ເຜີຍພາບເບື້ອງຫຼັງການຖ່າຍໂປສເຕີໂຄສະນາຮູບເງົາ “ໄຂ່ຂວັນ ມື້ຮັກໝົດ (ໃຈ)” ທີ່ກຳກັບໂດຍ ອານີໄຊ ແກ້ວລາ ຈາກ ລາວ ນິວເວບ ຊີເນມາ ຄ້າຍສ້າງຮູບເງົາຊື່ດັງຂອງລາວ ແລະ ໄດ້ນັກສະແດງສາວ ຢ່າງ ລູກນໍ້າ – ທິດາລັດ ວົງສິລິ ມາຮັບບົດນາງເອກ ຄູ່ກັບໜຸ່ມ ຕ໋ອງ – ອາທິດອຸໄທ ວົງໄຊຊະນະ ເຊິ່ງຮັບບົດເປັນພະເອກຂອງເລື່ອງ. ການຖ່າຍໂປສເຕີຮູບເງົາເລື່ອງດັ່ງກ່າວມີຂຶ້ນເມື່ອບໍ່ດົນມານີ້ ເຊິ່ງຮູບພາບທີມງານນັກສະແດງທີ່ຮ່ວມຖ່າຍໂປສເຕີ ໄດ້ຖືກເຜີຍແຜ່ອອກມາໂດຍ ພອນສະຫວັນ ແສງພະຈັນ ໜຶ່ງໃນທີມຂຽນບົດ ລົງໃນເຟສບຸກສ່ວນຕົວ Kaewkun Saengphachan ເມື່ອວານນີ້ (24 ເມສາ 2019). ທັງນີ້ ຮູບເງົາເລື່ອງນີ້ໄດ້ມີການປ່ອຍຕົວຢ່າງສັ້ນເອີ້ນນໍ້າຍ່ອຍ ຫຼື teaser ຄວາມຍາວ 49 ວິນາທີ ອອກມາເມື່ອວັນທີ 20 ມີນາທີ່ຜ່ານມາ ເຊິ່ງເຜີຍໃຫ້ເຫັນວ່າ ໄຂ່ຂວັນ ມື້ຮັກໝົດ (ໃຈ) ບໍ່ແມ່ນຮູບເງົາຮັກທຳມະດາທົ່ວໄປ ແຕ່ມີເລື່ອງຂອງພະລັງເໜືອທຳມະຊາດເຂົ້າມາກ່ຽວຂ້ອງອີກດ້ວຍ. ແນວໃດກໍຕາມ ໃນຕອນນີ້ຍັງບໍ່ທັນມີຂໍ້ມູນກ່ຽວກັບກຳນົດເວລາທີ່ຮູບເງົາເລື່ອງນີ້ຈະເຂົ້າສາຍເທື່ອ ແຕ່ຈາກຂໍ້ມູນຈາກທາງຄ້າຍສ້າງຮູບເງົາທີ່ມີການເຜີຍແຜ່ກ່ອນໜ້ານີ້ ຄາດວ່າຈະເຂົ້າສາຍພາຍໃນປີນີ້. ຮູບເງົາເລື່ອງດັ່ງກ່າວນີ້ …

ສຳນັກງານກວດພິສູດຫຼັກຖານແຫ່ງຊາດຂອງເກົາຫຼີໃຕ້ ກວດພົບສານແອມເຟຕາມີນ ຫຼື ຢາບ້າ ໃນຂົນຂາຂອງ Park Yoochun ນັກຮ້ອງ ແລະ ນັກສະແດງຊາວເກົາຫຼີໃຕ້ ອາຍຸ 32 ປີ ອະດີດສະມາຊິກວົງບອຍແບນຊື່ດັງ ດົງບັງຊິນກິ ຫຼັງຈາກທີ່ກວດປັດສາວະ ແຕ່ບໍ່ພົບສານເສບຕິດ. ດ້ານຕຳຫຼວດເຜີຍວ່າ ສານຈະນັດວິນິດໄສການອອກໝາຍຈັບ Park Yoochun ພາຍໃນມື້ອື່ນ (25 ເມສາ 2019). ທີ່ຜ່ານມາ Park Yoochun ປະຕິເສດມາຕະຫຼອດວ່າຕົນເອງບໍ່ໄດ້ໃຊ້ຢາເສບຕິດ ທັງຢູ່ໃນລະຫວ່າງການສືບສວນຂອງຕຳຫຼວດ ແລະ ການຖະແຫຼງຂ່າວຕໍ່ໜ້າສື່ມວນຊົນ. ການສອບສວນການໃຊ້ຢາເສບຕິດຂອງ Park Yoochun ເກີດຂຶ້ນຫຼັງຈາກຕຳຫຼວດເລີ່ມສອບສວນ ນາງສາວ Hwang Hana ນັກສະແດງ ອາຍຸ 31 ປີ ເຊິ່ງເປັນອະດີດຄົນຮັກຂອງ Park Yoochun ຫຼັງຈາກພົບວ່າລາວຊື້ ແລະ ເສບຢາບ້າ ເມື່ອປີ 2015 ແຕ່ຖືກຈັບກຸມໄດ້ເມື່ອໄລຍະທີ່ຜ່ານມາຂອງເດືອນນີ້ ແລະ ຂະນະສືບສວນ ລາວໄດ້ບອກກັບຕຳຫຼວດວ່າ Park Yoochun ເປັນຜູ້ຊັກຊວນໃຫ້ລາວໃຊ້ຢາເສບຕິດ. ນອກຈາກນີ້, ຕຳຫຼວດຍັງເຜີຍຫຼັກຖານເປັນຄລິບຈາກກ້ອງວົງຈອນປິດທີ່ມີພາບຂອງ …

ພາສ່ອງຄວາມສາວຂອງແມ່ໄກ່ ຫຼື ໄກ່ ໂອເວີແດນ ນັກຮ້ອງສາວຊື່ດັງທີ່ເຖິງວ່າຈະມີລູກສອງແລ້ວແຕ່ຍັງຄົງງາມປານສາວຂຶ້ນໃໝ່ ເຊິ່ງຫຼ້າສຸດກໍໄດ້ໂພສຮູບໄປທ່ຽວກັບຄອບຄົວຢູ່ທີ່ທະເລໃນໄລຍະປີໃໝ່ລາວທີ່ຜ່ານມາົໃນອິນສະຕາແກຣມສ່ວນຕົວ. ງານນີ້ນອກຈາກຈະເກັບພາບການພັກຜ່ອນມາຝາກແລ້ວ ໄກ່ ໂອເວີແດນ ຍັງເຜີຍອີກວ່າ ຄິວງານເດືອນເມສາ ແລະ ພຶດສະພາແໜ້ນແຮງ ພ້ອມທັງຂອບໃຈທຸກໆຄົນທີ່ສະໜັບສະໜູນຕະຫຼອດມາ. ທີ່ຜ່ານມາເຮົາມັກເຫັນແມ່ໄກ່ໃນງານອີເວັ້ນຕ່າງໆຢູ່ຕະຫຼອດ ພ້ອມນັ້ນກໍຍັງມີງານພຣີເຊັນເຕີອີກດ້ວຍ. ສ່ວນຜົນງານຫຼ້າສຸດທີ່ຫາກໍປ່ອຍອອກມາກໍເປັນວິດີໂອປະກອບເພງ “ນາງພະຍາ” ທີ່ໄດ້ຮັບການກ່າວເຖິງໃນໂລກອອນລາຍເປັນວົງກວ້າງ. ທີ່ມາ ມ່ວນ

ພູມຊະນະ ສິຣິວົງສາ ຫຼື ເຈ້ຍ ປາຊີຟິກ ຜູ້ກຳກັບຮູບເງົາພັນລ້ານຂອງລາວ ເປີດເຜີຍກຽມສ້າງຮູບເງົາເລື່ອງໃໝ່ ໃນຊື່ “ຮັກມະຍ່ອມມະແຍ່ມ” ເຊິ່ງໃນຄັ້ງນີ້ໄດ້ດາລານັກສະແດງຊື່ດັງຈຳນວນຫຼາຍທັງລາວ ແລະ ໄທ ມາຮ່ວມສະແດງ. ຮູບເງົາເລື່ອງນີ້ຍັງຄົງຄອນເຊັບຮູບເງົາອາລົມດີສ້າງສຽງຫົວຕາມສະຕາຍຂອງ ເຈ້ຍ ປາຊີຟິກ ແຫ່ງແຂ້ວແຫ້ງໂປຣດັກຊັນ. ສຳລັບລາຍຊື່ນັກສະແດງທີ່ເຈ້ຍເຜີດເຜີຍອອກມາໃນມື້ນີ້ນັ້ນ ຈາກຝັ່ງລາວປະກອບມີ: ນຸ້ຍ ສຸພາພອນ Miss Universe Laos 2017, ເຈ້ຍ ປາຊີຟິກ, ນຸນີ່ ຊຸມພົນພັກດີ, ແອັບເປິ້ນ ສີສະຫງຽນ, ຕ່າຍ ອາກາດ, ແມັກ ພູວະເນດ, ຕຸ່ນ ແສງໝອນ. ສ່ວນດາລາຈາກຝັ່ງໄທກໍຈັດເຕັມບໍ່ໜ້ອຍກວ່າກັນ ນຳໂດຍ ໝໍ່າ ຈົກໝົກ, ເອັກ ປັດທະມະ, ສາຍສິນ ວົງຄຳເຫຼົາ, ແວວ ຜະກາພອນ ແລະ ຝ້າຍ ເມຄະ. ຮັກມະຍ່ອມມະແຍ່ມ ມີກຳນົດເປີດກອງຖ່າຍໃນເດືອນພຶດສະພານີ້ ອີງຕາມຂໍ້ມູນທີ່ໂພສໃນເຟສບຸກຂອງ ນຸນີ່ ກຸມພົນພັກດີ ໜຶ່ງໃນທີມນັກສະແດງຂອງຮູບເງົາເລື່ອງດັ່ງກ່າວ. ສ່ວນກຳນົດເຂົ້າສາຍ ຍັງບໍ່ທັນມີການເປີດເຜີຍອອກມາເທື່ອ. ກ່ອນໜ້ານີ້ ເຈ້ຍ …