ວັນທີ 21 ມັງກອນ 2020, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຄີຮາຣະ ມິໂນຣຸ (KIHARA Minoru), ທີ່ປຶກສາພິເສດປະຈໍານາຍົກລັດຖະມົນຕີຍີ່ປຸ່ນ, ຮັບຜິດຊອບວຽກງານຄວາມໝັ້ນຄົງແຫ່ງຊາດຍີ່ປຸ່ນ ໃນໂອກາດເດີນທາງຢ້ຽມຢາມ ສປປ ລາວ ໃນລະຫວ່າງວັນທີ 21-22 ມັງກອນ 2020 ເພື່ອເປັນການເພີ່ມທະວີຮັດແໜ້ນສາຍພົວພັນມິດຕະພາບ ແລະ ການຮ່ວມມືທີ່ດີ ໃນດ້ານຕ່າງໆ ທັງສາຍພັກ ແລະ ສາຍລັດ ລະຫວ່າງ ສອງປະເທດ ສປປ ລາວ ແລະ ຍີ່ປຸ່ນ ພາຍໃຕ້ການເປັນຄູ່ຮ່ວມຍຸດທະສາດ ໃຫ້ນັບມື້ນັບກວ້າງຂວາງ, ແໜ້ນແຟ້ນ ແລະ ເລິກເຊິ່ງຍິ່ງໆຂຶ້ນ. ໃນໂອກາດດັ່ງກ່າວ, ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມ ສປປ ລາວ ຂອງ ທ່ານ KIHARA Minoru ພ້ອມດ້ວຍຄະນະ ໃນຄັ້ງນີ້. …

ກະຊວງສຶກສາທິການ ແລະ ກີລາ (ສສກ) ແລະ ອົງການບັນເທົາທຸກກາໂຕຼລິກປະຈຳລາວ ໄດ້ປຶກສາຫາລືການມອບໂອນໂຄງການອາຫານທ່ຽງໃນໂຮງຮຽນທີ່ອົງການດັ່ງກ່າວໄດ້ຈັດຕັ້ງປະຕິບັດຢູ່ 7 ເມືອງຂອງແຂວງສະຫວັນນະເຂດ, ຊຶ່ງໄດ້ໃຫ້ການຊ່ວຍເຫຼືອ ໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ແລະ ເຂດ​ຫ່າງ​ໄກ​ສອກ​ຫຼີກ, ເມື່ອບໍ່ດົນມານີ້ທີ່ສໍານັກກະຊວງສຶກສາທິການ ແລະ ກີລາ, ທ່ານ ຮສ.ປອ ພຸດ ສິມມາລາວົງ ຮອງລັດຖະມົນຕີກະຊວງສຶກສາທິການ ແລະ ກີລາ ໄດ້ໃຫ້ກຽດຕ້ອນຮັບການເຂົ້າພົບປະຂອງທ່ານ ນາງ ໂຮນ​ລີ ແຄນ​ຕູ​ບາ ຫົວຫນ້າ​ອົງ​ການ​ບັນ​ເທົາ​ທຸກ​ກາ​ໂຕ​ລິກ ປະ​ຈຳ ສ​ປ​ປ ລາວ, ພ້ອມດ້ວຍຄະນະ, ໂດຍມີຄະນະຮັບຜິດຊອບວຽກງານກ່ຽວຂ້ອງທັງສອງຝ່າຍເຂົ້າຮ່ວມຢ່າງພ້ອມພຽງ. ການເຂົ້າພົບປະຄັ້ງນີ້, ແມ່ນເພື່ອເປັນການປຶກສາຫາລືກ່ຽວກັບການມອບໂອນໂຄງການອາຫານທ່ຽງໃນໂຮງຮຽນທີ່ອົງການບັນເທົາທຸກກາໂຕຣລິກ ປະຈໍາ ສປປ ລາວ ຈັດຕັ້ງປະຕິບັດຢູ່ທີ່ 7 ເມືອງ ໃນແຂວງສະຫວັນນະເຂດ ປະກອບມີ ເມືອງອາດສະພອນ, ອຸທຸມພອນ, ພະລານ, ພິນ, ວິລະບູລີ, ເຊໂປນ ແລະ ເມືອງນອງ, ຊຶ່ງອົງການດັ່ງກ່າວໄດ້ໃຫ້ການຊ່ວຍເຫຼືອເລີ່ມ​ແຕ່​ປີ 2013 ເປັນ​ຕົ້ນ​ມາ ໂດຍ​ສະ​ເພາະໃນໂຮງ​ຮຽນ​ທີ່​ຕັ້ງຢູ່​​​ໃນຊົນ​ນະ​ບົດ ເຂດ​ຫ່າງ​ໄກ​ສອກ​ຫຼີກ. ນອກ​ຈາກ​ການ​ຊ່ວຍ​ເຫຼື​ອ​ດ້ານອາ​ຫານ​ແລ້ວ ທ່ານ​ຍັງ​ໄດ້​ສົ່ງ​ນັກ​ວິ​ຊາ​ການມາ​ສ້າງ​ຄວາມ​ເຂັ້ມ​ແ​​ຂງ​ກ່​ຽວ​ກັບ​ການ​ຄຸ້ມ​ຄອງ ແລະ ບໍ​ລິ​ຫານ​ອາ​ຫານ​ທ່ຽງ​ໃນ​ໂຮງ​ຮຽນ​ໃຫ້​ແກ່​ຜູ້​ບໍ​ລິ​ຫານ​ລະ​ດັບຂັ້ນ​ກະ​ຊວງ, …

ເມື່ອວັນທີ 13 ທັນວາຜ່ານມາທີ່ສູນການຮ່ວມມືສາກົນ ແລະ ຝຶກອົບຮົມ (ICTC) ນະຄອນຫຼວງ​ວຽງ​ຈັນ, ທ່ານ ບຸນຍັງ ວໍລະຈິດ ປະທານປະເທດ​ແຫ່ງ ສປປ ລາວ ໄດ້ໃຫ້ກຽດໂອ້ລົມຕໍ່​ກອງ​ປະຊຸມ​ວຽກ​ງານ​ການ​ຕ່າງປະ​ເທດ ​ຄັ້ງ​ທີ 14 ພາຍ​ໃຕ້​ຄຳຂວັນ “ການ​ທູດ​ປ້ອງ​ກັນ​ປະ​ເທດ ​ແລະ ບຸກທະລຸເພື່ອ​ປົກປັກ​ຮັກສາ ​ແລະ ພັດທະນາ​ປະ​ເທດ​ຊາດ ​ເພື່ອ​ເພີ່​ມປະສິດທິພາບ​ການຈັດ​ຕັ້ງປະຕິບັດຜົນ​ການ​ເຄື່ອນ​ໄຫວ​ການ​ຕ່າງປະ​ເທດ​ໃຫ້​ປາກົດ​ຜົນ​ເປັນ​ຮູບ​ປະ​ທຳ”, ທ່ານປະທານ​ປະ​ເທດ​ໄດ້ສະແດງຄວາມຍ້ອງຍໍຊົມເຊີຍ, ຕີລາຄາສູງຕໍ່ຜົນສຳເລັດຂອງວຽກງານການຕ່າງປະເທດໄລຍະ 3 ປີ ຜ່ານມາ, ພ້ອມ​ທັງເສີມຂະຫຍາຍຈຸດດີ, ແກ້ໄຂຂໍ້ຄົງຄ້າງ ເພື່ອເຮັດໃຫ້ວຽກງານໃນແຕ່ລະດ້ານມີຜົນສຳເລັດ, ຕ້ອງມີການປະສານສົມທົບກົມກຽວລະຫວ່າງກະຊວງ ອົງການຈັດຕັ້ງທູດຢູ່ຕ່າງປະເທດໃຫ້ມີຄວາມອ່ອນໂຍນແຕ່ບໍ່ອ່ອນແອ. ໂອກາດດັ່ງກ່າວ, ທ່ານ ບຸນ​ຍັງ ວໍລະ​ຈິດ ​ໄດ້​ເນັ້ນ​ໃຫ້​ຂະ​ແໜງ​ການ​ຕ່າງປະ​ເທດເພີ່ມທະວີ​ເອົາ​ໃຈ​ໃສ່ຈັດຕັ້ງປະຕິບັດຍຸດທະສາດ “ເພີ່ມມິດຫຼຸດຜ່ອນສັດຕູ” ​ໂດຍມີ​ການ​ພົວພັນຮ່ວມມືລະຫວ່າງ​ບັນດາບັນດາ​ທູດ​ປະ​ເທ​ດ​ເພື່ອນ​ມິດໃຫ້ມີ​ຄວາມ​ສະໜິດ​ແໜ້ນ​ກົມ ກຽວ​ກັນ ​ແລະ ຍາດແຍ່ງເອົາການຊ່ວຍເຫຼືອສະໜັບສະໜູນຈາກຕ່າງປະເທດ, ເພີ່ມທະວີຈັດຕັ້ງຜັນຂະຫຍາຍຂໍ້ຕົກລົງຕ່າງໆທີ່ໄດ້ເຊັນຂໍ້ຕົກລົງກັບບັນດາປະເທດໃຫ້ມີໝາກຜົນ, ເສີມຂະຫຍາຍວຽກງານການຕ່າງປະເທດໃຫ້ກວ້າງຂວາງ, ສືບຕໍ່ປະບັດແນວທາງເປັນເອກະລາດສັນຕິພາບ ປະຊາ​ຕິ​ປະ​ໄຕ ຕາມແນວທາງການຕ່າງປະເທດຢ່າງສະເໝີຕົ້ນສະເໝີປາຍ, ເພີ່ມທະວີການພົວພັນຮ່ວມມືກັບປະ​ເທດ​ເພື່ອນ​ມິດ​ຍຸດ​ທະ​ສາດ ໂດຍສະເພາະ ສສ ຫວຽດນາມ ​ແລະ ເສີມຂະຫຍາຍຍຸດທະສາດການ​ຮ່ວມ​ມື​ໃຫ້ໝັ້ນຄົງຍາວນານ “ລາວ-ຈີນ” ຕາມທິດ “4 ດີ” ໃຫ້ເກີດດອກອອກຜົນໃນແຕ່ລະດ້ານ, ເພີ່ມທະວີເຄື່ອນໄຫວໃນອາຊຽນ …

ສະພາອຸດສະຫະກຳ ແລະ ການຄ້ານະຄອນຫຼວງວຽງຈັນ ຮ່ວມກັບ ສະມາຄົມທຸລະກິດສິງກະໂປຢູ່ໃນລາວ ໄດ້ເປີດໂອກາດໃຫ້ ປະຊາຊົນຜູ້ທຸກຍາກໃນນະຄອນຫຼວງວຽງຈັນ ແລະ ບັນດາແຂວງທີ່ໃກ້ຄຽງເຂົ້າຮ່ວມເພື່ອກວດເຊັກສຸຂະພາບຕາ ແລະ ຜ່າຕັດແກ່ນຕາຂຸ້ນ ໂດຍບໍ່ໄດ້ເສຍຄ່າ ໃນລະຫວ່າງວັນທີ 11-13 ຕຸລາ 2019 ທີ່ສູນປິ່ນປົວ ແລະ ຮັກສາສຸຂະພາບຕາທົ່ງປົ່ງ ນະຄອນຫຼວງວຽງຈັນ ການຜ່າຕັດໃຊ້ເວລາພຽງ 5 ນາທີ ໂດຍການຜ່າຕັດທີ່ມີຄຸນນະພາບ ໂດຍທີມງານທ່ານໝໍຈາກປະເທດສິງກະໂປ. ສໍາລັບການຄັດເລືອກ ແລະ ລົງທະບຽນ ສໍາລັບບຸກຄົນທົ່ວໄປທີ່ຕ້ອງການປິ່ນປົວບໍ່ເສຍຄ່າ ຈະຈັດຂຶ້ນວັນທີ 4 ຫາ ວັນທີ 9 ຕຸລາ 2019 ທີ່ໂຮງໝໍ 9 ເມືອງໃນນະຄອນຫຼວງວຽງຈັນ ແລະ ໂຮງໝໍປົວຕາທົ່ງປົ່ງ ສໍາລັບຜູ້ລົງທະບຽນຜ່າຕັດທີ່ໂຮງໝໍປົວຕາທົ່ງປົ່ງ ຈະມີທີ່ພັກ, ອາຫານ ແລະ ນໍ້າດື່ມໃຫ້ຜູ້ທີ່ຜ່າຕັກທຸກຄົນ ເຊິ່ງຜູ້ທີ່ຜ່າຕັດແກ່ນຕາແມ່ນຈະໄດ້ຜ່າຕັດໃນໜຶ່ງມື້ ແລະ ຈະເປີດຕາໄດ້ໃນມື້ທີ່ສອງ ຫຼັງຈາກຜ່າຕັດ ທາງມູນນິທິ ເອີນີວວິເຊິນ ຈະໜອງຢາ ເລນສ ຢາຍອດຕາ ໃຫ້ແກ່ຜູ້ທຸກຍາກທີ່ມາປິ່ນປົວອີກດ້ວຍ. ທ່ານໃດມີຄວາມສົນໃຈຮັບການປິ່ນປົວ ຕິດຕໍ່ໄດ້ ໂທ: 030 …

​ໂອ­ກາດ​ເຂົ້າ​ຮ່ວມ​ກອງ​ປະ­ຊຸມ​ສະ­ມັດ­ຊາ​ໃຫຍ່ ຂອງ​ອົງ­ການ​ສະ­ຫະ​ປະ­ຊາ​ຊາດ (ສປຊ) ສະ­ໄໝ​ທີ 74 ທີ່​ນິວ​ຢອກ ສະຫະ​ລັດ​ອາ​ເມລິ​ກາ, ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ໄດ້​ຕາງ­ໜ້າ​ໃຫ້​ລັດ­ຖະ­ບານ​ລາວ​ຍື່ນ​ສານ​ເຂົ້າ​ຮ່ວມ​ເປັນ​ພາ­ຄີ​ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ​ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ແລະ ຍື່ນ​ສານ​ໃຫ້​ສັດ­ຕະ­ຍາ­ບັນ​ຕໍ່​ສົນ­ທິ­ສັນ­ຍາ ວ່າ​ດ້ວຍ​ການ​ເກືອດ​ຫ້າມ​ອາ­ວຸດ​ນິວ​ເຄຼຍ ໃຫ້​ແກ່​ທ່ານ Miguel de Serpa Soares ຮອງ​ເລ­ຂາ­ທິ­ການ​ໃຫຍ່ ສປຊ ຜູ້​ຮັບ­ຜິດ­ຊອບ​ວຽກ​ງານ​ກົດ­ໝາຍ ທັງ​ເປັນ​ທີ່​ປຶກ­ສາ​ທາງ​ດ້ານ​ກົດ­ໝາຍ​ຂອງ​ອົງ­ການ ສປຊ ໃນ​ວັນ​ທີ 24 ແລະ 26 ກັນ­ຍາ 2019 ຕາມ​ລຳ­ດັບ. ສົນ­ທິ­ສັນ­ຍາ​ສະ­ຫະ​ປະ­ຊາ​ຊາດ ວ່າ​ດ້ວຍ​ສັນ­ຍາ ຊື້-ຂາຍ​ສິນ­ຄ້າ​ລະ­ຫວ່າງ​ປະ­ເທດ ມີ​ຈຸດ­ປະ­ສົງ​ເພື່ອ​ກຳ­ນົດ​ລະ­ບຽບ​ການ ຊື້-ຂາຍ ສິນ­ຄ້າ​ລະ ຫວ່າງ​ປະ­ເທດ ລວມ​ທັງ​ພັນ­ທະ​ຂອງ​ຜູ້​ຊື້-ຜູ້​ຂາຍ ປັດ­ຈຸ­ບັນ ມີ​ປະ­ເທດ​ເຂົ້າ​ເປັນ​ພາ­ຄີ​ທັງ​ໝົດ 89 ປະ­ເທດ ເນື່ອງ​ຈາກ​ເປັນ​ໂອ­ກາດ​ດີ​ໃຫ້​ບັນ­ດາ​ປະ­ເທດ​ພາ­ຄີ​ສາ­ມາດ​ນຳ​ໃຊ້​ບົດ​ບັນ­ຍັດ​ພາຍ​ໃຕ້​ສົນ­ທິ­ສັນ­ຍາ​ດັ່ງ­ກ່າວ​ເປັນ​ພື້ນ­ຖານ ແລະ ເປັນ​ບ່ອນ​ອີງ​ໃນ​ການ​ເຮັດ​ສັນ­ຍາ​ຊື້-ຂາຍ​ລະ­ຫວ່າງ​ປະ­ເທດ ເຊິ່ງ​ຈະ​ຫຼຸດ­ຜ່ອນ​ຄວາມ​ຫຍຸ້ງ­ຍາກ ແລະ ຄວາມ​ສ່ຽງ​ໃນ​ການ​ເລືອກ​ໃຊ້​ກົດ­ໝາຍ ຫຼື ສັນ­ຍາ​ທີ່​ບໍ່​ເປັນ​ມາດ­ຕະ­ຖານ​ດຽວ​ກັນ​ລະ­ຫວ່າງ ຜູ້​ຊື້-ຜູ້​ຂາຍ ນອກ​ນັ້ນ ຈະ​ເຮັດ​ໃຫ້​ລາວ​ເຮົາ​ປັບ­ປຸງ​ລະ­ບົບ​ກົດ­ໝາຍ​ຂອງ​ຕົນ​ໃຫ້​ເປັນ​ສາ­ກົນ​ຫຼາຍ​ຂຶ້ນ ດ້ວຍ​ການ​ນຳ​ໃຊ້​ມາດ­ຕະ­ຖານ​ດຽວ​ກັນ​ຂອງ​ຄູ່​ສັນ­ຍາ ໂດຍ​ສະ­ເພາະ ປັດ­ຈຸ­ບັນ​ທີ່​ລາວ​ຍັງ​ບໍ່​ທັນ​ມີ​ກົດ­ໝາຍ​ສະ­ເພາະ​ກ່ຽວ​ກັບ​ການ​ຊື້-ຂາຍ​ລະ­ຫວ່າງ​ປະ­ເທດ ເປັນ­ຕົ້ນ …

ໃກ້ຈະຮອດໂຄ້ງສຸດທ້າຍແລ້ວ ສຳລັບເວທີ Mister International Laos 2019, ມາຮູ້ຈັກກັບອີກ 2 ໜຸ່ມຫຼໍ່ ທີ່ຜ່ານເຂົ້າຮອບ 20 ຄົນສຸດທ້າຍ ໜຶ່ງຄົນເປັນໜຸ່ມນັກແຂ່ງລົດຈັກວິບາກ ສ່ວນອີກໜຶ່ງໜຸ່ມເປັນໜຸ່ມນ້ອຍບ່າວທະນາຄານ. ຄົນທຳອິດ ຂໍແນະນຳ ທ້າວ ອານັນດາ ພະສະຫວັດ “ໂຈອິ້” ໝາຍເລກ MR06, ອາຍຸ 22ປີ. ຈົບຊັ້ນສູງຈາກປະເທດເພື່ອນບ້ານ ແລະ ກຳລັງເຊື່ອມຕໍ່ປະລິນຍາຕີທີ່ ຄວສ ມະຫາວິທະຍາໄລແຫ່ງຊາດລາວ, ທັງຍັງມີດີກີເປັນນັກແຂ່ງລົດຈັກວິບາກລາວນໍາອີກ. ປະຈຸບັນ, ແມ່ນຕາມຫາອີກໜຶ່ງຄວາມຝັນກັບການຈະກ້າວເຂົ້າສູງວົງການນາຍແບບລາວ ກັບການໄດ້ຮ່ວມເປັນ 20 ຄົນສຸດທ້າຍຂອງ Mister international Laos 2019. ວາບ IG ຕິດຕາມທີ່ @Joey_Phasavath ອີກໜຶ່ງໜຸ່ມນ້ອຍ ທ້າວ ແມັກກີ້ ສິງຫາລາດ “ແມັກກີ້” ໝາກເລກ MR13, ໜຸ່ມນ້ອຍອາຍຸພຽງ 18 ປີ ເຊິ່ງຍັງເປັນ ໜຸ່ມທະນາຄານ ເອຊີລີດາ. ໜຸ່ມນ້ອຍໜ້າຕາດີ ອານາຄົດໄກ ທີ່ເປັນອີກໜຶ່ງໜຸ່ມທີ່ມີຄວາມຕັ້ງໃຈ ແລະ …

ປັດຈຸບັນອໍານາດການປົກຄອງແຂວງອັດຕະປື ໄດ້ເປັນເຈົ້າການຮີບຮ້ອນແຈກຍາຍເຄື່ອງບໍລິຈາກ ທີ່ໄດ້ຈາກພາກສ່ວນຕ່າງໆນໍາມາມອບ ເພື່ອໄປມອບໃຫ້ກັບປະຊາຊົນທີ່ໄດ້ຮັບຜົນກະທົບຈາກນໍ້າຖ້ວມໃນຕົ້ນເດືອນກັນຍາ 2019 ຜ່ານມາ. ໃນນັ້ນກໍໄດ້ມີການສໍາຫຼວດເກັບກໍາຄອບຄົວຜູ້ທີ່ໄດ້ຮັບຄວາມເສຍຫາຍໜັກ ແລະ ຂາດເຂີນກ່ອນໝູ່ເພື່ອໃຫ້ການຊ່ວຍເຫຼືອຢ່າງເລັ່ງດ່ວນ. ຂະນະດຽວກັນກໍຍັງສືບຕໍ່ເປີດຮັບບໍລິຈາກການຊ່ວຍເຫຼືອຕ່າງໆ. ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດຕະປື, ປະທານຄະນະກໍາມະການປ້ອງກັນ ແລະ ຄວບຄຸມໄພພິບັດໄດ້ໃຫ້ສໍາພາດໃນວັນທີ 2 ຕຸລາ 2019ວ່າ: ສະພາບເກີດອຸທົກ ກະໄພນໍ້າຖ້ວມຢູ່ແຂວງອັດຕະປື ແມ່ນໄດ້ສົ່ງຜົນກະທົບກວມເອົາ 5 ເມືອງ 89 ບ້ານ 15.164 ຄອບ ຄົວ. ມີເຮືອນຊານຂອງປະຊາຊົນໄດ້ຮັບຄວາມເສຍຫາຍຈໍານວນ 34 ຫຼັງ ແລະ ຖືກນໍ້າພັດໄຫຼ 12 ຫຼັງ ແລະ ມີຜູ້ເສຍຊີວິດ 4 ຄົນ ຢູ່ເມືອງສາມັກຄີໄຊ 1 ຄົນ, ຊານໄຊ 3 ຄົນ, ໃນນັ້ນພື້ນຖານໂຄງລ່າງເປັນຕົ້ນຖະໜົນຫົນທາງ, ໂຮງ ຮຽນ, ສາທາບລະນະສຸກ, ເນື້ອທີ່ການຜະລິດ ແລະ ສັດລ້ຽງ ຄາດຄະເນມູນຄ່າເສຍຫາຍທັງໝົດ 82 ຕື້ກວ່າກີບ ໃນນັ້ນມູນຄ່າຄວາມຕ້ອງການໃນການນໍາໄປຊ່ວຍເຫຼືອຟື້ນຟູຄັ້ງນີ້ປະມານ 52 ຕື້ກີບ. …

ຜູ້ຈັດງານແລ່ນຊູເປີມິນິມາຣາທອນ RUN FOR HER 2019 ເປີດເຜີຍ ຕອນນີ້ມີນັກແລ່ນສະໝັກເຂົ້າຮ່ວມແລ່ນແລ້ວກວ່າ 1,000 ຄົນ ເຊິ່ງງານດັ່ງກ່າວນີ້ຈະຈັດຂຶ້ນໃນວັນທີ 27 ຕຸລາ 2019 ນີ້ທີ່ນະຄອນຫຼວງວຽງຈັນ. ພິທີຖະແຫຼງຂ່າວງານແລ່ນ Run For Her 2019 ມີຂຶ້ນເມື່ອຕອນເຊົ້າຂອງວັນທີ 2 ຕຸລາ 2019 ນີ້ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍມີຜູ້ຈັດງານ, ຜູ້ສະໜັບສະໜຸນ, ນັກແລ່ນ ແລະ ສື່ມວນຊົນເຂົ້າຮ່ວມຮັບຟັງຂໍ້ມູນຕ່າງໆກ່ຽວກັບງານແລ່ນໃນຄັ້ງນີ້. Run For Her ຈັດຂຶ້ນໂດຍວາລະສານຂວັນໃຈອອນລາຍ ແລະ ສະມາຄົມນັກທຸລະກິດແມ່ຍິງລາວ ຮ່ວມກັບສະຫະພັນແລ່ນ-ລານແຫ່ງຊາດລາວ ໂດຍມີຈຸດປະສົງເພື່ອປູກຈິດສຳນຶກໃຫ້ຄົນໃນສັງຄົມເຫັນຄວາມສຳຄັນ ແລະ ຮ່ວມກັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ. ທັງນີ້ ງານດັ່ງກ່າວນີ້ເກີດຂຶ້ນຕໍ່ເນື່ອງຈາກງານ Bike For Her ເຊິ່ງເປັນງານປັ່ນລົດຖີບ ແຕ່ເນື່ອງຈາກທາງຜູ້ຈັດຕ້ອງການໃຫ້ຄົນທົ່ວໄປສາມາດເຂົ້າຮ່ວມກິດຈະກຳໄດ້ໂດຍໃຊ້ອຸປະກອນກີລາທີ່ໜ້ອຍທີ່ສຸດ ຈຶ່ງປ່ຽນຮູບແບບກາຍມາເປັນງານແລ່ນໃນປີນີ້, ທ່ານ ນາງ ເກດສະຫວັນ ປັນຍາທິບ ຮອງຜູ້ອຳນວຍການ ວາລະສານຂວັນໃຈ ອອນລາຍ ກ່າວ. ສຳລັບໄລຍະທາງໃນງານດັ່ງກ່າວນີ້ແບ່ງອອກເປັນ …

ໃນບໍ່ດົນມານີ້, ບໍລິສັດ ພູເບ້ຍ ມາຍນິງ ຈໍາກັດ ໄດ້ມອບເຄື່ອງວັດແທກ ຄຸນນະພາບນໍ້າ 2 ເຄື່ອງ ໃຫ້ແກ່ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງໄຊສົມບູນ ເພື່ອຊ່ວຍສະໜັບສະໜູນ ການຄຸ້ມຄອງຄຸນນະພາບນໍ້າ. ອຸປະກອນດັ່ງກ່າວ ມີມູນຄ່າຫລາຍກວ່າ 8.000 ໂດລາສະຫະລັດ ເຊິ່ງມອບໂດຍ ທ່ານ ປີເຕີ ເບລີສ ຜູ້ຈັດການຝ່າຍສິ່ງແວດລ້ອມ ແລະ ການປິດບໍ່ຂອງບໍລິສັດ ພູເບ້ຍ ມາຍນິງ ແລະ ກ່າວຮັບໂດຍ ທ່ານ ແສງປັນຍາ ລັດຕະນະວົງ ຫົວໜ້າພະແນກຊັບ ພະຍາກອນທໍາມະຊາດ ແລະ ສິ່ງແວດລ້ອມແຂວງໄຊສົມບູນ.       ເຄື່ອງວັດແທກຄຸນນະພາບນໍ້າກ່າວ ຈະຊ່ວຍເຮັດໃຫ້ແຂວງໄຊສົມບູນ ສາມາດຄຸ້ມຄອງຄຸນນະພາບນໍ້າທີ່ຢູ່ໃກ້ກັບ ໂຮງງານຂຸດຄົ້ນ-ປຸງແຕ່ງ ທອງ-ຄໍາ ພູຄໍາ ແລະ ໂຮງງານຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ໄດ້ຢ່າງຕໍ່ເນື່ອງ. ໃນຂະນະດຽວກັນ, ບໍລິສັດ ຍັງຈະໄດ້ສືບຕໍ່ສະໜັບສະໜູນ ດ້ານການຝຶກອົບຮົມຢ່າງຕໍ່ເນື່ອງ ແລະ ໃຫ້ການດູແລຮັກສາ ເຄື່ອງວັດແທກຄຸນນະພາບນໍ້າ ດັ່ງກ່າວເປັນເວລາ 1 ປີ. ໂອກາດດັ່ງກ່າວ, ທ່ານ ຈັນເພັງ ບຸນນະຜົນ ປະທານບໍລິສັດ …

ຂປລ. ຂປລ.ແຫລ່ງຂ່າວຈາກ ອົງການກອງທຶນອານຸລັກ ສັດປ່າໂລກ ໃຫ້ຮູ້ວ່າ: ໃນລະຫວ່າງວັນທີ 26-30 ສິງຫາ 2019 ທີ່ຊຽງແສນແຂວງຊຽງລາຍ ປະເທດໄທ, ເຈົ້າໜ້າທີ່ກວດກາປ່າໄມ້ ແລະ ກ່ຽວຂ້ອງກັບສັດນໍ້າ-ສັດປ່າ ຈາກປະເທດລາວ, ໄທ ແລະ ມຽນມາ ໄດ້ເຂົ້າຮ່ວມຝຶກອົບຮົມ ກ່ຽວກັບການການວາງແຜນ, ວິທີການ ແລະ ພັດທະນາທັກສະເສີມ ເພື່ອກຽມພ້ອມຂອງວຽກງານບັງຄັບໃຊ້ກົດໝາຍວ່າດ້ວຍສັດນໍ້າ-ສັດປ່າ ໃຫ້ມີຜົນໄດ້ຮັບທີ່ດີຂຶ້ນ. ປັດຈຸບັນ, ການຄ້າ-ຂາຍ ສັດນໍ້າ-ສັດປ່າ ທີ່ຜິດກົດໝາຍ ຖືວ່າເປັນວຽກໜຶ່ງອັນຮີບດ່ວນ ແລະຈໍາຕ້ອງໄດ້ຮັບການແກ້ໄຂຢ່າງຈິງຈັງໃນນັ້ນລວມເຖິງການຄ້າຂາຍສັດປ່າ ທັງພາຍໃນ ແລະ ຂ້າມຊາດ, ຊິ້ນສ່ວນ ຫລື ຜະລິດຕະພັນ ທີ່ເຮັດຈາກສັດປ່າທີ່ຫວງຫ້າມ ເຊິ່ງເປັນເຫດຜົນທີ່ຫລາຍພາກ ສ່ວນທັງພາກລັດ ແລະ ອົງການຈັດຕັ້ງສາກົນ ໄດ້ໃຫ້ຄວາມສໍາຄັນ ກ່ອນສັດປ່າຈະສູນພັນ ແລະ ກ່ອນຂະບວນອາຊະຍາກໍາສັດປ່າຂ້າມຊາດ ຈະມີການເຄື່ອນໄຫວຮ້າຍແຮງ ແລະ ເປັນວົງກວ້າງໄປກວ່ານີ້. ພາຍໃຕ້ກົດໝາຍຂອງ ສປປ ລາວ, ຫາກບຸກຄົນໃດມີການຊື້-ຂາຍ, ເປັນເຈົ້າຂອງ ຫລື ເກັບຮັກສາໄວ້, ຂ້າ ຫລື ປຸງແຕ່ງ, ນໍາເຂົ້າ-ສົ່ງອອກ, ສົ່ງອອກຄືນ ຫລື ນໍາຜ່ານ ສັດປ່າຫວງຫ້າມ ລວມທັງຊິ້ນສ່ວນ ແລະ ຜະລິດຕະພັນຂອງສັດປ່າດັ່ງກ່າວ ຈະຖືກລົງໂທດຕາມຄວາມເສຍຫາຍ ຂອງມູນຄ່າສິນຄ້າ, ເປັນມູນຄ່າປັບໄໝສູງ ຫລື ຖືກຕັດອິດສະລະພາບໄລຍະຍາວ. ປະເພດສັດປ່າທີ່ຫວງຫ້າມປະກອບດ້ວຍ ຜະລິດຕະພັນທີ່ເຮັດຈາກ ຊ້າງ, ເສືອ, ໝີ, ລິ່ນ, ກວາງ ແລະ ຊິ້ນສັດປ່າ ທີ່ຜິດກົດໝາຍ. ການກະທໍາດັ່ງກ່າວ ບໍ່ພຽງແຕ່ຈະຜິດກົດໝາຍ ແຕ່ຍັງເປັນເຫດຜົນຫລັກ ທີ່ສົ່ງຜົນກະທົບທີ່ນໍາໄປສູ່ການສູນພັນຂອງສັດປ່າຫວງຫ້າມອີກດ້ວຍ. ອົງການກອງທຶນອານຸລັກ …