3 ບໍລິສັດໄດ້ຈັບມືກັນ ສ້າງໂຮງງານແປຮູບຂີ້ເຫຍື້ອຜະລິດເປັນພະລັງງານທົດແທນຂຶ້ນຢູ່ສະໜາມບໍາບັດຂີ້ເຫຍື້ອຫຼັກ 32 ບ້ານຜາສຸກ ເມືອງໄຊທານີ ນະຄອນຫຼວງວຽງຈັນ ຈະນຳໃຊ້ຂີ້ເຫຍື້ອຈາກຊຸມຊົນ 400 ໂຕນ/ວັນ ເພື່ອເປັນວັດຖຸດິບຜະລິດກະແສໄຟຟ້າ 6 MW. ພິທີວາງສີລາລືກດັ່ງກ່າວ ຈັດຂຶ້ນວັນທີ 9 ມັງກອນ 2020 ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ, ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ, ທ່ານ ຄໍາປະດິດ ເຂັມມານິດ ເຈົ້າເມືອງໄຊທານີ ແລະ ທ່ານ ນາງ ອຸຣະວະດີ ສິພິຣົມ ອັກຄະລະຣາຊະທູດ ແຫ່ງຣາຊອານາຈັກໄທ ປະຈໍາລາວ ຕະຫຼອດຮອດຫົວໜ້າພະແນກການກ່ຽວຂ້ອງ ຫົວໜ່ວຍທຸລະກິດ ແລະ ແຂກຖືກເຊີນເຂົ້າຮ່ວມ. ທ່ານ ຄໍາຫຼ້າ ນາກຄະວົງ ປະທານບໍລິສັດ ຂວັນເມືອງ ກຣຸບ ຈໍາກັດຜູ້ດຽວ ທັງເປັນຜູ້ອໍານວຍການ ບໍລິສັດ ວຽງຈັນ …

ເມື່ອລະຫວ່າງທ້າຍເດືອນກັນຍາຜ່ານມາທີ່ນະຄອນຫຼວງວຽງຈັນ ຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະ ເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ຮ່ວມກັບຫົວໜ້າອົງການສະຫະປະຊາຊາດເພື່ອການພັດທະນາປະຈຳ ສປປ ລາວ ແລະ ເອກອັກຄະລັດຖະທູດແຫ່ງສະຫະລັດອາເມຣິກາປະຈຳ ສປປ ລາວ ຈັດກອງປະຊຸມແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອຕອບສະໜອງຕໍ່ການພັດທະນາເສດຖະກິດ-ສັງຄົມ ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ການລຶບລ້າງຄວາມທຸກຍາກ ແລະ ຍຸດທະສາດແຫ່ງຊາດວ່າດ້ວຍເສັ້ນທາງຄວາມປອດໄພ II ຄຽງຄູກັນນັ້ນ ກໍເປັນໄລຍະທີ່ກຳລັງກະກຽມແຜນພັດທະນາເສດຖະກິດ-ສັງຄົມແຫ່ງຊາດໄລຍະ 5 ປີ (2020-2025) ແລະ ປຶກສາຫາລືບັນດາບັນຫາຕ່າງໆເພື່ອນຳເອົາເນື້ອໃນດັ່ງກ່າວໄປລາຍງານຕໍ່ກອງປະຊຸມໂຕະມົນທີ່ຈະຈັດຈຂຶ້ນໃນທ້າຍປີ 2019 ນີ້. ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານ ຄຊກລ ​ໄດ້ກ່າວວ່າ ວຽກ ງານເກັບກູ້ລະເບີດບໍ່ທັນແຕກຢູ່ ສປປ ລາວ ເປັນວຽກງານໜຶ່ງທີ່ລັດຖະບານກໍຄື ຄະນະກຳມະການຄຸ້ມຄອງແຫ່ງຊາດໄດ້ເອົາໃຈໃສ່ຕະຫລອດມາ ແລະ ເປັນບູລິມະສິດຕົ້ນຕໍຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍການສະ ໜັບສະໜູນ ແລະ ຮ່ວມມືຈາກບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ການຈັດຕັ້ງປະຕິບັດໃນໄລຍະ 1 ປີທີ່ຜ່ານມາໄດ້ມີຜົນສໍາເລັດຫຼາຍດ້ານໃນການແກ້ໄຂບັນຫາລະເບີດບໍ່ທັນແຕກ ຊຶ່ງປະກອບດ້ວຍການປຶກສາຫລືເພື່ອປັບປຸງຍຸດທະສາດ ແລະ ແຜນໄລຍະຍາວຂອງວຽກງານໂຄສະນາຜົນຮ້າຍຈາກລູກລະເບີດບໍ່ທັນແຕກ …

ກອງ​ປະ­ຊຸມ​ການ​ກວດ­ກາ​ຄືນ​ການ­ຈັດ­ຕັ້ງ​ປະ­ຕິ­ບັດ​ແຜນ​ວຽກ​ຈຸດ​ສຸມ ແລະ ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ແຜນ​ວຽກ​ຈຸດ​ສຸມ​ສະ­ພາບ​ການ​ເກັບ​ລາຍ​ຮັບ 9 ເດືອນ​ຜ່ານ​ມາ ແລະ ແຜນ​ຄາດ​ຄະ­ເນ​ການ​ເກັບ​ລາຍ​ຮັບ 3 ເດືອນ​ທ້າຍ​ປີ 2019 ຂອງ​ກົມ​ສ່ວຍ​ສາ​ອາ­ກອນ ກະ­ຊວງ​ການ​ເງິນ ຈັດ​ຂຶ້ນ​ເມື່ອບໍ່ດົນມານີ້ ທີ່​ກະ­ຊວງ​ການ​ເງິນ ໂດຍມີ​ທ່ານ ສົມ​ດີ ດວງ​ດີ ຮອງ​ນາ­ຍົກ​ລັດຖະ​ມົນ­ຕີ, ລັດ­ຖະ­ມົນ­ຕີ​ກະ­ຊວງ​ການ​ເງິນ, ບັນດາຫົວ­ໜ້າ-ຮອງ​ຫົວ­ໜ້າ​ກົມ​ສ່ວຍ​ສາ​ອາ­ກອນ: ພະ​ແນກ​ສ່ວຍ​ສາ​ອາ­ກອນ ນະ­ຄອນ­ຫຼວງ​ວຽງ​ຈັນ (ນວ), ແຂວງ​ຫຼວງ​ພະ​ບາງ, ຄຳ​ມ່ວນ, ສະ­ຫວັນ​ນະ​ເຂດ, ຈຳ­ປາ​ສັກ ແລະ ຫ້ອງ­ການ​ສ່ວຍ​ອາ­ກອນ 9 ຕົວ​ເມືອງ​ໃນ ນວ ເຂົ້າ​ຮ່ວມ. ທ່ານ ຄຳ​ເຜັ່ນ ບຸບ­ຜາ​ວົງ ຮອງ​ຫົວ­ໜ້າ​ກົມ​ສ່ວຍ​ສາ​ອາ­ກອນ ໄດ້​ລາຍ​ງານ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ຜ່າ​ມາ​ວ່າ: ໄດ້​ນຳ­ພາ​ພະ­ນັກ­ງານ​ນັບ​ແຕ່​ຂັ້ນ​ສູນ​ກາງ​ລົງ​ຮອດ​ທ້ອງ­ຖິ່ນ ເພື່ອ​ປັບ­ປຸງ​ກົນ​ໄກ ມາດ​ຕະ­ການ​ນຳ​ໃຊ້​ເຕັກ​ໂນ​ໂລ​ຊີ​ທີ່​ທັນ​ສະ­ໄໝ​ເຂົ້າ​ໃນ​ການ​ຈັດ​ເກັບ​ລາຍ​ຮັບ ການ​ນຳ​ໃຊ້​ເຄື່ອງ­ມື​ບັນ­ທຶກ​ລາຍ​ຮັບ​ຈາກ​ການ​ຂາຍ​ສິນ­ຄ້າ (POS) ພ້ອມ​ນີ້ ໄດ້​ເຫັນ​ດີ​ໃຫ້​ກົມ​ສ່ວຍ​ສາ​ອາ­ກອນ​ສົມ­ທົບ​ກັບ​ພະ​ແນກ​ສ່ວຍ​ສາ​ອາ­ກອນ ນວ ເພື່ອ​ຮ່າງ​ນິ­ຕິ​ກຳ​ກ່ຽວ​ກັບ​ການ​ຄຸ້ມ​ຄອງ​ການ​ນຳ​ໃຊ້​ເຄື່ອງ​ບັນ­ທຶກ ການ​ຂາຍ​ສິນ­ຄ້າ​ເຂົ້າ​ໃນ​ການ​ຈັດ​ເກັບ​ລາຍ​ຮັບ ແລະ ແຈ້ງ​ມອບ​ອາ­ກອນ​ພາຍ­ຫຼັງ​ລົງ​ຈັດ​ຕັ້ງ​ປະ­ຕິ­ບັດ​ໄດ້​ມີ​ຄວາມ​ຄືບ​ໜ້າ ເປັນ­ຕົ້ນ ສຳ­ເລັດ ແລະ ຮັບ­ຮອງ​ຄູ່​ມື​ການ​ຄຸ້ມ​ຄອງ​ນຳ​ໃຊ້​ເຄື່ອງ​ບັນ­ທຶກ​ການ​ຂາຍ​ສິນ­ຄ້າ ແລະ ບໍ­ລິ­ການ ອອກ​ໃບ​ອະ­ນຸ­ຍາດ​ນຳ​ໃຊ້ ອອກ​ໃບ­ຢັ້ງ­ຢືນ​ຮັບ­ຮອງ​ມາດ­ຕະ­ຖານ ເຄື່ອງ​ບັນ­ທຶກ​ການ​ຂາຍ​ສິນ­ຄ້າ ແລະ …

ສື່ໄທລາຍງານວ່າ ວິທະຍຸການບິນແຫ່ງປະເທດໄທ (ບວທ) ກຳລັງວາງແຜນຈະເລີ່ມເຈລະຈາກັບປະເທດເພື່ອນບ້ານເພື່ອເພີ່ມສັກກະຍະພາບຂອງຕະຫຼາດການບິນໃນພາກພື້ນ ແລະ ເຊື່ອມໂຍງຂໍ້ມູນການບິນແບບບໍ່ມີຮອບຕໍ່ ໂດຍໃນປີນີ້ຈະເລີ່ມເຈລະຈາກັບລາວ ເພື່ອເຊື່ອມນ່ານຟ້າ ແລະ ເພີ່ມປະລິມານຖ້ຽວບິນໃນພາກອີສານຂອງໄທ ແລະ ຈາກນັ້ນຈະເຈລະຈາກັບມຽນມາເພີ່ມເພີ່ມຖ້ຽວບິນນ່ານຟ້າຝັ່ງຕາເວັນຕົກຂອງປະເທດ ກ່ອນຈະເລີ່ມແຜນເພີ່ມປະລິມານການບິນໃນພາກເໜືອຕໍ່ໄປ. ໂດຍໃນສ່ວນຂອງປະເທດລາວນັ້ນ, ທາງ ບວທ ຈະເລີ່ມກັບສະໜາມບິນວັດໄຕ ນະຄອນຫຼວງວຽງຈັນກ່ອນ ແບ່ງເປັນການຂະຫຍາຍຣັນເວ (ເດີ່ນບິນ) ແລະ ອາຄານຜູ້ໂດຍສານ (Terminal) ເຊິ່ງມີປະເທດຍີ່ປຸ່ນເປັນຜູ້ຊ່ວຍລົງທຶນ ຄາດວ່າຈະສຳເລັດໃນປີ 2030 ເຮັດໃຫ້ສາມາດຮອງຮັບຖ້ຽວບິນເພີ່ມຂຶ້ນເກືອບ 100% ເປັນ 200 ຖ້ຽວບິນຕໍ່ມື້ ຈາກປັດຈຸບັນທີ່ສາມາດຮອງຮັບໄດ້ພຽງ 100-120 ຖ້ຽວບິນຕໍ່ມື້. ສ່ວນອຸປະສັກການບໍລິຫານການຈະລາຈອນທາງອາກາດຂອງລາວ ແຫຼ່ງຂ່າວລະບຸວ່າ ປັດຈຸບັນແມ່ນຂາດແຄນບຸກຄະລາກອນດ້ານການບິນຈຳນວນຫຼາຍ ຈຳເປັນຕ້ອງເລັ່ງເພີ່ມຈຳນວນບຸກຄະລາກອນພາຍໃນ 5 ປີ ພ້ອມທັງຕ້ອງເລັ່ງຂະຫຍາຍການຮອງຮັບຖ້ຽວບິນເພາະໃກ້ເຕັມຂີດເພດານທີ່ປະເທດຮອງຮັບໄດ້ແລ້ວ. ປັດຈຸບັນມີຖ້ຽວບິນສະເລ່ຍທົ່ວປະເທດປະມານ 1,200 ຖ້ຽວບິນຕໍ່ມື້ ໂດຍໃນນີ້ເປັນຖ້ຽວບິນຈີນ 30%. ສ່ວນຍອດຖ້ຽວບິນເຕີບໂຕຕໍ່ເນື່ອງສະເລ່ຍ 10% ຕໍ່ປີ. ທ່ານ ສົມນຶກ ຣົງທອງ ກຳມະການຜູ້ອຳນວຍການ ບວທ ກ່າວວ່າ ຕະຫຼາດການບິນອາຊຽນໃນພາບຮວມນັ້ນຍັງເຕີບໂຕໄດ້ດີໂດຍສະເພາະຕະຫຼາດການບິນໃນຫວຽດນາມ ແລະ ມຽນມາ ເຊິ່ງມີເສດຖະກິດທີ່ເຕີບໂຕ ແລະ …

ກະຊວງອຸດສາຫະກຳ ແລະ ການຄ້າ ໄດ້ມີການປັບລາຄານ້ຳມັນໜ້າປ້ຳຫຼຸດລົງ ໃນຂອບເຂດທົ່ວປະເທດ ເລີ່ມປະຕິບັດ ວັນທີ 03 ກັນຍາ 2019 ເວລາ 06:00 ໂມງ ເປັນຕົ້ນໄປ. ເຊິ່ງໃນນັ້ນ, ໄດ້ປັບລາຄານ້ຳມັນແອັດຊັງພິເສດ ປັບລົງ 10 ກີບ/ລິດ, ນ້ຳມັນແອັດຊັງທຳມະດາ ປັບລົງ 30 ກີບ/ລິດ ແລະ ນ້ຳມັນກາຊວນປັບລົງ 60 ກີບ/ລິດ. ດັ່ງນັ້ນ, ຈຶ່ງແຈ້ງມາຍັງພໍ່-ແມ່ປະຊົນໃນຂອບເຂດທົ່ວປະເທດຈົ່ງຮັບຊາບ. ສ່ວນລາຍລະອຽດຕ່າງສາມາດເຂົ້າອ່ານ ແລະ ຕິດຕາມໄດ້. ຂໍຂອບໃຈ/ທີ່ມາຂ່າວ

ການພັດທະນາໂຄງການກໍ່ສ້າງເຂື່ອນໄຟຟ້ານ້ຳຕົກ ນ້ຳປະຍູ ເມືອງດາກຈຶງ ແຂວງເຊກອງ ຈະສືບຕໍ່ສຳຫຼວດອີກຄັ້ງ ພາຍຫຼັງທີ່ລັດຖະບານໄດ້ອະນຸມັດໃຫ້ ບໍລິສັດ ວຽງຈັນ ໂອໂຕເມຊັນ ແອນ ໂຊລູຊັນ ເອັນຈີເນຍຣິງ ຈຳກັດຜູ້ດຽວ ສືບຕໍ່ສຳຫຼວດ – ອອກແບບ ແລະ ສຶກສາ ຄວາມເປັນໄປໄດ້ ຄາດວ່າຈະມີກຳລັງຕິດຕັ້ງທີ່ຫຼາຍກວ່າເກົ່າ. ພິທີເຊັນບົດບັນທຶກຄວາມເຂົ້າໃຈເພື່ອສຶກສາສຳຫຼວດຄວາມເປັນໄປໄດ້ຂອງ ໂຄງການເຂື່ອນໄຟຟ້ານ້ຳຕົກນ້ຳປະຍູ (ຕອນລຸ່ມ) ແຂວງເຊກອງ ຈັດຂຶ້ນ​ເມື່ອ​ບໍ່​ດົນ​ຜ່ານ​ມາ ທີ່ກະຊວງແຜນການ ແລະ ການລົງທຶນ ລະຫວ່າງທ່ານ ສຸພັນ ແກ້ວມີໄຊ ລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ແສງລາຕີ ສະຫວັນຄຳ ປະທານ ບໍລິສັດ ວຽງຈັນ ໂອໂຕເມຊັນ ແອນ ໂຊລູຊັນ ເອັນຈີເນຍຣິງ ຈຳກັດຜູ້ດຽວ ໂດຍມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ. ທ່ານ ແສງລາຕີ ສະຫວັນຄຳ ປະທານ ບໍລິສັດ ວຽງຈັນ ໂອໂຕເມຊັນ ແອນ ໂຊລູຊັນ ເອັນຈີເນຍຣິງ ຈຳກັດຜູ້ດຽວ ກ່າວວ່າ: …