ສຳນັກ​ຂ່າວ ​CNN,ວັນ​ທີ27​ເມສາ​ 2022​ ນີ້ໃຫ້ຮູ້ວ່າ: ຣັດ​ເຊຍ ໂຈະ​ການ​ສົ່ງ​ອອກ ອາຍ​ແກັສທຳ​ມະ​ຊາດ ໄປ​ຍັງ​ປະ​ເທດ ​ໂປ​ໂລ​ຍ ​ແລະ ​ບູນກາລີ ເນື່ອງ​ຈາກທັງ​ສອງ​ປະ​ເທດປະຕິ​ເສດທີ່​ຈະຈ່າຍເປັນ​ສະກຸນ​ເງິນຣູບຂອງຣັດເຊຍ ສ້າງ​ຄວາມ​ເຄັ່ງຮ້ອນ ​ເພີ່ມ​ຂຶ້ນກັບປະ​ເທດຕາ​ເວັນ​ຕົກ. ຂະນະ​ທີ່ ​ໂປ​ໂລ​ຍ ມີ​ສັນຍາ ​ການ​ນຳ​ເຂົ້ານ້ຳມັນຈາກ​ບໍລິສັດ ​ແກັສ ພຣອມ (Gaxporm)ປີ​ລະ 10,2 ຕື້​ແມັດ​ກ້ອນກວມ​ເອົາ​ເຄິ່ງໜຶ່ງຂອງ​ການ​ບໍລິ​ໂພ​ກທັງ​ໝົດ​ປະ​ເທດ.​ ແກັສພຣອມ ​ເປັນ​ຜູ້​ຜະລິດ ​ແກັສທຳ​ມະ​ຊາດ ​ໃນຣັດ​ເຊຍ ທີ່​ໃຫຍ່​​ສຸດ​ໃນ​ໂລກມີ​ຄວາມ​ຕັ້ງ​ໃຈໂຈະ​ການ​ ຈັດ​ສົ່ງ​ແກັສທັງ​ໝົດ ພາຍ​ໃຕ້ ​ສັນຍາທໍ່​ສົ່ງ​ແກັສ ຢາ​ມາ(Yamal) ມີ​ຜົນ​ນັບ​ແຕ່​ ວັນ​ທີ​27​ ເມສາ ​ເປັນຕົ້ນ​ໄປ. ​ຂ່າວ: ຂປລ

ວັນ​ທີ 25 ​ເມສາ​ 2022​ ​ນີ້, ກະຊວງ​ປ້ອງ​ກັນ​ປະ​ເທດຣັດ​ເຊຍ​ປະກາດ​ຢຸດ​ຍິງ​ຢູ່​ເຂດ​ໂຮງງານ​ເຫຼັກ​ກ້າ Azovstal. ໃນເມືອງ Mariupol ​ເພື່ອ​ເປີດ​ທາງ​ໃຫ້​ມີ​ການ​ອົບ​ພະຍົບ​ອອກ​ຈາກ​ເຂດ​ທີ່​ມີ​ພົນລະ​ເຮືອນ​ປະມານ 1.​000 ຄົນ​, ທີ່ນອກ​ເໜືອ​ໄປ​ຈາກ​ກຳລັງ​ຢູ​ເຄຣນ ທີ່​ໄດ້​ສູ້​ລົບ​ຢູ່​ຈຸດ​ສຸດ​ທ້າຍ​ໃນ​ເມືອງ Mariupol. ກະຊວງ​ປ້ອງ​ກັນ​ປະ​ເທດຣັດ​ເຊຍ​ອອກ​ຖະ​ແຫຼ​ງການ​ວ່າ ກອງທັບຣັດ​ເຊຍ​ຈະ​ຢຸດຕິ​ການ​ປະ​ທະ​ກັນ​ຝ່າຍ​ດຽວ​ໃນ​ເວລາ​ປະມານ 2:00 ​ໂມງ​ຕາມ​ເວລາ​ທ້ອງ​ຖິ່ນ​ຂອງ​ວັນ​ທີ 25 ​ເມສາ 2022. ກອງທັບຣັດ​ເຊຍ​ຈະ​ຖອນ​ຕົວ​ອອກ​ໄປ​ໃນ​ໄລຍະ​ທີ່​ປອດ​ໄພ​ເພື່ອ​ໃຫ້​ພົນລະ​ເຮືອນ​ຍົກຍ້າຍ​ອອກ​ຈາກ​ໂຮງງານ Azovstal ຢ່າງ​ປອດ​ໄພ. ພົນລະເຮືອນຈະຖືກນໍາພາໄປຕາມທາງຂອງການເລືອກຂອງຕົນເອງ. ຖະ​ແຫຼງການ​ຍັງ​ກ່າວ​ວ່າ ກອງທັບ​ຢູ​ເຄຣນຄວນ​ສະ​ແດງ​ຄວາມ​ພ້ອມ​ທີ່​ຈະ​ເລີ່​ມເຄື່ອນ​ຍ້າຍ​ມະນຸດສະທຳ​ໂດຍ​ການ​ຍົກ​ທຸງ​ຂາວ. ກອງທັບລັດເຊຍຕິດຕໍ່ສື່ສານກັບຜູ້ທີ່ຢູ່ໃນໂຮງງານ Azovstal ຜ່ານຊ່ອງທາງວິທະຍຸທຸກໆ 30 ນາທີ. ການ​ຢຸດ​ຍິງ​ໄດ້​ມີ​ຂຶ້ນ​ຫຼັງ​ຈາກ​ທີ່ຣັດ​ເຊຍ​ໄດ້​ປະກາດ​ໄຊຊະນະ​ໃນ​ການ​ຄວບ​ຄຸມ​ເມືອງ Mariupol ທັງ​ໝົດ​ໃນ​ອາທິດ​ແລ້ວ​ນີ້. ຍົກເວັ້ນສະຖານທີ່ໂຮງງານ Azovstal, ທະຫານອູແກຣນປະມານ 2.​000 ຄົນຍັງຢູ່ໃນເຄືອຂ່າຍຂອງອຸໂມງໃຕ້ດິນ. ຖະແຫຼງການຂອງລັດເຊຍ ມັນເກີດຂຶ້ນຫຼັງຈາກວິດີໂອໄດ້ຖືກບັນທຶກໃນຂຸມຫຼົບໄພຂອງໂຮງງານ Azovstal​ ເຊິ່ງມີຈໍານວນແມ່ຍິງແລະເດັກນ້ອຍຈໍານວນຫຼາຍທີ່ຮຽກຮ້ອງການຊ່ວຍເຫຼືອຈາກໂລກພາຍນອກ. ທ່າມກາງການຂາດແຄນອາຫານ ແລະນໍ້າ ບາງ​ຄົນ​ຕ້ອງ​ລີ້​ຕົວ​ຢູ່​ໃນ​ເຂດ​ດັ່ງກ່າວ​ເປັນ​ເວລາ​ຫຼາຍ​ເດືອນ. ທີ່ມາ: ມະຕິຊົນອອນລາຍ

ສຳນັກຂ່າວບລູມເບຣີກ ລາຍງານວ່າ ສະຫະພາບເອີຣົບ (EU) ເປີດເຜີຍວ່າ ໄດ້ອາຍັດຊັບສິນຈາກມະຫາເສດຖີຊາວຣັດເຊຍທີ່ມີລາຍຊື່ຢູ່ໃນການຂວ້ຳບາດຂອງ EU ແລະທະນາຄານກາງຣັດເຊຍໃນຊ່ວງ 7 ອາທິດທີ່ຜ່ານມາ ເປັນມູນຄ່າລວມ35 ຕື້ຢູໂຣ (39ຕື້ໂດລາ) ເພື່ອຕອບໂຕ້ການຮຸກຮານຢູເຄຣນຂອງຣັດເຊຍ ຫຼັງຈາກທີ່ຣັດເຊຍໄດ້ບຸກໂຈມຕີຢູເຄຣນເມື່ອວັນທີ 24 ກຸມພາທີ່ຜ່ານມາ ໂດຍ EU ກ່າວວ່າ ປະເທດທີ່ EU ສາມາດອາຍັດຊັບສິນໄດ້ຫລາຍທີ່ສຸດຄື ຝຣັ່ງ ໂດຍສາມາດອາຍັດຊັບສິນເປັນມູນຄ່າລວມ 22,8 ຕື້ຢູໂຣ ຊຶ່ງລວມເຖິງຊັບສິນທີ່ກ່ຽວຂ້ອງກັບກອງທຶນຂອງທະນາຄານກາງຣັດເຊຍ ທີ່ຖືກອາຍັດນັບຕັ້ງແຕ່ຣັດເຊຍໄດ້ບຸກໂຈມຕີຢູເຄຣນ ທາງດ້ານເບລຢ້ຽມສາມາດອາຍັດຊັບສິນເປັນມູນຄ່າທັງໝົດ 10 ຕື້ລ້ານຢູໂຣ ຊຶ່ງລວມເຖິງຊັບສິນຂອງທະນາຄານຊັ້ນນຳຂອງຣັດເຊຍ ຢ່າງ VTB Bank PJSC ແລະ Bank Rossiya ຂະນະທີ່ລັດຖະບານອິຕາລີສາມາດອາຍັດຊັບສິນໄດ້ 1,​1 ຕື້ຢູໂຣ ຊຶ່ງຊັບສິນທີ່ຖືກອາຢັດຢັງລວມເຖິງເຮືອຢອດ ແລະ ອະສັງຫາລິມະຊັບຂອງມະຫາເສດຖີຂອງຣັດເຊຍຫຼາຍຄົນທີ່ອາໄສຢູ່ໃນເມືອງຊາດິເນຍແລະທັດຄານິກ ໃນສ່ວນຂອງເດນມາກສາມາດອາຢັດຊັບສິນໄດ້ເປັນເງິນ 4.19 ຕື້ຢູໂຣ ຂະນະທີ່ເຢຍລະມັນອາຢັດຊັບສິນໄດ້ພຽງ 341,600 ຢູໂຣ ເທົ່ານັ້ນ ທັງນີ້ EU ເປັນໜຶ່ງພັນທະມິດສຳຄັນຂອງສະຫະລັດ ໃນການຕອບໂຕ້ຣັດເຊຍຈາກການບຸກລຸກຢູເຄຣນຕະຫລອດຊ່ວງ 7 ອາທິດທີ່ຜ່ານມາ ——————————————- …

​ຂ່າວ​ຈາກ ​ມົດ​ສະ​ກູ,ວັນ​ທີ18​ເມສາ​ 2022​ ນີ້,ທ່ານ ນາງElvira Nabillina, ຜູ້​ວ່າການ ​ທະນາຄານ​ກາງ ຣັດ​ເຊຍ ​ເປີດ​ເຜີຍ​ວ່າ: ຣັດ​ເຊຍຈະ​ປັບ​ໂຄງ​ສ້າງ​ເສດຖະກິດເພື່ອ​ຮັບ​ມື​ກັບຜົນ​ກະທົບຈາກ​ມາດ​ຕະການ​ຂວ້ຳ​ບາດ​ຂອງ​ສາກົນ ​ແລະ ຕ້ອງ​ໃຊ້​ເວລາ​ ຈົນ​ເຖິງ​ປີ2024 ຈຶ່ງຈະ​ສາມາດຫຼຸດອັດຕາ​ເງິນ​ເຟີ້ໃຫ້​ກັບ​ມາ​ຢູ່​ທີ່​ເປົ້າໝາຍ 4%​ ​ໂດຍຣັດ​ເຊຍຕ້ອງ​ປັບ​ໂຄງ​ສ້າງ​ເສດຖະກິດຄືນ​ໃໝ່ ​ແລະ ການຄົ້ນຫາ​ຮູບ​ແບບເສດຖະກິດ​ໃໝ່ ພາຍ​ໃນ​ໄຕ​ມາດ2 ​ແລະ 3 ຂອງ​ປີ​ນີ້ລວມທັງພາກ​ທຸລະ​ກິດຂອງຣັດ​ເຊຍ ຕ້ອງ​ປັບ​ຕົວ, ຜູ້​ຜະລິດຕ້ອງ​ຊອກ​ຫາຮຸ້ນສ່ວນ ​ແລະ ການ​ຂົນ​ສົ່ງ​​ໃໝ່ຢ່າງ​ເໝາະ​ສົມ. Cr.​ ຂປລ

ວັນທີ 11 ເມສາ 2022 ນີ້, ທ່ານ ດານິລ ອາ ໂວໂດປີອານອບ ເລຂານຸການຕີ ປະຈຳສະຖານທູດ ສ ຣັດເຊຍ ປະຈຳ ສປປ ລາວ ໄດ້ຖະແຫຼງກ່ຽວກັບສະພາບການໃນປະເທດຢູເຄຣນ ເຊິ່ງປັດຈຸດບັນກໍາລັງປະກອບອາວຸດຂອງຣັດເຊຍ ໄດ້ສືບຕໍ່ດໍາເນີນການເຄື່ອນໄຫວພິເສດທາງການທະຫານຢູ່ຢູເຄຣນ, ກອງທັບຣັດເຊຍ ກໍາລັງເຮັດທຸກສິ່ງທຸກຢ່າງເພື່ອຫຼີກເວັ້ນບໍ່ໃຫ້ພົນລະເຮືອນເສຍຊີວິດ ໂດຍຈະບໍ່ໄດ້ໂຈມຕີເປົ້າໝາຍທີ່ເປັນພົນລະເຮືອນ ຄະນະດຽວກັນຍັງເປີດແລວທາງດ້ານມະນຸດສະທໍາປະຈໍາວັນ ເພື່ອໃຫ້ປະຊາຊົນສາມາດອອກຈາກພື້ນທີ່ອັນຕະລາຍ. ທ່ານ ດານິລ ອາ ໂວໂດປີອານອບ ໄດ້ໃຫ້ຮູ້ອີກວ່າ: ປັດຈຸບັນ ກຸ່ມຊາດນິຍົມຢູເຄຣນ ກໍາລັງນໍາໃຊ້ການກະຕຸ້ນ, ການເຜີຍແຜ່ຂ່າວທີ່ບໍ່ມີມູນຄວາມຈິງ ເປັນເຄື່ອງມືເພື່ອກ່າວຫາຣັດເຊຍ ໃນການກໍ່ອາຊະຍາກຳສົງຄາມ, ພວກເຂົາສືບຕໍ່ກະທໍາຜິດຕໍ່ທັງພົນລະເມືອງຂອງຕົນເອງ ແລະ ສະເລີຍເສິກ ໂດຍແຜ່ຂ່າວປອມທີ່ໂຫດຮ້າຍ ວ່າເປັນການກະທໍາຂອງຣັດເຊຍ. ຢ່າງໃດກໍຕາມ, ນັບຕັ້ງແຕ່ການເຄື່ອນໄຫວພິເສດທາງການທະຫານ ມີຜູ້ອົບພະ ຍົບໄປຍັງຣັດເຊຍ 620 ພັນກວ່າຄົນ, ໃນນັ້ນມີເດັກນ້ອຍ 122 ພັນກວ່າຄົນ. ໃນຈຳນວນຜູ້ອົບພະຍົບນັ້ນ ມີພົນລະເມືອງຕ່າງປະເທດ 9.274 ຄົນທີ່ມາຈາກ 45 ປະເທດ, ນັບແຕ່ວັນທີ 2 ມີນານີ້, ສະຫະພັນຣັດເຊຍ ໄດ້ສົ່ງສິນຄ້າມະນຸດສະທໍາຫຼາຍກວ່າ …

ຕາມຂ່າວCRI: ວັນທີ 6 ເມສາ​ 2022 ນີ້, ລັດຖະບານອາເມລິກາໄດ້ປະກາດມາດຕະ ການການລົງໂທດຣັດເຊຍໃໝ່ຕໍ່, ພາກສ່ວນທີ່ຖືກລົງໂທດລວມ ທັງທະນາຄານຕົ້ນຕໍແລະຜູ້ນຳຊັັ້ນສູງຂອງລັດຖະບານຣັດເຊຍພ້ອມດ້ວຍຄອບຄົວ. ທ່ານເຊເລນສະກີ, ປະທານາທິບໍດີຢູເຄຣນກ່າວວ່າ: ເຖິງວ່າມີໂອກາດນ້ອຍທີ່ສຸດແຕ່ກໍຕ້ອງສະແຫວງຫາການເຈລະຈາກັບຣັດເຊຍ, ຖ້າບໍ່ດັ່ງນັ້ນຈະມີຄວາມຫຍຸ້ງຍາກທີ່ຈະເຮັດໃຫ້ສົງຄາມຄັ້ງນີ້ສິ້ນສຸດລົງ. ທ່ານດິມິຕຼີ ເປັສໂຄຟ, ໂຄສົກປະທານາທິບໍດີຣັດເຊຍກ່າວວ່າ: ຫວັງວ່າຢູເຄຣາຈະເຫັນດີນຳເງື່ອນໄຂທີ່ສະເໜີໂດຍຄະນະຜູ້ແທນເຈລະຈາຂອງຣັດເຊຍ, “ພວກເຮົາຫວັງວ່າຈະເຮັດໃຫ້ການເຄື່ອນໄຫວທາງການທະຫານພິເສດສິ້ນສຸດລົງດ້ວຍການເຈລະຈາ” ທີ່ມາ:CRI

ວັນທີ 5 ເມສາ​ 2022 ນີ້, ທ່ານວະລາດີເມຍ ປູຕິນ ປະທານາທິບໍດີຣັດເຊຍກ່າວວ່າ: ປີນີ້, ຣັດເຊຍຈະລະມັດລະວັງກວ່າເກົ່າໃນການສົ່ງອອກທັນຍາຫານ. ທ່ານນາງອູຊູລາ ວົນເດີເລເຢນ ປະທານຄະນະກຳມະການສະຫະພາບເອີຣົບກ່າວວ່າ: ໃນມື້ດຽວກັນ, ຄະນະກຳມະການສະຫະພາບເອີຣົບໄດ້ສະເໜີແຜນການລົງໂທດຣັດເຊຍຮອບໃໝ່ ເຊິ່ງລວມທັງການຫ້າມນຳເຂົ້າຖ່ານຫີນຈາກຣັດເຊຍ ແລະອື່ນໆ. ໂດຍແນໃສ່ບັນຫາທີ່ດານມາກແລະອີຕາລີໄດ້ຂັບໄລ່ນັກການທູດຣັດເຊຍໃນວັນທີ 5 ເມສານີ້, ທ່ານດິມິຕຣິ ເປສຄົຟ ໂຄສົກປະທານາທິບໍດີຣັດເຊຍກ່າວໃນມື້ດຽວກັນວ່າ: ການກະທຳທີ່ຫຼຸດຊ່ອງທາງການຕິດຕໍ່ພົວພັນກັນທາງການທູດໃນສະເພາະໜ້ານີ້, ເປັນພຶດຕິກຳທີ່ເບິ່ງຕ່ຳເຫັນແຕ່ຫົວໂປ້ຕີນຕົນເອງ. ທີ່ມາ: CRI

ວັນທີ 4 ເມສາ​ 2022 ນີິ້, ກະຊວງການຕ່າງປະເທດເຢຍລະມັນ ແລະຝຣັ່ງ ໄດ້ຕົກລົງຈະຂັບໄລ່ ນັກການທູດຣັດເຊຍ. ມື້ດຽວກັນ, ກະຊວງການຕ່າງປະເທດຣັດເຊຍໄດ້ກ່າວວ່າ: ຈະປະຕິບັດມາດຕະການຕອບໂຕ້ຢ່າງແນ່ນອນ. ສະຖານທູດຣັດເຊຍປະຈຳເຢຍລະມັນໄດ້ອອກຖະແຫຼງການໃນວັນທີ 4 ເມສານີ້ ໂດຍໄດ້ ຢືນຢັນວ່າ ເຢຍລະມັນໄດ້ປະກາດນັກການທູດຣັດເຊຍ 40 ຄົນເປັນຄົນທີ່ “ບໍ່ເພິ່ງປາຖະໜາ”. ນອກນີ້, ສື່ມວນຊົນຝຣັ່ງກໍໄດ້ລາຍງານວ່າ: ຝຣັ່ງໄດ້ຕົກລົງຈະ ຂັບໄລ່ນັກການທູດຣັດເຢຍ 35 ຄົນ. ທ່ານດີມີຕຼີ ເມດເວເດັຟ ຮອງປະທານສະພາຄວາມໝັ້ນຄົງສະຫະພັນຣັດເຊຍ ໄດ້ພິມບົດຄວາມລົງສື່ສັງຄົມອອນລາຍວ່າ: ຣັດເຊຍຈະຂັບໄລ່ນັກການທູດຂອງປະເທດ ເອີຣົບຕ່າງໆທີ່ໄດ້ຂັບໄລ່ນັກການທູດຣັດເຊຍ ໂດຍຈະໃຊ້ມາດຕະການຕອບໂຕ້ ເທົ່າທຽມກັນ. ທ່ານເນັ້ນໜັກວ່າ: ການຂັບໄລ່ນັກການທູດຣັດເຊຍກໍເປັນການໃຊ້ກຳລັງ ກົດດັນຕໍ່ຣັດເຊຍຢ່າງຕໍ່ເນື່ອງເທົ່ານັ້ນ, “ແຕ່ເຮັດແບບນີ້ກໍບໍ່ສາມາດເຮັດໃຫ້ມີການປ່ຽນແປງ ແຕ່ຢ່າງໃດເລີຍ.” ທີ່ມາ: CRI

ຫຼັງຈາກເມື່ອຕົ້ນເດືອນທີ່ຜ່ານມາ Google ໄດ້ປະກາດຂວ້ຳບາດຣັດເຊຍ ດ້ວຍການປະກາດວ່າ ຈະບໍ່ອະນຸຍາດໃຫ້ຜູ້ໃຊ້ງານໃນຣັດເຊຍຊື້ແອບພລິເຄຊັນຜ່ານ Google Play Store . ລວມເຖິງການຊື້ໄອເທມຕ່າງໆ ແລະການຈ່າຍເງີນຄ່າສະມາຊິກລາຍເດືອນຂອງແອບພລິເຄຊັນຕ່າງໆ ທີ່ໃຊ້ລະບົບຈ່າຍເງີນແບບ In-App Purchase ຜ່ານ Google Play Store ນຳ . ເຖິງວ່າຈະຍັງເປີດໃຫ້ຜູ້ໃຊ້ງານໃນຣັດເຊຍດາວໂຫຼດແອບພລິເຄຊັນຟຣີໄດ້. . ແລະນັກພັດທະນາກໍຢັງຄົງສາມາດພັດທະນາແລະອັບເດດແອັບຂຶ້ນ Google Play Store ໄດ້ຕາມປົກກະຕິຄືເກົ່າ ແນວໃດກໍດີ ລ່າສຸດ Digital Platforms ບໍລິສັດທີ່ມຸ້ງເນັ້ນໃນການພັດທະນາດ້ານດິຈິຕອນຂອງຣັດເຊຍ . ປະກາດກຽມເປີດໂຕທາງເລືອກໃໝ່ ທີ່ຈະມາແທນທີ່ Google Play Store ໃຫ້ກັບຜູ້ໃຊ້ງານໃນຣັດເຊຍ . ໂດຍມີຊື່ວ່າ “NashStore” ຫລືທີ່ແປເປັນພາສາອັງກິດຄື Ourstore ຫລືຮ້ານຄ້າຂອງພວກເຮົາ ນັ້ນເອງ ສຳລັບ NashStore ກໍຈະຄືກັບ Google Play Store ທີ່ໃຫ້ຜູ້ໃຊ້ງານເຂົ້າມາດາວໂຫຼດແອບພລິເຄຊັນຕ່າງໆ ຫລືຊື້ແອບພລິເຄຊັນທີ່ເສຍເງີນ . ທີ່ສຳຄັນກໍຄື ຈະຮອງຮັບການຊຳລະເງີນຜ່ານບັດ Mir ຊຶ່ງເປັນລະບົບຊຳຣະເງີນຂອງຣັດເຊຍເອງພ້ອມ . …

ໃນວັນທີ 29 ມີນາ 2022 ທີ່ຜ່ານມາ ຣັດ​ເຊຍ​ປະກາດ “ການຖອນຕົວຂອງການປະຕິບັດການສູ້ຮົບທີ່ສໍາຄັນ” ໃນເຂດອ້ອມຮອບ Kiev ແລະ​ ເມືອງ Chernihiv ທີ່​ຖືກ​ປິດ​ລ້ອມ​ໃນ​ພາກ​ເໜືອ​ຂອງ​ຢູ​ເຄຣນ ຫຼັງ​ຈາກ​ສອງ​ຄະນະ​ຜູ້​ແທນ​ໄດ້​ເຂົ້າ​ຮ່ວມ​ການ​ເຈລະຈາ​ສັນຕິພາບ​ຢູ່​ນະຄອນ Istanbul ປະເທດຕວກກີ ທ່ານ ອາເລັກຊານເດີ ໂຟມີນ ຮອງລັດຖະມົນຕີກະຊວງປ້ອງກັນປະເທດຣັດເຊຍ ໜຶ່ງ​ໃນ​ຄະນະ​ຜູ້​ແທນ​ເຈລະຈາ​ສັນຕິພາບ​ກ່າວ​ວ່າ: ການ​ຕັດສິນ​ໃຈ​ຫຼຸດ​ຜ່ອນ​ການ​ປະຕິບັດ​ງານ​ທາງ​ທະຫານ​ແມ່ນ​ເພື່ອ “​ເພີ່ມ​ທະວີ​ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງກັນ ​ແລະ ກັນ” ​ແລະ ​ເຮັດ​ໃຫ້ການ​ເຈລະຈາ​ບັນລຸ​ໝາກຜົນ “ເປົ້າໝາຍສູງສຸດ” ຂອງການລົງນາມໃນຂໍ້ຕົກລົງທັງສອງຝ່າຍ ການເຄື່ອນໄຫວຄັ້ງນີ້ມີ ຫຼັງ​ຈາກ​ຢູເຄຣນກ່າວ​ວ່າ​ຈະ​ຮັບ​ເອົາ​ສະຖານະ​ການ​ເປັນ​ກາງ​ໃນ​ເວທີ​ການ​ເມືອງ​ລະຫວ່າງປະເທດ ຊຶ່ງ​ແມ່ນ​ໜຶ່ງ​ໃນ​ຄວາມ​ຮຽກຮ້ອງ​ຕ້ອງການ​ທີ່​ສຳຄັນ​ຂອງຣັດ​ເຊຍ ​ເພື່ອ​ແລກປ່ຽນ​ກັບ​ການ​ມີ​ປະ​ເທດ​ທີ​ສາມ​ເປັນ​ການ​ຮັບປະກັນ​ຄວາມ​ປອດ​ໄພ​ໃຫ້​ແກ່​ຢູເຄຣນ ສະຖານະເປັນກາງດັ່ງກ່າວຫມາຍຄວາມວ່າ ຢູ​ເຄຣນ ຕ້ອງ​ບໍ່​ເຂົ້າ​ຮ່ວມ​ບັນດາ​ພັນທະ​ມິດ​ທາງ​ການ​ທະຫານ, ​ເຊັ່ນ: ອົງການ​ສົນທິສັນຍາ​ອັດ​ລັງ​ຕິກ​ເໜືອ ຫຼື NATO, ຫຼື ອະນຸຍາດ​ໃຫ້​ປະ​ເທດ​ອື່ນ​ສ້າງ​ຕັ້ງ​ຖານ​ທັບ​ທະຫານ ແລະ ຄາດວ່າ ໂປໂລຍ, ອິສຣາແອລ, ຕວກກີ ແລະ ການາດາ ຖືວ່າແມ່ນບັນດາປະເທດທີ່ຈະຖືບົດບາດຮັບປະກັນຄວາມປອດໄພໃຫ້ແກ່ຢູເຄຣນ. ປະຈຸ​ບັນການ​ເຄື່ອນ​ໄຫວ​ທາງ​ທະຫານ​ຂອງຣັດ​ເຊຍ​ປາກົດ​ວ່າ​ຖືກ​ຢຸດຕິ​ຢູ່​ເຂດ​ອ້ອມ​ແອ້ມ​ຄຽບ ກ່ອນ​ໜ້າ​ນີ້, ກະຊວງ​ປ້ອງ​ກັນ​ປະ​ເທດ​ອັງກິດ​ກ່າວ​ວ່າ ກອງທັບ​ຢູເຄຣນ​ໄດ້​ປະສົບ​ຜົນສຳ​ເລັດ​ໃນ​ການ​ຊຸກ​ຍູ້​ຊາວຣັດ​ເຊຍ​ກັບ​ຄືນ​ສູ່​ຫຼາຍ​ແນວ​ໜ້າ. ສ່ວນເຈົ້າ​ໜ້າ​ທີ່​ຢູ​ເຄຣນ ກ່າວ​ວ່າ ໃນມື້ນີ້​ເມືອງ Chernihiv ຍັງ​ຖືກ​ໂຈມ​ຕີ​ຈາກຣັດ​ເຊຍຢູ່ ​​ …