ວັນທີ​ 22.9.2021 ເຫດການລົດປີ້ນຕົກເຫວ ເສັ້ນທາງແຕ່ຊຳເໜືອ-ຊຽງຂວາງ ເປັນລົດຂອງເຈົ້າໜ້າທີ່ພາກລັດກຳລັງເດີນທາງກັບຈາກການໄປປະຕິບັດໜ້າທີ່ ສູ່ນະຄອນຫຼວງວຽງຈັນ ພໍຮອດເຂດນໍ້າເນີນ ໄດ້ເກີດອຸບັດຕິເຫດ ມີຜູ້ເສຍຊີວິດຄາທີ່ 3 ຄົນ. ຂໍສະແດງຄວາມເສຍໃຈນໍາຄອບຄົວຜູ້ເສຍຊີວິດ ແລະ ຂໍໃຫ້ດວງວີນຍານຂອງທັງ 3 ຄົນ ຈົ່ງໄປສູ່ສຸຄະຕິເທີ້ນ. ທີ່ມາ: ສື່ເພື່ອສັງຄົມ All​ in​ All

ຜູ້ໃຊ້ເຟສບຸກທ່ານໜຶ່ງໂພສວັນທີ 16​ ກັນຍາ​ 2021​ ນີ້ວ່າ: ເຫດເກີດທີ່ບ້ານໜອງພະຍາ ຮ່ອມ1 ເມືອງໄຊທານີ​ ພຽງແຕ່ 25 ນາທີ ເຫັນລົດຈັກລົ້ມ 7 ຄັນ! ສະນັ້ນຈຶ່ງບໍ່ແປກທີ່ເຫັນລົດລົ້ມມື້ໜຶ່ງບໍ່ຕໍ່າກວ່າ​ 20​ ຄັນ.​ ຄຶດວ່າ​ ການສ້ອມແປງທາງເພື່ອໃຫ້ການສັນຈອນສະດວກສະບາຍຂຶ້ນນັ້ນເປັນເລື່ອງດີ. ແຕ່ຖ້າສ້ອມແປງແບບບໍ່ໄດ້ມາດຕະຖານແລ້ວເຮັດໃຫ້ເກີດອຸບັດຕິເຫດ(ລົດຈັກລົ້ມ)ບໍ່ຕໍ່າກວ່າ20ຄັ້ງຕໍ່ມື້ ກໍຄວນຈະພິຈາລະນາຄືນໃໝ່ ເພາະວ່າມັນສ້າງຄວາມເສຍຫາຍທາງດ້ານຊັບສິນ, ຮ່າງກາຍແລະຈິດໃຈຫຼາຍ. ບາງຄົນເປັນລູກຈ້າງເຂົາ ເຖິງວ່າຈະໄດ້ຮັບບາດເຈັບພຽງໃດກໍຍັງຕ້ອງຈຳໃຈກັບໄປອາບນໍ້າຢູ່ເຮືອນ ປ່ຽນເຄື່ອງນຸ່ງ ກິນຢາປາຣາໃສ່ສອງເມັດແລ້ວຮີບຟ້າວໄປເຮັດວຽກ. ວານນີ້ຄົນສົ່ງອາຫານຟຸດແພນດາລົ້ມຈົນອາຫານກິ້ງຊະຕາມທາງ ແລ້ວໃຜຈະທົດແທນຄ່າອາຫານໃຫ້ລາວ (ຍັງບໍ່ນັບເຄື່ອງນຸ່ງຂາດແລະການເຈັບປວດຈາກບາດແຜ). ມື້ນີ້ແມ່ບ້ານຄົນໜຶ່ງລົ້ມຍ້ອນມີຜູ້ລົ້ມຢູ່ທາງໜ້າລາວແບບກະທັນຫັນ ຈົນເຮັດໃຫ້ໂທລະສັບ(ທີ່ຫາກໍຊື້ໄດ້ເດືອນປາຍ)ແຕກ ໂຄມໄຟແລະເຄື່ອງອຸປະກອນຂາຍເລກອອນລາຍກໍແຕກ ລົດຈັກກໍເພ…(ຜູ້ທີ່ເອົາດິນມື່ນມາຖົມທາງບໍ່ຮູ້ບໍ່ເຫັນແລະບໍ່ມາຮັບຜິດຊອບຊ່ວຍເລີຍ…)ມື້ນີ້ກໍມີຄົນເຈ່ຍລູກນ້ອຍຊ້ອນລົດຜົວພາກັນລົ້ມ ແຕ່ເປັນຈັ່ງບຸນ ບໍ່ໄດ້ຮັບບາດເຈັບ (ພຽງແຕ່ສາຍເກີບແຕະເມຍຫຼຸດ). ເຫັນສະພາບແລ້ວໜ້າຕົກໃຈ ທີ່ມາ: ສົມບູນ​ ມາສຸວັນ  

ເວລາປະມານ 12 ໂມງກາງຄືນ ວັນທີ 11 ກັນຍາ 2021ໄດ້ມີລົດເສຍຫຼັກປິ້ນຢູ່ພູ 9 ຫຼັກ. ຈຸດເກີດເຫດແມ່ນ ເຂດເມືອງກາສີ ແຂວງວຽງຈັນ. ມີຜູ້ໄດ້ຮັບເຈັບ 21 ຄົນ. ຂອບໃຈ ທີມງານບໍລິສັດຂົນສົ່ງມີໄຊ (ມີນໍ້າໃຈ ນຳສົ່ງຜູ້ບາດເຈັບໄປໂຮງໝໍເມືອງກາສີ) ຂໍ້ມູນຈາກ ກູ້ໄພ ກາແດງ ຫຼວງພະບາງ ໃຫ້ຮູ້ວ່າ ໃນວັນທີ່ 11 ກັນຍາ 2021 ເວລາ 01:30ນາທີ ໄດ້ຮັບແຈ້ງຈາກປະຊາຊົນຜ່ານເບີ 071 1625 ວ່າມີອຸບັດຕິເຫດຂັບຂີ່ລົດໃຫຍ່ເສຍຫຼັກລົງຂ້າງທາງເຂດ ພູເກົ້າຫລັກ ຂົວນ້ຳປ່ອງໃຫຍ່ ເມືອງກາສີ ແຂວງວຽງຈັນ “. ເມື່ອໜ່ວຍກູ້ຊີບອົງການກາແດງລາວກວດສອບພົບຜູ້ບາດເຈັບທັງໝົດ 21 ຄົນ, ຍິງ 11 ຄົນໃນນັ້ນມີເດັກນ້ອຍ 12 ຄົນ, ຍິງ 7 ຄົນ.

ອີງຕາມການລາຍງານເຫດການສົດຂອງໜ່ວຍງານກູ້ໄພ 1623​ ໃຫ້ຮູ້ວ່າ: ເວລາ​ ປະມານ​ 22​ ໂມງ​ ຂອງວັນທີ​ 12​ ສິງຫາ​ 2021​ ນີ້​ ມີອຸບັດເຫດເກີດຂຶ້ນ​ ຄືລົດກະບະຂີ່ໄປຕຳກົ້ນລົດບັນທຸກ ທີ່ທາງດ່ວນ​ ນະຄອນຫຼວງວຽງຈັນ-ວັງວຽງ​ ຫ່າງຈຸດສີເກີດປະມານ 3km. ຍ້ອນສະພາບຝົນຕົກເຮັດໃຫ້ລົດບັນທຸກຜ່ອນຄວາມໄວ ແລະ​ ເຂົ້າຂອກທາງ ແຕ່ຍ້ອນລົດກະບະຂີ່ໄວຈຶ່ງໄປຕຳເອົາ ສົ່ງຜົນໃຫ້ຜູ້ຂັບລົດກະບະ​ ໄດ້ຮັບບາດເຈັບທີ່ຂາ,​ ແຕ່ບໍ່ມີຜູ້ເສຍຊີວິດ ສ່ວນລົດກະບະແມ່ນໄດ້ຮັບຄວາມເສຍຫາຍສົມຄວນ. ເບິ່ງຄລິບຕົ້ນສະບັບ

ອີງຕາມຂ່າວເພຈທາງດ່ວນນະຄອນຫຼວງວຽງຈັນ-ວັງວຽງ​ໂພສວ່າ: ວັນທີ 8 ສິງຫາ 2021 ຕອນຄໍ່າເວລາ 18:40  ມີລົດເກັງຄັນໜຶ່ງໄດ້ເກີດອຸບັດເຫດລະຫວ່າງສະຖານີນຳ້ງື່ມ-ສະຖານີຫີນເຫີບ ຈຸດກິໂລແມັດທີ K83, ສາເຫດເບື້ອງຕົ້ນຄາດຄະເນຂັບຂີ່ຍານພາຫະນະດ້ວຍຄວາມໄວສູງ​ເສຍຫຼັກອອກນອກເສັ້ນທາງ. ເຮັດໃຫ້ມີຄົນເສຍຊິວິດ 1ຄົນ (ເສຍຊິວິດກັບທີ່) ແລະ ຮັບບາດເຈັບ 2ຄົນ, ຜູ້ຮັບບາດເຈັບ 2ຄົນ ແມ່ນໄດ້ນຳສົ່ງເຖິງໂຮງໝໍແລ້ວ. ສະແດງຄວາມເສຍໃຈກັບຄອບຄົວຜູ້ເສຍຊີວິດມານະທີ່ນີ້ດ້ວຍ.​

ວັນທີ 10 ມີຖຸນາ 2021 ຢູ່ຈຸດກິໂລແມັດທີ K23 ຂອງທາງດ່ວນວຽງຈັນ-ວັງວຽງ  ທິດທາງວັງວຽງ ໄປຫາ ນະຄອນຫຼວງວຽງຈັນ ເກີດເຫດລົດຄັນໜຶ່ງໄດ້ປິ້ນລົງທາງດ່ວນ, ໂຊກດີທີ່ບໍ່ມີຄົນໄດ້ຮັບບາດເຈັບ. ພາຍຫຼັງທີ່ພະນັກງານຄຸ້ມຄອງທາງດ່ວນ ນະຄອນຫຼວງວຽງຈັນ – ວັງວຽງ ໄດ້ຮັບແຈ້ງເຫດດັ່ງກ່າວກໍ່ໄດ້ລົງໄປຊ່ວຍເຫຼືອຢູ່ສະຖານທີ່ເກີດເຫດທັນທີ່.

ທ່ານ ພັນໂທ ບຸນສົງ ຈັນທະວົງສັກ ຫົວໜ້າຫ້ອງຕຳຫຼວດກຳລັງກອງບັນຊາການປ້ອງກັນຄວາມສະຫງົບແຂວງຈຳປາສັກໃຫ້ສຳພາດໃນຕອນເຊົ້າຂອງວັນທີ 15 ເມສາ 2021 ນີ້ວ່ານັບແຕ່ວັນທີ 13 – 14 ເມສາ ນີ້ເຊິ່ງເປັນໄລຍະຫຼຶ້ນບຸນປີໃໝ່ລາວ ພສ 2564 ເຫັນວ່າມີອຸບັດເຫດເກີດຂຶ້ນຫຼາຍສົມຄວນຄືເກີດຂຶ້ນ 18 ລາຍ ໃນນັ້ນຄົນໄດ້ຮັບບາດເຈັບເລັກນ້ອຍ 16 ຄົນ, ເຈັບສົມຄວນ 18 ຄົນ ຍິງ2ຄົນ, ເຈັບສາຫັດ 3 ຄົນ ແລະ ເສຍຊີວິດ 4 ຄົນ. ເມືອງມີອຸບັດເຫດເກີດຂຶ້ນຫຼາຍກວ່າໝູ່ແມ່ນເມືອງໂພນທອງ 5 ລາຍແຕ່ບໍ່ມີຜູ້ເສຍຊີວິດ, ຮອງລົງມາເມືອງບາຈຽງຈະເລີນສຸກ 2 ລາຍເສຍຊີວິດ 1 ຄົນ ແລະ ເມືອງປາກຊ່ອງ 2 ລາຍ ເສຍຊີວິດ 2 ຄົນ, ເມືອງຈຳ​ປາສັກ ມີ​ 1​ ລາຍ​ ເສຍຊີວິດ​ 1​ຄົນ,​ມີພາຫະນະເປ້ເພເລັກນ້ອຍ 20 ຄັນ, ເປ້ເພສົມຄວນ 11 ຄັນ ແລະ …

ໃນວັນທີ 12 ເມສາ 2021 ໄດ້ເກີດອຸປະຕິເຫດຢູ່ລະຫວ່າງຊ່ວງທາງສະຖານີນ້ຳງື່ມໄປຫາສະຖານີຫີນເຫີບ, ສາເຫດຂອງການເກີດອຸປະຕິເຫດໃນຄັ້ງນີ້ແມ່ນເນື່ອງມາຈາກຜູ້ຂັບຂີ່ມີອາການອິດເມື່ອຍ, ປະກອບກັບການຂັບລົດໄວເກີນກຳນົດ ແລະ ບັນທຸກຜູ້ໂດຍສານເກີນມາດຕະຖານ, ຈຶ່ງເຮັດໃຫ້ລົດເສຍການຄວບຄຸມຕຳເຂົ້າກັບຮົ້ວກັ້ນຂອງທາງດ່ວນ, ອຸປະຕິເຫດຄັ້ງນີ້ແມ່ນບໍ່ມີຜູ້ໄດ້ຮັບບາດເຈັບ. ນອກນັ້ນ, ຜູ້ໂດຍສານນັ່ງມາ 6 ຄົນເຊິ່ງເກີນກວ່າທີ່ມາດຕະຖານກຳນົດ.

ວັນທີ​ 10 ເມສາ​ 2021​ ເວລາ​ປະມານ 20:30​ ນາທີ​ ເກີດອຸບັດເຫດທາງດ່ວນ ວຽງຈັນ-ວັງວຽງ, ລະຫວ່າງສະຖານີ ບ້ານບົວ-ນາຊອນ ຈຸດກິໂລແມັດທີ （K10+000). ລົດເກັງຄັນສີແດງໄດ້ຕໍາເອົາທ້າຍລົດປະເພດSUV , ພ້ອມກັນນັ້ນລົດເກັງຄັນສີແດງຍັງໄດ້ໄປຕໍາເຂົ້າກັບຮົ້ວກັ້ນຂອງທາງດ່ວນອີກ, ເຮັດໃຫ້ມີຜູ້ໄດ້ຮັບບາດເຈັບພຽງເລັກໜ້ອຍຈຳນວນ 1 ຄົນ. ຜູ້ກ່ຽວໄດ້ຂັລົດດ້ວຍຄວາມໄວປະມານ 160 ກິໂລແມັດຕໍ່ຊົ່ວໂມງ, ໃນຂະນະທີ່ຈະເກີດເຫດຜູ້ກ່ຽວຕ້ອງການຫຼີກເວັ້ນລົດຄັນອື່ນ, ຈຶ່ງໄດ້ຫັກຫຼີກລົດຢ່າງກະທັນຫັນ ແລະ ດ້ວຍການຂັບຂີ່ທີ່ໄວຈຶ່ງບໍ່ສາມາດຄວບຄຸມລົດໄດ້, ເຮັດໃຫ້ລົດໄປຕໍາເອົາທ້າຍລົດປະເພດSUV ທີ່ຂັບມາໂດຍປົກກະຕິ. ນອກຈາກນັ້ນຜູ້ຂັບຂີ່ຍັງໄດ້ສວມໃສ່ເກີບແຕະທີ່ເຮັດໃຫ້ຂັບຂີ່ບໍ່ສະດວກ ແລະ ໃນລົດເກັງຄັນສີແດງກໍຍັງມີການບັນທຸກທີ່ເກີນກຳນົດ ເຊິ່ງມີຜູ້ໂດຍສານທັງໝົດຈໍານວນ 9 ຄົນ, ໃນນັ້ນມີເດັກນ້ອຍອີກຈໍານວນ 3 ຄົນ. ບໍລິສັດທາງດ່ວນ ວຽງຈັນ-ວັງວຽງ ຂໍເຕືອນມາຍັງນັກຂັບຂີ່ທຸກທ່ານ, ອຸປະຕິເຫດຄັ້ງນີ້ເຮັດໃຫ້ພວກເຮົາຮຽນຮູ້ວ່າ: 1​ ຫ້າມໃຊ້ຄວາມໄວເກີນກຳນົດໃນການຂັບຂີ່ເທິງທາງດ່ວນ 2. ​ເພື່ອຄວາມປອດໄພຂອງຜູ້ຂັບຂີ່ ແລະ ຜູ່ໂດຍສານ, ກະລຸນາບໍ່ສວມໃສ່ເກີບແຕະທີ່ເຮັດໃຫ້ຂັບລົດບໍ່ສະດວກ. 3. ຫ້າມບໍ່ໃຫ້ມີຜູ້ໂດຍສານເກີນກຳນົດ.

ໃນວັນທີ​ 9​ ເມສາ​ 2021​ ເວລາ​ປະມານ 19:52​ ນາທີ ໄດ້ເກີດອຸບັດເຫດຢູ່ເທິງທາງດ່ວນວຽງຈັນ-ວັງວຽງ, ລະຫວ່າງສະຖານີນະຄອນຫຼວງ-ບ້ານບົວ ມີລົດເກັງສີຂາວຄັນໜຶ່ງໄດ້ປະສົບອຸປະຕິເຫດຕຳເຂົ້າກັບຮົ້ວກັ້ນຂອງສະຖານີເກັບເງິນນາຊອນ, ໃກ້ກັບຈຸດກິໂລແມັດທີ K11+730 ໂຊກດີບໍ່ມີຜູ້ໄດ້ຮັບບາດເຈັບ ແຕ່ລົດໄດ້ຮັບຄວາມເສຍຫາຍຫລາຍສົມຄວນ. ພາຍຫລັງເກີດເຫດ ຕຳຫຼວດຈະລາຈອນ ແລະ​ ພະນັກງານບໍລິຫານຄຸ້ມຄອງທາງດ່ວນໄດ້ໄປກວດສອບຈຸດເກີດເຫດ ເບື່ອງຕົ້ນຮູ້ວ່າສາເຫດພາໃຫ້ເກີດອຸປະຕິເຫດຄັ້ງນີ້ແມ່ນອີງຕາມການໃຫ້ການຂອງຜູ້ຂັບຂີ່ສາລະພາບວ່າໄດ້ດື່ມສິ່ງມຶນເມົາແລ້ວຂັບລົດ.