ໃນວັນທີ 20 ມັງກອນ 2021 ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ, ທ່ານ ທາເກວະກະ ເຄໂຊ ໄດ້ຕາງໜ້າມອບລົດລາດຕະເວນ ໃຫ້ແກ່ ທ່ານ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ. ພິທີດັ່ງກ່າວ, ໄດ້ຈັດຂຶ້ນທີ່ກະຊວງ ປ້ອງກັນຄວາມສະຫງົບ ນະຄອນ ຫຼວງວຽງຈັນ ພາຍໃຕ້ໂຄງການຊ່ວຍເຫຼືອລ້າ ເພື່ອສົ່ງເສີມການພັດທະນາເສດຖະກິດ-ສັງຄົມ ຂອງ ຍີ່ປຸ່ນ ໃຫ້ແກ່ ສປປ ລາວ. (ໃນຂົງເຂດປ້ອງກັນຄວາມສະຫງົບ). ທຶນຊ່ວຍເຫຼືອລ້າ ຈຳນວນ 200 ລ້ານເຢນ (1.92 ລ້ານໂດລາ) ຈະຖືກນຳໃຊ້ເພື່ອຊ່ວຍເຫລືອ ລັດຖະບານລາວ ຕ້ານການກໍ່ການຮ້າຍ ແລະ ປັບປຸງອຸປະກອນດ້ານຄວາມໝັ້ນຄົງ ເພື່ອແນໃສ່ປະກອບ ສ່ວນຕໍ່ການພັດທະນາເສດຖະກິດ-ສັງຄົມຂອງ ສປປ ລາວ, ໂດຍຜ່ານການເສີມສ້າງຄວາມເຂັ້ມແຂງໃຫ້ແກ່ກຳລັງປ້ອງກັນຄວາມສະຫງົບ. ລົດລາດຕະເວນ, ລວມທັງອຸປະກອນອື່ນໆ ເຊັ່ນ: ເຄື່ອງ X-Ray ແລະ ລົດອະເນກປະສົງ, ແມ່ນໄດ້ຖືກສົ່ງມອບໃຫ້ກ່ອນ. ທີ່ມາ: ຂປລ

ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ຖະແຫຼງຂ່າວໃນວັນທີ 12 ມັງກອນ 2021 ໂດຍລາຍງານການຮັບ-ຈ່າຍ, ການແຈກຢາຍ ເຄື່ອງຊ່ວຍເຫຼືອ ເພື່ອຮັບໃຊ້ວຽກງານປ້ອງກັນ, ຄວບຄຸມ ແລະ ຕອບໂຕ້ພະຍາດອັກເສບປອດ ໂຄວິດ-19 ໂດຍເຜີຍຕົວເລກໄດ້ຮັບເຄື່ອງຊ່ວຍເຫຼືອຈາກພາກສ່ວນຕ່າງໆ ນັບແຕ່ເດືອນກຸມພາ 2020 ຈົນຮອດປັດຈຸບັນ ຢູ່ທີ່ 40ຕື້ກວ່າກີບ. ສໍາລັບການຈັດຕັ້ງປະຕິບັດງົບປະມານບ້ວງເງິນແຮສຸກເສີນຂອງລັດຖະບານ (ບ້ວງ 30 ຕື້ກີບ) ສັງລວມຮອດວັນທີ 30 ທັນວາ 2020; ລັດຖະບານອະນຸມັດເງິນແຮສຸກເສີນ ຄັ້ງທີ 1 ຈໍານວນ 10 ຕື້ກີບ ຊຶ່ງໃຊ້ຈ່າຍລະອຽດດັ່ງນີ້: ຈັດຊື້ອຸປະກອນການແພດ, ໜ້າກາກອະນາໄມ(ຜ້າອັດປາກ-ດັງ), ເຄື່ອງເຄມີ, ເຈວລ້າງມື, ຄ່າຫຸ້ມຫໍ່ ແລະ ການຈັດສົ່ງອຸປະກອນການແພດ ຈໍານວນ 6,64 ຕື້ກີບ ເພື່ອຮັບໃຊ້ໃນວຽກງານສາທາລະນະສຸກ; ຈ່າຍລ່ວງໜ້າໃຫ້ ກະຊວງສາທາລະນາສຸກ ເພື່ອເບີກຈ່າຍວຽກງານຈຳເປັນ ແລະ ຮີບດ່ວນ ຈຳນວນ 100 ລ້ານກີບ; ຍອດເຫຼືອຈໍານວນເງິນອະນຸມັດຄັ້ງທີ 1 ຈໍານວນ 3,25 …

ຕອນເຊົ້າວັນທີ 18 ທັນວາ 2020 ທີ່ສູນລະບາດວິທະຍາ ກະຊວງສາທາລະນະສຸກ ລັດຖະບານຍີ່ປຸ່ນ ໄດ້ມອບອຸປະກອນການແພດໃຫ້ ສປປ ລາວ ເຊິ່ງເປັນເຄື່ອງກວດຫາເຊື້ອພະຍາດໂຄວິດ19, ອຸປະກອນດັ່ງກ່າວປະກອບດ້ວຍ ເຄື່ອງວິເຄາະແບບ RT-PCR, ນ້ຳຢາເຄມີ, ຕູ້ເຢັນການແພດ, ຫຼອດພິແພັດ, ຄອມພິວເຕີ, ປຣີ້ນເຕີ້, ໝໍ້ໄຟສຳຮອງ ແລະ ອຸປະກອນປ້ອງກັນ ເຊັ່ນ: ຜ້າປິດປາກ, ຖົງມື, ຊຸດກາວ ແລະ ອື່ນໆ ເຊິ່ງແມ່ນພາກສ່ວນໜຶ່ງ ທີ່ລັດຖະບານຍີ່ປຸ່ນສັນຍາວ່າຈະໃຫ້ການຊ່ວຍເຫລືອທັງໝົດ ມູນຄ່າ​ 3.084.480 ໂດລາສະຫະລັດ. ທ່ານ ເຄອິໂຊະ ຕະເກວະກະ ເອກອັກຄະລັດຖະທູດແຫ່ງຍີ່ປຸ່ນປະຈຳ ສປປ ລາວ ກ່າວວ່າ ອຸປະກອນການແພດເຫຼົ່ານີ້ ສາມາດເພີ່ມຄວາມເຂັ້ມແຂງຂອງປະເທດລາວ ໃນການຮັບມືກັບພະຍາດໂຄວິດ-19, ນອກຈາກນັ້ນ ຍັງສະແດງໃຫ້ເຫັນເຖິງຄວາມມຸ່ງໝັ້ນອັນສູງສົ່ງຂອງຍີ່ປຸ່ນໃນການຊ່ວຍເຫຼືອລັດຖະບານ​ ແລະ ປະຊາຊົນ ສປປ ລາວ. Lao National Radio

ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ກ່າວໃນໂອກາດການຢ້ຽມຢາມຂອງ ທ່ານ Ms Leow Siu Lin ເອກອັກຄະລັດຖະທູດ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ໃນວັນທີ 7 ທັນວາ 2020ນີ້ວ່າ: ສະແດງຄວາມຂອບໃຈ ຕໍ່ ສາຍພົວພັນການທູດ, ການຮ່ວມມື ແລະ ການຊ່ວຍເຫລືອ ຂອງລັດຖະບານສິງກະໂປ ຕໍ່ການສ້າງສາພັດທະນາ ປະເທດລາວ ເວົ້າລວມ, ເວົ້າສະເພາະ ຕໍ່ການພັດທະນາແຂວງຈຳປາສັກ, ເຊິ່ງໄລຍະຜ່ານມາ ສອງປະເທດ ໄດ້ມີການການຮ່ວມມື ແລະ ຊ່ວຍເຫລືອໃນຫລາຍດ້ານ, ໂດຍສະເພາະ ແຂວງຈຳ ປາສັກ ແມ່ນໄດ້ຮັບການຊ່ວຍເຫລືອໃນຫລາຍຂະແໜງການ ເຊັ່ນ: ຂະແໜງການສຶກສາ, ສາທາລະ ນະສຸກ ແລະ ຂະແໜງກະສິກຳ ເປັນຕົ້ນແມ່ນ ໂຄງການກໍ່ສ້າງໂຮງຮຽນ ມູນຄ່າ 96.000 ໂດລາສະ ຫະລັດ, ໂຄງການພັດທະນາພື້ນຖານໂຄງລ່າງ, ສະໜອງອຸປະກອນຮັບໃຊ້ ແລະ ພັດທະນາບຸຄະລາກອນໃນຂະແໜງສາທາລະນະສຸກ ໃຫ້ແກ່ໂຮງໝໍນ້ອຍ ຢູ່ …

ວັນທີ 13 ພະຈິກ 2020 ທີ່ຫໍປະຊຸມແຫ່ງຊາດ, ສປປ ລາວ ໄດ້ຈັດພິທີມອບ-ຮັບ ເຂົ້າສານ ຈຳນວນ 1.000 ໂຕນ ແບບທາງໄກຈາກ ລັດຖະບານ ສສ ຫວຽດນາມ ເພື່ອຊ່ວຍ ເຫລືອປະຊາຊົນ ແຂວງ ສະຫວັນນະເຂດ ທີ່ໄດ້ຮັບຜົນກະທົບຈາກອຸທົກກະໄພຢ່າງໜັກໜ່ວງ ໂດຍການເປັນສັກຂີຍານຂອງ ທ່ານ ທອງລຸນ ສີສຸລິດ,ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ຫງວຽນ ຊວັນ ຟຸກ, ນາຍົກລັດຖະມົນຕີ ແຫ່ງ ສສ ຫວຽດນາມ ໂດຍມີບັນດາລັດຖະ ມົນຕີກະຊວງການຕ່າງປະເທດ, ກະຊວງແຮງງານ ແລະ ສະຫວັດດີການສັງຄົມ ແລະ ການນຳຈາກຫ້ອງວ່າການສຳນັກງານນາຍົກລັດຖະມົນຕີ ຈຳນວນນຶ່ງເຂົ້າຮ່ວມຢ່າງພ້ອມພຽງ. ພິທີດັ່ງກ່າວໄດ້ຮັບກຽດກ່າວມອບໂດຍ ທ່ານ ຫງວຽນ ກັວກ ຢຸງ, ຮອງລັດຖະມົນ ຕີກະຊວງການຕ່າງປະເທດ ແລະ ກ່າວຮັບໂດຍ ທ່ານ ຈັນທະພອນ ຄຳມະນີຈັນ, ອຸປະ ທູດຊົ່ວຄາວ, ສະຖານເອກອັກຄະລັດຖະທູດ …

ພິທີເຊັນສັນຍາຮັບເໝົາໂຄງການກໍ່ສ້າງພື້ນຖານໂຄງລ່າງ ຫຼຸດຜ່ອນຄວາມທຸກຍາກຊຸດທີ 1 ລະຫວ່າງເຈົ້າຂອງໂຄງການ ຫ້ອງການຄະນະກຳມະການຮ່ວມມືລາວ-ຈີນກະຊວງແຜນການ ແລະ ການລົງທຶນ ແລະ ຜູ້ຮັບເໝົາກໍ່ສ້າງ ກຸ່ມບໍລິສັດກໍ່ສ້າງ ລົງທຶນ ແລະ ຫຸ້ນສ່ວນແຂວງຢຸນນານຈຳກັດ. ໂຄງການນີ້ ເປັນໂຄງການຊ່ວຍເຫຼືອລ້າຂອງ ສປ ຈີນ ມູນຄ່າ 4 ຕື້ຢວນ ສໍາລັບໜ້າວຽກໂຄງການ ປະກອບມີ ກໍ່ສ້າງລະບົບນ້ໍາສະອາດ 100 ບ້ານ ສຸກສາລາ 100ແຫ່ງ ດຶງໄຟຟ້າເຂົ້າບ້ານ ແລະ ເຖິງຄົວເຮືອນ100 ບ້ານແລະ ຕິດຕັ້ງໂທລະພາບດິຈິຕອນຜ່ານດາວທຽມໃຫ້ 100ບ້ານ ແຕ່ເບື້ອງຕົ້ນ ຊຸດທີ 1 ຈະຈັດຕັ້ງປະຕິບັດຢູ່ ແຂວງຫຼວງພະບາງ ແລະ ແຂວງວຽງຈັນ 30 ບ້ານກ່ອນ ໃຫ້ສໍາເລັດ 18 ເດືອນ ຈາກນັ້ນ ຈະໄດ້ຈັດຕັ້ງປະຕິບັດ ໂຄງການຊຸດທີ 2 ຊຸດທີ 3 ແລະ ຊຸດທີ 4 ຕາມດຳລັບ ຂໍ້ມູນ: ວຽງຈັນໃໝ່

ລັດຖະບານ ຮົງກາລີ ຕົກລົງຕັດສິນໃຈໃຫ້ເງິນກູ້ຢືມແກ່ລັດຖະບານລາວ ຈຳນວນ 100 ລ້ານໂດລາສະຫະລັດ ໂດຍບໍ່ມີດອກເບ້ຍ ແຕ່ຕ້ອງຈັດຕັ້ງປະຕິບັດພາຍໃຕ້ເງື່ອນໄຂ ແລະ ຂໍ້ກຳນົດທີ່ວາງອອກໂດຍໃຫ້ບໍລິສັດຂອງ ຮົງກາລີ ສາມາດດຳເນີນການເຄື່ອນໄຫວ ໂຄງການຕ່າງໆທີ່ສອງຝ່າຍຕົກລົງເຫັນດີຮ່ວມກັນ. ທ່ານ ປີເຕີ ຊິຢາໂຕ ລັດຖະມົນຕີກະຊວງການຕ່າງປະເທດ ແລະ ການຄ້າຂອງຮົງກາລີ ຖະແຫລງຂ່າວໃນຕອນເຊົ້າມື້ນີ້ ຢູ່ກະຊວງການຕ່າງປະເທດລາວ ພາຍຫລັງພົບປະຫາລືສອງຝ່າຍ ກັບທ່ານ ສະເຫລີມໄຊ ກົມມະສິດ ລັດຖະມົນຕີການຕ່າງປະເທດ ໃນໂອກາດເດີນທາງຢ້ຽມຢາມລາວຢ່າງເປັນທາງການ ລະຫວ່າງວັນທີ 10 ແລະ 11 ກັນຍານີ້ວ່າ:ເງິນຊ່ວຍເຫລືອລາວຈຳນວນ 100 ລ້ານໂດລາສະຫະລັດ ທີ່ລັດຖະບານຮົງກາລີ ອະນຸມັດໃຫ້ໃນຄັ້ງນີ້ ຈະມອບໃຫ້ບໍລິສັດຂອງຮົງກາລີ ຈັດຕັ້ງປະຕິບັດ 3 ໂຄງການໃຫຍ່ຄື: ການກໍ່ສ້າງໂຮງໝໍ, ໂຄງການປັບປຸງ ແລະ ຍົກລະດັບວຽກງານດ້ານສະຖິຕິຂອງລາວ, ລວມທັງປັບປຸງລະບົບສື່ສານເຕືອນໄພ ຍ້ອນວ່າໃນປະຈຸບັນນີ້ ປະຊາຊົນລາວບັນດາເຜົ່າ ປະສົບກັບບັນຫານໍ້າຖ້ວມ ເມື່ອຮອດຍາມຝົນ ສະນັ້ນ, ຮົງກາລີເຫັນວ່າມີຄວາມຈໍາເປັນດ້ານນີ້ຫລາຍສົມຄວນ ຈຶ່ງຢາກຊ່ວຍເຫລືອດ້ານບຸກຄະລາກອນ ເພື່ອຮັບມືກັບໄພພິບັດທາງທຳມະຊາດ. ທ່ານ ປີເຕີ ຊິຢາໂຕ ໃຫ້ຮູ້ຕື່ມວ່າ: ໄລຍະຜ່ານມາລັດຖະບານ ຮົງກາລີ ເຄີຍຊ່ວຍເຫລືອປະເທດລາວຫລາຍໆໂຄງການ …

ໂດຍຕອບສະໜອງຕາມການເຊື້ອເຊີນຂອງຝ່າຍລາວ ຄະນະຜູ້ແທນອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ນໍາໂດຍທ່ານ ເຕິ້ງ ໂປຊິງ (Deng Boqing) ຮອງຫົວໜ້າອົງການຮ່ວມມືສາກົນ ເພື່ອການພັດທະນາແຫ່ງຊາດຈີນ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ແຂວງຫຼວງພະບາງ ແລະ ນະຄອນຫຼວງວຽງຈັນ ແຕ່ວັນທີ 23-27 ກັນຍາ 2019. ຈຸດປະສົງການມາຢ້ຽມຢາມ ແລະ ເຮັດວຽກໃນຄັ້ງນີ້ ແມ່ນເປັນການຜັນຂະຫຍາຍແຜນແມ່ບົດການສ້າຄູ່ຮ່ວມຊາຕາກໍາ ລະຫວ່າງສອງພັກຂອງລາວ ແລະ ຈີນ ທີ່ທັງສອງເລຂາທິການໃຫຍ່ຂອງສອງພັກ ຫາກໍ່ໄດ້ພ້ອມກັນລົງນາມໃນວັນທີ 30 ເມສາ 2019 ທີ່ຜ່ານມາ ສືບຕໍ່ຊຸກຍູ້ 8 ໂຄງການໃຫຍ່ ທີ່ເລຂາທິການໃຫຍ່ພັກກອມມູນິດຈີນ ສີຈິນຜິງ ໄດ້ປະກາດໃຫ່ການຊ່ວຍເຫຼືອໃຫ້ແກ່ລັດຖະບານລາວ ເປັນການຊຸກຍູ້ບັນດາໂຄງການຊ່ວຍເຫຼືອລ້າຂອງ ສປ ຈີນ ຕໍ່ລາວ ໃຫ້ໄດ້ຮັບການຈັດຕັ້ງປະຕິບັດໄວຂຶ້ນ ພ້ອມທັງລົງສໍາຫຼວດໂຄງການຊ່ວຍເຫຼືອຈໍານວນໜຶ່ງ ຢູ່ແຂວງຫຼວງພະບາງ ແລະ ນະຄອນຫຼວງວຽງຈັນ. ໃນໄລຍະເຄື່ອນໄຫວເຮັດວຽກຢູ່ແຂວງຫຼວງພະບາງ ວັນທີ 23-25 ກັນຍາ 2019 ຄະນະຜູ້ແທນດັ່ງກ່າວ ກໍໄດ້ເຂົ້າຢ້ຽມຄໍານັບທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ເພື່ອປຶກສາຫາລືວຽກງານທີ່ສໍາຄັນໂຄງການຊ່ວຍເຫຼືອລ້າ …