄ້າໃນສ່ວນຕໍ່ໄປ. “ຂ້ອຍຈະເຊັນສັນຍາການຄ້າກັບຈີນ ເຟສ 1 ທີ່ໃຫຍ່ຫຼາຍ ແລະ ມີເນື້ອໃນກວມເອົາຫຼາຍເລື່ອງ ໃນວັນທີ 15 ມັງກອນ, ພິທີຈະຈັດຂຶ້ນຢູ່ທີ່ທຳນຽບຂາວ ຜູ້ແທນລະດັບສູງຂອງຈີນຈະມາຮ່ວມນຳ, ແລ້ວມື້ຕໍ່ໄປຂ້ອຍກໍຈະເດີນທາງໄປປັກກິ່ງເພື່ອເລີ່ມຫາລືກ່ຽວກັບ ເຟສ 2 ນຳກັນ” ທຣຳໂພສ. ການເຄື່ອນໄຫວນີ້ ເຮັດໃຫ້ຫຼາຍຝ່າຍຄາດຫວັງວ່າ ອາດຈະນຳໄປສູ່ການສະຫງົບເສິກສົງຄາມການຄ້າທີ່ສະຫະລັດ ແລະ ຈີນ ມີຕໍ່ກັນເມື່ອຕະຫຼອດຫຼາຍເດືອນທີ່ຜ່ານມາ. ສັນຍາການຄ້າສ່ວນທຳອິດນີ້ ທັງສອງຝ່າຍເຜີຍວ່າ ມີເນື້ອໃນກວມເອົາການປົກປ້ອງຊັບສິນທາງປັນຍາ, ສິນຄ້າປະເພດອາຫານ ແລະ ການກະເສດ, ບໍລິການດ້ານການເງິນ ແລະ ອັດຕາແລກປ່ຽນ ທັງຍັງມີສ່ວນທີ່ລະບຸເຖິງການແກ້ໄຂບັນຫາລະຫວ່າງກັນ ເມື່ອມີຂໍ້ຂັດແຍ່ງ. ບໍ່ພຽງແຕ່ເທົ່ານັ້ນ ເນື້ອໃນຂອງສັນຍາດັ່ງກ່າວລະບຸວ່າ ຈີນສັນຍາວ່າຈະຊື້ສິນຄ້າຈາກໂຮງງານ, ຊາວກະສິກອນ, ຜູ້ຜະລິດພະລັງງານ ແລະ ຜູ້ໃຫ້ບໍລິການ …

ສິງກະໂປ ພ້ອມຊຸກຍູ້ໂຄງການເຄືອຂ່າຍເມືອງອັດສະລິຍະອາຊຽນ ຫວັງຮອງຮັບກະແສປະຊາກອນໄຫຼເຂົ້າມາເຮັດວຽກໃນເມືອງ. ໃນກອງປະຊຸມສຸດຍອດອາຊຽນຄັ້ງທີ 32 ເມື່ອວັນເສົາທີ່ຜ່່ານມາ ທີ່ປະເທດສິງກະໂປ, ທ່ານ ລີຊຽນລຸງ ໃນຖານະປະທານອາຊຽນ ຍົກປະເດັນ “ເມືອງອັດສະລິຍະ” ຫຼື ສະມາດຊິຕີ້ ຂຶ້ນມາກ່າວເຖິງ. ທ່ານຊີ້ວ່າ “ສຳລັບປະເດັນເຄືອຂ່າຍເມືອງອັດສະລິຍະ ເປັນສິ່ງທີ່ເຮົາຫວັງວ່າຈຳສຳເລັດສົມບູນ, ມີຄວາມກ້າວໜ້າ ແລະ ມີຜົນລັບທີ່ຈັບຕ້ອງໄດ້ພາຍໃນປີນີ້”. ປັດຈຸບັນນີ້, ປະຊາກອນໃນອາຊຽນກວ່າເຄິ່ງໜຶ່ງອາໄສຢູ່ໃນພື້ນທີ່ເມືອງ ແລະ ພາຍໃນປີ 2030 ມີການຄາດຄະເນວ່າປະຊາກອນອີກຫຼາຍກວ່າ 90 ລ້ານຄົນ ຈະຍ້າຍເຂົ້າມາເພີ່ມ ໂດຍເມືອງຂະໜາດກາງທີ່ຮອງຮັບປະຊາກອນລະຫວ່າງ 200,000 – 2,000,000 ຄົນ ຈະສົ່ງຜົນໃຫ້ເກີດການເຕີບໂຕທາງພາກພື້ນຫຼາຍກວ່າ 40%. ແນວໃດກໍຕາມ, ດ້ວຍຈຳນວນປະຊາກອນທີ່ສູງຂຶ້ນ ສົ່ງຜົນໃຫ້ເກີດບັນຫາຕາມມາ ທັງຄວາມໜາແໜ້ນ, ມົນລະພິດທາງອາກາດ, ຄຸນນະພາບນໍ້າ, ຄວາມຫຼຸດໂຕນ ແລະ ການແບ່ງແຍກທາງພູມສາດລະຫວ່າງປະຊາກອນໃນເມືອງ ແລະ ປະຊາກອນທ້ອງຖິ່ນ. ຄວາມພະຍາຍາມໃນການສ້າງເມືອງອັດສະລິຍະເປັນໜຶ່ງໃນຄຳຕອບຂອງການແກ້ບັນຫາຂ້າງຕົ້ນ ດ້ວຍການນຳເອົາເຕັກໂນໂລຊີມາໃຊ້ໃຫ້ເກີດປະໂຫຍດສູງສຸດເພື່ອຄຸນນະພາບຊີວິດຂອງປະຊາຊົນ. ເຖິງວ່າສິງກະໂປຈະເປັນຜູ້ນຳເລື່ອງເມືອງອັດສະລິຍະໃນພາກພື້ນ, ແຕ່ປະເທດເຊັ່ນ: ມາເລເຊຍ: ຫວຽດນາມ, ໄທ ແລະ ອິນໂດເນເຊຍ ກໍມີເປົ້າໝາຍໃນການສ້າງເມືອງອັດສະລິຍະເຊັ່ນດຽວກັນ. ນີ້ຈຶ່ງບໍ່ແມ່ນເລື່ອງແປກໃໝ່ຂອງພາກພື້ນນີ້. ໃນກອງປະຊຸມສຸດຍອດອາຊຽນຄັ້ງນີ້ …