ແຈ້ງການ ໃຫ້ບາງໂຮງຮຽນ ຢຸດການຮຽນການສອນ ແລະ ປ່ຽນເວລາຮຽນຊົ່ວຄາວ 13-15/01/2021 ຢູ່ 5 ເມືອງ ໃນນະຄອນຫຼວງວຽງຈັນ: ຈັນທະບູລີ, ສີໂຄດຕະບອງ, ສີສັດຕະນາກ, ໄຊເສດຖາ ແລະ ໄຊທານີ ດັ່ງລາຍລະອຽດ ຂ້າງລຸ່ມນີ້: 1. ຫ້ອງການສຶກສາທິການ ແລະ ກິລາ ເມືອງ ຈັນທະບູລີ, ສີໂຄດຕະບອງ, ສີສັດຕະນາກ, ໄຊເສດຖາ ແລະ ເມືອງ ໄຊທານີ ໃຫ້ແຈ້ງບັນດາໂຮງຮຽນລ້ຽງເດັກ-ອະນຸບານ, ປະຖົມ, ມັດທະຍົມຕອນຕົ້ນ, ຕອນປາຍ ທັງພາກລັດ ແລະ ເອກະຊົນ ໃນຂອບເຂດເມືອງຂອງທ່ານປ່ຽນເວລາຮຽນຊົ່ວຄາວ 3 ວັນ. ແຕ່ວັນທີ 13-15 ມັງກອນ 2021 ຕອນເຊົ້າໃຫ້ເລີ່ມຮຽນເວລາ 9:00 ໂມງ, ຕອນແລງເລີກຮຽນເວລາ: 15:00 ໂມງ 2. ສໍາລັບໂຮງຮຽນທີ່ຢູ່ໃນຂອບເຂດລຽບເສັ້ນທາງໄກສອນພົມວິຫານ ແຕ່ວົງວຽນດອນໜູນ ຫາຫໍຄໍາແມ່ນໃຫ້ຄູອາຈານເອົາວຽກບ້ານ, ບົດຝຶກຫັດຕ່າງໆໃຫ້ນັກຮຽນຄົ້ນຄວ້າຢູ່ບ້ານໃນໄລຍະ 3 ວັນ. ແຕ່ວັນທີ 13-15 ມັງກອນ …

ກະຊວງອຸດສາຫະກໍາ ແລະ ການຄ້າ ອອກແຈ້ງການ ຫ້າມນໍາເຂົ້າຊົ່ວຄາວ ອາຫານທະເລສົດ ແລະ ແຊ່ແຂງທຸກປະເພດຈາກລາຊະອານາຈັກໄທ ເພື່ອປ້ອງກັນການລະບາດຂອງໂຄວິດ-19 ເຂົ້າມາປະເທດລາວ ຫຼັງ ໄທມີການລະບາດຮອບໃໝ່ຢູ່ເຂດຕະຫຼາດຈໍາໜ່າຍອາຫານທະເລ. ອີງຕາມແຈ້ງການຂອງກະຊວງອຸດສາຫະກໍາ ແລະ ການຄ້າ ສະບັບເລກທີ 1194/ອຄ.ກຂອ; ລົງວັນທີ 23 ທັນວາ 2020 ໃຫ້ຮູ້ວ່າ: ອີງໃສ່ການລະບາດຮອບໃຫມ່ຂອງພະຍາດໂຄວິດ-19 ຢູ່ໃນລາຊະອານາຈັກໄທ ທີ່ພົບເຫັນຢູ່ ເຂດຕະຫຼາດຈໍາຫນ່າຍອາຫານທະເລ ທີ່ມີຄວາມສ່ຽງວ່າພະຍາດໂຄວິດ-19 ອາດເຈືອປົນກັບອາຫານທະເລສົດ ແລະ ແຊ່ແຂງ. ສະນັ້ນ, ເພື່ອເປັນການສະກັດກັ້ນ, ຄວບຄຸມ ແລະ ຈໍາກັດ ການແຜ່ລະບາດຂອງພະຍາດໂຄວິດ-19. ລັດຖະມົນຕີ ກະຊວງອຸດສາຫະກໍາ ແລະ ການຄ້າ ອອກແຈ້ງການ: 1.​ ຫ້າມນໍາເຂົ້າຊົ່ວຄາວ ອາຫານທະເລ ສົດ ແລະ ແຊ່ແຂງ ທຸກປະເພດ ທີ່ນໍາເຂົ້າມາຈາກ ລາຊະອານາຈັກໄທ. 2. ມາດຕະການຫ້າມນໍາເຂົ້ານີ້ເປັນມາດຕະການຊົ່ວຄາວ ແລະ ຈະມີຜົນສັກສິດນໍາໃຊ້ຈົນກວ່າ ເຈົ້າຫນ້າທີ່ໆກ່ຽວຂ້ອງ ຂອງ ສປປ ລາວ ແລະ ລາຊະອານະຈັກໄທ …

ອີງຕາມແຈ້ງການ​ພະແນກ ອຸດສາຫະກຳ​ ແລະ​ການຄ້າ​ນະຄອນຫຼວງ​ ສະບັບເລທີ 1991/ອຄ.ນວ.ຄພນ, ລົງວັນທີ 16 ທັນວາ 2020​ໃຫ້ຮູ້ວ່າ: ໃນໄລຍະສະຫຼອງບຸນປີໃໝ່ສາກົນ ຄສ 2021 ຈົນຮອດບຸນປີໃໝ່ຂອງຊາວຈີນ ແລະ ຊາວຫວຽດນາມ.ຫ້າມສວຍໂອກາດຂຶ້ນລາຄາສິນຄ້າຕາມລຳພັງໃຈ​ ຢ່າງເດັດຂາດ ຫາກໃຜລະເມີດຈະມີໂທດທາງອາຍາ. ທີ່ມາ:ພະແນກ ອຸດສາຫະກຳ​ແລະການຄ້າ​ ນວ

ຫຼວງພະບາງ ແຈ້ງເລື່ອງການຈັດງານສົ່ງທ້າຍປີ 2020​ ແລະ ຕ້ອນຮັບປີໃໝ່ 2021 ແມ່ນບໍ່ໃຫ້ຈັດເຄົ້າດາວ,​ ຈັດລວມໝູ່ ແລະ ບຸນກິນຈຽງຂອງເຜົ່າມົ້ງ, ບຸນປົດປີຂອງເຜົ່າກຶມມຸ ແມ່ນໃຫ້ຈັດພາຍໃນຄອບຄົວ ຢູ່ພາຍໃນບ້ານ ແລະ ບໍ່ໃຫ້ຈັດແບບມີຄອນເສີດ ເພື່ອປ້ອງກັນພະຍາດໂຄວິດ-19

ວັນທີ 16 ທັນວາ 2020​ ແຈ້ງການ​ ເລກທີ​ 542/ຖວທ​ໃຫ້ຮູ້ວ່າ: ຂໍແຈ້ງມາຍັງ ທ່ານເຈົ້າແຂວງ ແຂວງວຽງຈັນ ຊາບຕາມຄໍາເຫັນ ຂັ້ນເທິງ; ກ່ຽວກັບການຈັດງານ VangVieng fest 2020. ໂດຍອີງຕາມທິດຊີ້ນໍາຂອງຫ້ອງວ່າການສໍານັກງານນາຍົກລັດຖະມົນຕີ ແມ່ນເຫັນດີໃຫ້ເລື່ອນການຈັດງານ VangVieng fast 2020 ໄປກ່ອນເນື່ອງຈາກການຈັດງານດັ່ງກ່າວ ມີຄວາມສ່ຽງສູງຕໍ່ການແຜ່ລະບາດຂອງເຊື້ອພະຍາດ Covid-19, ເຊິ່ງໃນໄລຍະນີ້ພະຍາດດັ່ງກ່າວໄດ້ແຜ່ລະບາດເຂົ້າມາເຂດຊາຍແດນ ທາງພາກເໜືອຂອງລາວ ແລະ ມີການແຜ່ລະບາດຢູ່ບັນດາປະເທດໃກ້ຄຽງ, ສະນັ້ນ, ຈຶ່ງມອບໃຫ້ທາງແຂວງສົມທົບກັບ ບໍລິສັດ ສາມາດ ອີເວັນ ອໍແກນນາຍເຊີ້ ຄົ້ນຄວ້າເລື່ອນການຈັດງານໄປກ່ອນຈົນກວ່າຈະມີຄວາມພ້ອມ ແລະ ຮັບປະກັນຄວາມປອດໄມ້. ດັ່ງນັ້ນ, ຈິ່ງແຈ້ງການມາຍັງທ່ານ ເພື່ອຊາບ ແລະ ດໍາເນີນການຕາມທິດຊີ້ນໍາດັ່ງກ່າວດ້ວຍ.

ໃຫ້ເຈົ້າຂອງລົດນຳເອົາເອກະສານລົດ ເຂົ້າມາພົວພັນເອົາລົດຂອງທ່ານ ທີ່ຫ້ອງການພະແນກຕຳຫຼວດ ປກສ ເມືອງສີສັດຕະນາກ ຢູ່ຄ້າຍຄຸມຂັງບ້ານດົງສະຫວາດ ເມືອງສີສັດຕະນາກ ນະຄອນຫຼວງວຽງຈັນ ໃນໂມງລັດຖະການ ແຕ່ມື້ນີ້ຈົນເຖີງວັນທີ 10 ມັງກອນ 2021. ຖ້າກາຍກຳນົດ ແມ່ນສະຫຼະສິດ ຫຼື ຕິດຕໍ່ເບີ 02055219595; 02055515584. ທີ່ມາ: ປ້ອງກັນ​ຄວາມສະຫງົບ​ ນວ

ຫ້ອງວ່າການເມືອງວັງວຽງ ແກ້ໄຂຄວາມບໍ່ເປັນລະບຽບ ຢູ່ເມືອງວັງວຽງ ອອກແຈ້ງການ ຫ້າມບໍ່ໃຫ້ຜູ້ປະກອບການ ນໍາເອົາລົດບັກກີ່ ມາຈອດບໍລິການ ແລະ ສັນຈອນຢູ່ເທສະບານ ເມືອງວັງວຽງ !!!

ຫ້ອງການ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ແຈ້ງມາຍັງບັນດາທ່ານ ຜູ້ອຳນວຍການ, ຫົວໜ້າບັນນາທິການ ແລະ ເຈົ້າຂອງໜ້າຂ່າວ (Admin) ສື່ສັງຄົມອອນລາຍ ຂອງບຸກ ຄົນ, ນິຕິບຸກຄົນ, ການຈັດຕັ້ງຂອງພາກລັດ ແລະ ເອກະຊົນ ທີ່ເຄື່ອນໄຫວຢູ່ພາຍໃນ ສປປ ລາວ ຊາບວ່າ: ເພື່ອເຮັດໃຫ້ວຽກງານການ ໂຄສະນາຜ່ານສື່ສັງຄົມອອນລາຍ ກໍຄື ການສ້າງຕັ້ງໜ້າຂ່າວ ເຟສບຸກ (Face book), ຢູທູບ (Youtube) ແລະ ເວັບໄຊ (Website) ທີ່ເຮັດໜ້າທີ່ບໍລິການຂ່າວ ແລະ ສະ ໜອງຂໍ້ມູນຂ່າວສານ ໃຫ້ແກ່ສັງຄົມ ໃຫ້ໄດ້ຮັບຂໍ້ມູນຂ່າວສານທີ່ຖືກຕ້ອງ, ເປັນຈິງ, ໜ້າເຊື່ອຖື ແລະ ເປັນປະໂຫຍດຕໍ່ການ ພັດທະນາເສດຖະກິດ-ສັງຄົມ. ໃນໄລຍະຜ່ານມາ ພາຍຫລັງໄດ້ອອກແຈ້ງການເລກທີ 256/ຖວທ ລົງວັນທີ 12 ກໍລະກົດ 2019 ກ່ຽວກັບການສ້າງຕັ້ງໜ້າຂ່າວ (Social Media) ເພື່ອສະໜອງຂ່າວສານຮັບໃຊ້ສັງຄົມ ເຊິ່ງບັນດາຜູ້ອຳນວຍການ, ຄະນະບັນນາທິການ ແລະ ເຈົ້າຂອງໜ້າຂ່າວອອນລາຍຈຳນວນໜຶ່ງ …

ວັນທີ 20 ສິງຫາ 2020 ກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການເລກທີ 0762/ອຄ.ກຄພນ ເຖິງສະມາຄົມນໍ້າມັນເຊື້ອໄຟ ແລະ ອາຍແກັສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ; ເລື່ອງ: ແຈ້ງການປັບລາຄານໍ້າມັນເຊື້ອໄຟໃນຂອບເຂດທົ່ວປະເທດ. ໃນນີ້, ປັບຂຶ້ນນ້ຳມັນແອັດຊັງພິເສດ 80 ກີບຕໍ່ລິດ, ປັບຂຶ້ນນໍ້າມັນແອັດຊັງທຳມະດາ 90 ກີບຕໍ່ລິດ; ສ່ວນນໍ້າມັນກາຊວນປັບລົງ 40 ກີບຕໍ່ລິດ ໂດຍເລີ່ມປະຕິບັດແຕ່ເວລາ 6:00 ໂມງຂອງວັນທີ 21 ສິງຫາ 2020; ຈາກການປັບຄັ້ງນີ້ ເຮັດໃຫ້ນໍ້າມັນແອັດຊັງພິເສດຢູ່ນະຄອນຫຼວງວຽງຈັນຂຶ້ນມາເປັນ 8.510 ກີບຕໍ່ລິດ, ແອັດຊັງທຳມະດາ ຂຶ້ນມາຢູ່ທີ່ 8.080 ກີບຕໍ່ລິດ; ສ່ວນນໍ້າມັນກາຊວນລົງມາຢູ່ທີ່ 7.610 ກີບຕໍ່ລິດ.

ແຈ້ງການຈາກ ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ