ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປລາວ ຊີ້ແຈງຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ກ່ຽວກັບສະພາບເງິນຕາຕ່າງປະເທດ, ອັດຕາແລກປ່ຽນ, ອັດຕາເງິນເຟີ້ ແລະ ມາດຕະການແກ້ໄຂ ວ່າ: ຈະປະຕິບັດນະໂຍບາຍເງິນຕາ ແລະ ອັດຕາແລກປ່ຽນ ໃຫ້ໄດ້ຕາມແຜນທີ່ກໍານົດໄວ້ ເພື່ອຮັບປະກັນໃຫ້ປະລິມານເງິນຂະຫຍາຍຕົວຢູ່ໃນຈັງຫວະທີ່ເສດຖະກິດສາມາດຮັບໄດ້, ບໍ່ສ້າງແຮງກົດດັນໃຫ້ເງິນເຟີ້ເພີ່ມຂຶ້ນ, ທັງສາມາດປະກອບສ່ວນຊຸກຍູ້ການຂະຫຍາຍຕົວຂອງເສດຖະກິດ ໂດຍຈະສຸ່ມໃສ 5 ນະໂຍບາຍລຸ່ມນີ້ 1. ຈະຈັດຕັ້ງບັນດາມາດຕະການກະຕຸ້ນເສດຖະກິດ ດ້ວຍການສະໜອງທຶນຜ່ານລະບົບທະນາຄານທຸລະກິດ ເພື່ອປ່ອຍຕໍ່ໃຫ້ບຸກຄົນ ຫລື ນິຕິບຸກຄົນ ທີ່ເຮັດແທ້ທໍາຈິງ ໃຫ້ສາມາດເຂົ້າຫາແຫລ່ງທຶນ ທີ່ມີຕົ້ນທຶນຕໍ່າ ໄດ້ສະດວກຍິ່ງຂຶ້ນຢ່າງເປັນຮູບປະທໍາ ເປັນຕົ້ນ ການ ປູກຝັງ, ລ້ຽງສັດ, ການຜະລິດ ແລະ ປຸງແຕ່ງຜະລິດຕະ ພັນກະສິກໍາ-ອຸດສາຫະກໍາ, ຜະລິດສິນຄ້າອຸປະໂພກ-ບໍລິໂພກ, ຂະແໜງການທ່ອງທ່ຽວ-ການບໍລິການທີ່ປິ່ນອ້ອມ, ຫັດຖະກໍາ ແລະ ທຸລະກິດອື່ນທີ່ສົ່ງເສີມການຜະລິດ ແລະ ສົ່ງອອກ. 2. ຈະຮີບຮ້ອນໃຫ້ສາມາດປະຕິບັດກົນໄກແລກປ່ຽນສະກຸນເງິນທ້ອງຖິ່ນ ກີບ/ຢວນ ກັບທະນາຄານກາງຂອງ ສປ ຈີນ ແລະ ເສີມຂະຫຍາຍໄປສູ່ທະນາຄານກາງປະເທດຄູ່ຄ້າເພີ່ມເຕີມ ເພື່ອສ້າງເງື່ອນໄຂ ເພີ່ມສະພາບຄ່ອງດ້ານເງິນຕາຕ່າງປະເທດໃຫ້ແກ່ປະເທດ …

ກະຊວງອຸດສາຫະກຳ ແລະ ການຄ້າ(ອຄ) ອອກແຈ້ງການ ເລກທີ 0412/ອຄ.ກຄພນ ລົງວັນທີ 21 ເມສາ 2020 ກ່ຽວກັບການສືບຕໍ່ຕິດຕາມ, ກວດກາ ແລະ ຄຸ້ມຄອງລາຄາສິນຄ້າຖ້າພົບເຫັນຂາຍສິນຄ້າແພງກວ່າຄວາມເປັນຈິງໃຫ້ປັບໃໝທັນທີ ສູງສຸດ 3ລ້ານກີບຕໍ່ລາຍການ ແລະ ຖ້າພົບເຫັນກັກຕຸນລາຄາສິນຄ້າກໍ່ປັບໃໝສູງເຖິງ 50 ລ້ານກີບ. ເນື່ອງຈາກວ່າ ສະພາບການແຜ່ລະບາດຂອງພະຍາດໂຄວິດ-19 ຢູ່ຫຼາຍປະເທດ ຍັງສືບຕໍ່ເພີ່ມຂຶ້ນ ແລະ ພາຍໃນ ສປປ ລາວ ຍັງມີຄວາມສ່ຽງຂອງການລະບາດ ລັດຖະບານ ຈຶ່ງໄດ້ອອກແຈ້ງການ ການຕໍ່ເວລາ ແລະ ແນະນໍາເພີ່ມເຕີມ ການຈັດຕັ້ງປະຕິບັດຄໍາສັ່ງຂອງນາຍົກລັດຖະມົນຕີ ສະບັບເລກທີ່ 06/ນຍ, ລົງວັນທີ 29 ມີນາ 2020. ດ້ວຍເຫດນັ້ນ ເພື່ອໃຫ້ມີຄວາມເປັນເອກະພາບໃນການຈັດຕັ້ງປະຕິບັດຄໍາສັ່ງຂອງທ່ານນາຍົກລັດຖະມົນຕີ ວ່າດ້ວຍການເພີ່ມທະວີ ມາດຕະການສະກັດກັ້ນ ການແຜ່ລະບາດ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ສະບັບ ເລກທີ 06/ນຍ, ລົງວັນທີ 29 ເມສາ 2020. ລັດຖະມົນຕີກະຊວງ ອຄ ອອກແຈ້ງການ: …

3 ບໍລິສັດໄດ້ຈັບມືກັນ ສ້າງໂຮງງານແປຮູບຂີ້ເຫຍື້ອຜະລິດເປັນພະລັງງານທົດແທນຂຶ້ນຢູ່ສະໜາມບໍາບັດຂີ້ເຫຍື້ອຫຼັກ 32 ບ້ານຜາສຸກ ເມືອງໄຊທານີ ນະຄອນຫຼວງວຽງຈັນ ຈະນຳໃຊ້ຂີ້ເຫຍື້ອຈາກຊຸມຊົນ 400 ໂຕນ/ວັນ ເພື່ອເປັນວັດຖຸດິບຜະລິດກະແສໄຟຟ້າ 6 MW. ພິທີວາງສີລາລືກດັ່ງກ່າວ ຈັດຂຶ້ນວັນທີ 9 ມັງກອນ 2020 ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ຫົວໜ້າພະແນກແຜນການ ແລະ ການລົງທຶນ ນະຄອນຫຼວງວຽງຈັນ, ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ, ທ່ານ ຄໍາປະດິດ ເຂັມມານິດ ເຈົ້າເມືອງໄຊທານີ ແລະ ທ່ານ ນາງ ອຸຣະວະດີ ສິພິຣົມ ອັກຄະລະຣາຊະທູດ ແຫ່ງຣາຊອານາຈັກໄທ ປະຈໍາລາວ ຕະຫຼອດຮອດຫົວໜ້າພະແນກການກ່ຽວຂ້ອງ ຫົວໜ່ວຍທຸລະກິດ ແລະ ແຂກຖືກເຊີນເຂົ້າຮ່ວມ. ທ່ານ ຄໍາຫຼ້າ ນາກຄະວົງ ປະທານບໍລິສັດ ຂວັນເມືອງ ກຣຸບ ຈໍາກັດຜູ້ດຽວ ທັງເປັນຜູ້ອໍານວຍການ ບໍລິສັດ ວຽງຈັນ …

ໂຄງການກໍ່ສ້າງທາງລົດໄຟລາວ – ຈີນ ໄລຍະຜ່ານແຂວງວຽງຈັນ ມີຄວາມຍາວທັງໝົດ 145,69 ກິໂລແມັດ ສາມາດໄກ່ເກຍ ແລະ ມອບພື້ນທີ່ໃຫ້ໂຄງການໃກ້ສຳເລັດແລ້ວ ສ່ວນການຊົດເຊີຍຈ່າຍແລ້ວ 7 ງວດ ໃຫ້ຜູ້ຖືກຜົນກະທົບ 965 ຄອບຄົວ; ຂະນະທີ່ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີໄດ້ເນັ້ນໃຫ້ຄະນະຮັບຜິດຊອບແກ້ໄຂຂໍ້ຄົງຄ້າງໃຫ້ສຳເລັດໂດຍໄວ ເພື່ອດຳເນີນການກໍ່ສ້າງໃຫ້ສຳເລັດຕາມແຜນ. ເມື່ອວັນທີ 15 ມັງກອນ 2020 ຜ່ານມາ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າຄະນະຊີ້ນໍາໂຄງການກໍ່ສ້າງທາງລົດໄຟ ລາວ – ຈີນ ພ້ອມຄະນະ ໄດ້ໄປຢ້ຽມຢາມ ແລະ ຊຸກຍູ້ການກໍ່ສ້າງທາງລົດໄຟ ລາວ – ຈີນ ຢູ່ແຂວງວຽງຈັນ, ມີ ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ຮ່ວມລົງເຄື່ອນໄຫວ; ມີ ທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ, …

ດ້ວຍທ່າແຮງທາງເສດຖະກິດການຜະລິດຂອງແຂວງໄຊຍະບູລີ ເຊິ່ງປະຊາຊົນມີມູນເຊື້ອໃນການເຮັດກະສິກຳເປັນສິນຄ້າ ພື້ນທີ່ພູມີສາດກໍ່ມີເງື່ອນໄຂເອື້ອອຳນວຍ ມີຊາຍແດນຕິດຈອດກັບປະເທດໄທທີ່ງ່າຍຕໍ່ການທຳມາຄ້າຂາຍ ກະຊວງການຕ່າງປະເທດຈິ່ງເຫັນວ່າຄວນຍົກລະດັບດ່ານປາງມອນໃຫ້ເປັນດ່ານສາກົນ. ຕາມແຈ້ງການຈາກສຳນັກງານນາຍົກລັດຖະມົນຕີ ເຖິງ ເຈົ້າແຂວງໆໄຊຍະບູລີ ໂດຍອີງໃສ່ເອກະສານລາຍງານ ສະບັບເລກທີ 9605/ຕປທ.ຫຄຊ, ລົງວັນທີ 05 ທັນວາ 2019 ຂອງກະຊວງການຕ່າງປະເທດ ເລື່ອງການສະເໜີຍົກລະດັບດ່ານປະເພນີ ປາງມອນ, ເມືອງຄອບ, ແຂວງໄຊຍະບູລີ ໃຫ້ເປັນດ່ານສາກົນເພີ່ມຂຶ້ນອີກແຫ່ງໜຶ່ງນັ້ນ. ອີງຕາມການຕົກລົງ ຂອງທ່ານນາຍົກລັດຖະມົນຕີ ໃນວັນທີ 27 ທັນວາ 2019 ໃຫ້ເຫັນດີອະນຸມັດຍົກລະດັບດ່ານປະເພນີ ປາງມອນ, ເມືອງຄອບ, ແຂວງໄຊຍະບູລີ ຂຶ້ນເປັນດ່ານສາກົນ ເພື່ອໃຫ້ສົມຄູ່ກັບດ່ານສາກົນບ້ານຮວກ (ເບື້ອງໄທ) ຕາມການສະເໜີ ຂອງກະຊວງການຕ່າງປະເທດ.     ທັງນີ້ ກໍເປັນການຍົກລະດັບທາງດ້ານເສດຖະກິດ, ການທ່ອງທ່ຽວ, ຄົມມະນາຄົມ ໃຫ້ແກ່ແຂວງໄຊຍະບູລີ ໃຫ້ກ້າວໄປອີກຂັ້ນໜຶ່ງ. ສ່ວນວ່າພິທີເປີດດ່ານປາງມອນເປັນດ່ານສາກົນນັ້ນ ຍັງບໍ່ທັນມີລາຍງານ ຈັ່ງໃດກໍ່ດີໃຈນຳຊາວແຂວງໄຊຍະບູລີ ໂດຍສະເພາະຊາວເມືອງຄອບ ທີ່ຈະສາມາດທຳມາຄ້າຂາຍໄດ້ສະດວກຂຶ້ນ ແລະເສດຖະກິດຂອງທ້ອງຖິ່ນຈະດີຂຶ້ນແນ່ນອນຫຼັງຈາກນີ້ ທີ່ສຳຄັນການພັດທະນາກຽມເງື່ອນໄຂຮອງຮັບຕ້ອງກຽມພ້ອມນຳໃຊ້ທ່າແຮງໃຫ້ເກີດປະໂຫຍດສູງສຸດ. ຂໍຂອບໃຈ ທີ່ມາຂ່າວ ລັດຖະບານຕົກລົງຍົກລະດັບ ດ່ານປາງມອນເປັນດ່ານສາກົນແລ້ວ

ປີ 2020 ລັດຖະບານໄດ້ວາງຄາດໝາຍພັດທະນາເສດຖະກິດໃຫ້ຂະຫຍາຍຕົວ ບໍ່ຫຼຸດ 6.5% ຄິດເປັນມູນຄ່າ GDP ປະມານ 177,780 ຕື້ກີບ ສະເລ່ຍຕໍ່ຫົວຄົນ 2,733 ໂດລາສະຫະລັດ, ລາຍໄດ້ແຫ່ງຊາດຕໍ່ຫົວຄົນ ໃຫ້ໄດ້ 2,161 ໂດລາສະຫະລັດ. ໂດຍລັດຖະບານຕີລາຄາດ້ວຍຄວາມເປັນຈິງວ່າພວກເຮົາຍັງມີຂໍ້ຄົງຄ້າງຫຼາຍດ້ານທີ່ຕ້ອງໄດ້ຮີບຮ້ອນແກ້ໄຂ ໃນປີ 2020 ດັ່ງນີ້: 1). ການຂະຫຍາຍຕົວຂອງເສດຖະກິດ ( GDP ) ໃນປີ 2019 ບັນລຸພຽງປະມານ 6.4% ( ຄາດໝາຍແມ່ນ 6.7% ) ແລະ ສະເລ່ຍຕໍ່ຫົວຄົນ ບັນລຸ 2,677 ໂດລາສະຫະລັດ ( ຄາດໝາຍແມ່ນ 2,726 ) ເຊິ່ງສາເຫດສຳຄັນສ່ວນໜຶ່ງແມ່ນຍ້ອນເກີດໄພພິບັດທາງທຳມະຊາດ, ພະຍາດລະບາດ ແລະ ໄພແຫ້ງແລ້ງ. ແຕ່ພ້ອມກັນນັ້ນ, ຂະແໜງການຜະລິດທີ່ເປັນພື້ນຖານໃນການສ້າງຖານລາຍຮັບທີ່ຍືນຍົງກໍຍັງບໍ່ທັນຫຼາກຫຼາຍ ແລະ ຍັງບໍ່ປະກອບສ່ວນແຂງແຮງເຂົ້າໃນການພັດທະນາ ຈຶ່ງເຮັດໃຫ້ການເຕີບໂຕຂອງເສດຖະກິດຢູ່ໃນຈັງຫວະທີ່ຊ້າລົງກວ່າປີຜ່ານມາ. 2). ສະມັດຖະພາບຂອງການຜະລິດຍັງບໍ່ທັນສູງ, ຍັງມີລັກສະນະທຳມະຊາດ ເຮັດໃຫ້ການຜະລິດກະສິກຳຕິດພັນກັບອຸດສາຫະກຳປຸງແຕ່ງບໍ່ທັນຂະຫຍາຍຕົວດີ ແລະ ບໍ່ສາມາດແຂ່ງຂັນກັບສິນຄ້ານຳເຂົ້າ ແລະ ສິນຄ້າຂອງປະເທດເພື່ອນບ້ານ …

ເມື່ອລະຫວ່າງທ້າຍເດືອນກັນຍາຜ່ານມາທີ່ນະຄອນຫຼວງວຽງຈັນ ຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະ ເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ຮ່ວມກັບຫົວໜ້າອົງການສະຫະປະຊາຊາດເພື່ອການພັດທະນາປະຈຳ ສປປ ລາວ ແລະ ເອກອັກຄະລັດຖະທູດແຫ່ງສະຫະລັດອາເມຣິກາປະຈຳ ສປປ ລາວ ຈັດກອງປະຊຸມແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອຕອບສະໜອງຕໍ່ການພັດທະນາເສດຖະກິດ-ສັງຄົມ ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ການລຶບລ້າງຄວາມທຸກຍາກ ແລະ ຍຸດທະສາດແຫ່ງຊາດວ່າດ້ວຍເສັ້ນທາງຄວາມປອດໄພ II ຄຽງຄູກັນນັ້ນ ກໍເປັນໄລຍະທີ່ກຳລັງກະກຽມແຜນພັດທະນາເສດຖະກິດ-ສັງຄົມແຫ່ງຊາດໄລຍະ 5 ປີ (2020-2025) ແລະ ປຶກສາຫາລືບັນດາບັນຫາຕ່າງໆເພື່ອນຳເອົາເນື້ອໃນດັ່ງກ່າວໄປລາຍງານຕໍ່ກອງປະຊຸມໂຕະມົນທີ່ຈະຈັດຈຂຶ້ນໃນທ້າຍປີ 2019 ນີ້. ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານ ຄຊກລ ​ໄດ້ກ່າວວ່າ ວຽກ ງານເກັບກູ້ລະເບີດບໍ່ທັນແຕກຢູ່ ສປປ ລາວ ເປັນວຽກງານໜຶ່ງທີ່ລັດຖະບານກໍຄື ຄະນະກຳມະການຄຸ້ມຄອງແຫ່ງຊາດໄດ້ເອົາໃຈໃສ່ຕະຫລອດມາ ແລະ ເປັນບູລິມະສິດຕົ້ນຕໍຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍການສະ ໜັບສະໜູນ ແລະ ຮ່ວມມືຈາກບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ການຈັດຕັ້ງປະຕິບັດໃນໄລຍະ 1 ປີທີ່ຜ່ານມາໄດ້ມີຜົນສໍາເລັດຫຼາຍດ້ານໃນການແກ້ໄຂບັນຫາລະເບີດບໍ່ທັນແຕກ ຊຶ່ງປະກອບດ້ວຍການປຶກສາຫລືເພື່ອປັບປຸງຍຸດທະສາດ ແລະ ແຜນໄລຍະຍາວຂອງວຽກງານໂຄສະນາຜົນຮ້າຍຈາກລູກລະເບີດບໍ່ທັນແຕກ …

ໃນວັນທີ 1 ຕຸລາ 2019 ທີ່ນະຄອນຫຼວງວຽງຈັນ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວໄດ້ຕາງໜ້າໃຫ້ລັດຖະບານລາວຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມຈາກທະນາຄານແຫ່ງປະເທດຈີນສາຂານະຄອນຫຼວງວຽງຈັນ ມູນຄ່າ 500 ລ້ານກີບ ຊຶ່ງມອບໂດຍ ທ່ານ ເສີນ ເຄີ້ ຊີນ ຜູ້ຊ່ວຍຜູ້ຈັດການໃຫຍ່ທະນາຄານແຫ່ງປະເທດຈີນສາຂານະຄອນຫຼວງວຽງຈັນ ເພື່ອນຳໄປມອບໃຫ້ຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມຢ່າງທົ່ວເຖິງ ແລະ ທັນການ. ໃນໂອກາດດັ່ງກ່າວ ທ່ານ ຄຳຮຸ່ງ ໄດ້ກ່າວສະແດງຄວາມຂອບໃຈຕໍ່ທະນະຄານແຫ່ງປະເທດຈີນທີ່ໄດ້ນຳເອົາເງິນມາມອບໃຫ້ໃນຄັ້ງນີ້ ຊຶ່ງຖືເປັນການປະກອບສ່ວນສຳຄັນເຂົ້າໃນການຟື້ນຟູ ແລະ ບັນເທົາທຸກແກ່ປະຊາຊົນທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກ ກະຕິໂດຍໄວ ເຮັດໃຫ້ມີຊີວິດການເປັນຢູ່ຂອງພໍ່ແມ່ປະຊາຊົນ​ໄດ້​ຮັບ​ການ​ປັບປຸງດີຂຶ້ນ ​ຊຶ່ງເງິນຈຳນວນດັ່ງກ່າວອົງການກາແດງລາວ ຈະໄດ້ນຳໄປມອບໃຫ້ແຂວງສະຫວັນນະເຂດ 200 ລ້ານກີບ ແຂວງຈຳປາສັກ 150 ລ້ານກີບ ແລະ ແຂວງສາລະວັນ 150 ລ້ານກີບ ເພື່ອຈັດຊື້ຢາປິ່ນປົວພະຍາດ​ໄປ​ແຈກ​ຢາຍ​ໃຫ້​ແກ່​ຜູ້​ທີ່​ໄດ້​ຮັບ​ຜົນ​ກະທົບ. ໂດຍ: ດອກຕາເວັນ ຂໍຂອບໃຈ ທີ່ມາຂ່າວ

ໃນໄລຍະບໍ່ດົນມານີ້, ສະພາບອັດຕາແລກປ່ຽນເງີນກັບເງິນຕາຕາງປະເທດ ໄດມີການເໜັງຕີງ ສົງຜົນກະທົບບາງດານຕໍ ການດາເນີນທລະກິດ, ອັນໄດເຮັດໃຫພໍຄາ-ຊາວຂາຍຈານວນໜຶ່ງ ພົບຄວາມຫຍຸ້ງຍາກ ແລະ ມີຄຳຄິເຫັນທີ່ຫລາກຫລາຍເກີດຂຶ້ນໃນສັງຄົມ. ຕໍບັນຫາດັງກາວ ພວກເຮົາຄວນເຂົ້າໃຈເຖິງສາເຫດ ແລະ ຄວາມເປນຈິງຂອງບັນຫາດັງກ່າວ. ໃນປີ 2019, ສະພາບຕະຫລາດເງີນຕາຢູ່ສາກົນ ເຫັນວ່າມີກັານຜັນຜວນຫລາຍສົມຄວນໂດຍສະເພາະແມ່ນຄ່າເງີນໂດລາ (ສະຫະລັດ) ແລະ ເງີນບາດ. ໂດຍລວມແລ້ວໃນໄລຍະ 8 ເດືອນຂອງປ 2019, ຄາເງິນໂດລາ (ສະຫະລັດ ) ແຂງຄ່າ 1,5% ທຽບກັບເອີໂຣ ແລະ ເງີນບາດແຂງຄ່າຂຶ້ນ 3,50% ທຽບກັບເງີນໂດລາ ຈາກສະພາບການແຂງຄ່າຂອງເງີນໂດລາສະຫະລັດ ແລະ ເງີນບາດຢຸ່ໃນຕະຫລາດສາກົນຄືດັ່ງກ່າວນັ້ນ ໄດ້ສົ່ງຜົນກະທົບໃຫ້ຄ່າເງີນກີບທຽບກັບເງີນໂດລາສະຫະລັດ ແລະ ເງີນບາດອ່ານຄ່າລົງຢ່າງຫລີກລ້ຽງບໍ່ໄດ້ເນື່ອງຈາກປັດໄຈພື້ນຖານທີ່ສຳຄັນດ້ານເສດຖະກິດຂອງປະເທດເຮົາຍັງບໍ່ທັນມີການຜະລິດສິນຄ້າພາຍໃນທີ່ເຂັ້ມແຂງ, ສ່ວນໃຫຍ່ໄດ້ເພີ່ງພາການນຳເຂົ້າສິນຄ້າຈາກຕ່າງປະເທດ ມາເປັນເວລາດົນ ໂດຍສະເພາະສິນຄ້າອຸປະໂພກ ແລະ ບໍລິໂພກລວມທັງສິນຄ້ານຳເຂົ້າ ແລະ ວັດຖຸດິບ ເພື່ອນການລົງທຶນຊຶ່ງເຮັດໃຫ້ປະເທດ ເຮົາຍັງມີລັກສະນະຂາດດຸນ ການຄ້າກັບຄ່າງປະເທດຍ່າງຕໍ່ເນື່ອງ. ຈາກສະພາບດັ່ງກ່າວ ເຮັດໃຫ້ສັງຄົມເກີດມີຄວາມຕ້ອງການເງີນຕາຕ່າງປະເທດເພື່ອຊ່ຳລະຄ່າການນຳເຂົ້າສິນຄ້າ ແລະ ບໍລິການໃນແຕ່ລະປີສູງກວ່າຄວາມສາມາດຕອບສະຫນອງຂອງລະບົບເສດຖະກິດເຮົາ (ສາລັບປດໃຈທີ່ມີຜົນກະທົບຕໍອັດຕາແລກປຽນແມນຈະນາສະເໜີສະບັບຕໍໄປ ) ຈາກບັນຫາການອອນຄາຂອງເງິນກີບດັ່ງທີ່ກ່ວາມາ ມັນໄດ້ສົ່ງຜົນກະທົບຕໍ່ລາຄາສິນຄ້າ ແລະ ຊີວິດເປັນຢຸ່ຂອງປະຊາຊົນເຮົາໂດຍລວມ. …

ທ່ານຮອງນາຍົກລັດຖະມົນຕີ ເນັ້ນຕື່ມວ່າ: ອີງຕາມທິດຊີ້ນໍາຂອງລັດຖະບານໄດ້ເຫັນດີດ້ານຫລັກການຕາມການສະເໜີວິທີແກ້ໄຂກ່ຽວກັບສະພາບການດຳເນີນສາງພັກສິນຄ້າແລະ ສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ເຕັນ ແຂວງຫລວງນໍ້າທາຂອງບໍລິສັດ ແອວເອັສ ຂາອອກ-ຂາເຂົ້າ ຈຳກັດ ແລະ ບໍລິສັດ ລາວສາກົນ ໄອຊີດີ ຈຳກັດ ໂດຍໃຫ້ສອງບໍລິສັດດັ່ງກ່າວສືບຕໍ່ດຳເນີນທຸລະກິດບໍລິການສາງພັກສິນຄ້າ ແລະສະຖານທີ່ຄ່ຽນຖ່າຍສິນຄ້າຢູ່ດ່ານພາສີສາກົນບໍ່ເຕັນ ດ້ວຍຮູບການແຂ່ງຂັນຕາມກົນໄກເສດຖະກິດຕະຫລາດ, ຮັບປະກັນຄຸນນະພາບການບໍລການໃຫ້ມີຄວາມວ່ອງໄວ, ໂປ່ງໃສ ແລະທັນສະໄໝໃຫ້ແກ່ລູກຄ້າທີ່ມາໃຊ້ບໍລິການ. ພ້ອມດຽວກັນນີ້, ໃຫ້ຍົກຍ້າຍຫ້ອງການພາສີ,ບ່ອນກວດກັກກັນພືດ ແລະ ຕູ້ສະແກນເນີທີ່ນໍາໃຊ້ປັດຈຸບັນໄປຢູ່ສະຖານທີ່ເບື້ອງ ບໍລິສັດ ລາວສາກົນ ໄອຊີດີຈຳກັດເພື່ອຈັດລະບົບການແຈ້ງເອກະສານຕ່າງໆທັງຂາເຂົ້າ-ຂາອອກໃຫ້ມີຄວາມສະດວກ. ສ່ວນດ່ານຕຳຫລວດກວດຄົນເຂົ້າເມືອງ ແລະ ກົງສຸນແມ່ນໃຫ້ຮັກສາໄວ້ຢູ່ບ່ອນເກົ່າໄປກ່ອນໃຫ້ກະຊວງການເງິນໂດຍສະເພາະແມ່ນກົມກ່ຽວຂ້ອງສົມທົບກັບພາກສ່ວນຕ່າງໆເຈລະຈາກັບ ບໍລິສັດ ລາວສາກົນ ໄອຊີດີເພື່ອມອບເຂດພື້ນທີ່ຈຳນວນໜຶ່ງຂອງຕົນທີ່ຕິດກັບທາງ R3 ພ້ອມທັງອາຄານ ແລະວັດຖຸອຸປະກອນທີ່ນໍາໃຊ້ເຂົ້າໃນການບໍລິຫານດ່ານສາກົນໃຫ້ລັດເປັນຜູ້ຄຸ້ມຄອງ ແລະ ເຫັນດີໃຫ້ກະຊວງກ່ຽວຂ້ອງຄົ້ນຄວ້າ ແລະ ປຶກສາຫາລືກັບບໍລິສັດ ນູເທັກ (ຜູ້ສະໜອງອຸປະກອນສະແກນເນີ) ໃນການປະກອບເຄື່ອງສະແກນເນີນອີກ 1 ເຄື່ອງເຂົ້າຕື່ມເພື່ອສາມາດຮັບຮອງການເພີ່ມຂຶ້ນຂອງຈຳນວນລົດຂົນສົ່ງສິນຄ້າໃນຕໍ່ໜ້າ ແລະ ອໍານວຍຄວາມສະດວກບໍລິສັດຕ່າງໆສາມາດນໍາໃຊ້ໄດ້ໃນການຈໍລະຈອນສິນຄ້າຂາເຂົ້າ-ຂາອອກຢ່າງສະດວກສະບາຍ. ຂໍຂອບໃຈ/ທີ່ມາຂ່າວ