ນະຄອນຫຼວງວຽງຈັນ ສະເໜີ 3 ມາດຕະການ ແກ້ໄຂບັນຫາຄູອາສາສະໝັກທີ່ຍັງເຫຼືອຢູ່ ຊີ້ຕ້ອງໃຊ້ເວລາອີກດົນຈຶ່ງຈະແກ້ໄຂໄດ້ໝົດ. ອີງຕາມການລາຍງານຂອງວິທະຍຸກະຈາຍສຽງແຫ່ງຊາດລາວ ປັດຈຸບັນ ນະຄອນຫຼວງວຽງຈັນ ມີຄູອາສາສະໝັກທັງໝົດຢູ່ 1,100 ກ່ວາຄົນ, ໃນຂະນະທີ່ພະແນກສຶກສາທິການ ແລະ ກີລາ ນະຄອນຫຼວງວຽງຈັນ ພົບຄວາມຫຍຸ້ງຍາກຫຼາຍໃນການແກ້ໄຂບັນຫານີ້ ແລະ ຄາດວ່າຕ້ອງໃຊ້ເວລາອີກດົນສົມຄວນຈຶ່ງຈະແກ້ໄຂໄດ້. ທ່ານ ຊົມພູ ແກ້ວປັນຍາ, ຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ ກ່າວວ່າ: ເພື່ອແກ້ໄຂບັນຫາຄູອາສາສະໝັກຢູ່ນະຄອນຫຼວງວຽງຈັນ, ພວກເຮົາໄດ້ປະຕິບັດຕາມ 3 ມາດຕະການສໍາຄັນ ຄື ມາດຕະການທຳອິດແມ່ນສັບຊ້ອນຄູອາສາສະໝັກທີ່ຢູ່ມາດົນແລ້ວໃຫ້ເຂົ້າເປັນລັດຖະກອນຄູໃຫ້ຖືກຕ້ອງຕາມວິຊາທີ່ຮຽນມາ ແລະ ຖືກຕ້ອງຕາມລະບຽບການທຸກຢ່າງຕາມໂຄຕາທີ່ໄດ້ຮັບການແບ່ງປັນຈາກກະຊວງສຶກສາທິການ ແລະ ກີລາ. ມາດຕະການທີ 2 ແມ່ນ ສໍາລັບຄູອາສາສະໝັກທີ່ຢູ່ມາດົນແຕ່ບໍ່ໄດ້ຮັບການບັນຈຸເຂົ້າເປັນລັດຖະກອນຄູ ແລະ ບໍ່ມີທາງເລືອກແລ້ວຈະໄດ້ລະດົມໃຫ້ບໍາລຸງວິຊາຊີບໃດໜຶ່ງຕາມທີ່ກະຊວງສຶກສາທິການ ແລະ ກີລາ ຈັດຂຶ້ນ; ຫຼັງຈາກບໍາລຸງສໍາເລັດແມ່ນໃຫ້ອອກໄປປະກອບອາຊີບຕາມທີ່ໄດ້ບໍາລຸງມາ ແລະ ມາດຕະການສຸດທ້າຍຄື ລະດົມຄູອາສາສະໝັກໃຫ້ອອກເລີຍຍ້ອນບໍ່ມີໂຄຕາ ແລະ ວິຊາທີ່ຮຽນມາກໍ່ບໍ່ຢູ່ໃນເປົ້າໝາຍໃນການຮັບເຂົ້າເປັນລັດຖະກອນຄູ. ຫົວໜ້າພະແນກສຶກສາທິການ ແລະ ກີລານະຄອນຫຼວງວຽງຈັນ ກ່າວຕື່ມວ່າ: ການແກ້ໄຂບັນຫາຄູອາສາສະໝັກຢູ່ນະຄອນຫຼວງວຽງຈັນ ໃນໄລຍະຜ່ານມາແມ່ນພົບຄວາມຫຍຸ້ງຍາກຫຼາຍທີ່ສຸດ, ໂດຍສະເພາະ ແມ່ນຂອດການຈັດຕັ້ງປະຕິບັດມາດຕະການທີ …

ມີນັກກີລາເກືອບ 300 ຄົນ ກຽມເຂົ້າຮ່ວມເຕະບານເຍົາວະຊົນ ຊີງຂັນປະທານສະຫະພັນບານເຕະ ນວ 2019 ຄະນະ​ນຳ, ຄູ​ຝຶກ ​ແລະ ນັກ​ກີລາ ຮຸ່ນອາຍຸບໍ່ເກີນ 11 ປີ, 13 ປີ ແລະ 16 ປີ ​ຈາກ 10 ສະໂມສອນ ອ້ອມ​ຂ້າງ​ນະຄອນຫຼວງ​ວຽງ​ຈັນ ​ເກືອບ 300 ຄົນ ພ້ອມ​ຈະ​ເຂົ້າ​ຮ່ວມຊີງ​ຄວາມ​ເປັນ​ໜຶ່ງ ​ໃນ​ການ​ແຂ່ງຂັນກີລາເຕະບານຮຸ່ນເຍົາວະຊົນ ຊີງຂັນປະທານສະຫະພັນບານເຕະ ນະຄອນຫຼວງວຽງຈັນ (ນວ) ປະຈຳປີ 2019 ເພື່ອເປັນການສ້າງຂະບວນການຕ້ອນຮັບເປີດສົກຮຽນໃໝ່ 2019-2020 ແລະ ຄັດເລືອກນັກກີລາຮຸ່ນສືບທອດດີເດັ່ນກຽມຕາງໜ້ານະຄອນຫຼວງວຽງຈັນ ເຂົ້າຮ່ວມແຂ່ງຂັນລາຍການ​ຕ່າງໆທັງພາຍໃນ ແລະ ຕ່າງປະ​ເທດ ທີ່ຈະຈັດຂຶ້ນໃນຕໍ່ໜ້ານີ້. ກອງ​ປະຊຸມ​ເຜີຍ​ແຜ່​ກົດ​ລະບຽບ​ການ​ແຂ່ງຂັນ, ຈັບ​ສະຫຼາກ ​ແລະ ຖະ​ແຫຼ​ງຂ່າວ​ການ​ກຽມພ້ອມ​ຈັດການ​ແຂ່ງຂັນ​ກີລາ​ເຕະບານ​ເຍົາວະ​ຊົນ 3 ຮຸ່ນ​ ຊີງ​ຂັນ​ທ່ານ​ປະທານ​ສະຫະພັນ​ບານ​ເຕະ ນະຄອນຫຼວງ​ວຽງ​ຈັນ ປະຈຳ​ປີ 2019 ​ໄດ້​ມີ​ຂຶ້ນ​ເມື່ອ​ວັນ​ທີ 28 ສິງຫາ ຜ່ານ​ມາ ທີ່​ຫ້ອງປະຊຸມຄະນະກຳມະການໂອ​ແລມປິກ​ແຫ່ງ​ຊາດ​ລາວ, ​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ ທ່ານ ວຽງ​ສະຫວັນ ​ແສງ​ຈັນ …

ຫໍພິພິທະພັນຊົນເຜົ່າກໍ່ເປັນອີກໜຶ່ງສະຖານທີ່ບ່ອນເກັບເຄື່ອງວັດຖຸທີ່ເກົ່າແກ່ຂອງຊົນເຜົ່າ ຊຶ່ງສ້າງຂຶ້ນມາເພື່ອໄວ້ໃຫ້ຄົນຮຸ້ນປັດຈຸບັນ ແລະ ບັນດາແຂກນັກທ່ອງທ່ຽວໄດ້ມາເບິ່ງຮູ້ເຫັນເຄື່ອງມືແຕ່ລະຊົນເຜົ່າທີ່ເປັນຮີດຄອງປະເພນີລາວໃນສະໄໝບູຮານ ສະຖານທີ່ດັ່ງກ່າວແມ່ນຕັ້ງຢູ່ສວນພຶກສາ ບ້ານໃໝ່ດານຊີ ເມືອງນາຊາຍທອງ ນະຄອນຫຼວງວຽງຈັນ. ທ່ານ ພູວົງ ພະມີສິດ ປະທານສວນພຶກສາ ແລະ ທັງເປັນຜູ້ກໍ່ສ້າງຫໍພິພິຕະພັນຊົນເຜົ່າໄດ້ກ່າວວ່າ: ຫໍພິພິຕະພັນຊົນເຜົ່າແຫ່ງນີ້ແມ່ນສ້າງສຳເລັດໃນເດືອນກຸມພາ 2019 ຊຶ່ງເປັນບ່ອນເກັບສະສົມວັດຖຸເຄື່ອງມືສະໄໝບູຮານຂອງແຕ່ລະຊົນເຜົ່າລາວທີ່ມີອາຍຸເກົ່າແກ່ຫຼາຍຮ້ອຍປີ ໃນນັ້ນລວມມີປະເພດເຄື່ອງຮີດຄອງປະເພນີ, ອຸປະກອນເຄື່ອງມືໃຊ້ຊີວິດປະຈຳວັນໂດຍມີຫຼາຍຊະນິດລວມທັງສິ່ງຂອງມີມູນຄ່າ ແລະ ບໍ່ມີມູນຄ່າ ແຕ່ສ່ວນໃຫຍ່ຈະເປັນເຄື່ອງມືທີ່ມີຄວາມໝາຍທາງດ້ານວັດທະນະທຳເຊັ່ນ: ກີ່ຕໍ່າຫູກ, ແຜ່ນແຜ, ຊຸດຊົນເຜົ່າ, ເຮືອນຊົນເຜົ່າ ແລະ ອື່ນໆຫຼາຍຮ້ອຍຊະນິດ. ສຳລັບເຄື່ອງວັດຖຸທັງໝົດແມ່ນໄດ້ນຳເອົາມາຈາກບັນດາຊົນເຜົ່າແທ້ ທີ່ໄດ້ສະສົມສິ້ນສ່ວນມາໄດ້ຫຼາຍປີ. ນອກນັ້ນຫໍພິພິຕະພັນຊົນເຜົ່າຍັງເປັນສະຖານທີ່ໂດດເດັ່ນໃນສວນພຶກສາທີ່ມີຄວາມໝາຍສຳຄັນ ທີ່ເຮັດໃຫ້ປະຊາຊົນທ້ອງຖິ່ນ ແລະ ນັກທ່ອງທ່ຽວ ໄດ້ມາຮູ້ຈັກການປົກປັກຮັກສາຄວາມເປັນເອກະລັກທາງດ້ານວັດທະນະທຳຮີດຄອງປະເພນີອັນດີງາມຂອງລາວ. ແຕ່ເຖິງຢ່າງໃດກໍ່ຕາມຖ້າຫາກຜູ້ໃດຍັງບໍ່ທັນໄດ້ເຫັນກໍຢາລື່ມໄປເບິ່ງ ໄປຊົມໄດ້ ທີ່ສວນພຶກສາ ບ້ານໃໝ່ດານຊີ ເມືອງນາຊາຍທອງ ນະຄອນຫຼວງວຽງຈັນ. ທີ່ມາ ມ່ວນ