ວັນທີ​ 30 ສິງຫາ​ 2022 ຜ່ານມານີ້​ ສື່ທາງອາເມລິກາລາຍງານວ່າ ໂຈ ໄບເດັນ ປະທານາທິບໍດີ ວາງແຜນຈະຂໍສະພາຈາກລັດຄອງເກຣສອະນຸມັດຂາຍອາວຸດໃຫ້ໄຕ້ຫວັນ​ໃນມູນຄ່າ 1,1 ຕື້ໂດລາ ເປັນຂີປະນາວຸດຕໍ່ຕ້ານເຮືອຕາມໜ້ານໍ້າ ​AGM-84L Harpoon Block II ຈຳນວນ​ 60​ ຊຸດ​ແລະ​ ລະບົບຂີປະນາວຸດທາງອາກາດ AIM-9X Block II Sidewinder ສຳລັບຕິດອາວຸດເຮືອບິນຂັບໄລ່​ F-16 100 ລູກ ວັນທີ 31 ສິງຫາຜ່ານມາ, ທ່ານຈ້າວລີ້ຈ່ຽນ ໂຄສົກກະຊວງ ການຕ່າງປະເທດຈີນໄດ້ຊີ້ໃຫ້ເຫັນໃນກອງປະຊຸມຖະແຫຼງຂ່າວວ່າ: ຝ່າຍທີ່ກ່ຽວຂ້ອງຂອງອາເມລິກາຄວນຢຸດການສົ່ງສັນຍານອັນຜິດພາດໃຫ້ແກ່ ອິດທິກຳລັງແບ່ງແຍກໄຕ້ຫວັນອອກຈາກປະເທດຈີນເພື່ອການເປັນເອກະລາດ. ທ່ານຈ້າວລີ້ຈ່ຽນກ່າວເນັ້ນວ່າ： ໃນໂລກນີ້, ປະເທດຈີນມີພຽງປະເທດດຽວເທົ່ານັ້ນ, ໄຕ້ຫວັນແມ່ນພາກສ່ວນໜຶ່ງທີ່ແບ່ງແຍກອອກຈາກປະເທດຈີນບໍ່ໄດ້, ນັບແຕ່ໃດໆມາ, ຈີນກໍເດັດດ່ຽວຄັດຄ້ານອາເມລິກາໄປມາຫາສູ່ກັນແບບທາງການກັບເຈົ້າໜ້າທີ່ໄຕ້ຫວັນ ບໍ່ວ່າໃນຮູບແບບໃດໆ ຫຼື ໃນນາມໃດໆກໍຕາມ. “ຈີນເຕືອນໃຫ້ຝ່າຍທີ່ກ່ຽວຂ້ອງຂອງອາເມລິກາ ຈົ່ງເຄົາລົບຫຼັກການປະເທດຈີນດຽວ ແລະ ຂໍ້ກຳນົດທີ່ກ່ຽວຂ້ອງທີ່ລະບຸໄວ້ໃນຖະແຫຼງການຮ່ວມ 3 ສະບັບລະຫວ່າງຈີນ-ອາເມລິກາ,​ ຄວນຢຸດການໄປມາຫາສູ່ກັນແບບທາງການກັບເຈົ້າໜ້າທີ່ໄຕ້ຫວັນ ເຊິ່ງບໍ່ວ່າໃນຮູບແບບໃດໆກໍຕາມ, ຢຸດສົ່ງສັນຍານອັນຜິດພາດໃຫ້ແກ່ອິດທິກຳລັງທີ່ ແບ່ງແບກໄຕ້ຫວັນໃຫ້ເປັນເອກະລາດ. ຈີນຈະນຳໃຊ້ມາດຕະການທີ່ແຂງແຮງ ເພື່ອປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຕົນຢ່າງເດັດດ່ຽວ”

ສຳນັກຂ່າວ CRI ລາບງານໃຫ້ຮູ້ວ່າ: ຕອນບ່າຍວັນທີ 14 ສິງຫາປີ 2022 ນີ້, ພິທີເປີດການຊ້ອມຮົບຮ່ວມລະຫວ່າງກອງທັບອາກາດຈີນ-ໄທທີ່ມີຊື່ວ່າ Eagle Strike-2022 ໄດ້ຈັດຂຶ້ນຢູ່ຖານທັບອາກາດອຸດອນທານີຂອງໄທ. ຜູ້ບັນຊາການໃຫຍ່ການຊ້ອມຮົບຮ່ວມຄັ້ງນີ້ຂອງຝ່າຍຈີນແລະຝ່າຍໄທຕ່າງໄດ້ກ່າວຄຳປາໄສ. ສະມາຊິກຂອງກອງບັນຊາການສອງຝ່າຍ ພະນັກງານສະຖານທູດຈີນປະຈຳໄທ ພ້ອມດ້ວຍຜູ້ຕາງໜ້ານາຍແລະພົນທະຫານທີ່ເຂົ້າຮ່ວມການຊ້ອມຮົບຮ່ວມໄດ້ເຂົ້າຮ່ວມພິທີເປີດດັ່ງກ່າວ. ການຊ້ອມຮົບຮ່ວມຄັ້ງນີ້ເປັນການຊ້ອມຮົບຮ່ວມຄັ້ງທີ 5 ລະຫວ່າງກອງທັບອາກາດຈີນແລະໄທ, ຝ່າຍຈີນໄດ້ສົ່ງຍົນຮົບ ຍົນຖິ້ມລະເບີດ ແລະຍົນເຕືອນໄພເຂົ້າຮ່ວມ, ຝ່າຍໄທໄດ້ສົ່ງຍົນຮົບ ແລະຍົນເຕືອນໄພເຂົ້າຮ່ວມ. ການຊ້ອມຮົບຮ່ວມຄັ້ງນີ້ຕົ້ນຕໍແມ່ນເນັ້ນໃສ່ການຊ່ວຍເຫຼືອທາງອາກາດ, ການໂຈມຕີກະທັນຫັນຕໍ່ໜ້າດິນ ການນຳໃຊ້ກຳລັງທະຫານຢ່າງຂະໜາດນ້ອຍແລະຂະໜາດໃຫຍ່ ແລະອື່ນໆ, ເຊິ່ງມີຈຸດປະສົງ ເພື່ອເພີ່ມທະວີຄວາມໄວ້ເນື້ອເຊື່ອໃຈກັນແລະມິດຕະພາບລະຫວ່າງກອງທັບອາກາດຂອງສອງປະເທດ, ລົງເລິກການຮ່ວມມືທີ່ແທ້ຈິງ, ຮ່ວມກັນປົກປັກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ.

ຕາມ​ຂ່າວ ​ຈາກ​ຈີນ, ວັນ​ທີ11​ ມິຖຸນາ​ 2022​ນີ້, ຈີນ ​ແລະ ຣັດ​ເຊຍ ຮ່ວມ​ຈັດ ​ພິທີ ເປີດ​ຂົວຂ້າມ​ຊາຍ​ແດນ​ແຫ່ງ​ໃໝ່ຂ້າມ​ແມ່​ນ້ຳ​ ອາ​ມູຣ(Amur) ​ເຊື່ອມ​ຕໍ່ລະຫວ່າງເມືອງ​ບລາ​ໂກ ​ເວສ​ເຊ​ນ (Blagoveshchensk)​ ໃນ​ພາກ​ຕາ​ເວັນ​ອອກ​ໄກ​ ຂອງຣັດ​ເຊຍ ກັບ​ເມືອງ ​ເຮ່ຍ​ເຫີ (Heihe)​ ແຂວງ ​ເຮ​ຍ​ຫລົງຈຽງ (Heilongjiang)​ ຂອງ​ຈີນມີ​ຄວາມ​ຍາວ​ ກວ່າ1​ ກິ​ໂລ​ແມັດ ​ໃຊ້​ງົບປະມານ ​ໃນ​ການ​ກໍ່ສ້າງ 342 ລ້ານ​ໂດ​ລາ​ ສະຫະລັດ ຫລັງ​ຈາກ​ ໄດ້​ກໍ່ສ້າງ​ເມື່ອ​ປີ 2016 ​ແລະ ສຳ​ເລັດ ​ເດືອນ​ພຶດສະພາ 2020 ​ແຕ່​ການ​ເປີດ​ຂົວ​ ຊັກ​ຊ້າ​ອອກ​ໄປຍ້ອນ​ການແພ່​ລະບາດ ​ໂຄ​ວິດ-19. ສຳລັບຂົວ​ແຫ່ງ​ນີ້ຈະ​ຊ່ວຍ​ຫລຸດຜ່ອໄລຍະ​ທາງ ​ໃນ​ການ​ເດີນທາງ ​ແລະ ຂົນ​ສົ່ງ​ ສິນຄ້າ ຂ້າມ​ຊາຍ​ແດນລະຫວ່າງ​ຈີນກັບ ຣັດ​ເຊຍ ​ໄດ້​ເຖິງ 1.500 ກິ​ໂລ​ແມັດ ​ແລະ​ ຖື​ເປັນ​ເສັ້ນທາງ ສຳຄັນຂອງຣັດ​ເຊຍ ​ໃນ​ການ​ຄ້າ​ຂາຍກັບ​ຈີນ ​ແລະ ຈະ​ຊ່ວຍ​ເພີ່ມ​ມູນ​ຄ່າສິນຄ້າກັບ​ຈີນ ​ໄດ້​ເຖິງ 200 ຕື້​ໂດ​ລາ​ສະຫະລັດ …

ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນແຈ້ງໃຫ້ຮູ້ວ່າ “ທ້າຍເດືອນພຶດສະພາ 2022, ຄັງສຳຮອງສະກຸນເງິນຕາຕ່າງປະເທດຂອງຈີນ ມີເຖິງ 3.127,8 ຕື້ໂດລາສະຫະລັດ (3,12 ລ້ານລ້ານ US$), ໄດ້ເພີ່ມຂຶ້ນ 8,1 ຕື້ US$ ຫຼື 0,26% ເມື່ອທຽບໃສ່ທ້າຍເດືອນເມສາ 2022”. ທ່ານນາງຫວາງຊູນຢີ່ງ, ຮອງຫົວໜ້າ ແລະ ໂຄສົກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ: 1. ໃນເດືອນພຶດສະພາ 2022, ຕະຫຼາດເງິນຕາຕ່າງປະເທດຂອງຈີນໄດ້ເຄື່ອນໄຫວຢ່າງໝັ້ນທ່ຽງໂດຍລວມ, ການສະໜອງ ແລະຄວາມຕ້ອງການເງິນຕາຕ່າງປະເທດພາຍໃນປະເທດຈີນມີຄວາມດຸນດ່ຽງໂດຍພື້ນຖານ; 2. ຄັງສຳຮອງສະກຸນເງິນຕາຕ່າງປະເທດຂອງຈີນແມ່ນຄິດໄລ່ດ້ວຍເງິນໂດລາສະຫະລັດ ແລະ ເງິນສຳຮອງສະກຸນເງິນຕາຕ່າງປະເທດຂອງຈີນໃນເດືອນພຶດສະພາປີນີ້ໄດ້ເພີ່ມຂຶ້ນ; 3. ປັດຈຸບັນ, ສະຖານະການພາຍນອກຍັງມີຄວາມສັບສົນ ແລະຂ້ຽວຂາດ, ເສດຖະກິດໂລກກຳລັງປະເຊີນໜ້າກັບຄວາມສ່ຽງ ແລະ ສິ່ງທ້າທາຍທີ່ນັບມື້ນັບຫຼາຍຂຶ້ນ; 4. ຕະຫຼາດການທະນາຄານສາກົນຍັງຄົງມີຄວາມບໍ່ແນ່ນອນຂ້ອນຂ້າງຫຼາຍ, ແຕ່ປະເທດຈີນໄດ້ວາງແຜນການປ້ອງກັນຄວບຄຸມພະຍາດໂຄວິດ-19 ແລະ ການພັດທະນາເສດຖະກິດສັງຄົມຢ່າງມີປະສິດທິພາບສູງ; 5. ເສດຖະກິດຈີນສືບຕໍ່ມີທ່ວງທ່າທີ່ດີໃນໄລຍະຍາວ, ສິ່ງນີ້ຈະສະໜັບສະໜູນປະລິມານການສະສົມເງິນຕາຕ່າງປະເທດຂອງຈີນໃຫ້ມີຄວາມໝັ້ນທ່ຽງໂດຍລວມ Cr.​CRI-FM93

ສປ ຈີນ ຊື້​ນ້ຳມັນຈາກຣັດ​ເຊຍ ​ໃນ​ລາຄາຖືກ​ກວ່າ​ປະ​ເທດ​ອື່ນ ຄິດ​ເປັນ​ປະລິມານເກືອບ 2 ລ້ານ​ຖັງ​ໃນ​ເດືອນພຶດສະພາ​ນີ້ ກວມ​ເອົາ 15% ຂອງ​ຄວາມ​ຕ້ອງການນຳ​ໃຊ້​ໃນ​ຈີນ.​ ​ໂດຍອີງ​ຕາມ ຂໍ້ມູນຈາກບໍລິສັດ Vortesa Analytics ຊຶ່ງ​ເປັນ​ ຜູ້​ໃຫ້​ບໍລິການວິ​ເຄາະຂໍ້​ມູນກ່ຽວ​ກັບການ​ຂົນ​ສົ່ງ​ນ້ຳມັນ ​ແລະ ອາຍ​ແກັສ ສາກົນ​ ​ເມື່ອ​ບໍ່​ດົນ​ມາ​ນີ້ ລະບຸ​ວ່າ: ຈີນນຳ​ເຂົ້ານ້ຳມັນ ​ຈາກຣັດ​ເຊຍຜ່ານ​ການ​ຂົນ​ສົ່ງ ທາງ​ທະ​ເລ 1,1 ລ້ານ​ຖັງ​ຕໍ່​ວັນໃນ​ເດືອນ​ພຶດສະພາເພີ່ມ​ຈາກ 750.000 ຖັງ​ຕໍ່​ວັນໃນ​ໄລຍະ ​​ໄຕ​ມາດ​ທຳ​ອິດ ​ແລະ ​ເພີ່ມ​ຂຶ້ນ​ຈາກສະຖິຕິ​ວັນ​ລະ 800.000 ຖັງ​ຕໍ່​ວັນ ​ເມື່ອ​ປີ​ກາຍ. ປັດຈຸບັນ ຣັດ​ເຊຍຂາຍ​ນ້ຳມັນໃນ​ລາຄາຕ່ຳ​ກວ່າກ່ອນ​ເກີດ ​ສົງຄາມກັບ​ຢູເຄຣນ 29​ ​ໂດ​ລາ​ສະຫະລັດ. ນອກ​ເໜືອ​ຈາກ​ ການ​ນຳ​ເຂົ້າ ດ້ວຍ​ເຮືອບັນທຸກສິນຄ້າ​ແລ້ວ ຈີນ ຍັງ​ຊື້​ນ້ຳມັນຈາກຣັດ​ເຊຍແບບ​ສົ່ງຜ່ານ​ທໍ່ອີກ​ປະມານ 800.000 ຖັງ. Cr.​ຂປລ

ໃນວັນອັງຄານທີ່ຜ່ານມາ ຂໍ້ມູນການບິນຈາກກ່ອງດຳຂອງ ໂບອິ້ງ 737-800 ໄດ້ລະບຸວ່າມີຄົນໃນຫ້ອງນັກບິນ ຕັ້ງໃຈເຮັດໃຫ້ເຮືອບິນຕົກ. ເຮືອບິນ ໂບອິ້ງ 737-800 ໃນລະຫວ່າງທາງຈາກ ຄຸນໝິງ ໄປຫາ ກວາງໂຈ ໄດ້ຕົກໃນວັນທີ 21 ມີນາ ທີ່ເທິງພູເຂົາຂອງກວາງຊີ ຫຼັງຈາກມີການຊັດລົງຈາກບ່ອນສູງຢ່າງກະທັນຫັນ ເຮັດໃຫ້ຜູ້ໂດຍສານທັງໝົດໃນເຮືອບິນ 123 ຄົນ ແລະ ລູກເຮືອ 9 ຄົນ ເສຍຊີວິດ. ຈາກການກວດສອບເຫັນວ່າ ນັກບິນບໍ່ຕອບສະໜອງຈາກການເອີ້ນຫຼາຍເທື່ອ ຂອງຜູ້ຄວບຄຸມການຈະລາຈອນທາງອາກາດ ແລະ ເຈົ້າໜ້າທີ່ໄດ້ລະບຸວ່າ ບໍ່ຮູ້ເປັນການກະທຳທີ່ຖືກບັງຄັບ ຫຼື ບໍ? ທີ່ມາ: ລາວໂພສ

ເຈົ້າອາດຈະຄິດວ່າການນອນຫຼັບເປັນພຽງແຕ່ເດັກນ້ອຍແລະຜູ້ສູງອາຍຸ ແຕ່ສຳລັບຢູ່ປະເທດຈີນມັນບໍ່ແມ່ນແບບນັ້ນ ເພາະການນອນໃນຕອນກາງເວັນເປັນວັດທະນະທຳສຳຄັນຂອງຊາວຈີນມາແຕ່ດົນນານ. ເປັນຕາສົນໃຈຄືຊາວຈີນທຸກຄົນນອນເວັນ (ຕອນທ່ຽງ) ບໍ່ວ່າຈະເປັນເດັກນ້ອຍ, ໄວໜຸ່ມ, ຜູ້ໃຫຍ່ຫຼືຜູ້ສູງອາຍຸ, ພວກເຂົາໃຫ້ຄວາມສຳຄັນເປັນທີ່ສຸດ. ສະນັ້ນ, ຈຶ່ງເປັນພາບທີ່ບໍ່ແປກປະຫຼາດຫຍັງເລີຍຫາກເຫັນພະນັກງານຈາກແດນມັງກອນຄົນໜຶ່ງໄດ້ເອົາໝອນມານອນພາຍຫຼັງກິນເຂົ້າທ່ຽງ ທັ້ງທີ່ວັດທະນະທໍາຂອງການເຮັດວຽກໜັກຂອງຈີນເປັນເລື່ອງໂດ່ງດັງກໍຕາມ. ສໍາລັບນາຍຈ້າງ ພວກເຂົາເຈົ້າເຊື່ອວ່າໃນເວລາທີ່ພະນັກງານໃຊ້ເວລາພຽງເລັກໜ້ອຍໃນເວລາກາງເວັນ, ພວກເຂົາເຈົ້າມີຜົນດີຕໍ່ການເຮັດວຽກ ພະນັກງານທີ່ພັກຜ່ອນດີຈະເຮັດວຽກຢ່າງມີປະສິດທິພາບ ແລະ ມີຄວາມສຸກ. ສໍາລັບໂຮງຮຽນ, ເຊື່ອວ່າຖ້າຫາກວ່ານັກຮຽນນອນຫຼັງຈາກອາຫານທ່ຽງ ມັນຈະປັບປຸງຄວາມສາມາດໃນການຮຽນຮູ້ແລະນັກຮຽນຈະມີການຕອບສະໜອງໄດ້ດີຂຶ້ນໃນຕອນບ່າຍ. ໃນຂະນະທີ່ຫລາຍປະເທດໃນໂລກມີເວລາພັກທ່ຽງພຽງແຕ່ໜຶ່ງຊົ່ວໂມງ ສ່ວນບໍລິສັດໃນຈີນ ສະເລ່ຍແລ້ວມີເວລາພັກທ່ຽງຊົ່ວໂມງເຄິ່ງຫາສອງຊົ່ວໂມງເປັນເລື່ອງປົກກະຕິ. ການການພັກທ່ຽງ ພະນັກງານສາມາດກໍານົດເວລາສໍາລັບກິນເຂົ້າສວຍ ແລະ ກັບຄືນໄປນອນກາງເວັນເປັນຂອງຕົນເອງ ສຳລັບຢູ່ຈີນບໍ່ພຽງແຕ່ອະນຸຍາດໃຫ້ນອນກາງເວັນໄດ້ເທົ່ານັ້ນ ມີບາງບໍລິສັດເນັ້ນການສົ່ງເສີມໃຫ້ພະນັກງານຂອງເຂົາເຈົ້ານອນກາງເວັນ ໂດຍປິດໄຟທັງໝົດໃນຫ້ອງການ ແລະ ຖ້າຄົນບໍ່ນອນ, ໃຫ້ເຮັດອັນອື່ນ ຫ້າມລົບກວນຄົນທີ່ນອນເດັດຂາດ. ພະນັກງານບາງຄົນສາມາດກັບຄືນໄປນອນຢູ່ເຮືອນ ຫຼື ບ່ອນພັກຂອງຕົນເອງ ບາງຄົນເອົາຜ້າປູ ແລະ ໝອນມານອນຢູ່ຫ້ອງການ ພວກເຂົາມີຄວາມຈິງຈັງກັບການນອນກາງເວັນ ແລະ ເອົາໃຫ້ເຖິງທີ່ສຸດເມື່ອໄດ້ນອນ. ຄວາມຈິງແລ້ວ ການນອນເວັ້ນນັ້ນມີເບື້ອງຫຼັງທີ່ໄປທີ່ມາຄື ຄົນຈີນຕື່ນແຕ່ເຊົ້າ ພະນັກງານຫ້ອງການປົກກະຕິຈະຕື່ນແຕ່ເວລາ 6:00 ໂມງເຊົ້າ ຫຼື 7:00 ໂມງເຊົ້າ, ຫຼັງຈາກເຮັດວຽກເຄິ່ງມື້, ສະໝອງຢູ່ໃນສະພາບທີ່ເມື່ອຍລ້າ ແລະມີຄວາມຈຳເປັນທີ່ສຸດໃນການນອນເວັນເພື່ອບັນເທົາຄວາມເມື່ອຍລ້າ ແລະ ເຮັດວຽກດີຂຶ້ນໃນຕອນບ່າຍ. ຊາວເມືອງມັງກອນເນັ້ນການຮັກສາສຸຂະພາບ ແລະມີຄວາມເຊື່ອວ່າ …

ວັນ​ທີ 26 ມີ​ນາ​ 2022​ ນີ້​ຕາມ​ເວ​ລາ​ທ້ອງ​ຖິ່ນ, ​ຢູ່​ປະ​ເທດ​ໂປ​ໂລຍ, ທ່ານ​ໂຈ ໄບ​ເດັນ ປະ​ທາ​ນາ​ທິ​ບໍ​ດີ​ອາ​ເມ​ລິກາ ໄດ້​ກ່າວ​ປາ​ຖະ​ກະ​ຖ​າ​ກ່ຽວ​ກັບ​ການ​ປະ​ທະ​ກັນ​ລະ​ຫວ່າງຣັດ​ເຊຍ-ຢູເຄຣນ ໂດຍ​ກ່າວ​ວ່າ: “​ບຸກ​ຄົນ​ນີ້(ທ່ານ​ວາ​ລາ​ດີ​ເມຍ ປູ​ຕິນ ປະ​ທາ​ນາ​ທິ​ບໍ​ດີ​ຣັດ​ເຊຍ) ​ ​ບໍ່​ຄວນກຳ​ອຳ​ນາດ​​ຕໍ່​ໄປ​ອີກ.” ເຖິງ​ວ່າຫຼັງ​ຈາກ​ນັ້ນ ທຳ​ນຽບ​ປະ​ທາ​ນາ​ທິ​ບໍ​ດີ​​ຂອງ​ອາ​ເມ​ຣລິກາໄດ້​ແກ້​ຕົວ​ຕໍ່​ຄຳ​ເວົ້າ​ດັ່ງ​ກ່າວ​ທີ່​ແຊກ​ແຊງວຽກ​ງານ​ພາຍ​ໃນ​ຂອງ​ປະ​ເທດ​ອື່ນ​ຢ່າງ​ເປີດ​ແປນກໍ​ຕາມ, ແຕ່​ຄຳ​ເວົ້າ​ນີ້​ໄດ້​ເປີດ​ເຜີຍ​ຈຸດ​ປ​ະ​ສົງທີ່​ແທ້​ຈິງ​ຂອງ​ການ​ກໍ່​ເລື່ອງ​ຂອງອາ​ເມ​ລິກາ​ ກໍ​ຄືເຮັດ​ໃຫ້​ຣັດ​ເຊຍ​ຊຸດ​ໂຊມ​ລົງ, ​ແລ້ວໂຄ່ນ​ລົ້ມ​ລັດ​ຖະ​ບານ​ຣັດ​ເຊຍ ເພື່ອ​ຊ່ວຍ​ອາ​ເມ​ລິກາ​ເປັນ​ປະ​ເທດ​​ມະ​ຫາ​ອຳ​ນາດ​ຂອງ​ໂລກ. ອ​າ​ເມ​ລິກາ​ໄດ້​ສ້າງ​ຄວາມ​ປັ່ນ​ປ່ວນ​ຢູ່​ແຫ່ງ​ຕ່າງໆ​ຂອງ​ໂລກ ດ້ວຍ​ຂໍ້​ອ້າງ “ສິດ​ທິ​ມະ​ນຸດ” “ປະ​ຊາ​ທິ​ປະ​ໄຕ” “ເສ​ລີ​ພາບ” ແລະ​ອື່ນໆ. ເມື່ອ​ທົບ​ທວນ​ຄືນ​ປະ​ຫວັດ​ສາດ​​ການຮຸ​ກ​ຮານ ແລະ​ປະ​ຫວັດ​ສາດ​​ການແຊກ​ແຊງ​ຂອງ​ອາ​ເມ​ລິກາ, ພວກ​ເຮົາ​ສາ​ມາດ​ພົບ​ເຫັນ​ໄດ້​ງ່າຍ​ວ່າ: ອາ​ເມ​ລິກາ​ຄື​ມື​ມືດ​ຜູ້​ບົງ​ການ​ຢູ່ຫຼັງ​ສາກ ​ເປັນ​ແຫຼ່ງ​ກຳ​ເນີດຄວາມ​ປັ່ນ​ປ່ວນ ແລະ​ຄວາມ​ວຸ່ນ​ວາຍ​ຂອງ​ໂລກ. ອາ​ເມ​ລິກາ​ເປັນ​ປະ​ເທດ​ທີ່​​ກະ​ຫາຍ​ສົງ​ຄາມ​ບໍ່? ຖ້າ​ເບິ່ງ​ຈາກ​​ຖານຂໍ້​ມູນ​ໃຫຍ່ ຫຼື​ ບິກ​ດາ​ຕາ, ​ຄຳ​ຕອບ​ກໍ​ຄື “​ແມ່ນແນ່ນອນ” . ​ອີງຕາມ​ສະ​ຖິ​ຕິ​ທີ່​ບໍ່​ຄົບ​ຖ້ວນ, ໃນ​ປະ​ຫວັດ​ສາດ 240 ກວ່າ​ປີ ພາຍຫຼັງ​ອາ​ເມ​ລິກາ​ໄດ້​ປະ​ກາດ​ເອ​ກະ​ລາດ​ໃນ​ປີ 1776 ເປັນ​ຕົ້ນ​ມາ, ໄລ​ຍະ​ເວ​ລາ​ທີ່​ອາ​ເມ​ລິກາ​ບໍ່​ໄດ້​ເຂົ້າ​ຮ່ວມ​ສົງ​ຄາມ​ນັ້ນ ​ມີບໍ່​ຮອດ 20 ປີ; ນັບ​ແຕ່​ສົງ​ຄາມ​ໂລກ​ຄັ້ງ​ທີ 2 ສິ້ນ​ສຸດ​ລົງ​ເມື່ອ​ປີ 1945 ມາ​ຮອດ​ປີ 2001, ຢູ່ 153 …

ວັນທີ 18 ມີນາ 2022, ທ່ານ ສີຈິ້ນຜິງ ປະທານປະເທດແຫ່ງ ສປຈີນ ໄດ້ແລກປ່ຽນຄວາມເຫັນກັບທ່ານ ໂຈໄບເດັນ ປະທານາທິບໍດີແຫ່ງ ສະຫະລັດອາເມຣິກາ ກ່ຽວກັບການພົວພັນລະຫວ່າງຈີນກັບອາເມລິກາ ແລະ ບັນຫາທີ່ສອງຝ່າຍມີຄວາມສົນໃຈຮ່ວມກັນ”, ທ່ານ ສີຈິ້ນຜິງ ຊີ້ໃຫ້ເຫັນວ່າ: “ນັບແຕ່ພວກເຮົາພົບປະກັນທາງອອນລາຍເປັນຄັ້ງທຳອິດໃນເດືອນພະຈິກປີ 2021 ເປັນຕົ້ນມາ, ສະພາບການສາກົນໄດ້ເກີດມີການປ່ຽນແປງໃໝ່ທີ່ໃຫຍ່ຫຼວງ”: 1. ຫົວຂໍ້ຫຼັກຂອງຍຸກສະໄໝ ຄື ສັນຕິພາບ ແລະ ການພັດທະນານັ້ນ ໄດ້ຜະເຊີນກັບການທ້າທາຍຢ່າງຂ້ຽວຂາດ, 2. ໂລກນີ້ທັງບໍ່ມີສັນຕິພາບ ທັງບໍ່ມີຄວາມສະຫງົບ, ວິກິດການອູແກຣນ ແມ່ນເຫດການທີ່ພວກເຮົາບໍ່ຢາກໄດ້ເຫັນ, 3. ສະພາບການທີ່ກ່ຽວຂ້ອງໄດ້ສະແດງໃຫ້ເຫັນອີກເທື່ອໜຶ່ງວ່າ, ລະຫວ່າງປະເທດ ບໍ່ຄວນກ້າວໄປສູ່ການນຳໃຊ້ກຳລັງອາວຸດຕໍ່ກັນ, 4. ການປະທະກັນ ແລະ ການເປັນປໍລະປັກກັນ ບໍ່ສອດຄ່ອງກັບຜົນປະໂຫຍດຂອງຄົນໃດໆ, ສັນຕິພາບ ແລະ ຄວາມໝັ້ນຄົງຈຶ່ງແມ່ນຊັບສິນທີ່ປະຊາຄົມໂລກຄວນຖະໜຸຖະໜອມທີ່ສຸດ, 5. ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ ແລະ ສອງກຸ່ມເສດຖະກິດທີ່ໃຫຍ່ທີ່ສຸດຂອງໂລກ, 6. ພວກເຮົາບໍ່ພຽງແຕ່ຕ້ອງຊັກນຳສາຍພົວພັນຈີນ ແລະ ອາເມລິກາໃຫ້ຂະຫຍາຍຕົວໄປໜ້າຕາມເສັ້ນທາງທີ່ຖືກຕ້ອງເທົ່ານັ້ນ, 7. ແຕ່ຍັງຄວນແບກຫາບໜ້າທີ່ຮັບຜິດຊອບສາກົນເທົ່າທີ່ຄວນ ແລະ ທຳຄວາມພະຍາຍາມເພື່ອສັນຕິພາບ ແລະ ຄວາມສະຫງົບຂອງໂລກ.

ຕາມລາຍງານຈາກ ສື່ມວນຊົນຈີນ GGTN ໃຫ້ຮູ້ວ່າ ນາຍົກລັດຖະມົນຕີການຕ່າງປະເທດຢູເຄຣນໄດ້ຮຽກຮ້ອງໃຫ້ຈີນໃຊ້ອິດທິພົນຂອງຕົນເພື່ອຊ່ວຍໄກ່ເກ່ຍຄວາມຂັດແຍ້ງຂອງຕົນກັບຣັດເຊຍ. ໃນການໂອ້ລົມກັບຄູ່ຮ່ວມງານທ່ານ ຫວັງ ອີ້ (Wang Yi) ລັດຖະມົນຕີການຕ່າງປະເທດຢູເຄຣນ ທ່ານ ດາມິດໂຕ ຄູເລບາ (Dmytro Kuleba) ໄດ້ຂໍຄວາມຊ່ວຍເຫຼືອໃນການຊອກຫາທາງອອກທາງການທູດ. ບົດລາຍງານຫຍໍ້ຈາກກະຊວງການຕ່າງປະເທດທີ່ນະຄອນຫຼວງ ຄຽບ (Kyiv) ກ່າວວ່າ ທ່ານ ດາມິດໂຕ ຄູເລບາ “ໄດ້ຮ້ອງຂໍໃຫ້ທ່ານ ຫວັງອີ້ ໃຊ້ລະດັບຄວາມສໍາພັນລະຫວ່າງປັກກິ່ງ ແລະ ມົສກູ ເພື່ອບັງຄັບໃຫ້ຣັດເຊຍຢຸດການຮຸກຮານດ້ວຍກຳລັງອາວຸດຕໍ່ປະຊາຊົນຢູເຄຣນ.” ໃນຖະແຫຼງການຂອງຕົນ, ກະຊວງການຕ່າງປະເທດຂອງຈີນຍັງໃຫ້ຂໍ້ສັງເກດວ່າ: “ຢູເຄຣນຍິນດີເພີ່ມທະວີການຕິດຕໍ່ພົວພັນກັບຈີນ ແລະ ຕັ້ງຕາລໍຖ້າການໄກ່ເກ່ຍຂອງຈີນເພື່ອເຮັດໃຫ້ຂໍ້ຕົກລົງການຢຸດຍິງໃຫ້ເປັນຈິງ.” ປັກກິ່ງໄດ້ລາຍງານວ່າ ທ່ານ ຄູເລບາ ໄດ້ບອກ ທ່ານ ຫວັງ ວ່າໄລຍະທຳອິດຂອງການເຈລະຈາກັບຣັດເຊຍບໍ່ໄດ້ດຳເນີນໄປຢ່າງຄ່ອງແຄ້ວ, ໃນຂະນະທີ່ຍັງຄົງຢໍ້າວ່າ ຄຽບ Kyiv ໝຸ້ງໝັ້ນທີ່ຈະຢືນຢັດຕໍ່ໄປ. ຈີນໄດ້ລະມັດລະວັງທີ່ຈະບໍ່ເຂົ້າຂ້າງຝ່າຍໃດໃນຄວາມຂັດແຍ່ງ, ການຮັບຮູ້ເຖິງອະທິປະໄຕຂອງຢູເຄຣນໃນຂະນະທີ່ຮຽກຮ້ອງໃຫ້ຮັບຮູ້ຄວາມກັງວົນດ້ານຄວາມປອດໄພທີ່ມົສກູກ່າວວ່າໄດ້ບັງຄັບໃຫ້ຕ້ອງປະຕິບັດ. Cr. Laopost