ກະຊວງອຸດສາຫະກຳ ແລະ ການຄ້າ(ອຄ) ອອກແຈ້ງການ ເລກທີ 0412/ອຄ.ກຄພນ ລົງວັນທີ 21 ເມສາ 2020 ກ່ຽວກັບການສືບຕໍ່ຕິດຕາມ, ກວດກາ ແລະ ຄຸ້ມຄອງລາຄາສິນຄ້າຖ້າພົບເຫັນຂາຍສິນຄ້າແພງກວ່າຄວາມເປັນຈິງໃຫ້ປັບໃໝທັນທີ ສູງສຸດ 3ລ້ານກີບຕໍ່ລາຍການ ແລະ ຖ້າພົບເຫັນກັກຕຸນລາຄາສິນຄ້າກໍ່ປັບໃໝສູງເຖິງ 50 ລ້ານກີບ. ເນື່ອງຈາກວ່າ ສະພາບການແຜ່ລະບາດຂອງພະຍາດໂຄວິດ-19 ຢູ່ຫຼາຍປະເທດ ຍັງສືບຕໍ່ເພີ່ມຂຶ້ນ ແລະ ພາຍໃນ ສປປ ລາວ ຍັງມີຄວາມສ່ຽງຂອງການລະບາດ ລັດຖະບານ ຈຶ່ງໄດ້ອອກແຈ້ງການ ການຕໍ່ເວລາ ແລະ ແນະນໍາເພີ່ມເຕີມ ການຈັດຕັ້ງປະຕິບັດຄໍາສັ່ງຂອງນາຍົກລັດຖະມົນຕີ ສະບັບເລກທີ່ 06/ນຍ, ລົງວັນທີ 29 ມີນາ 2020. ດ້ວຍເຫດນັ້ນ ເພື່ອໃຫ້ມີຄວາມເປັນເອກະພາບໃນການຈັດຕັ້ງປະຕິບັດຄໍາສັ່ງຂອງທ່ານນາຍົກລັດຖະມົນຕີ ວ່າດ້ວຍການເພີ່ມທະວີ ມາດຕະການສະກັດກັ້ນ ການແຜ່ລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ສະບັບ ເລກທີ 06/ນຍ, ລົງວັນທີ 29 ເມສາ 2020. ລັດຖະມົນຕີກະຊວງ ອຄ ອອກແຈ້ງການ: …

ຍ້ອນການລະບາດຂອງພະຍາດໂຄວິດ-19 ສະຖາບັນຄົ້ນຄວ້າເສດຖະກິດແຫ່ງຊາດ (ສຄສຊ) ຄາດຄະເນວ່າ ເສດຖະກິດແຫ່ງຊາດຂອງ ສປປ ລາວ (GDP) ຈະຫຼຸດລົງຈາກ 6,1% ໃນປີ 2019 ມາຢູ່ໃນລະດັບ 3,3% ໃນປີ 2020 ເຊິ່ງຕໍ່າກວ່າທີ່ຄາດໄວ້ເບື້ອງຕົ້ນ (4,5%) ໃນເດືອນມີນາ 2020. ອີງຕາມບົດລາຍງານ ຜົນການຄົ້ນຄວ້າການແຜ່ລະບາດຂອງພະຍາດໂຄວິດ-19, ຜົນກະທົບທາງດ້ານເສດຖະກິດ ແລະ ຂໍ້ສະເໜີແນະມາດຕະການສໍາລັບໄລຍະສັ້ນ, ກາງ ແລະ ຍາວ ປະຈໍາເດືອນເມສາ 2020 ສະບັບເລກທີ 005/ສຄສຊ ລົງວັນທີ 19 ເມສາ 2020 ໃຫ້ຮູ້ເຖິງຜົນກະທົບຕໍ່ການເຕີບໂຕຂອງເສດຖະກິດແຫ່ງຊາດວ່າ: ຈາກຜົນກະທົບໂດຍກົງຕໍ່ຂະແຫນງການທ່ອງທຽວ, ການຄ້າ, ການລົງທຶນ ແລະ ຂະແຫນງອື່ນໆເຂົ້າກັນ ສະຖາບັນຄົ້ນຄວ້າເສດຖະກິດແຫ່ງຊາດ ຄາດຄະເນວ່າເສດຖະກິດແຫ່ງຊາດຂອງ ສປປ ລາວ (GDP) ເຕີບໂຕຕໍ່າລົງຈາກ 6,1% ໃນປີ 2019 ລົງມາຢູ່ໃນລະດັບ 3,3% ໃນປີ 2020 ເຊິ່ງຕໍ່າກວ່າທີ່ຄາດໄວ້ເບື້ອງຕົ້ນ (4,5%) ໃນເດືອນມີນາ 2020. ທັງນີ້ …

ປັດຈຸບັນ ມີແຮງງານລາວທີ່ໄດ້ເຮັດວຽກຢູ່ໃນໂຄງການສ້າງເສັ້ນທາງລົດໄຟລາວ-ຈີນ ພຽງ 3ພັນກວ່າຄົນ ແຕ່ຄວາມຕ້ອງການມີເກືອບ 20ພັນຄົນ, ສ່ວນແຮງງານໃນໂຄງການປັດຈຸບັນ ມີຫຼາຍກວ່າ 24 ພັນຄົນ ລວມທັງແຮງງານລາວ ແລະ ຕ່າງປະເທດ. ຂະນະດຽວກັນລັດຖະບານກໍ່ຕັ້ງເປົ້າເຮັດໃຫ້ແຮງງານລາວໄດ້ເຂົ້າເຮັດວຽກນໍາໂຄງການດັ່ງກ່າວໃຫ້ຫຼາຍເທົ່າທີ່ຈະຫຼາຍໄດ້ ເພື່ອເປັນການເກັບກ່ຽວປະສົບການໃນການເຮັດວຽກ, ມີວຽກເຮັດງານທຳ ແລະ ມີຊີວິດການເປັນຢູ່ທີ່ດີຂື້ນ ໃນກອງປະຊຸມປຶກສາຫາລືກ່ຽວກັບການຄຸ້ມຄອງແຮງງານຢູ່ໂຄງການກໍ່່ສ້າງເສັ້ນທາງລົດໄຟລາວ-ຈີນ ຢູ່ ແຂວງ ຫຼວງພະບາງ, ວັນທີ 14 ກຸມພາ ນີ້, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ປັດຈຸບັນແຮງງານລາວ ທີ່ເຮັດວຽກໃນໂຄງການກໍ່ສ້າງທາງລົດໄຟ ລາວ-ຈີນ ມີພຽງແຕ່ 3 ພັນກ່ວາຄົນ ໃນຈຳນວນແຮງງານທັງໝົດທີ່ມີການຢັ້ງຢືນການນຳເຂົ້າຮັບໃຊ້ໂຄງການກໍ່ສ້າງມີຫລາຍກ່ວາ 24 ພັນຄົນ(ລວມທັງຄົນຕ່າງປະເທດ ແລະ ຄົນລາວ), ແຮງງານລາວສ່ວນໃຫຍ່ເປັນແຮງງານສີມືທີ່ບໍ່ກ່ຽວພັນໂດຍກົງກັບທາງລົດໄຟ, ດັ່ງນັ້ນ, ໃນການຄຸ້ມຄອງໂຄງການ, ລັດຖະບານໄດ້ສ້າງຕັ້ງຄະນະກໍາມະການຊີ້ນໍາທັງລະດັບຊາດ ແລະ ທ້ອງຖິ່ນຂື້ນ ເພື່ອຊີ້ນຳ ແລະ ຕິດຕາມການດຳເນີນການກໍ່ສ້າງດັ່ງກ່າວໃຫ້ມີຄຸນນະພາບ ແລະ ສຳເລັດຕາມແຜນການທີ່ກຳນົດໄວ້. ການນຳໃຊ້ແຮງງານ ທັງແຮງງານລາວ ແລະ ການນຳເຂົ້າແຮງງານຈາກຕ່າງປະເທດກໍ່ເປັນບັນຫາໜຶ່ງທີ່ໂຄງການຕ້ອງໄດ້ເອົາໃຈປະຕິບັດຕາມສັນຍາກໍ່ສ້າງໂຄງການໃຫ້ໄດ້, ເປັນຕົ້ນແມ່ນການເຮັດໃຫ້ແຮງງານລາວໄດ້ເຂົ້າເຮັດວຽກນຳໂຄງການໃຫ້ຫຼາຍເທົ່າທີ່ຈະຫຼາຍໄດ້, …

ຍຸກນີ້ເປັນໂອກາດຂອງຄົນລຸ້ນໃໝ່ຫົວຄິດທັນສະໄໝ ໄອທີຄືຄວາມຫວັງໜຶ່ງໃນການຫາເງິນ ເພື່ອລ້ຽງຊີວິດ ໂດຍສະເພາະຜູ້ທີ່ຮຽນຈົບສາຍໄອທີມາ ສະນັ້ນຜູ້ໃດຢາກເປີດຮ້ານເປັນຂອງໂຕເອງ ຕ້ອງຮູ້ ຂັ້ນຕອນການຂໍອະນຸຍາດສ້າງຕັ້ງທຸລະກິດຊອບແວ ພ້ອມທັງເງື່ອນໄຂໃນການພິຈາລະນາອອກໃບອະນຸຍາດ, ການພິຈາລະນາອອກໃບອະນຸຍາດ, ການຕໍ່, ປ່ຽນແປງ, ໂຈະ ຫຼື ຍຸບເລີກ, ຂອບເຂດການດຳເນີນທຸລະກິດ ທີ່ໄດ້ລະບຸໄວ້ໃນຂໍ້ຕົກລົງວ່າດ້ວຍການດໍາເນີນທຸລະກິດຊອບແວ ແລະ ສູນຂໍ້ມູນຂ່າວສານຜ່ານອິນເຕີເນັດ ເລກທີ 20 ມັງກອນ 2017 ເຊິ່ງໃນມາດຕາ 7, 8, 9, 10, 11 ແລະ 12 ດັ່ງນີ້: ພາບປະກອບຂ່າວ ມາດຕາ 7: ການຂໍອະນຸຍາດ ນິຕິບຸກຄົນ ທີ່ມີຈຸດປະສົງດຳເນີນທຸລະກິດຊອບແວ ແລະ ສູນບໍລິການຂໍ້ມູນຂ່າວສານຜ່ານອິນເຕີເນັດ ຕ້ອງຂໍໃບອະນຸຍາດດຳເນີນທຸລະກິດ ນໍາຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ. ມາດຕາ 8: ເງື່ອນໄຂພິຈາລະນາອອກໃບອະນຸຍາດ ການພິຈາລະນາອອກໃບອະນຸຍາດໃນການດຳເນີນທຸລະກິດຊອບແວ ແລະ ສູນບໍລິການຂໍ້ມູນຂ່າວສານຜ່ານອິນເຕີເນັດຕ້ອງມີເງື່ອນໄຂດັ່ງນີ້: ມີວິຊາການທີ່ກ່ຽວຂ້ອງ ກັບປະເພດຂອງການບໍລິການ; ມີສະຖານທີ່ຕັ້ງເໝາະສົມ; ບໍ່ຢູ່ໃນຊ່ວງໄລຍະທີ່ຖືກອາຍັດຊັບສິນ, ບໍ່ຢູ່ໃນຂະບວນການລົ້ມລະລາຍ ຫຼື ຖືກສານຕັດສິນເປັນຜູ້ລົ້ມລະລາຍຕາມກົດໝາຍຂອງ ສປປ ລາວ ແລະ …

ໃນປີ 2019 ການລົງທຶນຢູ່ນະຄອນຫຼວງວຽງຈັນ ປະຕິບັດໄດ້ຫຼາຍເຖິງ 18.253 ຕື້ກີບ ລື່ນແຜນການ 20,72%. ສ່ວນປີ 2020 ຄາດຄະເນຄວາມຕ້ອງການທຶນທັງໝົດ 16.700 ຕື້ກີບ ໃນການພັດທະນາເສດຖະກິດ – ສັງຄົມ. ທ່ານ ພູຂົງ ບັນນະວົງ ຮອງເຈົ້າຄອງ, ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ ໄດ້ລາຍງານກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມປີ 2019 ແລະ ທິດທາງແຜນການປີ 2020 ຂອງນະຄອນຫຼວງວຽງຈັນ ຕໍ່ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ( ສສນວ ) ຊຸດທີ I ໃນວັນທີ 20 ມັງກອນ 2020 ວ່າ: ການລົງທຶນທົ່ວສັງຄົມ ໃນປີ 2019 ປະຕິບັດໄດ້ 18.253 ຕື້ກີບ, ທຽບໃສ່ແຜນການປີທີ່ວາງໄວ້ ( 15.120 ຕື້ກີບ ) ປະຕິບັດໄດ້ລື່ນແຜນການ 20,72%. ໃນນີ້, …

ລາວຈະສົ່ງອອກໄຟຟ້າກວ່າ 20,000 ເມກາວັດ ໄປສູ່ປະເທດເພື່ອນບ້ານອາຊຽນ ໃນໄລຍະປີ 2020-2030 ລາວຈະສາມາດຜະລິດກະແສໄຟຟ້າໄດ້ປະມານ 20,000 ເມກາວັດ ໃນໄລຍະປີ 2020-2030. ໃນໄລຍະດັ່ງກ່າວນີ້, ລັດຖະບານໄທຄາດວ່າຈະນຳເຂົ້າໄຟຟ້າຈາກລາວປະມານ 9,000 ເມກາວັດ, ກຳປູເຈຍປະມານ 6,000 ເມກາວັດ, ຫວຽດນາມປະມານ 5,000 ເມກາວັດ, ມຽນມາປະມານ 300 ເມກາວັດ ແລະ ມາເລເຊຍປະມານ 300 ເມກາວັດ. ມູນຄ່າການສົ່ງອອກໄຟຟ້າຕັ້ງແຕ່ເດືອນມັງກອນ ຫາ ຕຸລາ ປີ 2019 ບັນລຸປະມານ 1,066 ລ້ານໂດລາສະຫະລັດ ໂດຍ ໄທ, ຫວຽດນາມ ແລະ ກຳປູເຈຍເປັນຜູ້ນຳເຂົ້າໄຟຟ້າຈາກລາວລາຍໃຫຍ່ທີ່ສຸດ. ການສົ່ງອອກກະແສໄຟຟ້າຂອງລາວໄປສູ່ປະເທດເພື່ອນບ້ານ ແລະ ຊາດອື່ນໆໃນອາຊຽນ ຄາດວ່າຈະບັນລຸ 20,000 ເມກາວັດ ໃນລະຫວ່າງປີ 2020-2030 ອີງຕາມການລາຍງານຂອງ Vientiane Times. ທັງນີ້ ການສົ່ງອອກໄຟຟ້າເປັນໜຶ່ງໃນແຫຼ່ງລາຍຮັບທີ່ໃຫຍ່ທີ່ສຸດຂອງປະເທດ ໂດຍສະເພາະສົ່ງອອກໄປຍັງປະເທດເພື່ອນບ້ານ ແລະ ຊາດອາຊຽນ ເຊັ່ນ: ໄທ, ຫວຽດນາມ, …

ປີ 2019 ແຂວງເຊກອງສາມາດປະຕິບັດໄດ້ ສ້າງເສດຖະກິດຂະຫຍາຍຕົວຢູ່ໃນລະດັບ 7,81% ເມື່ອທຽບກັບປີຜ່ານມາ. ພາບປະກອບຂ່າວ ທ່ານ ເຫລັກໄຫລ ສີວິໄລ ຮອງເຈົ້າແຂວງເຊກອງ ລາຍງານໃຫ້ຮູ້ໃນກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ10 ສະໄຫມທີ IX ໃນລະຫວ່າງວັນທີ 14 ມັງກອນທີ່ຜ່ານມາວ່າ: ໃນໄລຍະ 1 ປີຜ່ານມາ ເຫັນວ່າເສດຖະກິດຂອງເແຂວງສືບຕໍ່ຂະຫຍາຍຕົວຢ່າງຕໍ່ເນື່ອງ, ເຮັດໃຫ້ລວມຍອດຜະລິດຕະພັນພາຍໃນ (GDP) ເພີ່ມຂຶ້ນໃນລະດັບ 7,81% ທຽບໃສ່ປີຜ່ານມາ. ເຮັດໃຫ້ລວມຍອດລາຍຮັບບັນລຸໄດ້ 1.720 ຕື້ກີບ, ສະເລ່ຍໃສ່ປະຊາກອນບັນລຸໄດ້ປະມານ 13,76 ລ້ານກີບ ຫລືເທົ່າກັບ 1.699 ໂດລາສະຫາລັດຕໍ່ຄົນ. ໃນນີ້ ຂະແໜງກະສິກໍາ ແລະປ່າໄມ້ ເພີ່ມຂຶ້ນ 6,50% ກວມເອົາ 40,04%, ຂະແໜງອຸດສາຫະກຳ ເພີ່ມຂຶ້ນ 9,20% ກວມເອົາ 23,28%, ຂະແຫນງບໍລິການເພີ່ມຂຶ້ນ 8,40% ກວມເອໄາ 36,68% ຂອງGDP. ຂໍ້ມູນຈາກ: Media laos ທີ່ມາ https://laoedaily.com.la/2020/01/15/69163/

ໃນ​ວັນ​ທີ 7 ມັງກອນ 2020 ສູນຂໍ້​ມູນ​ຂ່າວສານ​ທາງ​ດ້ານ​ການ​ຄ້າ, ກະຊວງອຸດສາຫະກໍາ ແລະ ການຄ້າ ​ ໄດ້​ອອກ​ແຈ້ງ​ການ ຍົກເລີກອອກໃບຢັ້ງຢືນນຳເຂົ້າຊິ້ນສ່ວນຍານພາຫະນະ ທີ່ມາຜະລິດ ແລະ ປະກອບຢູໂຮງງານ ເພື່ອຜັນຂະຫຍາຍຄຳສັ່ງ ຂອງນາຍົກລັດຖະມົນຕີ ວ່າດ້ວຍການປັບປຸງບັນດາລະບຽບການ ແລະ ກົນໄກປະສານງານ ໃນການດຳເນີນທຸລະກິດຢູ່ ສປປ ລາວ ສະບັບເລກທີ 02/ນຍ, ລົງວັນທີ 01 ກຸມພາ 2018 ແລະ ຄໍາສັ່ງຂອງນາຍົກລັດຖະມົນຕີ ວ່າດ້ວຍ ການອຳນວຍຄວາມສະດວກ ໃຫ້ແກ່ການນຳເຂົ້າ-ສົ່ງອອກ, ການນຳເຂົ້າຊົ່ວຄາວ, ການຜ່ານແດນ ແລະ ການເຄື່ອນຍ້າຍສິນຄ້າ ຢູ່ ສປປ ລາວ ສະບັບເລກທີ 12/ນຍ, ລົງວັນທີ 16 ຕຸລາ 2019 ໃຫ້ປະກົດຜົນເປັນຈິງໃນການປັບປຸງຫຼຸດຂັ້ນຕອນທີ່ບໍ່ຈໍາເປັນ ເພື່ອຄວາມສະດວກໃຫ້ແກ່ພາກທຸລະກິດໃນການດຳເນີນທຸລະກິດ, ການຄ້າ ແລະ ການລົງທຶນຕາມເງື່ອນໄຂໃໝ່ ຂອງການດໍາເນີນທຸລະກິດ ຢູ່ ສປປ ລາວ. ອີງຕາມການຈັດຕັ້ງປະຕິບັດຜ່ານມາ ການນໍາເຂົ້າຊີ້ນສ່ວນຍານພາຫະນະ ແມ່ນຕ້ອງໄດ້ຂໍໃບຢັ້ງຢືນນໍາເຂົ້ານໍາກົມອຸດສາຫະກໍາ ແລະ ຫັດຖະກໍາ, …

ວັນທີ 9 ມັງກອນ 2020 ທີ່ສູນຝຶກອົບຮົມ ແລະ ການຮ່ວມມືສາກົນ (ICTC) ນະຄອນຫລວງວຽງຈັນ ກອງປະຊຸມເປີດບັ້ນສຳຫລວດເສດຖະກິດ ແລະ ການສຳຫລວດສະຖິຕິກະສິກຳທົ່ວປະເທດຄັ້ງທີ III ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ຫົວຫນ້າຄະນະຊີ້ນຳລະດັບຊາດການສຳຫລວດເສດຖະກິດ ແລະ ການສຳຫລວດສະຖິຕິກະສິກຳທົ່ວປະເທດ ຄັ້ງທີ III. ຈຸດປະສົງຂອງກອງປະຊຸມດັ່ງກ່າວເພື່ອຮັບຟັງການກຽມພ້ອມຈັດຕັ້ງປະຕິບັດຕົວຈິງຂອງ 2 ການສໍາຫຼວດໃຫຍ່ ຄື ການສຳຫຼວດເສດຖະກິດທົ່ວປະເທດ ຄັ້ງທີ III ປີ 2020 ທີ່ຄາດວ່າຈະໄດ້ຈັດຕັ້ງປະຕິບັດໃນໄລຍະ ເດືອນ ກຸມພາ ຫາ ມີນາ 2020 ແລະ ການສຳຫຼວດສະຖິຕິກະສິກຳທົ່ວປະເທດ ຄັ້ງທີ III ປີ 2019/2020, ເຊິ່ງຄາດວ່າຈະໄດ້ຈັດຕັ້ງປະຕິບັດໃນໄລຍະ ເດືອນ ມີນາ ຫາ ເມສາ 2020. ທ່ານ ສົມດີ ດວງດີ ໃຫ້ຮູ້ວ່າ: ການຈັດຕັ້ງປະຕິບັດ 2 ການສໍາຫຼວດໃຫຍ່ ແມ່ນຄັ້ງປະຫວັດສາດ ທີ່ພວກເຮົາໄດ້ຈັດຂື້ນ ໃນໄລຍະໃກ້ຄຽງກັນ, …

ດ້ວຍທ່າແຮງທາງເສດຖະກິດການຜະລິດຂອງແຂວງໄຊຍະບູລີ ເຊິ່ງປະຊາຊົນມີມູນເຊື້ອໃນການເຮັດກະສິກຳເປັນສິນຄ້າ ພື້ນທີ່ພູມີສາດກໍ່ມີເງື່ອນໄຂເອື້ອອຳນວຍ ມີຊາຍແດນຕິດຈອດກັບປະເທດໄທທີ່ງ່າຍຕໍ່ການທຳມາຄ້າຂາຍ ກະຊວງການຕ່າງປະເທດຈິ່ງເຫັນວ່າຄວນຍົກລະດັບດ່ານປາງມອນໃຫ້ເປັນດ່ານສາກົນ. ຕາມແຈ້ງການຈາກສຳນັກງານນາຍົກລັດຖະມົນຕີ ເຖິງ ເຈົ້າແຂວງໆໄຊຍະບູລີ ໂດຍອີງໃສ່ເອກະສານລາຍງານ ສະບັບເລກທີ 9605/ຕປທ.ຫຄຊ, ລົງວັນທີ 05 ທັນວາ 2019 ຂອງກະຊວງການຕ່າງປະເທດ ເລື່ອງການສະເໜີຍົກລະດັບດ່ານປະເພນີ ປາງມອນ, ເມືອງຄອບ, ແຂວງໄຊຍະບູລີ ໃຫ້ເປັນດ່ານສາກົນເພີ່ມຂຶ້ນອີກແຫ່ງໜຶ່ງນັ້ນ. ອີງຕາມການຕົກລົງ ຂອງທ່ານນາຍົກລັດຖະມົນຕີ ໃນວັນທີ 27 ທັນວາ 2019 ໃຫ້ເຫັນດີອະນຸມັດຍົກລະດັບດ່ານປະເພນີ ປາງມອນ, ເມືອງຄອບ, ແຂວງໄຊຍະບູລີ ຂຶ້ນເປັນດ່ານສາກົນ ເພື່ອໃຫ້ສົມຄູ່ກັບດ່ານສາກົນບ້ານຮວກ (ເບື້ອງໄທ) ຕາມການສະເໜີ ຂອງກະຊວງການຕ່າງປະເທດ.     ທັງນີ້ ກໍເປັນການຍົກລະດັບທາງດ້ານເສດຖະກິດ, ການທ່ອງທ່ຽວ, ຄົມມະນາຄົມ ໃຫ້ແກ່ແຂວງໄຊຍະບູລີ ໃຫ້ກ້າວໄປອີກຂັ້ນໜຶ່ງ. ສ່ວນວ່າພິທີເປີດດ່ານປາງມອນເປັນດ່ານສາກົນນັ້ນ ຍັງບໍ່ທັນມີລາຍງານ ຈັ່ງໃດກໍ່ດີໃຈນຳຊາວແຂວງໄຊຍະບູລີ ໂດຍສະເພາະຊາວເມືອງຄອບ ທີ່ຈະສາມາດທຳມາຄ້າຂາຍໄດ້ສະດວກຂຶ້ນ ແລະເສດຖະກິດຂອງທ້ອງຖິ່ນຈະດີຂຶ້ນແນ່ນອນຫຼັງຈາກນີ້ ທີ່ສຳຄັນການພັດທະນາກຽມເງື່ອນໄຂຮອງຮັບຕ້ອງກຽມພ້ອມນຳໃຊ້ທ່າແຮງໃຫ້ເກີດປະໂຫຍດສູງສຸດ. ຂໍຂອບໃຈ ທີ່ມາຂ່າວ ລັດຖະບານຕົກລົງຍົກລະດັບ ດ່ານປາງມອນເປັນດ່ານສາກົນແລ້ວ