ກົມອຸຕຸ​ນິຍົມ​ ແລະ​ ອຸທົກ​ກະ​ສາດ​ ອອກແຈ້ງເຕືອນ ວັນທີ​ 30​ ທັນວາ​2020​ ໃຫ້ຮູ້ວ່າ: ລະຫວ່າງວັນທີ​ 31/12/2020-4​ ມັງກອນ​ 2021​ ອາກາດຈະໜາວເຢັນ​ໂດຍສະເລ່ຍອຸນຫະພູມແຕ່ລະພາກດັ່ງນີ້: – ພາກຕາເວັນອອກສຽງ​ເໜືອ​ -​1,2 ຫາ.​0,5  ໍC – ພາກຕາເວັນຕົກສຽງເໜືອ​ 3​ ຫາ​ 5​  ໍC – ພາກກາງ​ 6​ ຫາ​ 8​  ໍC – ພາກໃຕ້​ 12​ ຫາ​ 14​  ໍC –  ນະຄອນຫຼວງ​ວຽງຈັນ​ 8​ ຫາ​ 10​  ໍC ດັ່ງນັ້ນ,​ ຈຶ່ງຝາກເຕືອນເຖິງປະຊາຊົນໃຫ້ມີສະຕິ,​ ກຽມພ້ອມເຄື່ອງນຸ່ງຫົ່ມໃຫ້ຮ່າງກາຍອົບອຸ່ນ.

ອີງຕາມການລາຍງານຂອງ ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ມວນອາກາດໜາວເຢັນຈາກປະເທດຈີນໄດ້ມີກຳລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກສຽງເໜືອທີ່ມີກໍາລັງແຮງພັດປົກຄຸມເປັນສ່ວນໃຫຍ່. ຊຶ່ງຈະເຮັດໃຫ້ອຸນຫະພູມອາກາດໜາວເຢັນລົງ 2 ຫາ 4 ອົງສາ ຢູ່ເຂດພູສູງ,​ ພູດອຍ ແລະ ຮ່ອມພູ ເຊັ່ນ: ບັນດາແຂວງ ພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນອາກາດຈະໜາວເຢັນຫຼາຍໃນໄລຍະວັນທີ 21 ຫາ 24 ທັນວາ2020. ດັ່ງນັ້ນ,ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ,​ ຈົ່ງມີສະຕິກຽມພ້ອມຮັບມືກັບສະພາບການປ່ຽນແປງຂອງອຸນຫະພູມ, ອາກາດໜາວເຢັນຫຼາຍ, ຊຶ່ງອາດຈະມີຜົນກະທົບຕໍ່ສຸຂະພາບໂດຍສະເພາະແມ່ນເດັກນ້ອຍ ແລະ ຜູ້ເຖົ້າ ຂໍໃຫ້ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໜີ, ພ້ອມທັງໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ເປັນປະຈຳ.

ວັນທີ​ 14​ ທັນວາ​ 2020​ກົມອຸຕຸນິຍົມ ແລະ ອຸທົກກະສາດ ມີຄຳເຕືອນເຝົ້າລະວັງມວນອາກາດໜາວເຢັນຈາກປະເທດຈີນໄດ້ມີກຳລັງແຮງເພີ່ມຂຶ້ນ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນອອກສຽງເໜືອທີ່ມີກໍາລັງແຮງພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ອຸນຫະພູມອາກາດໜາວເຢັນລົງ 1 ຫາ 3 ອົງສາ ຢູ່ແຂວງ ພາກເໜືອ ພ້ອມມີໝອກໜາປົກຫຸ້ມຢູ່ທົ່ວໄປ ໃນຕອນກາງຄືນ ຫາ ຕອນເຊົ້າ,​ ໂດຍສະເພາະຢູ່ເຂດພູດອຍ ບັນດາແຂວງ ພາກເໜືອ, ແຂວງ ໄຊສົມບູນ ແລະ ເຂດພູພຽງບໍລະເວນ ອາກາດຈະໜາວເຢັນຫຼາຍໃນວັນທີ 16 ຫາ 20 ທັນວາ 2020. ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ ຈົ່ງມີສະຕິກຽມພ້ອມຮັບມືກັບສະພາບການປ່ຽນແປງຂອງອຸນຫະພູມ, ອາກາດໜາວເຢັນຫຼາຍ ເຊິ່ງອາດຈະມີຜົນກະທົບຕໍ່ສຸຂະພາບ ໂດຍສະເພາະແມ່ນເດັກນ້ອຍ ແລະ ຜູ້ເຖົ້າຂໍໃຫ້ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໜີ. ທີ່ມາ:ກົມອຸຕຸ​ນິຍົມ​ ແລະ​ອຸທົກກະສາດ

ກະຊວງ​ ພະລັງງານ​ ແລະ ບໍ່ແຮ່​ ອອກແຈ້ງເຕືອນ ໃຫ້ເຂື່ອນໄຟຟ້າ​ ຢູ່ພາກກາງ ແລະ ພາກໃຕ້ ຂອງລາວ​ ກະກຽມຮັບມື ກໍລະນີ​ສຸກເສີນ​ຈາກພະຍຸ ( GONI) ກະຊວງ​ ພະລັງງານ​ ແລະ ບໍ່ແຮ່​ ອອກແຈ້ງເຕືອນ ໃຫ້ເຂື່ອນ ໄຟຟ້າ​ ຢູ່ພາກກາງແລະພາກໃຕ້ ຂອງລາວ​ ກະກຽມຮັບມື ກໍລະນີ​ສຸກເສີນ​ຈາກພະຍຸ ( GONI)​ ທີ່ຈະພັດຜ່ານປະເທດລາວໃນລະຫວ່າງວັນທີ 5-6​ ພະຈິກນີ້ ກົມອຸຕຸນິຍົມ ແລະ ອຸທົກກະສາດ​ກະຊວງ​ຊັບພະຍາກອນທຳມະຊາດ​ ແລະ ສິ່ງແວດລ້ອມກໍໄດ້ອອກແຈ້ງເຕືອນໄພພະຍຸຫມູນເຂດຮ້ອນ(Goni)​ ຈະພັດຜ່ານ ພາກກາງ ແລະພາກໃຕ້ຂອງລາວ ໃນລະຫວ່າງວັນທີ 5-6 ພະຈິກນີ້ເຊັ່ນດຽວກັນ

ພາຍຸໄຕ້ຝຸ່ນ ໂຊເດວ (TY Saudel) ຫົວທີ່ 17 ປະຈຳປີ 2020 ປະຈຸບັນກໍາລັງເຄື່ອນທີ່ຢູ່ເຂດທະເລຈີນໃຕ້ຕອນກາງ, ຊຶ່ງໃນເວລາ 07 ໂມງ 30 ນາທີ ຂອງວັນທີ 23 ຕຸລາ 2020 ມີຈຸດສູນກາງຢູ່ເສັ້ນຂະໜານທີ່ 17.5 ອົງສາເໜືອ ແລະ ເສັ້ນແວງທີ່ 115.3 ອົງສາຕາເວັນອອກ ພວມເຄື່ອນທີ່ມາທາງທິດຕາເວັນຕົກ-ຕາເວັນຕົກສຽງເໜືອ ຢ່າງຊ້າໆ. ຄາດຄະເນວ່າຈະເຄື່ອນຂຶ້ນຝັ່ງທາງພາກກາງຂອງ ສສ ຫວຽດນາມ ແລະ ສືບຕໍ່ຜ່ານເຂົ້າແຂວງພາກໃຕ້ ຫາ ພາກກາງ ຂອງປະເທດລາວ ໃນໄລຍະວັນທີ 25 ຫາ 26 ຕຸລາ 2020 ນີ້, ຊຶ່ງຈະເຮັດໃຫ້ມີຝົນຕົກໃນລະດັບປານກາງ ຫາ ຕົກໜັກ ພ້ອມມີລົມພັດແຮງຢູ່ບັນດາແຂວງພາກກາງ ແລະ ພາກໃຕ້ ໃນໄລຍະວັນທີ 25 ຫາ 27 ຕຸລາ 2020 ນີ້. ແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທ້ອງຖິ່ນ ທຸກພາກສ່ວນທີ່ອາໄສຢູ່ແຂວງ ພາກ …

ພາຍຸ ມໍລະສຸມເຂດຮ້ອນ (Tropical storm) Saudel ໄດ້ຖືກຍົກລະດັບຄວາມຮຸນແຮງຂຶ້ນເປັນ ພາຍຸໄຕ້ຝຸ່ນ (Typhoon) ໂດຍສໍານັກງານ ອຸຕຸນິຍົມວິທະຍາ ຂອງປະເທດຍີ່ປຸ່ນ (Japan Meteorological Agency (JMA) ໃນຕອນເຊົ້າຂອງວັນທີ 22/10/2020 ຖືເປັນພາຍຸ ລູກທີ 7 ໃນປີ 2020 ທີ່ເກີດຂຶ້ນ ໃນມະຫາສະມຸດປາຊີຟິກ ດ້ານຕາເວັນຕົກ ! ພາຍຸໄຕ້ຝຸ່ນດັ່ງກ່າວ ກໍາລັງມຸ່ງໜ້າເຂົ້າສູ່ ພາກກາງ ຂອງ ສສ ຫວຽດນາມ 🇻🇳 ແລະ ສປປ ລາວ 🇱🇦 ຄາດວ່າ ຈະກໍ່ໃຫ້ເກີດຝົນຕົກໜັກ, ລົມແຮງ ແລະ ນໍ້າຖ້ວມ ເປັນບໍລິເວນກ້ວາງ ໃນລະຫວ່າງວັນທີ 25-26/10/2020 ນີ້. ຂໍໃຫ້ທຸກຄົນຈົ່ງລະມັດລະວັງ !!! #PrayforLaos #PrayforVietnam  

ກົມອຸຕຸນິຍົມ​ ແລະ​ ອຸທົກກະສາດພະຍາກອນອາກາດປະຈຳວັນທີ 18/10/2020​ ໃຫ້ຮູ້ວ່າ:ຄວາມກົດດັນອາກາດສູງຈາກປະເທດຈີນຍັງຈະສືບຕໍ່ລົງມາປົກຄຸມຢູ່ເຂດພາກເໜືອຂອງປະເທດລາວດ້ວຍກໍາລັງອ່ອນ.​ ສ່ວນພາກກາງ ແລະ ພາກໃຕ້ຮ່ອງຄວາມກົດດັນອາກາດຕໍ່ໄດ້ພາດຜ່ານ, ສົມທົບກັບກະແສລົມຕາເວັນອອກ-ຕາເວັນອອກສຽງເໜືອມີກຳລັງປານກາງຫາແຮງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດເຢັນໃນຕອນເຊົ້າຢູ່ທົ່ວໄປ ແລະ ຍັງຈະມີຝົນຕົກໃນລະດັບຄ່ອຍຢູ່ໃນແຕ່ລະພາກ ແລະ ຕົກໃນລະດັບປານກາງ ຫາ ຕົກໜັກ ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.​ ແຈ້ງເຕືອນລະດັບແມ່ນ້ຳສາຂາ ແກ້ງກອກ (ເຊຈຳພອນ),ແມ່ນໄດ້ສູງກ່ວາເຂດລະວັງໄພ, ແກ້ງໂດນ (ເຊບັ້ງຫຽງ) , ເຊໂປນ (ເຊບັ້ງຫຽງ) ແລະ ລະຫານ້ຳ (ເຊບັ້ງຫຽງ) ແຂວງ ສະຫວັນນະເຂດ ແມ່ນຍັງສູງກ່ວາເຂດອັນຕະລາຍ.​ ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນທີ່ອາໄສຢູ່ເຂດແຂວງດັ່ງກ່ວາ. ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ມີ ນໍ້າຖ້ວມຊູ, ດິນເຈື່ອນ ແລະ ນ້ຳຖ້ວມອັ່ງ. ພ້ອມໃຫ້ຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ.

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 5-11 ຕຸລາ 2020 ວ່າ: ໃນໄລຍະວັນທີ 5 ຫາ 8 ຕຸລາ ບໍລິເວນຄວາມກົດດັນອາກາດສູງຈາກປະເທດຈີນ ຈະແຜ່ລົງມາປົກຄຸມເຂດພາກເໜືອ ແລະ ພາກກາງຂອງປະເທດລາວ, ພ້ອມດຽວກັນ ຮ່ອງຄວາມກົດດັນອາກາດຕໍ່າຈະພາດຜ່ານເຂດພາກໃຕ້ ສົມທົບກັບກະແສລົມຕາເວັນອອກ-ຕາເວັນອອກສ່ຽງໃຕ້ພັດປົກຄຸມ ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ໜັກຢູ່ບາງທ້ອງຖິ່ນ. ຈາກນັ້ນໃນໄລຍະວັນທີ 9-11 ຕຸລາ 2020 ຄວາມກົດດັນອາກາດຕໍ່າຈະກໍ່ຕົວຢູ່ເຂດທະເລຈີນໃຕ້ຕອນກາງ ແລະ ຈະເພີ່ມກໍາລັງແຮງຂຶ້ນຕາມລໍາດັບ ແລະ ມີຄວາມເປັນໄປໄດ້ຈະກາຍເປັນພາຍຸໝູນເຂດຮ້ອນ ປົກຄຸມເຂດພາກໃຕ້ຂອງປະເທດລາວ ຊຶ່ງຈະເຮັດໃຫ້ມີຝົນຕົກໃນລະດັບປານກາງ ຫາ ໜັກ ພ້ອມມີລົມພັດແຮງໃນເຂດພາກກາງ ແລະ ພາກໃຕ້. ເຕືອນ ວັນທີ 9-11 ຕຸລາຈະມີຝົນຕົກໃນລະດັບປານກາງ ຫາ ໜັກ ພ້ອມມີລົມພັດແຮງໃນເຂດພາກກາງ ແລະ ພາກໃຕ້. ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າໃນເຂດດັ່ງກ່າວໃຫ້ມີສະຕິຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ມີນ້ຳຖ້ວມຊູ ແລະ ນ້ຳຖ້ວມອັ່ງ.

ກົມອຸຕຸນິຍົມ ແລະ ອຸທົກກະສາດ ໄດ້ຄາດຄະເນສະພາບອາກາດ ໃນໄລຍະວັນທີ 21 ຫາ 27 ກັນຍາ 2020 ວ່າ: ໃນໄລຍະວັນທີ 21 ຫາ 22 ກັນຍາ 2020 ຮ່ອງຄວາມກົດດັນອາກາດຕ່ໍາຈະພາດຜ່ານຢູ່ແຂວງພາກເໜືອດ້ານຕາເວັນຕົກ ແລະ ພາກກາງຂອງປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບປານກາງຢູ່ບາງທ້ອງຖິ່ນໃນແຕ່ລະພາກ ຈາກນັ້ນວັນທີ 23 ຫາ 27 ກັນຍາ 2020 ຄວາມກົດດັນອາກາດສູງທີ່ປະເທດຈີນຈະແຜ່ລົງມາປົກຄຸມຢູ່ແຂວງເຫນືອຂອງປະເທດລາວ, ສ່ວນພາກກາງ ແລະ ພາກໃຕ້ປົກຄຸມດ້ວຍຄວາມກົດດັນອາກາດຕໍ່າ, ຊຶ່ງລັກສະນະເຊັ່ນນີ້ຈະເຮັດໃຫ້ອາກາດເຢັນໃນຕອນເຊົ້າຢູ່ແຂວງພາກເໜືອ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍໃນແຕ່ລະພາກ ແລະ ຕົກປານກາງ ຫາຕົກຫນັກຢູ່ບາງທ້ອງຖິ່ນ ແຂວງພາກເໜືອດ້ານຕາເວັນຕົກ ແລະ ພາກໃຕ້ ພ້ອມມີລົມພັດແຮງເປັນບາງໂອກາດ.

ກົມອຸຕຸແຈ້ງເຕືອນມື້ນີ້ 17/09/2020 ເປັນການເພີ່ມເຕີມກ່ຽວກັບພາຍຸໝູນເຂດຮ້ອນ ໂນອຶນ (Noul) ຫົວທີ 11 ປະຈຳປີ 2020 ຊຶ່ງໃນເວລາ 7 ໂມງ 50 ນາທີ ຂອງວັນທີ 17 ກັນຍາ 2020 ມີຈຸດສູນກາງຢູ່ເສັ້ນຂະໜານທີ 14.4 ອົງສາເໜືອ ແລະ ເສັ້ນແວງທີ 114.0 ອົງສາຕາເວັນອອກ ພວມເຄື່ອນທີ່ມາທາງທິດຕາເວັນຕົກ- ຕາເວັນຕົກສຽງເໜືອ ດ້ວຍຄວາມໄວ 15 ກິໂລແມັດຕໍ່ຊົ່ວໂມງ. ຄາດຄະເນວ່າ ພາຍຸຫົວນີ້ຈະຂຶ້ນພາກກາງຂອງ ສສ ຫວຽດນາມໃນຕອນຄໍ່າຂອງວັນທີ 17 ກັນຍາ ແລະ ຈະສືບຕໍ່ເຄື່ອນທີ່ຜ່ານແຂວງພາກໃຕ້ ຂຶ້ນໄປພາກກາງ ແລະ ພາກເໜືອ ເຊັ່ນ: ອັດຕະປື, ເຊກອງ, ຈໍາປາສັກ, ສາລະວັນ, ສະຫວັນນະເຂດ, ຄຳມ່ວນ ແລະ ບໍລິຄໍາໄຊ, ແຂວງ ວຽງຈັນ, ໄຊສົມບູນ ນະຄອນຫຼວງວຽງຈັນ, ໄຊຍະບູລີ ແລະ ຫຼວງພະບາງ ໃນວັນທີ 18 ຫາ …