ວັນ​ທີ 9 ກັນຍາ 2021, ສະຫາຍ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະສອງຝ່າຍໃນຮູບແບບທາງໄກກັບ ສະຫາຍ ຫວັງ ອີ້ ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ເພື່ອເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ ລະຫວ່າງ ລາວ-ຈີນ ກໍຄື ການເປັນຄູ່ຮ່ວມມືຍຸດທະສາດຮອບດ້ານ, ໝັ້ນຄົງຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ. ໃນການພົບປະດັ່ງກ່າວ, ສະຫາຍ ສະເຫຼີມໄຊ ກົມມະສິດ ໄດ້ສະແດງຄວາມຍິນດີ ທີ່ໄດ້ພົບປະກັບ ສະຫາຍ ຫວັງ ອີ້ ພາຍຫຼັງທີ່ໄດ້ພົບປະກັນ ຢູ່ ນະຄອນຊົງຊິ້ງ ໃນຕົ້ນເດືອນມິຖຸນາ ທີ່ຜ່ານມາ, ຊຶ່ງການພົບປະຄັ້ງນີ້ ຖືເປັນໂອກາດທີ່ສໍາຄັນເປັນຢ່າງຍິ່ງ ໃນການແລກປ່ຽນຄຳຄິດຄໍາເຫັນຮ່ວມກັນ ແລະ ເປັນເອກະພາບກັນ ຕໍ່ການຮ່ວມມືສອງຝ່າຍ ກໍຄື …

ວັນ​ທີ 6 ສິງ​ຫາ​ 2021​ ນີ້​ເຈົ້າ​ໜ້າ​​ທີ່​ຂອງ​ລັດອາ​ລາ​ບາ​ມາ​ສະ​ຫະ​ລັດ​ອາ​ເມ​ລິກາລາຍ​ງານ​ວ່າ: ເນື່ອງ​ຈາກວ່າ​ປະ​ຊາ​ຊົນ​ທີ່ຍອມ​ສັກ​ວັກ​ຊີນ​ໂຄ​ວິກ-19 ໜ້ອຍກວ່າ​ທີ່​ຄາດ​ໄວ້​ຢ່າງຫຼວງຫຼາຍ, ຈຶ່ງ​ເຮັດ​ໃຫ້​ວັກ​ຊິນ 65.511 ຫຼອດ​ຂອງ​ລັດ​ດັ່ງ​ກ່າວ​ໝົດ​ອາ​ຍຸ​ການ. ຕາມ​ຂໍ້​ມູນ​ຈາກ​ມະ​ຫາ​ວິ​ທະ​ຍາ​ໄລ​ຈອນ​ສ໌​ຮອບ​ກິນ​ສ໌, ຢູ່​ລັດ​ອາ​ລາ​ບາ​ມາ ມີ​ປະ​ມານ 1,7 ລ້ານ​ຄົນ​ໄດ້​ສຳ​ເລັດ​ການ​ສັກ​ວັກ​ຊີນ​ແລ້ວ, ເຊິ່ງກວມ 39% ຂອງ​ຍອດ​ຈຳ​ນວນ​ປະ​ຊາ​ກອນ​ຂອງ​ລັດ​ດັ່ງ​ກ່າວ. ເຖິງວ່າ​ອົງ​ການ​ປົກ​ຄອງ ແລະ ອົງ​ການ​ສາ​ທາ​ລະ​ນະ​ສຸກ​ຂອງ​ທ້ອງ​ຖິ່ນ ໄດ້​ຮຽກ​ຮ້ອງ​ຢ່າງ​ບໍ່​ຂາດ​ສາຍໃຫ້​ປະ​ຊາ​ຊົນໄປ​ສັກ​ວັກ​ຊີນ, ແຕ່​ຍັງ​ມີ​ປະ​ຊາ​ຊົນ​ຈຳ​ນວນຫຼວງຫຼາຍ​ບໍ່​ຍອມ​ໄປ, ຈຶ່ງ​ເຮັດ​ໃຫ້​ວັກ​ຊີນຫຼາຍ​ໝື່ນ​ຫຼອດ​ໝົດ​ອາ​ຍຸ​ການ.

ລັດຖະບານ ຍີ່ປຸ່ນ ໄດ້ມອບວັກຊີນກັນພະຍາດໂຄວິດ-19 ແອສຕາເຊເນກາ (AstraZeneca) ຈຳນວນ 616.820 ໂດສ ໃຫ້ແກ່ ສປປ ລາວ ໂດຍຜ່ານໂຄງການເພື່ອການເຂົ້າເຖິງວັກຊິນໂຄວິດ-19 ຫລື COVAX Facility ເພື່ອນຳໄປຈັດຕັ້ງປະຕິບັດເຂົ້າໃນພາລະກິດການຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ. ພິທີມອບ-ຮັບ ວັກຊິນດັ່ງກ່າວ ໄດ້ຈັດຂຶ້ນຢ່າງເປັນທາງການ ໃນວັນທີ 5 ສິງຫາ 2021 ທີ່ສະໜາມບິນສາກົນວັດໄຕ ເຊິ່ງໃຫ້ກຽດຕາງໜ້າລັດຖະບານຍີ່ປຸ່ນມອບໂດຍ ທ່ານ ທາເກວາກະ ເຄອິໂຊະ ເອກອັກຄະຣາຊາທູດຍີ່ປຸ່ນ ປະຈໍາ ສປປ ລາວ ແລະ ຕາງໜ້າລັດຖະບານລາວ ຮັບໂດຍ ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ໂດຍມີຄະນະນຳຈາກບັນດາກະຊວງ, ຜູ້ຕາງໜ້າຈາກອົງການອຸຍນີເຊັບ ປະຈຳ ລາວ, ຮັກສາການຜູ້ຕາງໜ້າຈາກ ອົງການອານາໄມໂລກ ປະຈຳ ລາວ, ບັນດາທູດຕາງໜ້າຜູ້ໃຫ້ທຶນ ແລະ ພະນັກງານກ່ຽວຂ້ອງ …

ອີງຕາມຂ່າວຊ່ອງ3​ ຂອງໄທລາຍງານວັນທີ 2​ ສິງຫາ​ 2021​ ນີ້ໃຫ້ຮູ້ວ່າ ມີຊາວບ້ານ 7​ ຄົນທີ່ໄປເກັບເຫັດເຂດຊາຍແດນລາວ-ໄທ ຈຳປາສັກ​ກັບອຸບົນຣາຊະທານີຂອງໄທ​ ຈຶ່ງຖືກເຈົ້າໜ້າທີ່ທາງການລາວຈັບຕົວໄດ້ ພ້ອມປະຕິບັດຕາມກົດລະບຽບຝັ່ງລາວ. ຝ່າຍເຈົ້າໜ້າທີ່ໄທກໍໄດ້ປະສານແກ້ໄຂເຫດທີ່ເກີດຂຶ້ນຍ້ອນຄວາມຮູ່ເທົ່າບໍ່ເຖິງການຂອງຊາວບ້ານ​ ບໍ່ໄດ້ມີເຈຕະນາອື່ນໃດ ທາງການລາວກໍໄດ້ຕົກລົງເຫັນດີແຕ່ຕ້ອງປະຕິບັດຕາມມາດຕະການຝັ່ງລາວ ຄືກັກໂຕ 14​ວັນ,​ ກວດຫາເຊື້ອໂຄວິດ-19​ ໃຫ້​ລະອຽດ​ ພ້ອມກ່າວວ່າຈະສັກວັກຊີນໃຫ້ກ່ອນສົ່ງກັບໄທໂດຍບໍ່ຖືໂທດ​ ເຊິ່ງວັກຊີນດັ່ງກ່າວອາດແມ່ນ J&J ເນື່ອງຈາກວ່າສັກເຂັມດຽວແລ້ວໆເລີຍ. ຈາກຂ່າວດັ່ງກ່າວນີ້ສ້າງຄວາມຮືຮາໃຫ້ກັບສັງຄົມໄທຫຼາຍລ້ານຄົນມີຄວາມອິດສາຊາວບ້າາທັງ7ຄົນວ່າຄວາມໂຊກດີໃນຄວາມໂຊກຮ້າຍ​ ກາຍເປັນກະແສດັງສະໜັ່ນຂ້າມມື້ຂ້າມເວັນ​ ເລື່ອງເກັບເຫັດຂ້າມຊາຍແດນແລ້ວໄດ້ສັກວັກຊີນຊຝນກັນມາເກັບເຫັດເປັນແຖວ.

ທາງເພຈ: ແອໂຣລາວ AeroLaos ໄດ້ແຈ້ງຂ່າວເຊິ່ງຖືວ່າເປັນຂ່າວດີທີ່ທາງ ສປ.ຈີນ ໄດ້ໃຫ້ການຊ່ວຍເຫຼືອວັກຊີນສ້າງພູມຄຸ້ມກັນໃນການປ້ອງກັນພະຍາດໂຄວິດ-19 ຍີ່ຫໍ້ ຊີໂນຟາມ (Sinopharm) ໃຫ້ກັບ ສປປ ລາວ ເພີ່ມອີກເປັນຈໍານວນ 1.000.000 ໂດສ ທີ່ຜະລິດໂດຍ Beijing Institute Biological Products co.,LTD ແລະ ຈະມອບໃຫ້ແກ່ລັດຖະບານ ສປປ ລາວ ໃນໄວໆນີ້. ສໍາລັບຂັ້ນຕອນຕ່າງໆແມ່ນທາງສໍານັກງານທີ່ປຶກສາດ້ານເສດຖະກິດ-ການຄ້າ ສະຖານທູດ ສປ.ຈີນ ປະຈໍາລາວ, ຄະນະກໍາມະທິການຮ່ວມມືລາວ-ຈີນ, ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງສາທາລະນະສຸກ ໄດ້ກໍາລັງກະກຽມວຽກງານດ້ານການຂົນສົ່ງ, ເງື່ອນໄຂ ແລະ ລະບຽບການຮ່ວມກັນ ໂດຍຄາດວ່າທຸກຝ່າຍພວມຈັດຕັ້ງປະຕິບັດຢ່າງໄວທີ່ສຸດ. ສ່ວນເວລາໃນການມອບຮັບແມ່ນຈະແຈ້ງຕື່ມພາຍຫຼັງ.

ອີງຕາມເພຈທາງການຂອງສະຖານທູດອາເມລິກາໂພສແຈ້ງວັນທີ​ 15​ ກໍລະກົດ​ 2021​ ນີ້ໃຫ້ຮູ້ວ່າ: ເຮືອບິນທີ່ຂົນສົ່ງວັກຊີນຈອນສັນແອນຈອນສັນ ແມ່ນຊັກຊ້າ ເນື່ອງຈາກເຄື່ອງຍົນມີການຂັດຂ້ອງດ້ານເຕັກນິກ. ຍ້ອນສາເຫດດັ່ງກ່າວ, ພວກເຮົາຈຶ່ງບໍ່ທັນສາມາດຢືນຢັນວັນເວລາໃໝ່ ທີ່ເຮືອບິນຈະມາຮອດ. ແຕ່ບັນດາທ່ານບໍ່ຕ້ອງເປັນຫ່ວງເພາະທາງສາຍການບິນຮັບປະກັນວ່າວັກຊີນດັ່ງກ່າວ ໄດ້ຖືກເກັບຮັກສາຄວາມເຢັນໄວ້ເປັນຢ່າງດີ ແລະ ຈະມາຮອດ ສປປ ລາວ ຢ່າງແນ່ນອນ. ພວກເຮົາຮູ້ສຶກເສຍໃຈທີ່ເຮືອບິນບໍ່ສາມາດມາຮອດພາຍໃນມື້ນີ້ ແຕ່ພວກເຮົາກໍ່ໄດ້ຕິດຕາມສະຖານາການຢ່າງໃກ້ຊິດ ແລະ ພວກເຮົາຈະໄປທີ່ສະໜາມບິນແນ່ນອນ ເມື່ອເຮືອບີນມາຮອດ ສປປ ລາວ. ຖ້າຕິດຕາມນຳກັນເດີ້ ແລະ ພວກເຮົາຈະແຈ້ງໃຫ້ທ່ານຊາບຕື່ມອີກ. ທີ່ມາ:ສະຖານທູດອາເມລິກາ

ສຳນັກຂ່າວຊິນຮວາ ລາຍງານວ່າ: ທ່ານ ກົວ ຊູຈຸ້ນ ຮອງຫົວໜ້າກົມເສດຖະກິດຕ່າງປະເທດ ກະຊວງການຕ່າງປະເທດ ແຫ່ງ ສປ ຈີນ ເປີດເຜີຍວ່າ: ຈີນ ກຽມຈັດສົ່ງວັກແຊັງປ້ອງກັນໂຄວິດ – 19 ໃຫ້ແກ່ 100 ກວ່າປະເທດທົ່ວໂລກ ເຊິ່ງຄິດເປັນສັດສ່ວນກວມເອົາ 1/6 ຂອງການຜະລິດວັກຊີນປ້ອງກັນໂຄວິດ – 19 ໃນຂະນະນີ້, ພ້ອມສະໜັບສະໜູນປະເທດກຳລັງພັດທະນາຜະລິດວັກຊີນພື່ອເຮັດໃຫ້ປະຊາຊົນທົ່ວໂລກເຂົ້າເຖິງວັກແຊັງຫຼາຍຂຶ້ນ. ທ່ານ ກົວ ກ່າວອີກວ່າ: ໃນໄລຍະຜ່ານມາ ສປ ຈີນ ໄດ້ຊ່ວຍເຫຼືອວັກຊີນໃຫ້ແກ່ຫຼາຍປະເທດ, ພ້ອມກ່າວຢ້ຳວ່າ ຈີນ ຕໍ່ຕ້ານລັດທິ “ ວັກຊີນຊາດນິຍົມ ” ( Vaccine Nationalism ) ຫຼື ການທີ່ຫຼາຍປະເທດອອກກົດໝາຍຄວບຄຸມການສົ່ງອອກວັກຊີນ ເພື່ອໃຫ້ວັກຊີນພຽງພໍຕໍ່ການຊົມໃຊ້ພາຍໃນກ່ອນ ເພື່ອສ້າງຄວາມໄດ້ປຽບດ້ານເສດຖະກິດ. ສ່ວນວັກຊີນຂອງຈີນ ໄດ້ຮ່ວມມືກັບບໍລິສັດຜູ້ຜະລິດຈາກຕ່າງປະເທດ ເຊັ່ນ: ສະຫະລັດອາຣັບເອເມເຣັດ, ອິນໂດເນເຊຍ, ມາເລເຊຍ, ເອຢິບ, ບຣາຊິນ, ຕວັກກີ, ປາກິດສະຖານ ແລະ ເມັກຊິກໂກ ໂດຍມີກຳລັງການຜະລິດ 200 …

ທ່ານ ດຣ ສະໜອງ ທອງຊະນະ ຮອງລົດຖະມົນຕີ ກະຊວງສາທາລະນະສຸກ ໄດ້ກ່າວໃນຖະແຫຼງຂ່າວປະຈຳວັນທີ 13 ກໍລະກົດ 2021 ວ່າ: ສປປ ລາວ ມີຜູ້ສັກວັກຊີນເຂັມ 1 ແລ້ວ 14% ຂອງປະຊາກອນທັງໝົດ ແລະ ຄະນະສະເພາະກິດໄດ້ແຈ້ງຂ່າວດີວ່າ ໃນວັນທີ 15 ເດືອນ ກໍລະກົດ ນີ້ໂຄງການ COVAX ຈະໄດ້ມອບ Johnson & Johnson (ສັກເຂັມດຽວ, ວັກຊິນ ຂອງປະເທດສະຫະລັດ ອາເມລິກາ) ສົ່ງໃຫ້ກັບ ສປປ ລາວ ເປັນຈຳນວນ 1 ລ້ານໂດສ ແລະ ຈະມີການແຈກຢາຍ ໃຫ້ທຸກໆແຂວງ ທົ່ວປະເທດ​ ​ໂດຍມີພູມຕ້ານທານຈາກການສັກພາຍໃນເຂັມດຽວ. ເຊິ່ງວັກຊີນງວດດັ່ງກ່າວນີ້ ແມ່ນວັກຊີນຈາກລັດຖະບານອາເມລິກາທີ່ບໍລິຈາກຜ່ານໂຄງການໂຄແວັກ​ ເຊິ່ງລາວເຮົາໄດ້ຮັບໃນຈຳນວນຫຼາຍ.

ອີງຕາມສູນຂ່າວສານການແພດສຸຂະສຶກສາໃຫ້ຮູ້ວ່າ: ປະຊາກອນລາວຈຳນວນ 1.​025.248 ຄົນໃນຂອບເຂດທົ່ວປະເທດໄດ້ຮັບການສີດວັກຊິນເຂັມທີ 1 ເຊິ່ງກວມ 14% (ຕາມສະຖິຕິປະຊາກອນປີ 2019), ຂະນະທີ່ 641.​545 ຄົນແມ່ນໄດ້ຮັບວັກຊິນຄົບທັງ 2 ເຂັມ ຫຼື ກວມປະມານ 8% ແລະອີກສ່ວນທີ່ເຫຼືອທາງທີມງານແພດກຳລັງທະຍອຍສີດໃຫ້ຄົບ. ປັດຈຸບັນ ສປປ ລາວ ໄດ້ຮັບວັກຊິນທັງໝົດຈຳນວນ 2.​197.​000 ໂດສ ລວມມີ ຊີໂນຟາມ 1.​902.000 ໂດສ, ສະປຸດນິກ 1.​000 ຫຼອດ, ແອສຕຣາເຊເນກ້າ 132.​000 ໂດສ ແລະ ໄຟເຊີ ຈຳນວນ 162.​000 ຫຼອດ. ທ່ານ ດຣ. ພອນປະເສີດ ອຸນາພົມ, ຫົວໜ້າກົມອະນາໄມ ແລະ ສົ່ງເສີມສຸຂະພາບ, ກະຊວງສາທາລະນະສຸກໄດ້ກ່າວໃນໂອກາດຖະແຫຼງຂ່າວຫວ່າງບໍ່ດົນຜ່ານມານີ້ວ່າ: ສປປ ລາວ ຄາດວ່າຈະໄດ້ຮັບວັກຊິນເພີ່ມປະມານ 6.6 ລ້ານໂດສ, ເຊິ່ງກໍໝາຍຄວາມວ່າ ເຄິ່ງໜຶ່ງຂອງພົນລະເມືອງລາວແມ່ນຈະໄດ້ຮັບວັກຊິນຕ້ານໂຄວິດ-19 ຄົບທັງສອງເຂັມພາຍໃນທ້າຍປີນີ້. ຢ່າງໃດກໍຕາມ, ຄາດວ່າຈະມີການຈັດສົ່ງວັກຊິນແອສຕຣາເຊເນກ້າ ພ້ອມດ້ວຍ ວັກຊິນ Johnson …

ໃນວັນທີ 7 ກໍລະກົດ ປີ 2021 ທ່ານ ດຣ. ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ ໃນໂອກາດຖະແຫຼງຂ່າວປະຈຳວັນ ທີ່ກະຊວງສາທາລະນະສຸກໃຫ້ຮູ້ວ່າ: ປັດຈຸບັນພັກ ແລະ ລັດຖະບານ ໄດ້ສຸມໃສ່ ປົກປ້ອງ ປະຊາຊົນດ້ວຍການສັກວັກຊີນ ເຊິ່ງມີເປົ້າໝາຍໃນທ້າຍປີ ໃຫ້ໄດ້ 50%, ປະຈຸບັນ ປະຊາຊົນ ມີຄວາມຕື່ນຕົວສູງ ໃນການສັກວັກຊີນປ້ອງກັນ ເຊິ່ງເປັນສັນຍານທີ່ດີ ທີ່ເຮັດໃຫ້ເຮົາ ສາມາດຫຼຸດພົ້ນຈາກການລະບາດໄດ້ໂດຍໄວ. ພ້ອມກັນນັ້ນ ເພື່ອໃຫ້ທຸກຄົນເຂົ້າເຖິງການຮັບສັກວັກຊິນຕາມຄາດໝາຍພັກ ແລະ ລັດຖະບານຈະໄດ້ຈັດຫາ ແລະ ຕອບສະໜອງວັກຊີນ ເພື່ອໃຫ້ປະຊາຊົນໄດ້ຮັບການສັກວັກຊີນ ຢ່າງຕໍ່ເນື່ອງ, ຖ້າມີຂໍ້ຂ້ອງໃຈຂອງສັງຄົມ ຄະນະສະເພາະກິດ ຈະເຊີນຂະແໜງການທີ່ກ່ຽວຂ້ອງ ມາໃຫ້ຂໍ້ມູນແກ່ບັນດາທ່ານ, ພໍ່ແມ່, ປະຊາຊົນ ແລະ ທຸກພາກສ່ວນໃນສັງຄົມ ຕາມແຕ່ລະໄລຍະ. ພ້ອມກັນນັ້ນ ໃຫ້ທຸກພາກສ່ວນໃນສັງຄົມ ພ້ອມກັນ ປະຕິບັດມາດຕະການທີ່ຄະນະສະເພາະກິດວາງອອກ ຢ່າງເຄັ່ງຄັດ.