ອີງຕາມຂ່າວ​ Ch3 ຂອງໄທ​ ວັນທີ​ 16​ ກັນຍາ​ 2021​ ນີ້​ ໂດຍສະເໜີຂ່າວເຫດການເກີດຂຶ້ນທີ່ຈັງຫວັດຂອນແກ່ນ​ ປະເທດໄທ​ ກ່ຽວກັບການທີ່ຊາວບ້ານແຕ່ງຊຸດນັກອະວະກາດ​ ໄປຍ່າງຢູ່ທາງທີ່ເຕັມໄປດ້ວຍບວກຂຸມທີ່ເພມາເປັນເວລາຍາວນານ ພ້ອມມີສຽງບັນຍາຍຕອນຂ່າວທີ່ອາເມລິກາຂຶ້ນໄປຍັງດວງເດືອນຄັ້ງທຳອິດ. ຈາກກະແສຄລິບດັ່ງກ່າວສ້າງຄວາມສະໜຸກສະໜານໃຫ້ກັບຜູ້ໄດ້ເບິ່ງໄດ້ຊົມ​ ແລະ​ ມີການວິພາກວິຈານໄປຕ່າງໆນານາ​ ຈົນຮ້ອນໄປເຖິງຫູເຈົ້າຈັງຫວັດ​ ໂດຍຫຼ້າສຸດທາງອົງການບໍລິຫານຕົວເມືອງຂອນແກ່ນອະນຸມັດງົບ 10​ ລ້ານ​ກວ່າ​ບາດ​ (ປະມານ​ 3,5 ຕື້ກີບ)​ ເພື່ອແກ້ໄຂບັນຫາດັ່ງກ່າວ.​

ວັນທີ​ 14​ ກັນຍາ​ 2021​ນີ້​ ສຳນັກງານສາທາລະນະສຸກຈັງຫວັດນົນທະບູລີ ປະກາດເປີດໃຫ້​ແຮງງານລາວ, ມຽນມາ​ ແລະ​ ກຳປູເຈຍ​ ໄປລົງທະບຽນຮັບສັກວັກຊີນ ຢູ່ທີ່ສາທາຂອງຈັງຫວັດ​ໂດຍເລີ່ມແຕ່ວັນທີ 13-16ກັນຍາ 2021​ ກ່ອນເວລາ 20:00​ ໂມງ. ທີ່ມາ: ไทยรู้สู้โควิด

ອີງຕາມຕາມຂ່າວ​ Ch3Thalandnews 🇹🇭 ຂອງໄທລາຍງານເຊົ້າວັນທີ 8​ ກັນຍາ​ 2021​ ນີ້ໃຫ້ຮູ້ວ່າ: ທັນວາ​ ຣາສີທະນູ​ ນັກຮ້ອງເພື່ອຊີວິດທີ່ມີຊື່ສຽງໂດ່ງດັງຂອງໄທໄດ້ຈາກໄປຍ້ອນໂຄວິດ-19​ ໃນໄວອາຍຸ​ 51​ ປີ. ເຊື່ອແດ່ວ່າຄົນລາວຫລາຍໝື່ນຫລາຍແສນຄົນຄົງຈະເປັນແຟນເພງຂອງທ່ານເຊັ່ນ​ “ໄກ່ຕາຟາງ,​ ປາໄຫຼ,​ ກິ່ງກ່າທອງ,​ 11​ ຣດ”​ ແລະ​ ອື່ນໆ ສະແດງຄວາມເສຍໃຈໃນການຈາກໄປຄັ້ງນີ້​ເຊື່ອແດ່ວ່າສຽງເພງຂອງທ່ານຈະກ້ອງກັງວານຢູ່ໃນໃຈຂອງມວນຊົນທັງລາວ ແລະ​ ໄທ​ຕະຫລອດໄປ. ຂໍໃຫ້ດວງວິນຍານຂອງທ່ສນຈົ່ງໄປສູ່ສຸຄະຕິດ້ວຍເຖີດ… ທີ່ມາ: ເພຈລາວພັດທະນາ Ch3

ອີງຕາມການລາຍງານຂ່າວຊ່ອງ7 ຂອງໄທ​ວັນທີ​ 15​ ສິງຫາ​2021​ ຜ່ານມາ​ ໄດ້ກ່າວເຖິງທ່ານ​ ສົມສັກ ເທບສຸທິນ ລັດຖະມົນຕີກະຊວງຍຸຕິທຳ ໄດ້ມີການສັ່ງການໃຫ້ທຸກໆຄ້າຍຄຸມຂັງ ທົວປະເທດດຳເນິນການປູກຕົ້ນລາຊາບີໃສ່ພື້ນທີ່ວ່າງ ເພື່ອນຳໄປໃຊ້ເປັນຢາປົວໂຄວີດ-19​ ເຊິ່ງຄາດວ່າຈະສາມາດຜະລິດໄດ້ 4​ ລ້ານເມັດຕໍ່ວັນ.​ ນອກຈາກນີ້,​ ຍັງໄດ້ມີການສັ່ງໃຫ້ສ້ອມແປງເຄື່ອງປໍ້າຢາບ້ສທີ່ຢຶດມາໄດ້ຈາກກຸ່ມຄ້າຢເສບຕິດ​ ເພື່ອຈະນຳມາໃຊ້ປໍ້າຢາປົວໂຄວິດຈາກລາຊາບີ​ໃນຂະໜາດ 500​ ມິນລີກຣາມ ເຊິ່ງຄາດວ່າຈະສາມາດຜະລິດໄດ້​ 20​ ພັນເມັດຕໍ່ຊົ່ວໂມງ. ທີ່ມາ: Ch7

ອີງຕາມຂ່າວຊ່ອງ3​ ຂອງໄທລາຍງານວັນທີ 2​ ສິງຫາ​ 2021​ ນີ້ໃຫ້ຮູ້ວ່າ ມີຊາວບ້ານ 7​ ຄົນທີ່ໄປເກັບເຫັດເຂດຊາຍແດນລາວ-ໄທ ຈຳປາສັກ​ກັບອຸບົນຣາຊະທານີຂອງໄທ​ ຈຶ່ງຖືກເຈົ້າໜ້າທີ່ທາງການລາວຈັບຕົວໄດ້ ພ້ອມປະຕິບັດຕາມກົດລະບຽບຝັ່ງລາວ. ຝ່າຍເຈົ້າໜ້າທີ່ໄທກໍໄດ້ປະສານແກ້ໄຂເຫດທີ່ເກີດຂຶ້ນຍ້ອນຄວາມຮູ່ເທົ່າບໍ່ເຖິງການຂອງຊາວບ້ານ​ ບໍ່ໄດ້ມີເຈຕະນາອື່ນໃດ ທາງການລາວກໍໄດ້ຕົກລົງເຫັນດີແຕ່ຕ້ອງປະຕິບັດຕາມມາດຕະການຝັ່ງລາວ ຄືກັກໂຕ 14​ວັນ,​ ກວດຫາເຊື້ອໂຄວິດ-19​ ໃຫ້​ລະອຽດ​ ພ້ອມກ່າວວ່າຈະສັກວັກຊີນໃຫ້ກ່ອນສົ່ງກັບໄທໂດຍບໍ່ຖືໂທດ​ ເຊິ່ງວັກຊີນດັ່ງກ່າວອາດແມ່ນ J&J ເນື່ອງຈາກວ່າສັກເຂັມດຽວແລ້ວໆເລີຍ. ຈາກຂ່າວດັ່ງກ່າວນີ້ສ້າງຄວາມຮືຮາໃຫ້ກັບສັງຄົມໄທຫຼາຍລ້ານຄົນມີຄວາມອິດສາຊາວບ້າາທັງ7ຄົນວ່າຄວາມໂຊກດີໃນຄວາມໂຊກຮ້າຍ​ ກາຍເປັນກະແສດັງສະໜັ່ນຂ້າມມື້ຂ້າມເວັນ​ ເລື່ອງເກັບເຫັດຂ້າມຊາຍແດນແລ້ວໄດ້ສັກວັກຊີນຊຝນກັນມາເກັບເຫັດເປັນແຖວ.

ວັນທີ​ 5​ ກໍລະກົດ​ 2021ນີ້​ ກົມການຈັດຫາງານ ອອກໜັງສືແຈ້ງການ ຍົກເລີກກວດຫາເຊື້ອໂຄວິດໃຫ້ແຮງງານຕ່າງດ້າວພາຍໃນປະເທດເຊັ່ນທີ່ເຮັດວຽກກ່ຽວກັບ ການກໍ່ສ້າງ,​ ໂຮງງານອຸດສາຫະກຳອາຫານ,​ ສິນຄ້າ​ສົ່ງອອກ​ ແລະຕະຫຼາດສົດ ເຊິ່ງປະກອບມີ ແຮງງານລາວ,​ ກຳປູເຈຍ​ ແລະ​ ໂດຍກຳນົດເອົາແຮງງານໃນພື້ນທີ່ ຈັງຫວັດ​ປະທຸມທານີ,​ ນົນທະບູລີ, ສະໝຸດປຣາການ​ ແລະ​ ກຸງເທບ​ມະຫາ​ນະຄອນ​. ສາເຫດທີ່ຕ້ອງຍົກເລີກຍ້ອນວ່າສະຖານະການການແພ່ລະບາດມີການປ່ຽນແປງ​ການກວດແບບເຊີງບຸກມີອັດຕາການພົບເຊື້ອເພີ່ມຂຶ້ນ ແລະ​ ຜູ້ຕິດເຊື້ອທີ່ເຂົ້າປິ່ນປົວມີທ່າອ່ຽງສູງຂຶ້ນໃນເບື້ອງຕົ້ນແມ່ນຄາດໄວ້ລວມ​ 30​ ພັນກວ່າຄົນ​ແຕ່ຄວາມຈິງເກີນຄາດ​ ເຮັດໃຫ້ສາທາລະນະສຸກພົບບັນຫາດ້ານບຸກຄະລາກອນ,​ ສະຖານທີ່,​ ຕຽງ,​ ເຄື່ອງຊ່ວຍຫາຍໃຈ ແລະ​ ອື່ນໆ​ ມີຈຳນວນຈຳກັດບໍ່ສາມາດຮອງຮັບຜູ້ຕິດເຊື້ອໃໝ່ໃນແຕ່ລະວັນໄດ້ ຈຶ່ງເຫັນສົມຄໃນໃຫ້ຍົກເລີກໂຄງການດັ່ງກ່າວ.  

ປະຊາຊົນຈຳນວນຫຼາຍພາກັນຂົນສາດມາປູນອນຕາກຝົນທັງເກືອຍຸງເພື່ອລໍຖ້າຮັບບັດຄິວກວດພະຍາດໂຄວິດ-19 ບໍ່ເສຍຄ່າ ຢູ່ໜ້າວັດພະສີມະຫາທາດ ວໍຣະມະຫາວິຫານ, ບາງເຂນ, ກຸງເທບ, ປະເທດໄທ ບາງຄົນກໍມາລໍຖ້າຄິວຕັ້ງແຕ່ 2:00 – 3:00 ໂມງເຊົ້າ ເພື່ອຈະໄດ້ເຂົ້າກວດໄວ ເນື່ອງຈາກມີການຈຳກັດຈຳນວນກວດພຽງແຕ່ 900 ຄົນຕໍ່ວັນເທົ່ານັ້ນ. ທາງໜ່ວຍງານບໍລິການສາທາລະນະສຸກໄດ້ເລືອກເອົາວັດພະສີມະຫາທາດ ວໍຣະມະຫາວິຫານ ເປັນອີກໜຶ່ງຈຸດບໍລິການກວດໂຄວິດບໍ່ເສຍຄ່າສຳລັບປະຊາຊົນທີ່ມີສັນຊາດໄທ ໂດຍເລີ່ມມາແຕ່ວັນທີ 5 ກໍລະກົດ ຈົນຮອດວັນທີ 11 ກໍລະກົດ ໂດຍກຳນົດຈຳນວນກວດພຽງ 900 ຄົນຕໍ່ວັນເທົ່ານັ້ນ.

​ອີງຕາມສູນຂໍ້ມູນໂຄວິດ-19​ ຂອງໄທລາຍງານວັນທີ 8​ ກໍລະກົດນີ້ໃຫ້ຮູ້ວ່າ: 1​ວັນຜ່ານມາພົບຜູ້ຕິດເຊື້ອ​ 7.058 ຄົນ,​ ເສຍຊີວິດ​ເພີ່ມ​ 75​ ຄົນ. ປັດຈຸບັນໄທມີຜູ້ຕິດເຊື້ອສະສົມທັງໝົດ​ 308.230 ຄົນ,​ ເສຍຊີວິດ​ສະສົມ​ 2.462 ຄົນ. ກະຊວງສາທາລະນະສຸກໄທໃຫ້ຮູ້ຕື່ມວ່າ ການລະບາດໜັກໃນຄັ້ງນີ້ເນື່ອງຈາກແພ່ລະບາດຂອງໂຄວິດສາຍພັນເດລຕາ ມີການແພ່ເຊື້ອໄດ້ໄວ,​ ໃນເບື້ອງຕົ້ນບຊ່ມີອາການ​ແຕ່ຮຸນແຮງ​ເມື່ອເຂື້ອຂະຫຍາຍເຕັມທີ່​ສົ່ງຜົນໃຫ້ເສຍຊີວິດໄວກວ່າເດີມ.​

ວັນທີ​ 8​ ມິຖຸນາ​ 2021ນີ້​ ຂ່າວຊ່ອງ8ຂອງໄທລາຍງານວ່າ: ໂຮງໝໍເອກະຊົນໄດ້ຈັດຫາວັກຊີນທາງເລືອກໃຫ້ກັບປະຊາຊົນ​ເຊິ່ງເປັນຍີ່ຫໍ້ “ໂມເດີນາ”​ ໂດຍຜ່ານອົງກອນການຢາ ຄິດໄລ່ລາຄາໂດສລະ 1.900 ບາດ​ ຫຼື​ ປະມານ​ 627.000 ກີບ​ ຫາກສັກ 2​ ໂດສຄົບຕາມອັດຕາກລຈະຖືກ​ 3.800 ບາດ​ ຫຼື​ 1.254.000 ກີບ.​ ລາຄາທີ່ກຳນົດນັ້ນລວມທັງຄ່າບໍລິດານຂອງໂຮງໝໍ​ ແລະ​ ຄ່າປະກັນຂອງວັກຊີນ​ ແຕ່ການຈັດສົ່ງວັກຊີນຍັງບໍ່ເປັນໄປຕາມແຜນ ຕ້ອງລໍປະມານເດືອນຕຸລາ​ ເບື້ອງຕົ້ນແມ່ນກຳນົດຊື້ມາທັງໝົດ 10​ ລ້ານໂດສ​ ແຕ່ຈະແບ່ງການຈັດສົ່ງເປັນ​ ​3​ ງວດ​ ຕໍ່ເນື່ອງກັນ.​ ຂໍ້ມູນ: ຂ່າວຊ່ອງ8ໄທ

ອີງຕາມຂ່າວໄທຣັດ ວັນທີ​ 2​ ມິຖຸນາ​ 2021​ ນີ້ໃຫ້ຮູ້ວ່າ: ສານຈັງຫວັດມຸກດາຫານອອກໝາຍຈັບ “ລຸງພົນ”​ ຫຼື​ ຊື່ຈິງ “ໄຊຍະພົນ” ກ່ຽວກັບຄະດີນ້ອງຊຸມພູ່ ໃນຖານຄວາມ 3​ ຂໍ້ຫາ​ ຄື: ພາກເດັກ, ຖິ້ມເດັກໃຫ້ເຖິງແກ່ຄວາມຕາຍ ແລະ​ ກະທຳການໃດໆແດ່ສົບ ຫຼື​ ສະພາບແວດລ້ອມເຮັດໃຫ້ການຊັນນະສູດສົບ​ປ່ຽນແປງ​ ຫຼື​ ຮູບຄະດີ​ປ່ຽນແປງ.​ ສະຫຼຸບຄື: ຈາກຫຼັກຖານທາງວິທະຍາສາດ,​ ຈາກການ​ຊັນນະສູດ,​ ຈາກເຫດການຕ່າງໆກ່ຽວກັບທາມລາຍລຸງພົນ ແລະ​ ອື່ນໆ​ ຖືວ່າເປັນຄວາມຜິດທາງກົດໝາຍ​ ດັ່ງນັ້ນ,​ ສານຈຶ່ງອອກໝາຍຈັບ.​