ກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ 2020 ໄດ້ພິຈາລະນາຫຼາຍບັນຫາສຳຄັນ ເຊັ່ນ: ແຜນວຽກຈຸດສຸມ ເດືອນກຸມພາ 2020, ຮັບຟັງລາຍງານຫຍໍ້ຈາກຂະແໜງການທີ່ກ່ຽວຂ້ອງກັບສະພາບພົ້ນເດັ່ນຂອງພາກພື້ນ ແລະ ສາກົນ, ການສົ່ງເສີມການຜະລິດເປັນສິນຄ້າຂອງປະຊາຊົນ, ການເຝົ້າລະວັງພະຍາດຕິດແປດຕ່າງໆ, ອັດຕາແລກປ່ຽນເງິນຕາ ແລະ ການຄຸ້ມຄອງລາຄາສິນຄ້າ, ສະພາບການປ່ຽນແປງຂອງສະພາບດິນຟ້າອາກາດ ແລະ ສະພາບຫາງສຽງສັງຄົມ. ກອງປະຊຸມດັ່ງກ່າວມີຂຶ້ນໃນວັນທີ 22-23 ມັງກອນນີ້ ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາຮອງນາຍົກລັດຖະມົນຕີ ແລະ ສະມາຊິກລັດຖະບານ ແລະ ພາກສ່ວນກ່ຽວຂ້ອງເຂົ້າຮ່ວມ. ກອງປະຊຸມ ໄດ້ພ້ອມກັນຄົ້ນຄວ້າ ແລະ ມີຄວາມເປັນເອກະພາບສູງ ເພື່ອກໍານົດມາດຕະການແກ້ໄຂ ເປັນຕົ້ນ: ກະຊວງການຕ່າງປະເທດ: ໃຫ້ເປັນເຈົ້າການສືບຕໍ່ຕິດຕາມຢ່າງໃກ້ຊິດ, ກຽມພ້ອມຮັບມືຮອບດ້ານກັບບັນຫາຕ່າງໆ ທີ່ອາດຈະເກີດຂຶ້ນ ເພື່ອສືບຕໍ່ຮັກສາຄວາມສະຫງົບ ແລະ ຄວາມມີສະຖຽນລະພາບທາງດ້ານການເມືອງ ໃຫ້ໜັກແໜ້ນ ແລະ ໝັ້ນຄົງ ແລະ ມີການລາຍງານລັດຖະບານ ຢ່າງເປັນປົກກະຕິ. ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ພາກສ່ວນກ່ຽວຂ້ອງ ໃຫ້ເອົາໃຈໃສ່ເພີ່ມທະວີ ຄວາມເປັນເຈົ້າການຕິດຕາມສະພາບປະກົດການຫຍໍ້ທໍ້ທາງສັງຄົມ, ປຸ້ນຈີ້ຊີງຊັບ, ຂີ້ລັກງັດແງະ, ການລັກລອບຄ້າຂາຍສິ່ງຜິດກົດໝາຍ, …

3 ບໍລິສັດໄດ້ຈັບມືກັນ ສ້າງໂຮງງານແປຮູບຂີ້ເຫຍື້ອຜະລິດເປັນພະລັງງານທົດແທນຂຶ້ນຢູ່ສະໜາມບໍາບັດຂີ້ເຫຍື້ອຫຼັກ 32 ບ້ານຜາສຸກ ເມືອງໄຊທານີ ນະຄອນຫຼວງວຽງຈັນ ຈະນຳໃຊ້ຂີ້ເຫຍື້ອຈາກຊຸມຊົນ 400 ໂຕນ/ວັນ ເພື່ອເປັນວັດຖຸດິບຜະລິດກະແສໄຟຟ້າ 6 MW. ພິທີວາງສີລາລືກດັ່ງກ່າວ ຈັດຂຶ້ນວັນທີ 9 ມັງກອນ 2020 ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ, ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ, ທ່ານ ຄໍາປະດິດ ເຂັມມານິດ ເຈົ້າເມືອງໄຊທານີ ແລະ ທ່ານ ນາງ ອຸຣະວະດີ ສິພິຣົມ ອັກຄະລະຣາຊະທູດ ແຫ່ງຣາຊອານາຈັກໄທ ປະຈໍາລາວ ຕະຫຼອດຮອດຫົວໜ້າພະແນກການກ່ຽວຂ້ອງ ຫົວໜ່ວຍທຸລະກິດ ແລະ ແຂກຖືກເຊີນເຂົ້າຮ່ວມ. ທ່ານ ຄໍາຫຼ້າ ນາກຄະວົງ ປະທານບໍລິສັດ ຂວັນເມືອງ ກຣຸບ ຈໍາກັດຜູ້ດຽວ ທັງເປັນຜູ້ອໍານວຍການ ບໍລິສັດ ວຽງຈັນ …

ການເຄຶ່ອນໄຫວຢ້ຽມຢາມ ສປ ຈີນ ຢ່າງເປັນທາງການ ຂອງຄະນະຜູ້ແທນຂັ້ນສູງ ແຫ່ງ ສປປ ລາວ, ໃນລະຫວ່າງວັນທີ 05-09 ມັງກອນ 2020, ໃນຕອນເຊົ້າຂອງວັນທີ 09 ມັງກອນ 2020, ສະຫາຍ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ, ພ້ອມດ້ວຍຄະນະ ໄດ້ເຄື່ອນໄຫວຢ້ຽມຊົມ ກຸ່ມບໍລິສັດກະສິກຳ ຢຸນນານ, ຊຶ່ງບໍລິສັດດັ່ງກ່າວໄດ້ສ້າງຕັ້ງແຕ່ປີ 1951 ແລະ ກໍໄດ້ຮັບການພັດທະນາປັບປຸງການຄຸ້ມຄອງບໍລິຫານມາໂດຍຕະຫຼອດ. ເລີ່ມແຕ່ປີ 2014 ເປັນຕົ້ນມາ, ກຸ່ມບໍລິສັດນີ້ ໄດ້ແຍກອອກຈາກກຸ່ມບໍລິສັດໃຫຍ່ເຂົ້າສູ່ລະບົບເສດຖະກິດ ຢ່າງເປັນເອກະລາດ ແລະ ໄດ້ດຳເນີນກິດຈະການທາງດ້ານກະສິກຳຢູ່ແຂວງຢຸນນານ ໂດຍໄດ້ເປັນບໍລິສັດວິສາຫະກິດລະດັບຊາດ ໃນຂົງເຂດກະສິກຳ ເຊັ່ນ: ການພັດທະນາຜະ ລິດຕະພັນສີຂຽວ, ຊັບພະຍາກອນກະສິກຳ ແລະ ປ່າໄມ້, ການບໍລິການດ້ານກະສິກຳ. ຄະນະ ໄດ້ສືບຕໍ່ຢ້ຽມຢາມສະ​ຖາບັນວິຊາຊີບ ແລະ ເຕັກນິກທາງລົດໄຟຄຸນໝິງ, ຊຶ່ງເປັນສະຖາບັນແຫ່ງດຽວຂອງລັດໃນແຂວງຢຸນນານ. ສະຖາບັນດັ່ງກ່າວ ໄດ້ສ້າງເປັນສູນສ້າງບຸກຄະລາກອນຂັ້ນວິຊາຊີບ ກ່ຽວກັບ ທາງລົດໄຟ ແລະ ລົດໄຟທີ່ນຳໃຊ້ພາຍໃນຕົວເມືອງ​ຄຸນໝິງ ໂດຍໄດ້ຮັບການຊີ້ນຳໂດຍກົງຈາກພະແນກສຶກສາຂອງແຂວງຢຸນນານ. …

ພິທີ​ປະກາດ​ເລື່ອນ​ຊັ້ນພັນ​ຕີ​ຂຶ້ນ ​ເປັນ​ພັນ​ໂທ​ໃຫ້​ນາຍ​ຕຳຫລວດ​ທົ່ວ​ກະຊວງ​ປ້ອງ​ກັນ​ຄວາມ​ສະຫງົບ ແລະ ທ້ອງ​ຖິ່ນ (ປກສ) ຈຳນວນ 412 ສະຫາຍ ​ໄດ້​ຈັດ​ຂຶ້ນ​ເມື່ອທ້າຍ​ອາທິດ​ຜ່ານ​ມາ​ນີ້ ​ໂດຍ​ການ​ເຂົ້າຮ່ວມ ​ແລະ ປະດັບຊັ້ນຂອງ​ທ່ານ ພົນ​ຕີ ວັນ​ທອງ ກອງ​ມະນີ ຫົວໜ້າ​ກົມ​​ໃຫຍ່​ການ​ເມືອງ ກະຊວງ​ປ້ອງ​ກັນ​ຄວາມ​ສະຫງົບ ​ເຊິ່ງການ​ເລື່ອນ​ຊັ້ນ​ໃຫ້​ນາຍ​ຕຳຫລວດ​ຄັ້ງນີ້ ​ເພື່ອ​ປະຕິບັດ​ນະ​ໂຍບາຍ​ຂອງ​ພັກ-ລັດຖະບານ​ທີ່​ມີ​ຕໍ່​ນາຍ​ຕຳຫລວດ​ຜູ້​ທີ່​ມີ​ຜົນງານ​ໃນ​ການ​ປະຕິບັດ​ໜ້າ​ທີ່​ວຽກ​ງານ ​ແລະ ຜູ້​ມີ​ມາດຖານ​ເງື່ອນ​ໄຂ​ຂອງ​ການ​ເລື່ອນ​ຊັ້ນຕາມ​ກົດໝາຍ​ວ່າ​ດ້ວຍ​ກຳລັງ​ປ້ອງ​ກັນ​ຄວາມ​ສະຫງົບ​ກຳນົດ. ​ໃນ​ໂອກາດ​ນີ້, ທ່ານ​ຫົວໜ້າ​ກົມ​ໃຫຍ່​ການ​ເມືອງ ປກສ ​ໄດ້​ໂອ້​ລົມ​ຊີ້​ນຳ​ຕໍ່​ຜູ້​ທີ່​ໄດ້​ຮັບ​ການ​ເລື່ອນ​ຊັ້ນຄັ້ງນີ້​ໃຫ້​ສືບ​ຕໍ່​ເພີ່ມ​ທະວີ​ຍົກ​ສູງ​ຄວາມ​ເປັນ​ແບບຢ່າງ​ນຳ​ໜ້າ, ​ເອົາ​ໃຈ​ໃສ່​ຍົກ​ລະດັບ​ຄວາມ​ຮູ້​ຄວາມ​ສາມາດ​ຂອງ​ຕົນ​ໃຫ້​ສົມ​ຄູ່​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ວຽກ​ງານ​ໃນ​ໄລຍະ​ໃໝ່, ມີ​ຄວາມ​ເດັດດ່ຽວ​ແກ້​ໄຂ​ຂໍ້ຄົງຄ້າງ​ຕ່າງໆ, ຕັ້ງໜ້າ​ຝຶກ​ຝົນ​ຫລໍ່​ຫລອມ​ຕົນ​ເອງ​ທາງ​ດ້ານ​ຄຸນສົມ​ບັດ​ສິນ​ທຳ​ປະຕິວັດ​ໃຫ້​ໜັກ​ແໜ້ນ, ມີ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ວຽກ​ງານ​ທີ່​ພັກ-ລັດ ​ແລະ ປະຊາຊົນ​ມອບ​ໝາຍ​ໃຫ້​ມີ​ຜົນສຳ​ເລັດ​ເປັນ​ຢ່າງ​ດີ. ທີ່ມາຂ່າວ

ກະຊວງສຶກສາທິການ ແລະ ກີລາ (ສສກ) ແລະ ອົງການບັນເທົາທຸກກາໂຕຼລິກປະຈຳລາວ ໄດ້ປຶກສາຫາລືການມອບໂອນໂຄງການອາຫານທ່ຽງໃນໂຮງຮຽນທີ່ອົງການດັ່ງກ່າວໄດ້ຈັດຕັ້ງປະຕິບັດຢູ່ 7 ເມືອງຂອງແຂວງສະຫວັນນະເຂດ, ຊຶ່ງໄດ້ໃຫ້ການຊ່ວຍເຫຼືອ ໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ແລະ ເຂດ​ຫ່າງ​ໄກ​ສອກ​ຫຼີກ, ເມື່ອບໍ່ດົນມານີ້ທີ່ສໍານັກກະຊວງສຶກສາທິການ ແລະ ກີລາ, ທ່ານ ຮສ.ປອ ພຸດ ສິມມາລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ ໄດ້ໃຫ້ກຽດຕ້ອນຮັບການເຂົ້າພົບປະຂອງທ່ານ ນາງ ໂຮນ​ລີ ແຄນ​ຕູ​ບາ ຫົວຫນ້າ​ອົງ​ການ​ບັນ​ເທົາ​ທຸກ​ກາ​ໂຕ​ລິກ ປະ​ຈຳ ສ​ປ​ປ ລາວ, ພ້ອມດ້ວຍຄະນະ, ໂດຍມີຄະນະຮັບຜິດຊອບວຽກງານກ່ຽວຂ້ອງທັງສອງຝ່າຍເຂົ້າຮ່ວມຢ່າງພ້ອມພຽງ. ການເຂົ້າພົບປະຄັ້ງນີ້, ແມ່ນເພື່ອເປັນການປຶກສາຫາລືກ່ຽວກັບການມອບໂອນໂຄງການອາຫານທ່ຽງໃນໂຮງຮຽນທີ່ອົງການບັນເທົາທຸກກາໂຕຣລິກ ປະຈໍາ ສປປ ລາວ ຈັດຕັ້ງປະຕິບັດຢູ່ທີ່ 7 ເມືອງ ໃນແຂວງສະຫວັນນະເຂດ ປະກອບມີ ເມືອງອາດສະພອນ, ອຸທຸມພອນ, ພະລານ, ພິນ, ວິລະບູລີ, ເຊໂປນ ແລະ ເມືອງນອງ, ຊຶ່ງອົງການດັ່ງກ່າວໄດ້ໃຫ້ການຊ່ວຍເຫຼືອເລີ່ມ​ແຕ່​ປີ 2013 ເປັນ​ຕົ້ນ​ມາ ໂດຍ​ສະ​ເພາະໃນໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ເຂດ​ຫ່າງ​ໄກ​ສອກ​ຫຼີກ. ນອກ​ຈາກ​ການ​ຊ່ວຍ​ເຫຼື​ອ​ດ້ານອາ​ຫານ​ແລ້ວ ທ່ານ​ຍັງ​ໄດ້​ສົ່ງ​ນັກ​ວິ​ຊາ​ການມາ​ສ້າງ​ຄວາມ​ເຂັ້ມ​ແ​​ຂງ​ກ່​ຽວ​ກັບ​ການ​ຄຸ້ມ​ຄອງ ແລະ ບໍ​ລິ​ຫານ​ອາ​ຫານ​ທ່ຽງ​ໃນ​ໂຮງ​ຮຽນ​ໃຫ້​ແກ່​ຜູ້​ບໍ​ລິ​ຫານ​ລະ​ດັບຂັ້ນ​ກະ​ຊວງ, …

ເມື່ອວັນທີ 13 ທັນວາຜ່ານມາທີ່ສູນການຮ່ວມມືສາກົນ ແລະ ຝຶກອົບຮົມ (ICTC) ນະຄອນຫຼວງ​ວຽງ​ຈັນ, ທ່ານ ບຸນຍັງ ວໍລະຈິດ ປະທານປະເທດ​ແຫ່ງ ສປປ ລາວ ໄດ້ໃຫ້ກຽດໂອ້ລົມຕໍ່​ກອງ​ປະຊຸມ​ວຽກ​ງານ​ການ​ຕ່າງປະ​ເທດ ​ຄັ້ງ​ທີ 14 ພາຍ​ໃຕ້​ຄຳຂວັນ “ການ​ທູດ​ປ້ອງ​ກັນ​ປະ​ເທດ ​ແລະ ບຸກທະລຸເພື່ອ​ປົກປັກ​ຮັກສາ ​ແລະ ພັດທະນາ​ປະ​ເທດ​ຊາດ ​ເພື່ອ​ເພີ່​ມປະສິດທິພາບ​ການຈັດ​ຕັ້ງປະຕິບັດຜົນ​ການ​ເຄື່ອນ​ໄຫວ​ການ​ຕ່າງປະ​ເທດ​ໃຫ້​ປາກົດ​ຜົນ​ເປັນ​ຮູບ​ປະ​ທຳ”, ທ່ານປະທານ​ປະ​ເທດ​ໄດ້ສະແດງຄວາມຍ້ອງຍໍຊົມເຊີຍ, ຕີລາຄາສູງຕໍ່ຜົນສຳເລັດຂອງວຽກງານການຕ່າງປະເທດໄລຍະ 3 ປີ ຜ່ານມາ, ພ້ອມ​ທັງເສີມຂະຫຍາຍຈຸດດີ, ແກ້ໄຂຂໍ້ຄົງຄ້າງ ເພື່ອເຮັດໃຫ້ວຽກງານໃນແຕ່ລະດ້ານມີຜົນສຳເລັດ, ຕ້ອງມີການປະສານສົມທົບກົມກຽວລະຫວ່າງກະຊວງ ອົງການຈັດຕັ້ງທູດຢູ່ຕ່າງປະເທດໃຫ້ມີຄວາມອ່ອນໂຍນແຕ່ບໍ່ອ່ອນແອ. ໂອກາດດັ່ງກ່າວ, ທ່ານ ບຸນ​ຍັງ ວໍລະ​ຈິດ ​ໄດ້​ເນັ້ນ​ໃຫ້​ຂະ​ແໜງ​ການ​ຕ່າງປະ​ເທດເພີ່ມທະວີ​ເອົາ​ໃຈ​ໃສ່ຈັດຕັ້ງປະຕິບັດຍຸດທະສາດ “ເພີ່ມມິດຫຼຸດຜ່ອນສັດຕູ” ​ໂດຍມີ​ການ​ພົວພັນຮ່ວມມືລະຫວ່າງ​ບັນດາບັນດາ​ທູດ​ປະ​ເທ​ດ​ເພື່ອນ​ມິດໃຫ້ມີ​ຄວາມ​ສະໜິດ​ແໜ້ນ​ກົມ ກຽວ​ກັນ ​ແລະ ຍາດແຍ່ງເອົາການຊ່ວຍເຫຼືອສະໜັບສະໜູນຈາກຕ່າງປະເທດ, ເພີ່ມທະວີຈັດຕັ້ງຜັນຂະຫຍາຍຂໍ້ຕົກລົງຕ່າງໆທີ່ໄດ້ເຊັນຂໍ້ຕົກລົງກັບບັນດາປະເທດໃຫ້ມີໝາກຜົນ, ເສີມຂະຫຍາຍວຽກງານການຕ່າງປະເທດໃຫ້ກວ້າງຂວາງ, ສືບຕໍ່ປະບັດແນວທາງເປັນເອກະລາດສັນຕິພາບ ປະຊາ​ຕິ​ປະ​ໄຕ ຕາມແນວທາງການຕ່າງປະເທດຢ່າງສະເໝີຕົ້ນສະເໝີປາຍ, ເພີ່ມທະວີການພົວພັນຮ່ວມມືກັບປະ​ເທດ​ເພື່ອນ​ມິດ​ຍຸດ​ທະ​ສາດ ໂດຍສະເພາະ ສສ ຫວຽດນາມ ​ແລະ ເສີມຂະຫຍາຍຍຸດທະສາດການ​ຮ່ວມ​ມື​ໃຫ້ໝັ້ນຄົງຍາວນານ “ລາວ-ຈີນ” ຕາມທິດ “4 ດີ” ໃຫ້ເກີດດອກອອກຜົນໃນແຕ່ລະດ້ານ, ເພີ່ມທະວີເຄື່ອນໄຫວໃນອາຊຽນ …

ຜູ້ຈັດງານແລ່ນຊູເປີມິນິມາຣາທອນ RUN FOR HER 2019 ເປີດເຜີຍ ຕອນນີ້ມີນັກແລ່ນສະໝັກເຂົ້າຮ່ວມແລ່ນແລ້ວກວ່າ 1,000 ຄົນ ເຊິ່ງງານດັ່ງກ່າວນີ້ຈະຈັດຂຶ້ນໃນວັນທີ 27 ຕຸລາ 2019 ນີ້ທີ່ນະຄອນຫຼວງວຽງຈັນ. ພິທີຖະແຫຼງຂ່າວງານແລ່ນ Run For Her 2019 ມີຂຶ້ນເມື່ອຕອນເຊົ້າຂອງວັນທີ 2 ຕຸລາ 2019 ນີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍມີຜູ້ຈັດງານ, ຜູ້ສະໜັບສະໜຸນ, ນັກແລ່ນ ແລະ ສື່ມວນຊົນເຂົ້າຮ່ວມຮັບຟັງຂໍ້ມູນຕ່າງໆກ່ຽວກັບງານແລ່ນໃນຄັ້ງນີ້. Run For Her ຈັດຂຶ້ນໂດຍວາລະສານຂວັນໃຈອອນລາຍ ແລະ ສະມາຄົມນັກທຸລະກິດແມ່ຍິງລາວ ຮ່ວມກັບສະຫະພັນແລ່ນ-ລານແຫ່ງຊາດລາວ ໂດຍມີຈຸດປະສົງເພື່ອປູກຈິດສຳນຶກໃຫ້ຄົນໃນສັງຄົມເຫັນຄວາມສຳຄັນ ແລະ ຮ່ວມກັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ທັງນີ້ ງານດັ່ງກ່າວນີ້ເກີດຂຶ້ນຕໍ່ເນື່ອງຈາກງານ Bike For Her ເຊິ່ງເປັນງານປັ່ນລົດຖີບ ແຕ່ເນື່ອງຈາກທາງຜູ້ຈັດຕ້ອງການໃຫ້ຄົນທົ່ວໄປສາມາດເຂົ້າຮ່ວມກິດຈະກຳໄດ້ໂດຍໃຊ້ອຸປະກອນກີລາທີ່ໜ້ອຍທີ່ສຸດ ຈຶ່ງປ່ຽນຮູບແບບກາຍມາເປັນງານແລ່ນໃນປີນີ້, ທ່ານ ນາງ ເກດສະຫວັນ ປັນຍາທິບ ຮອງຜູ້ອຳນວຍການ ວາລະສານຂວັນໃຈ ອອນລາຍ ກ່າວ. ສຳລັບໄລຍະທາງໃນງານດັ່ງກ່າວນີ້ແບ່ງອອກເປັນ …

ເມື່ອລະຫວ່າງທ້າຍເດືອນກັນຍາຜ່ານມາທີ່ນະຄອນຫຼວງວຽງຈັນ ຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະ ເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ຮ່ວມກັບຫົວໜ້າອົງການສະຫະປະຊາຊາດເພື່ອການພັດທະນາປະຈຳ ສປປ ລາວ ແລະ ເອກອັກຄະລັດຖະທູດແຫ່ງສະຫະລັດອາເມຣິກາປະຈຳ ສປປ ລາວ ຈັດກອງປະຊຸມແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອຕອບສະໜອງຕໍ່ການພັດທະນາເສດຖະກິດ-ສັງຄົມ ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ການລຶບລ້າງຄວາມທຸກຍາກ ແລະ ຍຸດທະສາດແຫ່ງຊາດວ່າດ້ວຍເສັ້ນທາງຄວາມປອດໄພ II ຄຽງຄູກັນນັ້ນ ກໍເປັນໄລຍະທີ່ກຳລັງກະກຽມແຜນພັດທະນາເສດຖະກິດ-ສັງຄົມແຫ່ງຊາດໄລຍະ 5 ປີ (2020-2025) ແລະ ປຶກສາຫາລືບັນດາບັນຫາຕ່າງໆເພື່ອນຳເອົາເນື້ອໃນດັ່ງກ່າວໄປລາຍງານຕໍ່ກອງປະຊຸມໂຕະມົນທີ່ຈະຈັດຈຂຶ້ນໃນທ້າຍປີ 2019 ນີ້. ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານ ຄຊກລ ​ໄດ້ກ່າວວ່າ ວຽກ ງານເກັບກູ້ລະເບີດບໍ່ທັນແຕກຢູ່ ສປປ ລາວ ເປັນວຽກງານໜຶ່ງທີ່ລັດຖະບານກໍຄື ຄະນະກຳມະການຄຸ້ມຄອງແຫ່ງຊາດໄດ້ເອົາໃຈໃສ່ຕະຫລອດມາ ແລະ ເປັນບູລິມະສິດຕົ້ນຕໍຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍການສະ ໜັບສະໜູນ ແລະ ຮ່ວມມືຈາກບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ການຈັດຕັ້ງປະຕິບັດໃນໄລຍະ 1 ປີທີ່ຜ່ານມາໄດ້ມີຜົນສໍາເລັດຫຼາຍດ້ານໃນການແກ້ໄຂບັນຫາລະເບີດບໍ່ທັນແຕກ ຊຶ່ງປະກອບດ້ວຍການປຶກສາຫລືເພື່ອປັບປຸງຍຸດທະສາດ ແລະ ແຜນໄລຍະຍາວຂອງວຽກງານໂຄສະນາຜົນຮ້າຍຈາກລູກລະເບີດບໍ່ທັນແຕກ …

ກະຊວງໄປສະນີ, ໂທລະຄົມ ແລະ ການສື່ສານ ຮ່ວມກັບ ອົງການໂທລະຄົມມະນາຄົມ ອາຊີ – ປາຊີຟິກ ( Asia – Pacific Telecommunity, APT ) ຈັດກອງປະຊຸມສຳມະນາ ແລະ ເປີດນຳໃຊ້ລະບົບອິນເຕີເນັດ ຟຣີໄວຟາຍ ເພື່ອສົ່ງເສີມການທ່ອງທ່ຽວ ແລະ ການສຶກສາຢູ່ ສປປ ລາວ ໃນເບື້ອງຕົ້ນໄດ້ເປີດບໍລິການຟຣີໄວຟາຍໃນ 3 ຈຸດ ຄື: ສະໜາມບິນສາກົນວັດໄຕ, ສວນນ້ຳພຸ ແລະ ຫໍພະແກ້ວ ສ່ວນລະບົບການສຶກສາແມ່ນຈະສືບຕໍ່ພັດທະນາ. ພິທີເປີດນຳໃຊ້ລະບົບດັ່ງກ່າວໄດ້ມີຂຶ້ນໃນວັນທີ 3 ກັນຍາ 2019 ທີ່ໂຮງແຮມລາວພລາຊາ ນະຄອນຫຼວງວຽງຈັນ, ພາຍໃຕ້ການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ແລະ ທ່ານ ນາງ ອາຣີວັນ ຮາວຣັງສີ ( Areewan HAORANGSl ) ເລຂາທິການໃຫຍ່ອົງການ APT, ມີບັນດາຜູ້ຕາງໜ້າຈາກກົມ/ທຽບເທົ່າ ພາຍໃນກະຊວງ …

ທ່ານຮອງນາຍົກລັດຖະມົນຕີ ເນັ້ນຕື່ມວ່າ: ອີງຕາມທິດຊີ້ນໍາຂອງລັດຖະບານໄດ້ເຫັນດີດ້ານຫລັກການຕາມການສະເໜີວິທີແກ້ໄຂກ່ຽວກັບສະພາບການດຳເນີນສາງພັກສິນຄ້າແລະ ສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ເຕັນ ແຂວງຫລວງນໍ້າທາຂອງບໍລິສັດ ແອວເອັສ ຂາອອກ-ຂາເຂົ້າ ຈຳກັດ ແລະ ບໍລິສັດ ລາວສາກົນ ໄອຊີດີ ຈຳກັດ ໂດຍໃຫ້ສອງບໍລິສັດດັ່ງກ່າວສືບຕໍ່ດຳເນີນທຸລະກິດບໍລິການສາງພັກສິນຄ້າ ແລະສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ເຕັນ ດ້ວຍຮູບການແຂ່ງຂັນຕາມກົນໄກເສດຖະກິດຕະຫລາດ, ຮັບປະກັນຄຸນນະພາບການບໍລການໃຫ້ມີຄວາມວ່ອງໄວ, ໂປ່ງໃສ ແລະທັນສະໄໝໃຫ້ແກ່ລູກຄ້າທີ່ມາໃຊ້ບໍລິການ. ພ້ອມດຽວກັນນີ້, ໃຫ້ຍົກຍ້າຍຫ້ອງການພາສີ,ບ່ອນກວດກັກກັນພືດ ແລະ ຕູ້ສະແກນເນີທີ່ນໍາໃຊ້ປັດຈຸບັນໄປຢູ່ສະຖານທີ່ເບື້ອງ ບໍລິສັດ ລາວສາກົນ ໄອຊີດີຈຳກັດເພື່ອຈັດລະບົບການແຈ້ງເອກະສານຕ່າງໆທັງຂາເຂົ້າ-ຂາອອກໃຫ້ມີຄວາມສະດວກ. ສ່ວນດ່ານຕຳຫລວດກວດຄົນເຂົ້າເມືອງ ແລະ ກົງສຸນແມ່ນໃຫ້ຮັກສາໄວ້ຢູ່ບ່ອນເກົ່າໄປກ່ອນໃຫ້ກະຊວງການເງິນໂດຍສະເພາະແມ່ນກົມກ່ຽວຂ້ອງສົມທົບກັບພາກສ່ວນຕ່າງໆເຈລະຈາກັບ ບໍລິສັດ ລາວສາກົນ ໄອຊີດີເພື່ອມອບເຂດພື້ນທີ່ຈຳນວນໜຶ່ງຂອງຕົນທີ່ຕິດກັບທາງ R3 ພ້ອມທັງອາຄານ ແລະວັດຖຸອຸປະກອນທີ່ນໍາໃຊ້ເຂົ້າໃນການບໍລິຫານດ່ານສາກົນໃຫ້ລັດເປັນຜູ້ຄຸ້ມຄອງ ແລະ ເຫັນດີໃຫ້ກະຊວງກ່ຽວຂ້ອງຄົ້ນຄວ້າ ແລະ ປຶກສາຫາລືກັບບໍລິສັດ ນູເທັກ (ຜູ້ສະໜອງອຸປະກອນສະແກນເນີ) ໃນການປະກອບເຄື່ອງສະແກນເນີນອີກ 1 ເຄື່ອງເຂົ້າຕື່ມເພື່ອສາມາດຮັບຮອງການເພີ່ມຂຶ້ນຂອງຈຳນວນລົດຂົນສົ່ງສິນຄ້າໃນຕໍ່ໜ້າ ແລະ ອໍານວຍຄວາມສະດວກບໍລິສັດຕ່າງໆສາມາດນໍາໃຊ້ໄດ້ໃນການຈໍລະຈອນສິນຄ້າຂາເຂົ້າ-ຂາອອກຢ່າງສະດວກສະບາຍ. ຂໍຂອບໃຈ/ທີ່ມາຂ່າວ