ໃນວັນທີ 3 ຕຸລາ 2019 ທີ່ນະຄອນຫລວງວຽງຈັນ, ສະຫະພາບຢຸໂຣບ (EU) ແລະ ອົງການສະຫະປະຊາຊາດສໍາລັບເດັກ (UNICEF) ໄດ້ມອບລົດຈັກຈຳນວນ 40 ຄັນ, ເຄື່ອງຄອມພິວເຕີຕັ້ງໂຕະ 62 ຊຸດ ແລະ ຄອມພິວເຕີແລັບທອບ 3 ໜ່ວຍ ໃຫ້ແກ່ ກະຊວງສຶກສາທິການ ແລະ ກີລາ ລວມມູນຄ່າ 121,000 ໂດລາສະຫະລັດ ເຊິ່ງອຸປະກອນເຫລົ່ານີ້ ຈະໄດ້ນຳໃຊ້ຢູ່ໃນ 40 ເມືອງບູລິມະສິດ, ກົມກ່ຽວຂ້ອງ ແລະ ສະຖາບັນພັດທະນາຜູ້ບໍລິຫານການສຶກສາ (IFEAD). ຕາງໜ້າມອບເຄື່ອງຄັ້ງນີ້ ໂດຍທ່ານ ເລໂອ ຟາເບີ ເອກະລັດຖະທູດສະຫະພາບເອີລົບ ປະຈຳ ສປປ ລາວ, ທ່ານ ເອຍຟ້ານ ອັກຕາ (Irfan Akhtar) ວ່າການຜູ້ຕາງໜ້າອົງການ UNICEF ປະຈໍາ ສປປ ລາວ ແລະ ຕາງໜ້າຮັບໂດຍທ່ານ ນາງ ຂັນທະລີ ສີລີພົງພັນ ຮອງລັດຖະມົນຕີກະຊວງສຶກສາທິການ ແລະ …

ສິງກະໂປ ພ້ອມຊຸກຍູ້ໂຄງການເຄືອຂ່າຍເມືອງອັດສະລິຍະອາຊຽນ ຫວັງຮອງຮັບກະແສປະຊາກອນໄຫຼເຂົ້າມາເຮັດວຽກໃນເມືອງ. ໃນກອງປະຊຸມສຸດຍອດອາຊຽນຄັ້ງທີ 32 ເມື່ອວັນເສົາທີ່ຜ່່ານມາ ທີ່ປະເທດສິງກະໂປ, ທ່ານ ລີຊຽນລຸງ ໃນຖານະປະທານອາຊຽນ ຍົກປະເດັນ “ເມືອງອັດສະລິຍະ” ຫຼື ສະມາດຊິຕີ້ ຂຶ້ນມາກ່າວເຖິງ. ທ່ານຊີ້ວ່າ “ສຳລັບປະເດັນເຄືອຂ່າຍເມືອງອັດສະລິຍະ ເປັນສິ່ງທີ່ເຮົາຫວັງວ່າຈຳສຳເລັດສົມບູນ, ມີຄວາມກ້າວໜ້າ ແລະ ມີຜົນລັບທີ່ຈັບຕ້ອງໄດ້ພາຍໃນປີນີ້”. ປັດຈຸບັນນີ້, ປະຊາກອນໃນອາຊຽນກວ່າເຄິ່ງໜຶ່ງອາໄສຢູ່ໃນພື້ນທີ່ເມືອງ ແລະ ພາຍໃນປີ 2030 ມີການຄາດຄະເນວ່າປະຊາກອນອີກຫຼາຍກວ່າ 90 ລ້ານຄົນ ຈະຍ້າຍເຂົ້າມາເພີ່ມ ໂດຍເມືອງຂະໜາດກາງທີ່ຮອງຮັບປະຊາກອນລະຫວ່າງ 200,000 – 2,000,000 ຄົນ ຈະສົ່ງຜົນໃຫ້ເກີດການເຕີບໂຕທາງພາກພື້ນຫຼາຍກວ່າ 40%. ແນວໃດກໍຕາມ, ດ້ວຍຈຳນວນປະຊາກອນທີ່ສູງຂຶ້ນ ສົ່ງຜົນໃຫ້ເກີດບັນຫາຕາມມາ ທັງຄວາມໜາແໜ້ນ, ມົນລະພິດທາງອາກາດ, ຄຸນນະພາບນໍ້າ, ຄວາມຫຼຸດໂຕນ ແລະ ການແບ່ງແຍກທາງພູມສາດລະຫວ່າງປະຊາກອນໃນເມືອງ ແລະ ປະຊາກອນທ້ອງຖິ່ນ. ຄວາມພະຍາຍາມໃນການສ້າງເມືອງອັດສະລິຍະເປັນໜຶ່ງໃນຄຳຕອບຂອງການແກ້ບັນຫາຂ້າງຕົ້ນ ດ້ວຍການນຳເອົາເຕັກໂນໂລຊີມາໃຊ້ໃຫ້ເກີດປະໂຫຍດສູງສຸດເພື່ອຄຸນນະພາບຊີວິດຂອງປະຊາຊົນ. ເຖິງວ່າສິງກະໂປຈະເປັນຜູ້ນຳເລື່ອງເມືອງອັດສະລິຍະໃນພາກພື້ນ, ແຕ່ປະເທດເຊັ່ນ: ມາເລເຊຍ: ຫວຽດນາມ, ໄທ ແລະ ອິນໂດເນເຊຍ ກໍມີເປົ້າໝາຍໃນການສ້າງເມືອງອັດສະລິຍະເຊັ່ນດຽວກັນ. ນີ້ຈຶ່ງບໍ່ແມ່ນເລື່ອງແປກໃໝ່ຂອງພາກພື້ນນີ້. ໃນກອງປະຊຸມສຸດຍອດອາຊຽນຄັ້ງນີ້ …

​ໂອ­ກາດ​ເຂົ້າ​ຮ່ວມ​ກອງ​ປະ­ຊຸມ​ສະ­ມັດ­ຊາ​ໃຫຍ່ ຂອງ​ອົງ­ການ​ສະ­ຫະ​ປະ­ຊາ​ຊາດ (ສປຊ) ສະ­ໄໝ​ທີ 74 ທີ່​ນິວ​ຢອກ ສະຫະ​ລັດ​ອາ​ເມລິ​ກາ, ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕາງ­ໜ້າ​ໃຫ້​ລັດ­ຖະ­ບານ​ລາວ​ຍື່ນ​ສານ​ເຂົ້າ​ຮ່ວມ​ເປັນ​ພາ­ຄີ​ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ​ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ແລະ ຍື່ນ​ສານ​ໃຫ້​ສັດ­ຕະ­ຍາ­ບັນ​ຕໍ່​ສົນ­ທິ­ສັນ­ຍາ ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ ໃຫ້​ແກ່​ທ່ານ Miguel de Serpa Soares ຮອງ​ເລ­ຂາ­ທິ­ການ​ໃຫຍ່ ສປຊ ຜູ້​ຮັບ­ຜິດ­ຊອບ​ວຽກ​ງານ​ກົດ­ໝາຍ ທັງ​ເປັນ​ທີ່​ປຶກ­ສາ​ທາງ​ດ້ານ​ກົດ­ໝາຍ​ຂອງ​ອົງ­ການ ສປຊ ໃນ​ວັນ​ທີ 24 ແລະ 26 ກັນ­ຍາ 2019 ຕາມ​ລຳ­ດັບ. ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ມີ​ຈຸດ­ປະ­ສົງ​ເພື່ອ​ກຳ­ນົດ​ລະ­ບຽບ​ການ ຊື້-ຂາຍ ສິນ­ຄ້າ​ລະ ຫວ່າງ​ປະ­ເທດ ລວມ​ທັງ​ພັນ­ທະ​ຂອງ​ຜູ້​ຊື້-ຜູ້​ຂາຍ ປັດ­ຈຸ­ບັນ ມີ​ປະ­ເທດ​ເຂົ້າ​ເປັນ​ພາ­ຄີ​ທັງ​ໝົດ 89 ປະ­ເທດ ເນື່ອງ​ຈາກ​ເປັນ​ໂອ­ກາດ​ດີ​ໃຫ້​ບັນ­ດາ​ປະ­ເທດ​ພາ­ຄີ​ສາ­ມາດ​ນຳ​ໃຊ້​ບົດ​ບັນ­ຍັດ​ພາຍ​ໃຕ້​ສົນ­ທິ­ສັນ­ຍາ​ດັ່ງ­ກ່າວ​ເປັນ​ພື້ນ­ຖານ ແລະ ເປັນ​ບ່ອນ​ອີງ​ໃນ​ການ​ເຮັດ​ສັນ­ຍາ​ຊື້-ຂາຍ​ລະ­ຫວ່າງ​ປະ­ເທດ ເຊິ່ງ​ຈະ​ຫຼຸດ­ຜ່ອນ​ຄວາມ​ຫຍຸ້ງ­ຍາກ ແລະ ຄວາມ​ສ່ຽງ​ໃນ​ການ​ເລືອກ​ໃຊ້​ກົດ­ໝາຍ ຫຼື ສັນ­ຍາ​ທີ່​ບໍ່​ເປັນ​ມາດ­ຕະ­ຖານ​ດຽວ​ກັນ​ລະ­ຫວ່າງ ຜູ້​ຊື້-ຜູ້​ຂາຍ ນອກ​ນັ້ນ ຈະ​ເຮັດ​ໃຫ້​ລາວ​ເຮົາ​ປັບ­ປຸງ​ລະ­ບົບ​ກົດ­ໝາຍ​ຂອງ​ຕົນ​ໃຫ້​ເປັນ​ສາ­ກົນ​ຫຼາຍ​ຂຶ້ນ ດ້ວຍ​ການ​ນຳ​ໃຊ້​ມາດ­ຕະ­ຖານ​ດຽວ​ກັນ​ຂອງ​ຄູ່​ສັນ­ຍາ ໂດຍ​ສະ­ເພາະ ປັດ­ຈຸ­ບັນ​ທີ່​ລາວ​ຍັງ​ບໍ່​ທັນ​ມີ​ກົດ­ໝາຍ​ສະ­ເພາະ​ກ່ຽວ​ກັບ​ການ​ຊື້-ຂາຍ​ລະ­ຫວ່າງ​ປະ­ເທດ ເປັນ­ຕົ້ນ …

ໃກ້ຈະຮອດໂຄ້ງສຸດທ້າຍແລ້ວ ສຳລັບເວທີ Mister International Laos 2019, ມາຮູ້ຈັກກັບອີກ 2 ໜຸ່ມຫຼໍ່ ທີ່ຜ່ານເຂົ້າຮອບ 20 ຄົນສຸດທ້າຍ ໜຶ່ງຄົນເປັນໜຸ່ມນັກແຂ່ງລົດຈັກວິບາກ ສ່ວນອີກໜຶ່ງໜຸ່ມເປັນໜຸ່ມນ້ອຍບ່າວທະນາຄານ. ຄົນທຳອິດ ຂໍແນະນຳ ທ້າວ ອານັນດາ ພະສະຫວັດ “ໂຈອິ້” ໝາຍເລກ MR06, ອາຍຸ 22ປີ. ຈົບຊັ້ນສູງຈາກປະເທດເພື່ອນບ້ານ ແລະ ກຳລັງເຊື່ອມຕໍ່ປະລິນຍາຕີທີ່ ຄວສ ມະຫາວິທະຍາໄລແຫ່ງຊາດລາວ, ທັງຍັງມີດີກີເປັນນັກແຂ່ງລົດຈັກວິບາກລາວນໍາອີກ. ປະຈຸບັນ, ແມ່ນຕາມຫາອີກໜຶ່ງຄວາມຝັນກັບການຈະກ້າວເຂົ້າສູງວົງການນາຍແບບລາວ ກັບການໄດ້ຮ່ວມເປັນ 20 ຄົນສຸດທ້າຍຂອງ Mister international Laos 2019. ວາບ IG ຕິດຕາມທີ່ @Joey_Phasavath ອີກໜຶ່ງໜຸ່ມນ້ອຍ ທ້າວ ແມັກກີ້ ສິງຫາລາດ “ແມັກກີ້” ໝາກເລກ MR13, ໜຸ່ມນ້ອຍອາຍຸພຽງ 18 ປີ ເຊິ່ງຍັງເປັນ ໜຸ່ມທະນາຄານ ເອຊີລີດາ. ໜຸ່ມນ້ອຍໜ້າຕາດີ ອານາຄົດໄກ ທີ່ເປັນອີກໜຶ່ງໜຸ່ມທີ່ມີຄວາມຕັ້ງໃຈ ແລະ …

ປັດຈຸບັນອໍານາດການປົກຄອງແຂວງອັດຕະປື ໄດ້ເປັນເຈົ້າການຮີບຮ້ອນແຈກຍາຍເຄື່ອງບໍລິຈາກ ທີ່ໄດ້ຈາກພາກສ່ວນຕ່າງໆນໍາມາມອບ ເພື່ອໄປມອບໃຫ້ກັບປະຊາຊົນທີ່ໄດ້ຮັບຜົນກະທົບຈາກນໍ້າຖ້ວມໃນຕົ້ນເດືອນກັນຍາ 2019 ຜ່ານມາ. ໃນນັ້ນກໍໄດ້ມີການສໍາຫຼວດເກັບກໍາຄອບຄົວຜູ້ທີ່ໄດ້ຮັບຄວາມເສຍຫາຍໜັກ ແລະ ຂາດເຂີນກ່ອນໝູ່ເພື່ອໃຫ້ການຊ່ວຍເຫຼືອຢ່າງເລັ່ງດ່ວນ. ຂະນະດຽວກັນກໍຍັງສືບຕໍ່ເປີດຮັບບໍລິຈາກການຊ່ວຍເຫຼືອຕ່າງໆ. ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດຕະປື, ປະທານຄະນະກໍາມະການປ້ອງກັນ ແລະ ຄວບຄຸມໄພພິບັດໄດ້ໃຫ້ສໍາພາດໃນວັນທີ 2 ຕຸລາ 2019ວ່າ: ສະພາບເກີດອຸທົກ ກະໄພນໍ້າຖ້ວມຢູ່ແຂວງອັດຕະປື ແມ່ນໄດ້ສົ່ງຜົນກະທົບກວມເອົາ 5 ເມືອງ 89 ບ້ານ 15.164 ຄອບ ຄົວ. ມີເຮືອນຊານຂອງປະຊາຊົນໄດ້ຮັບຄວາມເສຍຫາຍຈໍານວນ 34 ຫຼັງ ແລະ ຖືກນໍ້າພັດໄຫຼ 12 ຫຼັງ ແລະ ມີຜູ້ເສຍຊີວິດ 4 ຄົນ ຢູ່ເມືອງສາມັກຄີໄຊ 1 ຄົນ, ຊານໄຊ 3 ຄົນ, ໃນນັ້ນພື້ນຖານໂຄງລ່າງເປັນຕົ້ນຖະໜົນຫົນທາງ, ໂຮງ ຮຽນ, ສາທາບລະນະສຸກ, ເນື້ອທີ່ການຜະລິດ ແລະ ສັດລ້ຽງ ຄາດຄະເນມູນຄ່າເສຍຫາຍທັງໝົດ 82 ຕື້ກວ່າກີບ ໃນນັ້ນມູນຄ່າຄວາມຕ້ອງການໃນການນໍາໄປຊ່ວຍເຫຼືອຟື້ນຟູຄັ້ງນີ້ປະມານ 52 ຕື້ກີບ. …

ຜູ້ຈັດງານແລ່ນຊູເປີມິນິມາຣາທອນ RUN FOR HER 2019 ເປີດເຜີຍ ຕອນນີ້ມີນັກແລ່ນສະໝັກເຂົ້າຮ່ວມແລ່ນແລ້ວກວ່າ 1,000 ຄົນ ເຊິ່ງງານດັ່ງກ່າວນີ້ຈະຈັດຂຶ້ນໃນວັນທີ 27 ຕຸລາ 2019 ນີ້ທີ່ນະຄອນຫຼວງວຽງຈັນ. ພິທີຖະແຫຼງຂ່າວງານແລ່ນ Run For Her 2019 ມີຂຶ້ນເມື່ອຕອນເຊົ້າຂອງວັນທີ 2 ຕຸລາ 2019 ນີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍມີຜູ້ຈັດງານ, ຜູ້ສະໜັບສະໜຸນ, ນັກແລ່ນ ແລະ ສື່ມວນຊົນເຂົ້າຮ່ວມຮັບຟັງຂໍ້ມູນຕ່າງໆກ່ຽວກັບງານແລ່ນໃນຄັ້ງນີ້. Run For Her ຈັດຂຶ້ນໂດຍວາລະສານຂວັນໃຈອອນລາຍ ແລະ ສະມາຄົມນັກທຸລະກິດແມ່ຍິງລາວ ຮ່ວມກັບສະຫະພັນແລ່ນ-ລານແຫ່ງຊາດລາວ ໂດຍມີຈຸດປະສົງເພື່ອປູກຈິດສຳນຶກໃຫ້ຄົນໃນສັງຄົມເຫັນຄວາມສຳຄັນ ແລະ ຮ່ວມກັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ທັງນີ້ ງານດັ່ງກ່າວນີ້ເກີດຂຶ້ນຕໍ່ເນື່ອງຈາກງານ Bike For Her ເຊິ່ງເປັນງານປັ່ນລົດຖີບ ແຕ່ເນື່ອງຈາກທາງຜູ້ຈັດຕ້ອງການໃຫ້ຄົນທົ່ວໄປສາມາດເຂົ້າຮ່ວມກິດຈະກຳໄດ້ໂດຍໃຊ້ອຸປະກອນກີລາທີ່ໜ້ອຍທີ່ສຸດ ຈຶ່ງປ່ຽນຮູບແບບກາຍມາເປັນງານແລ່ນໃນປີນີ້, ທ່ານ ນາງ ເກດສະຫວັນ ປັນຍາທິບ ຮອງຜູ້ອຳນວຍການ ວາລະສານຂວັນໃຈ ອອນລາຍ ກ່າວ. ສຳລັບໄລຍະທາງໃນງານດັ່ງກ່າວນີ້ແບ່ງອອກເປັນ …

ໂມເມັ້ນໜ້າຮັກໆຂອງຄູ່ຮັກດາລາວ ສາວລາວບ່າວໄທ “ແອັບເປິ້ນ – ສີສະຫງຽນ ສີຫາລາດ” ແລະ “ຟຸກ – ຈິຣະ ດ່ານບະວອນກຽດ” ທີ່ຝ່າຍຊາຍກົ້ມລົງລູບຕິນໃຫ້ຜູ້ເປັນພັນລະຍາ ເນື່ອງຈາກຕີນບວມ ພ້ອມອອກປາກຫ້າມບໍ່ໃຫ້ຍ່າງຫຼາຍ ແລະ ບໍ່ນວດໃຫ້ເພາະໃກ້ຈະເກີດລູກແລ້ວ. ໂດຍໜຸ່ມຟຸກ ໄດ້ໂພສວິດີໂອຄລິບສັ້ນໆດັ່ງກ່າວລົງໃນໄອຈີຂອງຕົນເອງເມື່ອບໍ່ດົນມານີ້ ໂດຍໃນຄລິບສາວແອັບເປິ້ນໄດ້ເວົ້າດ້ວຍສຽງອ້ອນສາມີໃຫ້ນວດຕີນໃຫ້ ເນື່ອງຈາກຕີນບວມ ແຕ່ຖືກປະຕິເສດຈາກຝ່າຍຊາຍ ພ້ອມໃຫ້ເຫດຜົນວ່າໃກ້ຈະເກີດລູກແລ້ວຈຶ່ງບໍ່ນວດຕີນໃຫ້ ເພາະຢ້ານເກີດລູກໄວ. ຂະນະທີ່ບັນດາແຟນຄລັບຕ່າງກໍເຂົ້າມາສະແດງຄວາມເຫັນໃຫ້ກຳລັງໃຈ ພ້ອມທັງກ່າວວ່າຢາກເຫັນໜ້າສາວນ້ອຍທີ່ຈະມືນຕາມາເບິ່ງໂລກໃນໄວໆນີ້ແລ້ວ. ຂະນະທີ່ບາງສ່ວນກໍແນະນຳວິທີບັນເທົາອາການຕີນບວມ ແລະ ຟິນກັບໂມເມັ້ນໜ້າຮັກໆຂອງໜຸ່ມຟຸກທີ່ດູແລສາວແອັບເປິ້ນເປັນຢ່າງດີ.   ຂໍຂອບໃຈ/ທີ່ມາ

ເມື່ອລະຫວ່າງທ້າຍເດືອນກັນຍາຜ່ານມາທີ່ນະຄອນຫຼວງວຽງຈັນ ຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະ ເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ຮ່ວມກັບຫົວໜ້າອົງການສະຫະປະຊາຊາດເພື່ອການພັດທະນາປະຈຳ ສປປ ລາວ ແລະ ເອກອັກຄະລັດຖະທູດແຫ່ງສະຫະລັດອາເມຣິກາປະຈຳ ສປປ ລາວ ຈັດກອງປະຊຸມແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອຕອບສະໜອງຕໍ່ການພັດທະນາເສດຖະກິດ-ສັງຄົມ ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ການລຶບລ້າງຄວາມທຸກຍາກ ແລະ ຍຸດທະສາດແຫ່ງຊາດວ່າດ້ວຍເສັ້ນທາງຄວາມປອດໄພ II ຄຽງຄູກັນນັ້ນ ກໍເປັນໄລຍະທີ່ກຳລັງກະກຽມແຜນພັດທະນາເສດຖະກິດ-ສັງຄົມແຫ່ງຊາດໄລຍະ 5 ປີ (2020-2025) ແລະ ປຶກສາຫາລືບັນດາບັນຫາຕ່າງໆເພື່ອນຳເອົາເນື້ອໃນດັ່ງກ່າວໄປລາຍງານຕໍ່ກອງປະຊຸມໂຕະມົນທີ່ຈະຈັດຈຂຶ້ນໃນທ້າຍປີ 2019 ນີ້. ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານ ຄຊກລ ​ໄດ້ກ່າວວ່າ ວຽກ ງານເກັບກູ້ລະເບີດບໍ່ທັນແຕກຢູ່ ສປປ ລາວ ເປັນວຽກງານໜຶ່ງທີ່ລັດຖະບານກໍຄື ຄະນະກຳມະການຄຸ້ມຄອງແຫ່ງຊາດໄດ້ເອົາໃຈໃສ່ຕະຫລອດມາ ແລະ ເປັນບູລິມະສິດຕົ້ນຕໍຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍການສະ ໜັບສະໜູນ ແລະ ຮ່ວມມືຈາກບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ການຈັດຕັ້ງປະຕິບັດໃນໄລຍະ 1 ປີທີ່ຜ່ານມາໄດ້ມີຜົນສໍາເລັດຫຼາຍດ້ານໃນການແກ້ໄຂບັນຫາລະເບີດບໍ່ທັນແຕກ ຊຶ່ງປະກອບດ້ວຍການປຶກສາຫລືເພື່ອປັບປຸງຍຸດທະສາດ ແລະ ແຜນໄລຍະຍາວຂອງວຽກງານໂຄສະນາຜົນຮ້າຍຈາກລູກລະເບີດບໍ່ທັນແຕກ …

ປັກ​ກິ່ງ, 1 ຕຸລາ 2019 (ຊິນ​ຫົວ) — ຈີນ​ເປີດ​ເຜີຍ​ຂີປະ​ນາ​ວຸດ​ນິວ​ເຄຼຍ​ຂ້າມ​ທະວີບ​ທາງ​ຍຸດທະສາດ ຕົງ​ເຟີງ​-41 (Dongfeng-41) ເຊິ່ງ​ຖື​ເປັນ​ອາ​ວຸດ​ປ້ອງ​ກັນທີ່​ຊົງ​ພະລັງ ​ແລະ ​ລ້ຳ​ໜ້າ​ຫຼາຍ​ທີ່ສຸດ​ຂອງ​ປະເທດ ທີ່ພິທີ​ສວນ​ສະໜາມ​ທາງ​ທະຫານ​ໃຈ​ກາງ​ນະຄອນຫຼວງ​ປັກ​ກິ່ງ ເນື່ອງ​ໃນ​ວັນຊາດ​ຈີນ (1 ຕຸລາ). ຂະບວນ​ຍານ​ພາຫະນະ​ທີ່​ຕິດ​ຕັ້ງ​ເຄື່ອງ​ຍິງ​ຂີປະ​ນາ​ວຸດ​ນິວ​ເຄຼຍ​ທາງ​ຍຸດທະສາດ​ຮຸ່ນ​ໃໝ່ 16 ຄັນ ໄດ້​ບັນ​ທຸກ​ຂີປະ​ນາ​ວຸດ​ ຕົງ​ເຟີງ​-41 ຜ່ານ​ຈະຕຸລັດ​ທຽນ​ອັນ​ເໝີນ​ ລະຫວ່າງ​ພິທີ​ສວນ​ສະໜາມ​ທີ່​ຈັດ​ຂຶ້ນ​ເພື່ອ​ສະເຫຼີມ​ສະຫຼອງ​ວາ​ລະ​ຄົບ​ຮອບ 70 ປີ ການ​ກໍ່​ຕັ້ງ​ສາທາລະນະ​ລັດ​ປະຊາຊົນ​ຈີນ (PRC). ລາຍ​ງານ​ລະ​ບຸ​ວ່າ​ຂີປະ​ນາ​ວຸດ​ຕົງ​ເຟີງ​-41 ເຊິ່ງ​ນັບ​ເປັນ​ແກນ​ຫຼັກ​ຂອງ​ຄວາມ​ເຂັ້ມແຂງ​​ດ້ານ​ຂີປະ​ນາ​ວຸດ​ນິວ​ເຄຼຍທາງຍຸດທະສາດ​ຂອງ​ຈີນ ມີບົດ​ບາດ​ສຳຄັນ​ຕໍ່​ການ​ຖ່ວງ​ດຸນ​ທາງ​ຍຸດທະສາດ, ການ​ຄວບ​ຄຸມ​ອາ​ວຸດ​ປ້ອງ​ກັນ ແລະ ​ການ​ເອົາ​ຊະນະ​ການ​ຕໍ່ສູ້​ຂັ້ນ​ເດັດ​ຂາດ. ຂໍຂອບໃຈ/ທີ່ມາ

ພາເບິ່ງບັນຍາກາດສຸດຟິນພາຍໃນງານພົບປະແຟນຄລັບເປັນຄັ້ງທຳອິດຂອງ 5 ໜຸ່ມວົງ SBFIVE ຈາກໄທ ເຊິ່ງຈັດຂຶ້ນທີ່ງານເທດສະການໄວໜຸ່ມ UYD 2019 ຢູ່ນະຄອນຫຼວງວຽງຈັນ ເມື່ອທ້າຍອາທິດທີ່ຜ່ານມາ. ງານນີ້ເກີດຂຶ້ນໄດ້ ຕ້ອງຂອບໃຈທາງ ເຖົ້າແກ່ນ້ອຍ ສາຫຼ່າຍທອດກອບຍອດນິຍົມ ເຊິ່ງພາເອົາ 5 ໜຸ່ມ: ບາສ, ຄິມມ່ອນ, ຄັອບເຕີ, ເຕ້ ແລະ ຕີ໋ ມາພົບກັບແຟນໆຊາວລາວ. ການພົບປະດັ່ງກ່າວມີແຟນຄລັບທັງຊາວລາວ ແລະ ໄທເຂົ້າຮ່ວມເກືອບ 300 ຄົນ ເຮັດເອົາຫໍວັດທະນະທຳແຫ່ງຊາດ ເຊິ່ງເປັນສະຖານທີ່ຈັດງານອົບອວນໄປດ້ວຍບັນຍາກາດທີ່ຟົດຟື້ນດ້ວຍສຽງກຣີດຂອງແຟນໆ ເຊິ່ງດັງຂຶ້ນດ້ວຍຄວາມຟິນ. ສ່ວນກິດຈະກຳພາຍໃນງານມີທັງການຮັບໂພສເຕີຈາກມືຂອງໜຸ່ມໆ, ປ້ອນສາຫຼ່າຍເຖົ້າແກ່ນ້ອຍໃຫ້ແຟນຄລັບ, ຈັບມືກັບ 5 ໜຸ່ມ ພ້ອມຖ່າຍຮູບແບບໃຫ້ຊິດ ແລະ ພິເສດສຸດກັບມິນິຄອນເສີດປິດທ້າຍ ສ້າງຄວາມມ່ວນຊື່ນໃຫ້ຜູ້ເຂົ້າຮ່ວມງານກັນຢ່າງຖ້ວນໜ້າ. muan.la ຈຶ່ງເກັບເອົາພາບບັນຍາກາດສຸດຟິນພາຍໃນງານມາໃຫ້ຜູ້ອ່ານໄດ້ເບິ່ງກັນ.   ຂໍຂອບໃຈ/ທີ່ມາ