ນາຍພົນອີຣານຄົນໃໝ່ຂູ່ລ້າງແຄ້ນສະຫະລັດ “ແບບລູກຜູ້ຊາຍ”
ຜູ້ນຳຄົນໃໝ່ແຫ່ງກອງກຳລັງກຸດສ໌ຂອງອີຣານ ຮັບຕຳແໜ່ງຢ່າງເປັນທາງການແທນອະດີດຜູ້ນຳຊຶ່ງຖືກສະຫະລັດສັງຫານຕົ້ນເດືອນມັງກອນ ພ້ອມປະກາດຈະລ້າງແຄ້ນສະຫະລັດ ດ້ວຍວິທີການແບບລູກຜູ້ຊາຍ. ຂະນະທີ່ ສະມາຊິກສະພາອີຣານປະກາດໃນສະພາວ່າ ຈະຈ່າຍເງິນລາງວັນ 3 ລ້ານໂດລາແກ່ຜູ້ທີ່ສັງຫານ ປະທານາທິບໍດີສະຫະລັດ ໄດ້. ພົນຈັດວາ ອິສມາອິລ ກາອານີ ບຸກຄົນທີ່ມີອິດທິພົນຕໍ່ກຸ່ມຕິດອາວຸດຊາວມຸດສະລິມນິກາຍຊີອະໃນຕາເວັນອອກກາງ, ອັບການິສະຖານ ແລະ ປາກີສະຖານ ໄດ້ຮັບການແຕ່ງຕັ້ງຂຶ້ນດຳລົງຕຳແໜ່ງຜູ້ບັນຊາການກອງກຳລັງກຸດສ໌ ໜ່ວຍຮົບທີ່ສຳຄັນຂອງກອງກຳລັງພິທັກການປະຕິວັດອິດສະລາມຂອງປະເທດອີຣານ ເມື່ອຕົ້ນອາທິດທີ່ຜ່ານມາ ໂດຍເວັບໄຊ Newsweek ສື່ຂອງສະຫະລັດ ລາຍງານວ່າ ທ່ານປະກາດຈະລ້າງແຄ້ນສະຫະລັດອາເມຣິກາທີ່ໃຊ້ໂດຣນຍິງສັງຫານພົນຕີ ກັດຊິມ ໂຊເລມານີ ອະດີດຜູ້ບັນຊາການກອງກຳລັງກຸດສ໌ ເມື່ອວັນທີ 3 ມັງກອນ 2020. ພົນຈັດຕະວາ ກາອານີ ລະບຸວ່າ ທ່ານຈະໃຊ້ວິທີການ ‘ຢ່າງລູກຜູ້ຊາຍ’ ຕອບໂຕ້ສະຫະລັດ ພ້ອມປະກາດລະບຸວ່າການທີ່ສະຫະລັດ ເລືອກໃຊ້ໂດຣນລອບສັງຫານອະດີດ ຜູ້ບັນຊາການ ໂຊເລມານີ ເປັນຍ້ອນບໍ່ກ້າປະເຊີນໜ້າ ແລະ ເປັນການກະທຳທີ່ຂີ້ຢ້ານ ທ່ານຈຶ່ງຮຽກຮ້ອງໃຫ້ກຸ່ມຕິດອາວຸດຄາທາອິບ ຮິສບັນເລາະ ແນວຮ່ວມຂອງກອງກຳລັງກຸດສ໌ ຍົກລະດັບການຕໍ່ສູ້ກອງທັບສະຫະລັດ ໃນຕາເວັນອອກກາງ. ຂະນະດຽວກັນ Aljazeera ລາຍງານວ່າ ‘ອາໝັດ ຮຳຊາ’ ສະມາຊິກສະພາຈາກເຂດຄານຸສ ບໍ່ໄກຈາກເມືອງເຄີມານ ຊຶ່ງເປັນບ້ານເກີດຂອງ ພົນຕີ …
