ລັດຖະບານ ສປປ ລາວ ຮ່ວມກັບ ລັດຖະບານລຸກຊຳບວກ ໂດຍຜ່ານ ອົງການ ສະຫະປະຊາຊາດ ເພື່ອການພັດທະນາ ປະຈຳ ສປປ ລາວ (UNDP) ສ້າງຄວາມເຂັ້ມແຂງ ໃນການຟື້ນຟູຫຼັງໄພພິບັດ ໃຫ້ແກ່ຊຸມຊົນໃນການຮັບມືກັບໄພພິບັດ ເຊິ່ງຈັດຕັ້ງປະຕິບັດຢູ່ ສອງແຂວງ ຄື: ແຂວງບໍລິຄຳໄຊ ແລະ ແຂວງສາລະວັນ. ໂຄງການສ້າງຄວາມເຂັ້ມແຂງ ໃນການຟື້ນຟູຫຼັງໄພພິບັດ ແມ່ນໂຄງການໜຶ່ງທີ່ໄດ້ຮັບການສະໜັນສະໜູນຈາກ ລັດຖະບານລຸກຊຳບວກ ໂດຍຜ່ານ ອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ (UNDP) ເຊິ່ງມີງົບປະມານໂຄງການທັງໝົດ ເປັນເງິນ 981,132 ໂດລາສະຫະລັດ (ເກົ້າແສນແປດສິບເອັດພັນ ໜຶ່ງຮ້ອຍສາມສິບສອງ ໂດລາສະຫະລັດ) ໃນນັ້ນ ລັດຖະບານ ສປປ ລາວ ສົມທົບງົບປະມານ ຈຳນວນ 219,928 ໂດລາສະຫະລັດ (ສອງແສນສິບເກົ້າພັນເກົ້າຮ້ອຍຊາວແປດໂດລາສະຫະລັດ) ໃນວັນທີ່ 22 ເມສາ 2019ນີ້, ທີ່ນະຄອນຫຼວງວຽງຈັນ, ໄດ້ມີ ພິທີລົງນາມບົດບັນທຶກຮ່ວມກັນ ຂອງ ໂຄງການສ້າງຄວາມເຂັ້ມແຂງ ໃນການຟື້ນຟູຫຼັງໄພພິບັດ. ຕາງໜ້າລັດຖະບານ …

ວັນທີ 4 ມັງກອນ 2019 ລັດຖະບານ ສ.ເກົາຫລີ ມອບເຂົ້າສານ 1 ພັນໂຕນ ໃຫ້ລັດຖະບານລາວຈາກຄັງແຮເຂົ້າສຸກເສີນອາຊຽນບວກສາມ ມອບໃຫ້ລັດຖະບານລາວ, ເພື່ອແຈກຢາຍໃຫ້ປະຊາຊົນ ຜູ້ທີ່ປະສົບໄພພິບັດ ຢູ່ ສປປ ລາວ ໂດຍສະເພາະ ຢູ່ເມືອງສະໜາມໄຊ ແຂວງ ອັດຕະປື. ຕາງໜ້າມອບໂດຍ, ທ່ານ ຊິນ ຊອງຊຸນ ເອກອັກຄະລັດຖະທູດ ສ.ເກົາ ຫລີ ປະຈຳ ລາວ ແລະ ຕາງໜ້າຮັບໂດຍ, ທ່ານ ນາງ ໃບຄຳ ຄັດຕິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ. ທ່ານ ນາງ ໃບຄຳ ຄັດຕິຍະ ໄດ້ຕາງໜ້າໃຫ້ລັດຖະບານລາວກໍຄືປະຊາຊົນລາວ ສະແດງຄວາມຂອບໃຈ ມາຍັງລັດຖະບານ ສ.ເກົາຫລີ ໂດຍຜ່ານ ທ່ານເອກອັກຄະລັດຖະທູດ ສ.ເກົາຫລີ ປະຈຳລາວ, ພ້ອມຢືນຢັນວ່າ ຈະນຳເອົາເຂົ້າສານຈຳນວນດັ່ງກ່າວ ໄປມອບໃຫ້ປະຊາຊົນ ທີ່ປະສົບໄພພິບັດຢ່າງທົ່ວເຖິງ. ຂ່າວໃຫ້ຮູ້ຕື່ມອີກວ່າ ລັດຖະບານ ສ.ເກົາຫລີ ພ້ອມຈະສືບຕໍ່ນຳເອົາເຂົ້າສານ ມາມອບໃຫ້ລັດຖະບານລາວຕື່ມອີກໃນຕໍ່ໜ້າ.

17 ທັນວາ 2018 ນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍຄະນະ ໄດ້ເດິນທາງລົງຢ້ຽມຢາມປະຊາຊົນ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ (ສັນເຂື່ອນເຊປຽນ-ເຊນໍ້ານ້ອຍແຕກ) ເມື່ອເດືອນກໍລະກົດ 2018 ທີ່ຜ່ານມາ. ໃນໂອກາດດັ່ງກ່າວທ່ານນາຍົກໄດ້ພົບປະໂອ້ລົມກັບປະຊາຊົນ ຢູ່ຈຸດພັກຊົ່ວຄາວ ຈຸດດົງບາກ, ຈຸດປິນດົງ ແລະ ຈຸດຕະມໍຢອດ. ການໄປແຕ່ລະສະຖານທີ່ ທ່ານນາຍົກລັດຖະມົນຕີ ໄດ້ພົບປະໂອ້ລົມ ກ່າວສະແດງຄວາມເປັນຫ່ວງເປັນໄຍ ຕໍ່ປະຊາຊົນ ໂດຍ: ໄດ້ຖາມເຖິງສະພາບການດຳລົງຊີວິດຂອງເຂົາເຈົ້າ, ການຮຽນ-ການສອນ ຂອງຄູອາຈານ ແລະ ລູກຫລານນັກຮຽນ, ຄວາມຄືບໜ້າ ໃນການແກ້ໄຂ ແລະ ປັບປຸງຊີວິດການເປັນຢູ່ຂອງປະຊາຊົນ, ໂດຍສະເພາະແມ່ນການສ້າງທີ່ພັກຊົ່ວຄາວ ແລະ ຖາວອນ, ແຜນການປັບປຸງ ແລະ ຟື້ນຟູວຽກງານດ້ານຕ່າງໆ, ລວມທັງການປະເມີນຜົນເສຍຫາຍ, ແຜນການຊົດເຊີຍຜົນເສຍຫາຍ, ແຜນການປັບປຸງປົວແປງວຽກງານດ້ານຕ່າງໆ ແລະ ອື່ນໆ ຕາມແນວທາງຂອງພັກ ແລະ ນະໂຍບາຍຂອງລັດຖະບານ, ທັງໃຫ້ແທດເໝາະກັບສະພາບ ແລະ ເງື່ອນໄຂຕົວຈິງ. ພ້ອມດຽວກັນນັ້ນ, ທ່ານນາຍົກລັດຖະມົນຕີ ຍັງໄດ້ຮັບຟັງ ການປະກອບຄຳຄິດເຫັນ ແລະ ຂໍ້ສະເໜີຈາກປະຊາຊົນຈຳນວນໜຶ່ງ ເຊິ່ງຫລັງຈາກນັ້ນ, ທ່ານນາຍົກລັດຖະມົນຕີ ກໍ່ໄດ້ໃຫ້ຄວາມກະຈ່າງແຈ້ງ ຕໍ່ແຕ່ລະບັນຫາ ທີ່ປະຊາຊົນໃຫ້ຄວາມສົນໃຈ. ໃນມື້ດຽວກັນ, …

ໃນກອງປະຊຸມຮ່ວມ ນາຍົກລັດຖະມົນຕີແລະລັດຖະມົນຕີ ລາວ-ໄທ ແບບບໍ່ເປັນທາງການ ຄັ້ງທີ 3 ເຊິ່ງຈັດຂຶ້ນໃນວັນທີ 14 ທັນວາ 2018 ທີ່ນະຄອນຫຼວງວຽງຈັນ, ທ່ານ ປະຍຸດ ຈັນໂອຊາ ນາຍົກລັດຖະມົນຕີແຫ່ງ ລາຊະອານາຈັກໄທ ຕາງໜ້າລັດຖະບານແລະປະຊາຊົນໄທ ໄດ້ມອບເງິນຈຳນວນ 19.5 ຕື້ ແລະການຊ່ວຍເຫຼືອອື່ນໆ ໃຫ້ແກ່ລັດຖະບານແລະປະຊາຊົນລາວ ຢ່າງເປັນທາງການ ເພື່ອຊ່ວຍບັນເທົາທຸກແລະຟື້ນຟູຊີວິດການເປັນຢູ່ ແກ່ຜູ້ໄດ້ຮັບເຄາະຮ້າຍຈາກສັນເຂື່ອນເຊປຽນ-ເຊນໍ້ານ້ອຍແຕກ ເມື່ອເດືອນກໍລະກົດ 2018 ທີ່ຜ່ານມາ. ການຊ່ວຍເຫຼືອດັ່ງກ່າວປະກອບດ້ວຍການສ້າງທີ່ພັກອາໄສໃຫ້ປະຊາຊົນທີ່ໄດ້ຮັບຜົນກະທົບ, ການສ້ອມແປງຂົວທີ່ແຂວງອັດຕະປື ແລະການໃຫ້ການຮ່ວມມືດ້ານນິຕິວິທະຍາສາດເພື່ອພິສູດອັດຕະລັກຜູ້ເສຍຊີວິດ ຈາກເຫດການດັ່ງກ່າວ ຕາມການສະເໜີຂອງຝ່າຍລາວ. ພະນະທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຕາງໜ້າໃຫ້ລັດຖະບານ ແລະ ປະຊາຊົນ ແຫ່ງ ສປປລາວ ສະແດງຄວາມຂອບໃຈຢ່າງສູງມາຍັງ ສົມເດັດພະເຈົ້າມະຫາຊີວິດ ແລະ ພະບໍລົມວົງສານຸວົງທຸກພະອົງ, ລັດຖະບານ ແລະ ປະຊາຊົນໄທ ທຸກຖ້ວນໜ້າ ທີ່ໄດ້ໃຫ້ການຊ່ວຍເຫລືອແກ່ ສປປລາວ, ໂດຍສະເພາະແມ່ນ ປະຊາຊົນຜູ້ປະສົບໄພພິບັດ ທີ່ເມືອງສະໜາມໄຊ, ແຂວງ ອັດຕະປື ໃນເດືອນ ກໍລະກົດ 2018, ຊຶ່ງການຊ່ວຍເຫລືອດັ່ງກ່າວ …