ເສິກບໍ່ແລ້ວ ຢ່າຟ້າວນັບສົບ, ຮົບບໍ່ແລ້ວ ຢ່າຟ້າວ ສະຫລອງໄຊ ເດີ ພີ່ນ້ອງເຮົາເອີຍ ແມ່ນຢູ່ 10 ວັນລຽນຕິດແລ້ວທີ່ປະເທດເຮົາ ບໍ່ມີກໍລະນີຕິດເຊື້ອ ຊຶ່ງເລື່ອງນີ້ກໍ່ຍໍມືສາທຸນຳແລ້ວ ແລະກໍ່ ຂໍພາວະນາໃຫ້ມັນເປັນແນວນິ້ຕໍ່ໆໄປຈົນກວ່າວົງຈອນອຸບາດໂກວິດ-19 ນີ້ມັນດັບສູນຈາກໂລກໄປ ຈຶ່ງຄ່ອຍໄວ້ວາງໃຈເດີ. ແນວໃດກໍ່ດີສະພາບປັດຈຸບັນ ຍັງບໍ່ແນ່ນອນ ແລະ ບໍ່ຄວນລະເຫລີງ ເຮົາຍັງຕ້ອງ ເອົາກໍລະນີຂອງ 2 ປະເທດ ຄື ຍີ່ປຸ່ນ ແລະ ສິງກະໂປ ເປັນບົດຮຽນເຕືອນໃຈ ພວກເຮົາຢູ່ສະເໝີ. ພາຍຫລັງວົງການວິຊາສະເພາະ ກໍ່ຄືຫາງສຽງໂລກ ໄດ້ອອກມາຍົກຍ້ອງຊົມເຊີຍ 2 ປະເທດນີ້ວ່າ ໄດ້ມີມາດຕະການເດັດຂາດຕ້ານໂກວິດ-19 ຢ່າງດີເລີດໃນອາທິດຜ່ານມາ,ແຕ່ແລ້ວທາງການຂອງຍີ່ປຸ່ນ ແລະ ສິງກະໂປ ຈຳຕ້ອງກັບມາເພີ່ມມາດຕະການຕອບໂຕ້ໂກວິດ-19 ຄືນໃໝ່ ເນື່ອງຈາກຕົວເລກຄົນຕິດເຊື້ອ ເພີ່ມຂຶ້ນຢ່າງໜັກໜ່ວງ, ຂະນະທີ່ຈຳນວນຄົນຕາຍກໍ່ເພີ່ມ ໂດຍໃນວັນທີ 21 ເມສາ2020, ປະເທດຍີ່ປຸ່ນ ມີຜູ້ຕິດເຊື້ອເພີ່ມຂຶ້ນ 347 ກໍລະນີລວມທັງໝົດ 11.154 ກໍລະນີ, ເສຍຊີວິດອີກ 25 ຄົນ ລວມເສຍຊີວິດ 263 ຄົນ.ຂະນະທີ່ຕອນແລງມື້ດຽວກັນ,ຢູ່ ສິງກະໂປ …

ໃນວາລະທຳອິດ ຂອງການດຳເນີນກອງປະຊຸມລັດຖະບານ ສະໄໝສາມັນປະຈຳເດືອນມີນາ 2020 ທີ່ດຳເນີນໃນວັນທີ 18 ມີນາ 2020 ທີ່ ສຳນັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ, ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານເຂົ້າຮ່ວມ ແມ່ນໄດ້ພ້ອມກັນສຸມໃສ່ຄົ້ນຄວ້າ, ພິຈາລະນາ ແລະ ປະກອບຄຳຄິດເຫັນ ເພື່ອຕີລາຄາສະພາບ ແລະ ກຳນົດມາດຕະການໃໝ່ເພີ່ມ ໃນການປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງເຊື້ອພະຍາດ COVID-19. ຜ່ານການຄົ້ນຄວ້າ ແລະ ປະກອບຄຳຄິດເຫັນ ຂອງສະມາຊິກລັດຖະບານ, ກອງປະຊຸມໄດ້ຕົກ ລົງເຫັນດີເປັນເອກະພາບ ຕໍ່ເນື້ອໃນ ແລະ ການກຳນົດມາດຕະການໃໝ່ຈຳນວນໜຶ່ງ ດັ່ງທີ່ທ່ານນາຍົກລັດຖະມົນຕີ ໄດ້ມີຄຳເຫັນສະຫຼຸບສັງລວມ ໃນຕອນທ້າຍຂອງກອງປະຊຸມ ຄື:             ຕໍ່ສະພາບຄວາມເປັນຈິງ ຂອງການລະບາດ ເຫັນວ່າ: ການລະບາດ ຂອງພະຍາດ (COVID-19) ເລີ່ມຕົ້ນຢູ່ ເມືອງອູຮັັ້ນ ແຂວງຫູເປີຍ​ …

ນັບແຕ່ກາງປີ 2019 ຜ່ານມາ ພາກເໜືອຫາພາກກາງປະເຊີນໜ້າກັບໄພແລ້ງ ເຮັດໃຫ້ແມ່ນ້ຳສາຂາຂອງແມ່ນ້ຳຂອງເຫືອດແຫ້ງໜັກສຸດ ໃນຮອບ 50 ກວ່າປີ, ມາຮອດຕົ້ນອາທິດນີ້ລະດັບນ້ຳຂອງຢູ່ເຂດຫຼັກ 4 ນະຄອນຫຼວງວຽງຈັນ ແທກໄດ້ 0,75 ແມັດ, ຢູ່ແຂວງສະຫວັນນະເຂດ ຢູ່ທີ່ 0,40 ແມັດ. ດ້ານກົມອຸຕຸນິຍົມ ແລະ ອຸທົກກະສາດເຕືອນໃນໄລຍະ 3 ເດືອນຕໍ່ໜ້າ ພາກເໜືອຕ້ອງວາງແຜນໃຊ້ນ້ຳຢ່າງປະຢັດ ເພາະຝົນຈະໜ້ອຍ. ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນ ແລະ ທຳມະຊາດ ໄດ້ຄາດຄະເນສະພາບອາກາດແຕ່ນີ້ຮອດເດືອນມີນາ ວ່າ: ໃນໄລຍະວັນທີ 20 ຫາ 25 ມັງກອນ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ໂດຍສະເພາະຢູ່ໃນເຂດພາກເໜືອດ້ານຕາເວັນອອກລົງຫາພາກກາງ ແລະ ພາກໃຕ້, ຄາດຄະເນສະພາບອຸນຫະພູມສະເລ່ຍປະຈໍາເດືອນມັງກອນ 2020 ຈະສູງ ກວ່າເກນປົກກະຕິ ແລະ ປະລິມານນໍ້າຝົນຈະສູງກວ່າເກນປົກກະຕິໃນເຂດພາກເໜືອດ້ານຕາເວັນອອກ ແລະ ເຂດພາກກາງ, ສ່ວນເຂດພາກເໜືອດ້ານຕາເວັນຕົກ ແລະ ເຂດພາກໃຕ້ຈະຫຼຸດເກນປົກກະຕິ. ສ່ວນຄາດຄະເນສະພາບອຸນຫະພູມສະເລ່ຍປະຈໍາເດືອນກຸມພາ 2020 ຈະສູງກວ່າເກນປົກກະຕິໃນເຂດພາກກາງ ແລະ ພາກໃຕ້, ສ່ວນພາກເໜືອຈະໃກ້ຄຽງເກນປົກກະຕິ. ສໍາລັບປະລິມານນໍ້າຝົນປະຈໍາເດືອນກຸມພາ …

ກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ 2020 ໄດ້ພິຈາລະນາຫຼາຍບັນຫາສຳຄັນ ເຊັ່ນ: ແຜນວຽກຈຸດສຸມ ເດືອນກຸມພາ 2020, ຮັບຟັງລາຍງານຫຍໍ້ຈາກຂະແໜງການທີ່ກ່ຽວຂ້ອງກັບສະພາບພົ້ນເດັ່ນຂອງພາກພື້ນ ແລະ ສາກົນ, ການສົ່ງເສີມການຜະລິດເປັນສິນຄ້າຂອງປະຊາຊົນ, ການເຝົ້າລະວັງພະຍາດຕິດແປດຕ່າງໆ, ອັດຕາແລກປ່ຽນເງິນຕາ ແລະ ການຄຸ້ມຄອງລາຄາສິນຄ້າ, ສະພາບການປ່ຽນແປງຂອງສະພາບດິນຟ້າອາກາດ ແລະ ສະພາບຫາງສຽງສັງຄົມ. ກອງປະຊຸມດັ່ງກ່າວມີຂຶ້ນໃນວັນທີ 22-23 ມັງກອນນີ້ ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາຮອງນາຍົກລັດຖະມົນຕີ ແລະ ສະມາຊິກລັດຖະບານ ແລະ ພາກສ່ວນກ່ຽວຂ້ອງເຂົ້າຮ່ວມ. ກອງປະຊຸມ ໄດ້ພ້ອມກັນຄົ້ນຄວ້າ ແລະ ມີຄວາມເປັນເອກະພາບສູງ ເພື່ອກໍານົດມາດຕະການແກ້ໄຂ ເປັນຕົ້ນ: ກະຊວງການຕ່າງປະເທດ: ໃຫ້ເປັນເຈົ້າການສືບຕໍ່ຕິດຕາມຢ່າງໃກ້ຊິດ, ກຽມພ້ອມຮັບມືຮອບດ້ານກັບບັນຫາຕ່າງໆ ທີ່ອາດຈະເກີດຂຶ້ນ ເພື່ອສືບຕໍ່ຮັກສາຄວາມສະຫງົບ ແລະ ຄວາມມີສະຖຽນລະພາບທາງດ້ານການເມືອງ ໃຫ້ໜັກແໜ້ນ ແລະ ໝັ້ນຄົງ ແລະ ມີການລາຍງານລັດຖະບານ ຢ່າງເປັນປົກກະຕິ. ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ພາກສ່ວນກ່ຽວຂ້ອງ ໃຫ້ເອົາໃຈໃສ່ເພີ່ມທະວີ ຄວາມເປັນເຈົ້າການຕິດຕາມສະພາບປະກົດການຫຍໍ້ທໍ້ທາງສັງຄົມ, ປຸ້ນຈີ້ຊີງຊັບ, ຂີ້ລັກງັດແງະ, ການລັກລອບຄ້າຂາຍສິ່ງຜິດກົດໝາຍ, …

ພິທີ​ປະກາດ​ເລື່ອນ​ຊັ້ນພັນ​ຕີ​ຂຶ້ນ ​ເປັນ​ພັນ​ໂທ​ໃຫ້​ນາຍ​ຕຳຫລວດ​ທົ່ວ​ກະຊວງ​ປ້ອງ​ກັນ​ຄວາມ​ສະຫງົບ ແລະ ທ້ອງ​ຖິ່ນ (ປກສ) ຈຳນວນ 412 ສະຫາຍ ​ໄດ້​ຈັດ​ຂຶ້ນ​ເມື່ອທ້າຍ​ອາທິດ​ຜ່ານ​ມາ​ນີ້ ​ໂດຍ​ການ​ເຂົ້າຮ່ວມ ​ແລະ ປະດັບຊັ້ນຂອງ​ທ່ານ ພົນ​ຕີ ວັນ​ທອງ ກອງ​ມະນີ ຫົວໜ້າ​ກົມ​​ໃຫຍ່​ການ​ເມືອງ ກະຊວງ​ປ້ອງ​ກັນ​ຄວາມ​ສະຫງົບ ​ເຊິ່ງການ​ເລື່ອນ​ຊັ້ນ​ໃຫ້​ນາຍ​ຕຳຫລວດ​ຄັ້ງນີ້ ​ເພື່ອ​ປະຕິບັດ​ນະ​ໂຍບາຍ​ຂອງ​ພັກ-ລັດຖະບານ​ທີ່​ມີ​ຕໍ່​ນາຍ​ຕຳຫລວດ​ຜູ້​ທີ່​ມີ​ຜົນງານ​ໃນ​ການ​ປະຕິບັດ​ໜ້າ​ທີ່​ວຽກ​ງານ ​ແລະ ຜູ້​ມີ​ມາດຖານ​ເງື່ອນ​ໄຂ​ຂອງ​ການ​ເລື່ອນ​ຊັ້ນຕາມ​ກົດໝາຍ​ວ່າ​ດ້ວຍ​ກຳລັງ​ປ້ອງ​ກັນ​ຄວາມ​ສະຫງົບ​ກຳນົດ. ​ໃນ​ໂອກາດ​ນີ້, ທ່ານ​ຫົວໜ້າ​ກົມ​ໃຫຍ່​ການ​ເມືອງ ປກສ ​ໄດ້​ໂອ້​ລົມ​ຊີ້​ນຳ​ຕໍ່​ຜູ້​ທີ່​ໄດ້​ຮັບ​ການ​ເລື່ອນ​ຊັ້ນຄັ້ງນີ້​ໃຫ້​ສືບ​ຕໍ່​ເພີ່ມ​ທະວີ​ຍົກ​ສູງ​ຄວາມ​ເປັນ​ແບບຢ່າງ​ນຳ​ໜ້າ, ​ເອົາ​ໃຈ​ໃສ່​ຍົກ​ລະດັບ​ຄວາມ​ຮູ້​ຄວາມ​ສາມາດ​ຂອງ​ຕົນ​ໃຫ້​ສົມ​ຄູ່​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ວຽກ​ງານ​ໃນ​ໄລຍະ​ໃໝ່, ມີ​ຄວາມ​ເດັດດ່ຽວ​ແກ້​ໄຂ​ຂໍ້ຄົງຄ້າງ​ຕ່າງໆ, ຕັ້ງໜ້າ​ຝຶກ​ຝົນ​ຫລໍ່​ຫລອມ​ຕົນ​ເອງ​ທາງ​ດ້ານ​ຄຸນສົມ​ບັດ​ສິນ​ທຳ​ປະຕິວັດ​ໃຫ້​ໜັກ​ແໜ້ນ, ມີ​ຄວາມ​ຮັບຜິດຊອບ​ສູງ​ຕໍ່ໜ້າ​ທີ່​ວຽກ​ງານ​ທີ່​ພັກ-ລັດ ​ແລະ ປະຊາຊົນ​ມອບ​ໝາຍ​ໃຫ້​ມີ​ຜົນສຳ​ເລັດ​ເປັນ​ຢ່າງ​ດີ. ທີ່ມາຂ່າວ

ພາຍຫລັງລັດຖະບານ ໄດ້ອອກຂໍ້ຕົກລົງແບ່ງຕົວເລກລັດຖະກອນໃໝ່ ປະຈໍາປີ 2020 ຈໍານວນ 2.000 ຄົນຮຽບຮ້ອຍແລ້ວ ໂດຍແມ່ນກະຊວງ ສຶກສາທິການ ແລະ ກິລາ ແລະ ກະຊວງ ສາທາລະນະສຸກ ໄດ້ຮັບໂກຕ້າຫລາຍກ່ວາໝູ່. ​ ຕໍ່​ບັນຫາ​ດັ່ງກ່າວ​ນີ້, ທ່ານຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ໃຫ້ຮູ້ວ່າ: ແຕ່ລະປີພາຍຫລັງລັດຖະບານໄດ້ອອກຂໍ້ຕົກລົງວ່າດ້ວຍການແບ່ງຕົວເລກລັດຖະກອນໃໝ່, ກະຊວງພາຍໃນ ໄດ້ອອກຄໍາແນະນໍາຈັດຕັ້ງປະຕິບັດເພື່ອເປັນບ່ອນອີງໃຫ້ບັນດາກະຊວງ, ອົງການລັດທຽບເທົ່າກະຊວງ ແລະ ອົງການປົກຄອງທ້ອງຖິ່ນຈັດຕັ້ງປະຕິບັດຕາມຮ່າງແຜນແຈກຢາຍ ແລະ ບັນຈຸລັດຖະກອນໃໝ່ໃຫ້ຖືກຕ້ອງ ແລະ ສອດຄ່ອງຕາມວິຊາສະເພາະ, ສ່ວນຂະບວນການສອບເສັງແມ່ນປະຕິບັດຕາມຄໍາແນະນໍາເລກທີ 11/ພນ, ລົງວັນທີ 7 ກັນຍາ 2016 ກ່ຽວກັບການສອບເສັງເຂົ້າເປັນລັດຖະກອນ ໂດຍປະຕິບັດຕາມຫລັກການ ແລະ ຂັ້ນຕອນ ເປັນຕົ້ນ: ແຕ່ງຕັ້ງຄະນະຊີ້ນໍາລວມ ແລະ ຄະນະວິຊາການຮັບຜິດຊອບການສອບເສັງ, ຄັດເລືອກລັດຖະກອນຂັ້ນກະຊວງ, ຂັ້ນແຂວງ ແລະ ຂັ້ນເມືອງ ເພື່ອຈັດຕັ້ງການສອບເສັງຕາມລະບຽບການ ນັບແຕ່ການປະກາດຮັບສະໝັກ, ການຄັດເລືອກຟອມສະໝັກ, ການຈັດການສອບເສັງ ແລະ ການພິຈາລະນາປະກາດຜົນການສອບເສັງ, ສ່ວນຢູ່ຂັ້ນທ້ອງຖິ່ນໄດ້ມອບໃຫ້ພະແນກພາຍໃນແຂວງເຂົ້າຮ່ວມ ແລະ ຕິດຕາມກວດກາຂະບວນການສອບເສັງ. ພາຍຫລັງສອບເສັງຄັດເລືອກລັດຖະກອນໃໝ່ສໍາເລັດ, ປະຫວັດລັດຖະກອນໃໝ່ທຸກຂະແໜງການ ຕ້ອງມາຜ່ານກະຊວງ …

ໃນປັດຈຸບັນສັງເກດເຫັນວ່າມີບຸກຄົນບໍ່ຫວັງດີໄດ້ເຄື່ອນໄຫວໂຄສະນາຜ່ານທາງສື່ຕ່າງໆຊຶ່ງເຮັດໃຫ້ທົ່ວສັງຄົມກໍຄືພໍ່ແມ່ປະຊາຊົນເກີດຄວາມເຂົ້າໃຈຜິດຕໍ່ແນວທາງນະໂຍບາຍຂອງພັກ-ລັດກໍຄືກະຊວງສຶກສາທິການ ແລະ ກີລາ, ກ່ຽວກັບກັບໂຄສະນາລະດົມຊອກເອົາຄົນໄປຮຽນຕໍ່ຕ່າງປະເທດ ເປັນຕົ້ນແມ່ນໄປຮຽນຕໍ່ຢູ່ ສປ ຈີນ, ໂດຍອ້າງວ່າເປັນທຶນຂອງລັດຖະບານ. ທັງນີ້ ເພື່ອເຮັດໃຫ້ທຸກພາກສ່ວນໄດ້ເຂົາໃຈ ແລະ ມີສະຕິຕໍ່ພວກທີ່ບໍ່ຫວັງດີ ກະຊວງສຶກສາທິການ ແລະ ກີລາ ຈຶ່ງຂໍແຈ້ງມາຍັງທ່ານຜູ້ປົກຄອງນັກຮຽນ-ນັກສຶກສາ ແລະ ປະຊາຊົນລາວທົ່ວປະເທດຊາບວ່າ: ສຳລັບທຶນການສຶກສາຂອງລັດຖະບານ ສປ ຈີນ ທີ່ມອບໃຫ້ແກ່ລັດຖະບານ ສປປ ລາວ ໃນສົກຮຽນ 2020-2021 ຝ່າຍຈີນຍັງບໍ່ທັນໄດ້ແຈ້ງເປັນທາງການມາໃຫ້ຝ່າຍລາວ, ແຕ່ມີບາງບໍລິສັດໄດ້ອອກແຈ້ງໂຄສະນາຜ່ານທາງສື່ໄປແລ້ວຊຶ່ງນັ້ນຖືວ່າບໍ່ມີຄວາມໜ້າເຊື່ອຖື. ຜ່ານການຕິດຕາມສະພາບຂອງນັກສຶກສາລາວທີ່ຮຽນຢູ່ ສປ ຈີນ ຂອງກົມກິດຈະການນັກສຶກສາເຫັນວ່າ: ມີນັກສຶກສາຈຳນວນ ຫຼາຍຖືກຕົວະໄປຮຽນຕໍ່ໂດຍຜ່ານທາງບໍລິສັດນາຍໜ້າ ຫຼື ກຸ່ມຄົນບໍ່ດີ, ດັ່ງນັ້ນ ຈຶ່ງສົ່ງຜົນໃຫ້ບັນດານັກສຶກສາຈຳນວນທີ່ໄປຮຽນຕໍ່ໂດຍຜ່ານນາຍໜ້າບໍລິສັດຕ່າງກໍພົບຄວາມຫຍຸ້ງຍາກ ແລະ ມີບັນຫາຫຼາຍ ຊຶ່ງກ່ອນຈະເດີນທາງໄປເຂົ້າຮຽນທາງນາຍໜ້າກໍໃຫ້ສັນຍາວ່າພວກກ່ຽວຈະໄດ້ຮັບທຶນລັດຖະບານແນ່ນອນ, ແຕ່ເມືອໄປຮອດແລ້ວຜັດບໍ່ໄດ້ຮັບຕາມທີ່ໄດ້ຕົກລົງ ຫຼື ຕາມທີ່ໄດ້ໂຄສະ ນາຢ່າງໜ້າເຊື່ອຖື, ເຮັດໃຫ້ນັກສຶກສາຈຳນວນໜຶ່ງຈຳເປັນຕ້ອງໄດ້ກັບຄືນປະເທດຍ້ອນບໍ່ມິເງິນຄ່າຮຽນດ້ວຍຕົນເອງ. ດັ່ງນັ້ນ, ພໍ່ແມ່ຜູ້ປົກຄອງຕ້ອງມີສະຕິລະວັງຕົວ, ຫຼີກເວັ້ນການຖືກຕົວະຈາກກຸ່ມຄົນບໍ່ຫວັງດີ ຫຼື ບໍລິສັດນາຍໜ້າຕ່າງໆທີ່ສ່ຽງຕໍ່ການຖືກຫຼອກລວງ, ກໍລະນີຫາກພົບເຫັນບຸກຄົນທີ່ບໍ່ຫວັງດີ ຫຼື ມີບັນຫາອັນໃດທີ່ບໍ່ເຂົ້າໃຈ ບັນດາທ່ານສາມາດປະສານງານ ແລະ ຕິດຕໍ່ໄປທີ່ກົມກິດຈະການນັກສຶກສາ ກະຊວງສຶກສາທິການ ແລະ ກີລາໂດຍກົງໄດ້ເລີຍ. …

ກະຊວງສຶກສາທິການ ແລະ ກີລາ (ສສກ) ແລະ ອົງການບັນເທົາທຸກກາໂຕຼລິກປະຈຳລາວ ໄດ້ປຶກສາຫາລືການມອບໂອນໂຄງການອາຫານທ່ຽງໃນໂຮງຮຽນທີ່ອົງການດັ່ງກ່າວໄດ້ຈັດຕັ້ງປະຕິບັດຢູ່ 7 ເມືອງຂອງແຂວງສະຫວັນນະເຂດ, ຊຶ່ງໄດ້ໃຫ້ການຊ່ວຍເຫຼືອ ໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ແລະ ເຂດ​ຫ່າງ​ໄກ​ສອກ​ຫຼີກ, ເມື່ອບໍ່ດົນມານີ້ທີ່ສໍານັກກະຊວງສຶກສາທິການ ແລະ ກີລາ, ທ່ານ ຮສ.ປອ ພຸດ ສິມມາລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ ໄດ້ໃຫ້ກຽດຕ້ອນຮັບການເຂົ້າພົບປະຂອງທ່ານ ນາງ ໂຮນ​ລີ ແຄນ​ຕູ​ບາ ຫົວຫນ້າ​ອົງ​ການ​ບັນ​ເທົາ​ທຸກ​ກາ​ໂຕ​ລິກ ປະ​ຈຳ ສ​ປ​ປ ລາວ, ພ້ອມດ້ວຍຄະນະ, ໂດຍມີຄະນະຮັບຜິດຊອບວຽກງານກ່ຽວຂ້ອງທັງສອງຝ່າຍເຂົ້າຮ່ວມຢ່າງພ້ອມພຽງ. ການເຂົ້າພົບປະຄັ້ງນີ້, ແມ່ນເພື່ອເປັນການປຶກສາຫາລືກ່ຽວກັບການມອບໂອນໂຄງການອາຫານທ່ຽງໃນໂຮງຮຽນທີ່ອົງການບັນເທົາທຸກກາໂຕຣລິກ ປະຈໍາ ສປປ ລາວ ຈັດຕັ້ງປະຕິບັດຢູ່ທີ່ 7 ເມືອງ ໃນແຂວງສະຫວັນນະເຂດ ປະກອບມີ ເມືອງອາດສະພອນ, ອຸທຸມພອນ, ພະລານ, ພິນ, ວິລະບູລີ, ເຊໂປນ ແລະ ເມືອງນອງ, ຊຶ່ງອົງການດັ່ງກ່າວໄດ້ໃຫ້ການຊ່ວຍເຫຼືອເລີ່ມ​ແຕ່​ປີ 2013 ເປັນ​ຕົ້ນ​ມາ ໂດຍ​ສະ​ເພາະໃນໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ເຂດ​ຫ່າງ​ໄກ​ສອກ​ຫຼີກ. ນອກ​ຈາກ​ການ​ຊ່ວຍ​ເຫຼື​ອ​ດ້ານອາ​ຫານ​ແລ້ວ ທ່ານ​ຍັງ​ໄດ້​ສົ່ງ​ນັກ​ວິ​ຊາ​ການມາ​ສ້າງ​ຄວາມ​ເຂັ້ມ​ແ​​ຂງ​ກ່​ຽວ​ກັບ​ການ​ຄຸ້ມ​ຄອງ ແລະ ບໍ​ລິ​ຫານ​ອາ​ຫານ​ທ່ຽງ​ໃນ​ໂຮງ​ຮຽນ​ໃຫ້​ແກ່​ຜູ້​ບໍ​ລິ​ຫານ​ລະ​ດັບຂັ້ນ​ກະ​ຊວງ, …

ເມື່ອວັນທີ 13 ທັນວາຜ່ານມາທີ່ສູນການຮ່ວມມືສາກົນ ແລະ ຝຶກອົບຮົມ (ICTC) ນະຄອນຫຼວງ​ວຽງ​ຈັນ, ທ່ານ ບຸນຍັງ ວໍລະຈິດ ປະທານປະເທດ​ແຫ່ງ ສປປ ລາວ ໄດ້ໃຫ້ກຽດໂອ້ລົມຕໍ່​ກອງ​ປະຊຸມ​ວຽກ​ງານ​ການ​ຕ່າງປະ​ເທດ ​ຄັ້ງ​ທີ 14 ພາຍ​ໃຕ້​ຄຳຂວັນ “ການ​ທູດ​ປ້ອງ​ກັນ​ປະ​ເທດ ​ແລະ ບຸກທະລຸເພື່ອ​ປົກປັກ​ຮັກສາ ​ແລະ ພັດທະນາ​ປະ​ເທດ​ຊາດ ​ເພື່ອ​ເພີ່​ມປະສິດທິພາບ​ການຈັດ​ຕັ້ງປະຕິບັດຜົນ​ການ​ເຄື່ອນ​ໄຫວ​ການ​ຕ່າງປະ​ເທດ​ໃຫ້​ປາກົດ​ຜົນ​ເປັນ​ຮູບ​ປະ​ທຳ”, ທ່ານປະທານ​ປະ​ເທດ​ໄດ້ສະແດງຄວາມຍ້ອງຍໍຊົມເຊີຍ, ຕີລາຄາສູງຕໍ່ຜົນສຳເລັດຂອງວຽກງານການຕ່າງປະເທດໄລຍະ 3 ປີ ຜ່ານມາ, ພ້ອມ​ທັງເສີມຂະຫຍາຍຈຸດດີ, ແກ້ໄຂຂໍ້ຄົງຄ້າງ ເພື່ອເຮັດໃຫ້ວຽກງານໃນແຕ່ລະດ້ານມີຜົນສຳເລັດ, ຕ້ອງມີການປະສານສົມທົບກົມກຽວລະຫວ່າງກະຊວງ ອົງການຈັດຕັ້ງທູດຢູ່ຕ່າງປະເທດໃຫ້ມີຄວາມອ່ອນໂຍນແຕ່ບໍ່ອ່ອນແອ. ໂອກາດດັ່ງກ່າວ, ທ່ານ ບຸນ​ຍັງ ວໍລະ​ຈິດ ​ໄດ້​ເນັ້ນ​ໃຫ້​ຂະ​ແໜງ​ການ​ຕ່າງປະ​ເທດເພີ່ມທະວີ​ເອົາ​ໃຈ​ໃສ່ຈັດຕັ້ງປະຕິບັດຍຸດທະສາດ “ເພີ່ມມິດຫຼຸດຜ່ອນສັດຕູ” ​ໂດຍມີ​ການ​ພົວພັນຮ່ວມມືລະຫວ່າງ​ບັນດາບັນດາ​ທູດ​ປະ​ເທ​ດ​ເພື່ອນ​ມິດໃຫ້ມີ​ຄວາມ​ສະໜິດ​ແໜ້ນ​ກົມ ກຽວ​ກັນ ​ແລະ ຍາດແຍ່ງເອົາການຊ່ວຍເຫຼືອສະໜັບສະໜູນຈາກຕ່າງປະເທດ, ເພີ່ມທະວີຈັດຕັ້ງຜັນຂະຫຍາຍຂໍ້ຕົກລົງຕ່າງໆທີ່ໄດ້ເຊັນຂໍ້ຕົກລົງກັບບັນດາປະເທດໃຫ້ມີໝາກຜົນ, ເສີມຂະຫຍາຍວຽກງານການຕ່າງປະເທດໃຫ້ກວ້າງຂວາງ, ສືບຕໍ່ປະບັດແນວທາງເປັນເອກະລາດສັນຕິພາບ ປະຊາ​ຕິ​ປະ​ໄຕ ຕາມແນວທາງການຕ່າງປະເທດຢ່າງສະເໝີຕົ້ນສະເໝີປາຍ, ເພີ່ມທະວີການພົວພັນຮ່ວມມືກັບປະ​ເທດ​ເພື່ອນ​ມິດ​ຍຸດ​ທະ​ສາດ ໂດຍສະເພາະ ສສ ຫວຽດນາມ ​ແລະ ເສີມຂະຫຍາຍຍຸດທະສາດການ​ຮ່ວມ​ມື​ໃຫ້ໝັ້ນຄົງຍາວນານ “ລາວ-ຈີນ” ຕາມທິດ “4 ດີ” ໃຫ້ເກີດດອກອອກຜົນໃນແຕ່ລະດ້ານ, ເພີ່ມທະວີເຄື່ອນໄຫວໃນອາຊຽນ …

ສະພາອຸດສະຫະກຳ ແລະ ການຄ້ານະຄອນຫຼວງວຽງຈັນ ຮ່ວມກັບ ສະມາຄົມທຸລະກິດສິງກະໂປຢູ່ໃນລາວ ໄດ້ເປີດໂອກາດໃຫ້ ປະຊາຊົນຜູ້ທຸກຍາກໃນນະຄອນຫຼວງວຽງຈັນ ແລະ ບັນດາແຂວງທີ່ໃກ້ຄຽງເຂົ້າຮ່ວມເພື່ອກວດເຊັກສຸຂະພາບຕາ ແລະ ຜ່າຕັດແກ່ນຕາຂຸ້ນ ໂດຍບໍ່ໄດ້ເສຍຄ່າ ໃນລະຫວ່າງວັນທີ 11-13 ຕຸລາ 2019 ທີ່ສູນປິ່ນປົວ ແລະ ຮັກສາສຸຂະພາບຕາທົ່ງປົ່ງ ນະຄອນຫຼວງວຽງຈັນ ການຜ່າຕັດໃຊ້ເວລາພຽງ 5 ນາທີ ໂດຍການຜ່າຕັດທີ່ມີຄຸນນະພາບ ໂດຍທີມງານທ່ານໝໍຈາກປະເທດສິງກະໂປ. ສໍາລັບການຄັດເລືອກ ແລະ ລົງທະບຽນ ສໍາລັບບຸກຄົນທົ່ວໄປທີ່ຕ້ອງການປິ່ນປົວບໍ່ເສຍຄ່າ ຈະຈັດຂຶ້ນວັນທີ 4 ຫາ ວັນທີ 9 ຕຸລາ 2019 ທີ່ໂຮງໝໍ 9 ເມືອງໃນນະຄອນຫຼວງວຽງຈັນ ແລະ ໂຮງໝໍປົວຕາທົ່ງປົ່ງ ສໍາລັບຜູ້ລົງທະບຽນຜ່າຕັດທີ່ໂຮງໝໍປົວຕາທົ່ງປົ່ງ ຈະມີທີ່ພັກ, ອາຫານ ແລະ ນໍ້າດື່ມໃຫ້ຜູ້ທີ່ຜ່າຕັກທຸກຄົນ ເຊິ່ງຜູ້ທີ່ຜ່າຕັດແກ່ນຕາແມ່ນຈະໄດ້ຜ່າຕັດໃນໜຶ່ງມື້ ແລະ ຈະເປີດຕາໄດ້ໃນມື້ທີ່ສອງ ຫຼັງຈາກຜ່າຕັດ ທາງມູນນິທິ ເອີນີວວິເຊິນ ຈະໜອງຢາ ເລນສ ຢາຍອດຕາ ໃຫ້ແກ່ຜູ້ທຸກຍາກທີ່ມາປິ່ນປົວອີກດ້ວຍ. ທ່ານໃດມີຄວາມສົນໃຈຮັບການປິ່ນປົວ ຕິດຕໍ່ໄດ້ ໂທ: 030 …