ວັນທີ​ 14​ ກັນຍາ​ 2021​ນີ້​ ສຳນັກງານສາທາລະນະສຸກຈັງຫວັດນົນທະບູລີ ປະກາດເປີດໃຫ້​ແຮງງານລາວ, ມຽນມາ​ ແລະ​ ກຳປູເຈຍ​ ໄປລົງທະບຽນຮັບສັກວັກຊີນ ຢູ່ທີ່ສາທາຂອງຈັງຫວັດ​ໂດຍເລີ່ມແຕ່ວັນທີ 13-16ກັນຍາ 2021​ ກ່ອນເວລາ 20:00​ ໂມງ. ທີ່ມາ: ไทยรู้สู้โควิด

ໃນໄລສອງເດືອນມານີ້ ນັບຕັ້ງແຕ່ລັດຖະບານມີນະໂຍບາຍຮັບເອົາແຮງງານທີ່ໄປເຮັດວຽກຢູ່ໄທ ກັບຄືນປະເທດ ໂດຍບໍ່ມີການປັບໃໝໃສ່ໂທດ​ ບໍ່ວ່າຈະໄປແບບຜິດກົດໝາຍ ຫຼື​ ຖືກກົດໝາຍກໍຕາມ ຂໍພຽງແຕ່ກັບມາຖືກລະບຽບການ ແລະ​ ບ່ອນທີ່ເຈົ້າໜ້າທີ່ອຳນວຍຄວາມສະດວກ. ໃນການເຂົ້າມາຕ້ອງກັກ​ບໍລິເວນ​ຢູ່ສູນ​ 28​ ວັນ​ ໂດຍກັກຢູ່ແຂວງ ຫຼື​ ບ່ອນໃກ້ດ່ານທີ່ແຂວງຈັດໄວ້ 14​ ວັນ​ ແລະ​ ກັກຢູ່ເມືອງຂອງຕົນ 14​ ວັນ. ດ້ານສະຖານທີ່ກັກບໍລິເວນແມ່ນຄະນະຮັບຜິດຊອບກະກຽມໄວ້ທຸກຢ່າງ ມີ​ 2​ ແບບໃກ້ເລືອກຄື ຜູ້ມີເງື່ອນໄຂດ້ານການເງິນແມ່ນກັກໂຮງແຮມ​ ຄ່າໃຊ້ຈ່າຍຮັບຜິດຊອບເອງທັງໝົດ ແຕ່ການກວດຫາເຊື້ອ ກັບການປິ່ນປົວຫາກຕິດເຊື້ອແມ່ນປົວຟຣີ ແລະ​ ກັກບໍລິເວນຢູ່ສູນພາກສະໜາມ ຄ່າໃຊ້ຈ່າຍໃນສູນຟຣີທຸກຢ່າງ,​ ລ້ຽງເຂົ້າສາມຄາບ​ ແຕ່ຈະມີຄ່າໃຊ້ຈ່າຍເວລາເດີນທາງ ແລະ​ ສິ່ງອຳນວຍຄວາມສະດວກອາດຈະບໍ່ຄົບທຸກຢ່າງ. ສິ່ງຜູ້ເຂົ້າກັກບໍລິເວນຢູ່ພາກສະໜາມຕ້ອງກຽມຄື​ ເຄື່ອງຢູ່ເຄື່ອງນອນທີ່ຕ້ອງການຄວາມເປັນສ່ວນຕົວ,​ ເຄື່ອງໃຊ້​ສ່ວນຕົວ​ ແລະ​ ສິ່ງອື່ນໆທີ່ຕ້ອງການນອກເໜືອຈາກຄະນະຮັບຜິດຊອບຈັດໃຫ້​ເຊິ່ງທາງການໄດ້ລາຍງານໃນກອງປະຊຸມສະພາວ່າ ຕັ້ງແຕ່ມີການຮັບແຮງງານ ໃຊ້ງົບປະມານແລ້ວ 15​ ຕື້ກວ່າກີບ. ເຖິງຢ່າງໃດກໍຕາມແຮງງານທີ່ມາກັກບໍລິເວນຍັງເຫັນວ່າ ພາກລັດຄວນເອົາໃຈໃສ່ ແລະ​ ສ້າງສິ່ງອຳນວຍຄວາມສະດວກທຸກຢ່າງ​ ເຊິ່ງບາງຄົນກໍໂວຍວາຍຮ້າຍດ່າ ປະນາມລັດຖະບານຕ່າງໆນານາ​ ແຕ່ກໍມີຫຼາຍຄົນທີ່ຜ່ານການກັກບໍລິເວນມາແລ້ວທີ່ປະຕິບັດຕົນຕາມລະບຽບ.​ ແນວໃດກໍດີ ພາກສ່ວນກ່ຽວຂ້ອງກໍຕ້ອງໄດ້ເບິ່ງຄືນເຊັ່ນ ການແຍກລະຫວ່າງຍິງ-ຊາຍ,​ ຫ້ອງນໍ້າ,​ ໄຟຟ້າ​ ແລະ​ ອື່ນໆທີ່ເຫັນວ່າຄວາມຈຳເປັນ​ …

ວັນທີ​ 15​ ສິງຫາ​ 2021​ ຄະນະສະເພາະກິດລາຍງານມີຜູ້ຕິດເຊື້ອ​ທັງໝົດ​ 41​ ຄົນ.​ເປັນແຮງງານນຳເຂົ້າ 1​ ໃນນັ້ນມີແຮງງານທີ່ລັກລັກອອກຈາກສູນ ສຸດທ້າຍຜົນກວດອອກມາເປັນບວກ. ເຊິ່ງປະຫວັດການເຄື່ອນໄຫວຂອງຜູ້ກ່ຽວມີດັ່ງນີ້: ຝາກເຖິງພີ່ນ້ອງຢູ່ທາງປາກເຊ,​ ປາກຊ່ອງ​ ໃຜທີ່ໄດ້ພົວພັນກັບບຸກຄົນດັ່ງກ່າວໃຫ້ຮູບກັກຕົວ ແລະ​ ໄປກວດຫາເຊື້ອໂຄວິດ -​19​ ໂດຍ​ດ່ວນ.

ທ່ານ ສີໄຮແກ້ວ ໄກຖິ່ນ ຫົວໜ້າພະແນກແຮງງານ ແລະສະ ຫວັດດີການສັງຄົມ ແຂວງຄຳມ່ວນ ຕໍ່ກອງປະຊຸມຄະນະບໍລິຫານງານພັກແຂວງ ສະໄໝທີ X ໃນລ ະຫວ່າງວັນທີ 29-30 ກໍລະກົດ 2021 ແຈ້ງໃຫ້ຮູ້ວ່າ: ການເກັບກຳສະຖິຕິແຮງງານລາວ ທີ່ກັບມາຈາກປະເທດໄທ ໃນຊ່ວງທີ່ມີການແຜ່ລະບາດຂອງພະຍາດ ໂ ຄ ວິ ດ ແລະ ແຮງງານຫວ່າງງານພາຍໃນມີຈຳນວນທັງໝົດ 14.589 ຄົນ ໃນນີ້ແຮງງານລາວ ທີ່ກັບມາຈາກໄທ 13.264 ຄົນເຊິ່ງປະກອບອາຊີບໃນຂົງເຂດອຸດສາຫະກຳ 8.169 ຄົນ, ຂົງເຂດກະສິກຳ 2.073 ຄົນ ແລະ ຂົງເຂດບໍລິການ 4.347 ຄົນ, ຈຳນວນແຮງງານທີ່ຫວ່າງງານພາຍໃນ 1.325 ຄົນ. ເຊິ່ງພະແນກແຮງງານ ແລະ ສະຫວັດດີການສັງຄົມແຂວງ ໄດ້ມີການຂຶ້ນທະບຽນຜູ້ຕ້ອງການຊອກຫາວຽກເຮັດງານທຳ ແລະ ໄດ້ລົງສົມທົບກັບຫົວໜ່ວຍແຮງງານເພື່ອເກັບກຳຕຳແໜ່ງງານຫວ່າງ ເປັນແຕ່ລະໄຕມາດຢ່າງຕໍ່ເນື່ອງ. ໃນ 06 ເດືອນຜ່ານມາ ສາມາດຈັດຫາງານໃຫ້ແກ່ແຮງງານໄດ້ທັງໝົດ 246 ຄົນ. ໃນນັ້ນມີຂົງ ເຂດອຸດສາຫະກຳ 15 ຄົນ …

ອີງຕາມການລາຍງານກຸ່ມແຮງງານໃນເມື່ອບໍ່ດົນມານີ້ກ່ຽວກັບກໍລະນີ​ ມີການສຳປະທານ ເກັບຄ່າໂດຍສານ ຂອງເອກະຊົນຢູ່ດ່ານຂົວທິດຕະພາບລາວ-ໄທ1​ໄປຫາສູນກັກບໍລິເວນ ເຊິ່ງແຮງງານຕ້ອງເປັນຜູ້ຮັບຜິດຊອບ ຄ່າລົດ100​ບາດ​ ຄ່າເຄື່ອງ​ 500​ ບາດ(ມີຄລິບ) ຈຶ່ງມີຄວາມສົງໄສ ຢາກຖາມຜູ້ຮູ້! ຖ້າເອກະຊົນຮັບຜິດຊອບແທ້ແມ່ນບໍລິສັດໃດສຳປະທານ? ຖ້າເປັນແບບນີ້ ຈະເກີດໃຫ້ມີຊ່ອງວ່າງ ໃນການສວຍໂອກາດເກັບຄ່າໂດຍສານແບບບໍ່ຊອບທຳເກີດຂຶ້ນຫຼືບໍ? ພ້ອມມີຂໍ້ຄວາມເຕືອນຕື່ມວ່າ: “ຈາກດ່ານລາວໄປສູນກັກຕົວ ໃຜບໍ່ມີເງີນ 10.000 ບາດ ຢ່າຮີບຮ້ອນ ຄ່າລົດ 100 ບາດ ຄ່າເຄື່ອງ 500 ບາດ ຍ້ອນໄລຍະກັກຕົວຕ້ອງມີຄ່າໃຊ້ຈ່າຍ ແລະຈຸເຈົ້າຕ້ອງອອກເອງ”​ ແນວໃດກໍຕາມ ຂໍຝາກໃຫ້ພາກສ່ວນກ່ຽວຂ້ອງ ລົງກວດກາແລະກວດສອບແດ່ເດີກະຮູ້ໆກັນຢູ່ຊ່ວງນີ້ຄືຊ່ວງວິກິດ ເຫັນຫຼາຍດ່ານລັດຖດບານຮັບຜິດຊອບແມ່ນບໍ່ໄດ້ເສຍຄ່າໃຊ້ຈ່າຍໃດໆ (ເບິ່ງຄລິບ ເວົ້າເຕັມປາກເຕັມຄຳ ວ່າເປັນຂອງເອກະຊົນ)

ຈາກບົດຮຽນໃນໄລຍະຜ່ານມາມັນໄດ້ຢໍ້າເຕືອນໃຫ້ເຮົາຮູ້ວ່າ ການກັກໂຕ 14​ ວັນຍັງບໍ່ພຽງພໍສຳລັບການກວດຫາເຊື້ອ ເນື່ອງຈາກໂຄວິດ-19​ ສາຍພັນ​ເດລຕ້າ​ ມີໄລຍະການຟັກຕົວ ແລະ​ ສະແດງອາການຢ່າງໜ້ອຍ​ 21​ ວັນ​ ຄືພາຍຫຼັງ 14​ ວັນອີກປະມານ 7-8​ ມື້​ ຈຶ່ງສະແດງອາການ​ຊັດເຈນ​ ແລະ​ ກວດພົບເຊື້ອ.​ ເຊັ່ນເຫດການທີ່ເກີດຂຶ້ນຢູ່ຈຳປາສັກ,​ ສາລະວັນ,​ ສະຫວໜນະເຂດ ແລະ​ ຫຼ້າສຸດຢູ່ແຂວງໄຊຍະບູລີ ເຊິ່ງ​ແຮງງານ​ເຫຼົ່ານັ້ນ​ ລ້ວນແຕ່​ກັກໂຕ​ຄົບ​14​ ວັນ, ຜ່ານການກວດຫາເຊື້ອບໍ່ຕໍ່າກວ່າ 2​ ຄັ້ງ​ແຕ່ສຸດທ້າຍກໍເກີດເຫດການກວດພົບພາຍຫຼັງຈົນໄດ້. ແຕ່ເມື່ອມາເບິ່ງອີກມຸມໜຶ່ງ ການກັກບໍລິເວນແຮງງານຍິ່ງກັກດົນ ພາກລັດກໍຈະເພີ່ມພາລະໃນການລ້ຽງດູເພີ່ມຂຶ້ນ ສິ້ນເປືອງງົບປະມານຫຼາຍຂຶ້ນ ເພາະພາກລັດຕ້ອງໄດ້ລ້ຽງເຂົ້າທັງ 3​ ຄາບ,​ ຈັດຫາສະຖານທີ່ກັກບໍລິເວນໃຫ້ ແລະ​ ຄ່າໃຊ້ຈ່າຍອື່ນໆອີກ ທາງທີ່ດີແທ້ໆກໍຄວນເນັ້ນໜັກໃຫ້ແຮງງານທີ່ກັກໂຕຢູ່ສູນຄົບແລ້ວຕ້ອງໄປກັກໂຕຢູ່ເຮືອນ ເບິ່ງແຍງຕົນເອງອີກ 14​ ວັນເພື່ອຄວາມໝັ້ນໃຈແລ້ວຈຶ່ງອອກສູ່ສັງຄົມ. ສຳລັບລາຍງານຕົວເລກຫຼ້າສຸດ ວັນທີ​ 29​/7/2021 ມີຜູ້ກວດເຊື້ອໃຫມ່ 2.082 ຄົນ ແລະພົບຜູ້ຕິດເຊື້ອໃຫມ່ 241 ຄົນ ເຊິ່ງມີ + ໃນຊຸມຊົນ: – ໄຊຍະບູລີ 1 ຄົນ …

ວັນທີ​ 10​ ມີນາ​ 2021ນີ້​ ເຈົ້າໜ້າທີ່ ປກສ​ ນວ​ໃຫ້ຮູ້ວ່າ: ມີແຮງງານຄົນໜຶ່ງ ຊື່ນາງ ນຸ້ຍ ອາຍຸ 30ປີ, ປະຊາຊົນ ບ້ານສິມມະໂນເໜືອ ເມືອງຫາດຊາຍຟອງ ນວ ໄດ້ຈ້າງເຮືອຄົນໄທຂີ່ສົ່ງຂ້າມຈາກປະເທດໄທມາຂຶ້ນທ່າແຄມຂອງເຂດບ້ານສິມມະໂນເໜືອ ເວລາ 17:00ໂມງ ຂອງວັນທີ 7 ມີນາ 2021 ຈາກນັ້ນໄປກັກຕົວຢູ່ຖຽງນາຂອງຕົນ ຈົນຮອດເວລາ 7:00ໂມງ ຂອງວັນທີ 08 ມີນາ 2021 ຜູ້ກ່ຽວຕື່ນຕົວມາແຈ້ງອຳນາດການປົກຄອງບ້ານ ແລະ ເຈົ້າໜ້າທີ່ ເພື່ອນຳຕົວໄປກັກກັນ ແລະ ກວດກາເຊື້ອຢູ່ສູນທີ່ທາງການກຳນົດ. ​ຕໍ່ກໍລະນີນີ້ ກອງບັນຊາການ ປກສ ນະຄອນຫຼວງວຽງຈັນ ຂໍຊົມເຊີຍສະຕິຕື່ນຕົວຂອງນາງ ນຸ້ຍ ແລະ ຂໍຮຽກຮ້ອງພໍ່-ແມ່ ປະຊາຊົນຊາວນະຄອນຫຼວງວຽງຈັນ ຈົ່ງຊ່ວຍແນະນຳລູກຫຼານ, ຍາດພີ່ນ້ອງຂອງຕົນ ໃຫ້ເອົາແບບຢ່າງດັ່ງນາງ ນຸ້ຍ ປະຕິບັດ ນີ້ຖືວ່າເປັນຜູ້ຮັກບ້ານເກີດເມືອງນອນ, ຮັກຄອບຄົວຕົນ ແລະ ຮັກປະຊາຊົນລາວດ້ວຍກັນ. ສະເໜີມາຍັງອຳນາດການປົກຄອງບ້ານ, ເຈົ້າໜ້າທີ່ທຸກລະດັບຈົ່ງໃຫ້ການຊ່ວຍເຫຼືອບຸນຄົນທີ່ຕື່ນຕົວ ແລະ ນຳໃຊ້ມາດຕະການຢ່າງເຂັ້ມງວດຕໍ່ຜູ້ຝ່າຝືນ, ບໍ່ຈິງໃຈປະຕິບັດມາດຕະການຄວບຄຸມການແຜ່ລະບາດພະຍາດໂຄວິດ-19 ທີ່ລັດຖະບານໄດ້ວາງອອກ.

ວັນທີ​ 16​ ກຸມພາ​2021​ ນີ້: ເວັບໄຊ້​ ຣາຊະກິດຈານຸເບກຂາ ຂອງໄທໄດ້ເຜີຍແຜ່​ ປະກາດກະຊວງແຮງງານ ເລື່ອງການອະນຸຍາດໃຫ້ແຮງງານຕ່າງດ້າວສາມາດເຂົ້າໄປ​ ແລະສືບຕໍ່ເຮັດວຽກຢູ່ໃນຣາຊະອານາຈັກໄທ​ ໂດຍປະກອບມີ​ສາມ​ຊາດຄື: ລາວ,​ ກຳປູເຈຍ​ແລະມຽນມາ ໃນທ່າມກາງສະຖານະການໂຄວິດ-19​ຕາມມະຕິຂອງຄະນະລັດຖະມົນຕຕີວັນທີ 26​ ມັງກອນ​ 2021 ແຕ່ທຸກຄົນທີ່ຈະເຂົ້າໄປເຮັດວຽກຕ້ອງຜ່ານການກວດໂຄວິດ-19​ ​ແລະພະຍາດຕ້ອງຫ້າມຕາມກົດຂອງກະຊວງ​.​ ອ່ານສະບັບພາສາໄທ: ລິ້ງ

ພັທ ພອນສີ ພັນທະວົງ ຮອງຫົວໜ້າກອງບັນຊາ ການ ປກສ ເມືອງສັງທອງ ໃຫ້ຮູ້ວ່າ: ນັບແຕ່ວັນທີ 1 ຫາ 4 ກຸມພາ 2021 ເຈົ້າໜ້າທີ່ສາມາດກວດກາພົບເຫັນກຸ່ມຄົນລັກລອບເຂົ້າຕາມຊາຍແດນລາວ-ໄທ ເຂດບ້ານແກ້ງໝໍ້ ແລະ ບ້ານຄົກເພີງ ເມືອງສັງທອງ ຈຳນວນ 16ຄົນ, ຍິງ 11 ຄົນ, ຈຳນວນດັ່ງກ່າວໄດ້ສົ່ງຕົວໄປສູນກັກກັນຫຼັກ 27 ເປັນທີ່ຮຽບຮ້ອຍ. ເພື່ອໃຫ້ທຸກທ່ານເຂົ້າໃຈຢ່າງຖືກຕ້ອງກອງບັນຊາການ ປກສ ນະຄອນຫຼວງວຽງຈັນ ຂໍແຈ້ງຄຳເຫັນແນະນຳຂອງທ່ານຫົວໜ້າພະແນກສາທາລະນະສຸກ ນະຄອນຫຼວງວຽງຈັນ ໃນວັນທີ 04 ກຸມພາ 2021 ໃຫ້ພໍ່ແມ່ປະຊາຊົນ, ແຮງງານລາວທີ່ເປັນພົນລະເມືອງລາວຊາວນະຄອນຫຼວງວຽງຈັນ ຊາບວ່າ: – ຕໍ່ບຸກຄົນທີ່ເຂົ້າມາຕາມຊາຍແດນທີ່ບໍ່ຖືກຕ້ອງ ຫາກຈິງໃຈແຈ້ງເຈົ້າໜ້າທີ່ ແລະ ເຂົ້າຮ່ວມກັກກັນຫາເຊື້ອພະຍາດຈະບໍ່ເສຍຄ່າກວດກາຫາເຊື້ອ, ຄ່າທີ່ພັກ ແລະ ຄ່າອາຫານໃດໆ ໃນກຳນົດເວລາກັກຕົວ 14ວັນ. – ຕໍ່ບຸກຄົນທີ່ເຂົ້າມາບໍ່ຖືກຕ້ອງຕາມຊາຍແດນ ຫາກຫຼົບຫຼີກຈາກການກວດກາ, ການໄປກັກຕົວ ເມື່ອເຈົ້າໜ້າທີ່ຊອກຮູ້ ຈະນຳຕົວໄປກັກກັນກວດກາຫາເຊື້ອພະຍາດໃນກຳນົດເວລາ 14ວັນ, ຜູ້ທີ່ລະເມີດຈະຕ້ອງໄດ້ຮັບຜິດຊອບຈ່າຍຄືນຄ່າກວດກາຫາເຊື້ອດ້ວຍຕົນເອງມູນຄ່າ 1,2ລ້ານກີບ/ຄັ້ງ, ຕາມຂໍ້ຕົກລົງຂອງກະຊວງສາທາລະນະສຸກ ສະບັບເລກທີ …

ເຈົ້າໜ້າທີ ປກສ ເມືອງສັງທອງໄດ້ສົມທົບກັບໜ່ວຍງານສະເພາະກິດ ແລະ ພາກສ່ວນກ່ຽວຂ້ອງ ເຂັ້ມງວດໃນການກວດກາ ແລະ ຕິດຕາມຄວາມສະຫົງບຕາມຊາຍແດນລຽບແມ່ນ້ຳຂອງ, ຜ່ານການຈັດຕັ້ງປະຕິບັດ ໃນໄລຍະຕົ້ນເດືອນມັງກອນ ປີ 2021, ໄດ້ກວດກາພົບເຫັນແຮງງານລາວ ຈຳນວນ 13 ຄົນ, ຍິງ 8 ຄົນ, ທີ່ໄດ້ລັກລອບເຂົ້າຕາມເຂດຊາຍແດນແມ່ນ້ຳຂອງ ເມືອງສັງທອງ ນະຄອນຫຼວງວຽງຈັນ ແບບບໍ່ຖືກຕ້ອງຕາມລະບຽບກົດໝາຍ ຊຶ່ງພວກກຽວໄດ້ຂ້າມຕາມຈຸດເຂດບ້ານປາກຕອນ, ຄອງນໍ້າອ່າງນ້ອຍ, ບ້ານສຳພັນນາ, ບ້ານສະໄກ ແລະ ບ້ານດອນກາງຂອງ, ດັ່ງນັ້ນເຈົ້າໜ້າທີ່ ປກສ ເມືອງສັງທອງ ຈຶ່ງໄດ້ປະສານສົມທົບກັບພາກສ່ວນກຽວຂ້ອງລົງກວດກາພົບເຫັນ ແລະໄດ້ກັກຕົວວັດແທກອຸນຫະພູມ ເພື່ອເປັນການປ້ອງກັນສະກັດກັ້ນການແຜ່ລະບາດຂອງເຊື້ອພະຍາດ ອັກເສບປອດສາຍພັນໃໝ່ ( ໂຄວິດ 19) ແລ້ວນຳສົ່ງພວກກ່ຽວທັງໝົດໄປທີ່ສູນກັກກັນ ຫຼັກ 27 ເມືອງໄຊທານີ ນວ. ທີ່ມາ:ປກສ ນວ